يبقى انت اكيد فى مصر

[حياتى من اجل ربى]

اولا : هذه الواقعه حقيقيه ويمكن تكون مش جديده على كتييييير منكم الا انى اول مره اشوفها وحزنت كتيييير اوى

حدثت عندما كنت فى الجامعه اجلس مع اصدقائى وبعدين حصلت امامنا خناقه كبيره بين شباب من طلاب الجامعه يعنى

انا عن نفسى قلقت خاالص علشان قولت دى جوا الحرم الجامعى يعنى هيجى الحرس الجامعى ((يودى كله فى داهيه))

وكاااااانت المفاجاه.................طبعا الحرس جيه بعد ماالمشكله قربت تخلص اصلا ((طبيعى يعنى)

ايه الجديد بقى؟؟؟؟؟؟؟؟؟ اقولكم اول ما جيه الظابط قال:: الكرنيهات ويالا معايا على المكتب ..راح طالب منهم خدو على جنب وادالو ((سيجاره))

و50 جنيه وقالو على فكره هما اللى غلطانين --رد عليه ::ماشى يا جميل والموضوع خلص والفريق الاخر من الخناقه هو اللى راح على المكتب علشاااان...........يخدو منهم هما كمان ويماشوهم وفعلا هو ده اللى حصل؟؟؟

على فكره ده مش عسكرى ولا ظابط ده رئييييس الحرس الجامعى بتاع الجامعه كلها ...(ماشاء الله)راجل ربنا يخليه للشعب..الله عليكى يا مصر

انا خايفه بعد كده من كتر الموضوعات الرخمه والمشاكل اللى انا بكتبها فى المنتدى تسمونى ((الانسه مشاكل))

بس والله الموضوع ده كنت اول مره اشوفو على الطبيعه وكانى مش عايشه فى مصر انا كنت بشوفو على طول فى المرور اما عسكرى يوقفك ويقولك (ظبط نفسك يا كابتن او يا انسه)

انما لم اتخيل انها توصل ..........المهم قولتلكم الواقعه دى علشان اقولكم على حديث النبى صلى الله عليه وسلم *روى يزيد بن هارون أنبأنا عبد الملك بن قدامة عن المقبري عن أبي هريرة رضي الله عنه عن النبي صلى الله عليه وسلم أنه قال: سيأتي على الناس زمان سنوات خداعات: يصدق فيها الكاذب ويكذب فيها الصادق، ويؤتمن فيها الخائن ويخون فيها الأمين، وينطق فيها الرويبضة. قيل يا رسول الله وما الرويبضة؟ قال: الرجل التافه ينطق في أمر العامة .

صدقت يا حبيبى يا رسول الله

يؤتمن فيها الخائن ويخون فيها الأمين،

طب دى المشكله ؟؟؟؟؟؟؟الحل بقى ؟؟؟؟؟؟؟؟؟ انا شايفه ان مافيش امامناغير الدعاء لهذه الامه بالنصره وان يعز الله دينه وان يهدى كل عاص وان يجعل اعمالنا خالصه لوجهه سبحانه وان يكرمنا بالعمل الصالح الذى يرضى به عنا ---مستنيا ارئكم التى اعتز بها

تقبلو منى قائق احترامى وتقديرى لكم

 

تم تعديل December 21, 2008 بواسطه حياتى من اجل ربى

[Shetos]

يظهر إنك مش عايشة فى مصر فعلاً..

 

أنا كنت مرة راكب جنب واحدى صاحبى فى عربيته ووقفنا فى كمين..

 

الظابط وكان برتبة عميد كان عايز يدى صديقى مخالفة أى كلام طبعاً..

 

صديقى إدياله 100 جنية..

 

العميد إبتسم وقالى لصديقى ..

 

مسائك عسل..

 

وطبعاً مشينا..

 

تخيلو عمييييييييييييييييييييييييييد..

 

بيقولو المصريين : لو كان نيلك يا مصر صلصة مكنش كفى الكوسة اللى فيكى..

 

شكراً حياتى من أجل ربى على إظهار بعض من معاناة المصريين فى مصر..

