سلسلة بنت بنوت ..... 1- مفيش منك أتنين

[المدرب حسام الدين محمد 20]

سلسلة بنت بنوت ..... 1- مفيش منك أتنين

متستغربش ولا حاجة ؟

أيوة أنا اللى كاتب المقالة دى مش حد تانى !!!

عادى يا سيدى ويا ستى والله

والسبب / يمكن نفسى أفهم هذا المخلوق اللى مابين عجيب أو أمممم جميل أو ممكن هايل او مجنون هههههه ، مين هو الكائن ده ؟

قال عليه كريم الشادلى

( أنه لم يكن نكره ابدا ، أو جزء من مكملات الحياة بالنسبة له ، بل كان هذا المخلوق رفيق لدربه وأنيس وحشته )

ايوة ايوة يا سيدى مااااااشى معرفتكش انا كده بقى هههههههه .

ياترى بيتكلم على مين ؟

وبعدين كمل كلامه وقال ( انها المرأة ولا يلحظ قيمة المراة الحقيقية الا المتأمل في قيمتها في تراثها وتاريخها بشرط أن يكون صاحب عقل ثاقب لماااح )

ياااااااا رااااااجل ، انت بتتكلم على البنات ، البنات اللى احنا عايشين معاهم دول

والله ما عارف ولا فاهم منهم أى حاجة أوقات بجد مخلوق طيب واوقات غريب تخاف منه او تقرب منه وكلهم مختلفين يعنى بمعنى أصح ( مفيش منك اتنين ) وانا مش طالب أنى اتكلم على انواعه كفاية أتكلم على واحدة بس .

وهدفى من كل ده نفسى أفهم وتشاركونى تفاعلكم واللى عنده رد أو مشاركة ياريت يقولى .

أنتى مين ؟ :

مشكلتى كنت فاهم أن البنات زينا بالضبط !! والبركة فى كده طنط ( سعاد حسنى ) لما قالت البنت زى الولد مهش كماله عدد ، يعنى هما زينا فى كل حاجة كل الحقوق وكل الواجبات عايشين معانا والغى بقى نظريه ( سى السيد ) دلوقتى خالص مش وقتها ووقف شريط الافلام ده كمان علشان الكلام ده طلع غلط خالص ، ولانى كنت فاكرها زى الولد كنت فاكر هى عايزة اللى بنعوزه وبتحس اللى بنحسه بس مطلعش كده فى اختلاف كبير جدا جدا .

( القصة كلها أن التفكير ممكن يكون قريب وممكن يكون الشخصيات فعلا قريبة من بعض ومتفاهمه بس بردوا دماغ البنات غريبة جدا وعجيبة جدا وبينى وبنكم جميلة بردوا ههه )

المشكلة فين :

فى مشكلتين اساسيتين فى التعامل مع البنات

غالبا الولاد لما البنت تيجى تحكى مشكلة وتقعد تتكلم كتييييييييييير والولد بيزهق اصلا فيقوم نتيجة انه راجل يعنى يقوم قايل حلول لكل خطا حصل وكده يعنى

وشوف بقى ازاى ان هى اصلا عارفه الحل بس هى مش عايزه منك غير تسمعها وبس ( انت فاهمنى صداع وخلاص يعنى هههه ) ودى اول واحدة .

التانية بقى لما حضرتك تكون مع البنت وتقوم هى تقولك اقتراح تعمله متبقاش تزعل أوى كده عادى يعنى عايزة تساعدك ( يعنى من الاخر متحسهاش نقص ولا حاجة فيك بالعكس خد الامر ببساطة وشاركها معاك بجد هتسفاد يعنى واسال أهل الخبرة والمقالة دى مش من فراغ ههههههه )

ممكن تسمعينى ؟ :

ممكن بلاش الحاجات دى علشان مش حلوة فيكى ؟

او ياريت تغيرى كده والافضل يكون فى بديل ممكن ؟

بكل بساطة ترد عليك وتقولك ( لاااااااااا )

طبعا لازم تقولك كده بيقولك راحوا فى جامعه من بتوع بلاد بره وعاملوا دراسه كده فالاخر طلعت النتيجة ان 75% مش بيحبوا نعم يانهاااااااااااار المهم لما حتقولك لا

طبعا حضرتك ساعتها تحس ان مقدرتك شكيت فيها وأنك مبقتش محل ثقة ولا تقدر اصلا وموضوع أنك تسمع لها وتنصت لا الكلام ده مش دلوقتى

وتلاقيك بتقول بصوت واطى كده وانت متعصب ( يعنى ايه ؟ مش فاهم ؟ ممكن تعيدى كده تانى) انا بحذرك او تقولها كده علشان هى هتقولك بصوت اعلى منك

( لااااااااا مش هعمل كده )

أوعى تتعصب اكتر وحاول ان تصلح الامر بانك تحاول تبطل المشاعر السلبية بانك عاوز تفرض عليها حاجة وقوله امثلا ( خلاص انسى خالص اللى قولته ) وقوليلى رايك انتى ؟

الحل فى المشكلات دى انها مش عاوزه منك كلام وأمر ( عايزة منك تعاطف وعاطفة اكتر )

الاحساس بالغيره :

جينا بقى فالكلام اللى الكل يمكن نفسه يعرفه

هى بنت لما بتحب وعارفه انك بتحبها مثلا هي مش عايزة منك تقولها هى عايزة تشوف فيك ده

فتعمل أى حاجة علشان تثير عند الغيرة والعصبية أى حاجة تحركك ليها وتحس أنك خايف عليها

( مش بقولكوا كائن عجيب مفيش منه اتنين ) وكل بنت وليها اسلوبه الخاص فده علشان كده اوعى تفكر اسمع كده الجلمة دى ( على الرجل أن يقرر اما أن يحب المراة واما ان يفهمها ) اختار بقى يا حلو يا تحبها بقى وتعمل وتعمل تانى مش تقول وبس ياما تقعد تفكر علشان تفهمها وساعتها هتتعب اوى هههههه .

واوعى ربنا يخليك تعمل مش فاهم الحركات دى علشان اصلا البنات مش بتقول هى بتعمل كده ليه لان فى عقلها ان انت فاهم هى قصدها ايه حتى فالكلام ممكن تقولك كلام انت مش فاهم هى بتتطلب ايه لان اللغه مختلفة اصلا علشان كده خد بالك البنات شايفة الولاد انهم مش لماحين ويعنى الولد مش فاهم ويتعجب كتير جدا !! طيب هى بتعمل كده ليه ههههههه

وعايزك تفهم حاجة البنات لا تصرح بحاجتها للراعاية والاهتمام دى حاجة تيجى منك انت

وانتى كمان متصعبهاش عليه هو مهتم بيكى بس هو مش فاهم اوى .

متبقيش عنيدة كده :

مش قصدى العناد اللى فى بالكوا

فى دراسة بتقول ( ان الناقلات العصبية التى تربط بين فصى المخ ( الايمن والايسر ) موجودة بكم أكبر في مخ البنت عن مثيلاتها فى مخ الولد وده يعنى ان الولد بيستخدم نصف مخه الايمن

( الخاص بالمشاعر ) اكثر من قدرته على استخدام النصف الايسر ( المخصص للتفكير العقلانى ) لما بيقع فى الحب يعنى .

بس البنت بتقدر تستخدم الاتنين فى نفس الوقت يعنى هى تقدر تحب وتفكر فى اللى بتعمله فى نفس اللحظة وده سبب اكيد فى ان الاختلاف سبب فى كل من الولد والبنت يفكروا بطريقة مختلفة .

الولد شايف ان الحب والمنطق مينفعوش مع بعض، البنت لا شايفاه صح جدا وبكده لازم الولد يتجنن طبعا علشان بيحبها بس هى بتحب تكون متحفظة على كده جدا ..

مش حكمل فى السلسلة غير لما اعرف رايكم فى المقالة دى

[حورية الجنة 114]

لا روعة و اللهبسم الله ما شاء الله وكمان الاسم أحسنتم اختياره ولفت نطرى من بعيد من اول ما لمحته

 

فى دراسة بتقول ( ان الناقلات العصبية التى تربط بين فصى المخ ( الايمن والايسر ) موجودة بكم أكبر في مخ البنت عن مثيلاتها فى مخ الولد وده يعنى ان الولد بيستخدم نصف مخه الايمن

( الخاص بالمشاعر ) اكثر من قدرته على استخدام النصف الايسر ( المخصص للتفكير العقلانى ) لما بيقع فى الحب يعنى .

بس البنت بتقدر تستخدم الاتنين فى نفس الوقت يعنى هى تقدر تحب وتفكر فى اللى بتعمله فى نفس اللحظة وده سبب اكيد فى ان الاختلاف سبب فى كل من الولد والبنت يفكروا بطريقة مختلفة .

الولد شايف ان الحب والمنطق مينفعوش مع بعض، البنت لا شايفاه صح جدا وبكده لازم الولد يتجنن طبعا علشان بيحبها بس هى بتحب تكون متحفظة على كده جدا ..

 

 

مع انى كنت فاكرة العكس واستغربت كتير لما عرفت نتايج الدراسة دى واضح انى هعرف حاجات كتير من الموضوع ده لما اكمل باقى السلسلة .

فى انتظار بقية السلسلة فىأقرب وقت بارك الله فيكم ونفع يكم .

تم تعديل October 24, 2011 بواسطه حورية الجنة

[احلام بلدى 2]

من السهل قوى ان الراجل يقدر يعرف شخصيه الست وكذلك العكس يا ريت نبعد عن المجاملات العبيطه اللى بنعملها مع بعض فى فتره التعارف ونحاول اننا نتعرف بطريقه اوضح لو حصل حب يبقى باقى الخلافات دلع منك او منها ولو محصلش نصيب يكون احسن

[haytham84 2]

موضوع جميل جدا و بيساعد الواحد علي انه يفهم الطرف الاخر و ياريت تكمل السلسلة علشان انا عندي فضول اعرف معلومات اكتر عن طبيعة المراءة و كيفية التعامل معها.