[حياتى من اجل ربى]

للاسف هو ده حال مصر

يالا ربنا معانا --ويهدى الجميع

شكرا لمرورك اخى العزيز

[«۞۩ أبو سليمان ۩۞»]

موضوع رائع اختي آنسة مشاكل آسف قصدي حياتي من أجل ربي

 

:lololo:

 

الموضوع ده اصبح عادي جدا جدا جدا جدا جدا الأيام دي

 

بس عاوز اعرف هو السيجارة اللي اخدها الظابط نوعها ايه ؟؟؟؟؟

 

اكيد مارلبوبرو , اصل لو كانت كوكو الضعيف كان هيبقي في كلام تاني :lololo:

 

موش عارف الواحد يقول ايه

 

ربنا يصل حالنا جميعا

 

اللهم آمين

[ديدو]

فعلا عظيمة يامصر

 

أنا بقى فكرت مرة انى اروح أجيب البطاقة الانتخابية بتاعتى من المركز اللى انا تابع لية , ولما روحت للموظف المسؤال وطلبتها منة قالى مش فاضى علشان لسة هيدور عليها وكدة قولت خلاص سيبك منها وامشى ولسة نازل من على السلم لقيت موظف تانى كان فى المكتب بينادى عليا بيقولى تعالى ياأستاذ انا هعملهالك قولت كويس ومشيت معاه فجاة لقيتة اتلفت ناحيتى وقالى بصوت منخفض : بص انا لاهقولك 20 ولا 15 هات بريزة (10 ج) وانا هخلصلك كل حاجة

تخيل 10 جنية فى البطاقة الانتخابية اللى هى المفروض ببلاش , يااااااااااااابلاش

وغيرة من المواقف اللى الواحد بيشوفها يوميا سواء فى الشارع او النادى اوالجامعة او .......

 

ربنا يرحمنا جميعا , شكرا اختى حياتى من اجل ربى موضوع رائع كالعادة

[حياتى من اجل ربى]

dr abcarino

اولا اشكرك على مرورك وردك الرااااااااااااائع

زاد موضوعى شرفا ردك عليه---ثانيا: بالنسبه لنوع السيجاره فمن الواضح انها كانت من النوع الغالى لانه خدها وسكت على طول

لا حول ولا قوه الا بالله ---اسال الله ان يعز الاسلام والمسلمين وان يهدى الجميع امييييييييين

 

ديدو

اسعدنى مرورك كثيرا اخى ---- وهى للاسف كل القصص بقت كده واللى عايز يمشى حاله فى الدنيا دى ((يظبط نفسه))زى ما بيقولو.......... حتى والله ده مش فى الاماكن الشعبيه بس ولا فى الجامعات والمرور بس تقول دول ناس موظفين غلابه برضه

لأ ده حتى فى ارقى الاماكن ((فى سيتى ستارز))مول كبير عندنا فى القاهره وحصل موقف مشابه مع الامن برضه

ربنا يحفظنا وسبحان الله مع ان حبيبى محمد صلى الله عليه وسلم قال ((لعن الله الراشى والمرتشى))

تقبلو فائق احترامى وتقديرى لجهودكم

[اعتز بحجابى]

اه ما انا عارفه كنت معاكى ساعتها

[حياتى من اجل ربى]

انا اصلا مش كاتبه الموضوع ده ليكى حد قالك انى بقلهولك تانى

بس على العموم تسلمى على العموم ونورتى موضوعى

[رجل من الصحراء]

يارب سلم

[حياتى من اجل ربى]

جزاك الله خيرا اخى الكبير على المرور

يارب

امين

[NADA]

كمان وقايلاها علنى

 

أنا لازم أروح لرئيس الامن بتاعكو ده وهطبع الموضوع واوريه له

 

ابقى ورينى بقى شطارتك وانت داخله الجامعه

 

,,, ربنا يكون ف عون الناس والله ,, مش عارفه هيخلونا نعمل ف نفسنا ايه تانى أكتر من كده

 

شكرا حياتى ,, هبقى أطن عليكى عند أم غريب

[حياتى من اجل ربى]

عارفاكى يا ندى والله

بنت جدعه جداااااااوتعمليها

على العموم يا جماعه

انا بحبكم كلكم وسلامى ليكو

وماتنسوش عيش وحلاوه وكده

خليكو شباب جدعه

بس مش زى ندى

[تاجى حجابى]

هههههههههههههههههههههههههههههههه

والله يا ندى انا متفقه معاكى فى اللى كنتى هتعمليه

ده كلام يتقال فى منتدى على النت يا حياتى

[حياتى من اجل ربى]

شكرا تاجى

ربنا يخليكى ليا

[orgowan]

كااااااااااااااااااااااارثه

المشكله انه اصبح لدى الاغلبيه امر معتاد

وتلك هى الكارثه

شكرا لك يا حياتى

[حياتى من اجل ربى]

شكرا لك حبيبتى

كل عام وانت بخير

وفقك الله الى ما يرضيه فى هذا الشهر الكريم

[ali desoky]

مش لاقي رد علي الموضوع ده غير

 

يبقي انت اكيد ............ اكيد

في مصر

 

 

 

شكرا لكي اختي حياتي من اجل ربي

علي موضوعاتك الجميله جدا

والتي حرمنا منها منذ فتره

نتمني عودتك الينا بسرعه

لامتاعنا بموضوعاتك الواقعيه

 

 

شكرا ملكة الواقعيه

تم تعديل September 16, 2009 بواسطه alidesoky