ايه نظامــــــــك

[نـــــــــــور 199]

سؤال:

• عمرك حسيت إن اللي قدامك مش فاهمك كويس؟؟

• عمرك لاحظت إنك مش قادر تقنع اللي قدامك بوجهة نظرك؟؟

المشكلة دي بتواجهنا كلنا...

ساعات بتلاحظ إنك بتكلم حد في موضوع وهو مش قادر يوصل للفكرة اللي إنت عايز تقولها.. صح؟

 

عارف ليه؟

 

طيب قبل ما نجاوب السؤال ده هنلعب مع بعض لعبة صغيرة!

 

 

هاسألك كام سؤال.. أوك؟؟

 

(أهم حاجة في الموضوع هنا إنك تجاوب الأسئلة دي عشان هتحتاجها بعدين.. ما ينفعش تكمل قراءة من غير ما تجاوب عشان تستفيد من الموضوع ده....)

• فكر في أي صديق ييجي في بالك حالاً... اتكلم عنه في 3 أسطر على الأقل

 

 

 

• اوصف المكان اللي إنت قاعد فيه دلوقتي... في 3 أسطر على الأقل

 

 

 

 

تخيل نفسك بعد 10 سنين من دلوقت في موقف معين.. اوصف الموقف اللي إنت متخيله ده بالتفصيل الممل

 

 

*ارجوى كتابه ردك بالورقه و القلم علشان تكون الاستفاده اكبر*

 

 

خلصت اللعبة؟؟ يلا بقى نعرف إيه الحكاية...

الأنظمة التمثيلية:

مخ الإنسان يا عزيزي عبارة عن أرشيف بيخزن كل المعلومات اللي الواحد مننا بياخدها في حياته, ويسترجعها وقت الحاجة.

 

اكتشف العلماء إن الأرشيف ده كذا نوع... مش نوع واحد...

 

 

وطبقاً للنوع ده بيتقسم الناس لثلاث (أنظمة تمثيلية) رئيسية:

 

شخص بصري

 

 

شخص سمعي

 

 

شخص حسي (شعوري)

 

 

يعني إيه الكلام ده؟؟ بص وطل معايا على الجدول ده:

 

النوع

طريقة عمل المخ

سمات شخصية

البصريبيخزن المعلومات على شكل صور وأشكال.. ذكرياته وتفكيره عبارة عن صور.

بيتذوق الفن التشكيلي - أنيق - سريع الحركة والكلام واتخاذ القرار.

سمعيبيخزن المعلومات كأصوات - بيفتكر الأصوات والكلام اللي اتقال في موقف ما أكثر من أي حاجة تانية.

يتذوق الموسيقى - يميل إلى العقلانية وتحليل الأمور - غير متسرع.

حسي

(شعوري)بيخزن المعلومات كمشاعر وأحاسيس - ممكن مايفتكرش من موقف ما غير الأحاسيس والمشاعر اللي كانت عنده وقتها

منخفض الصوت - بطيء الكلام - تتخلله فترات صمت - قراراته تتحدد طبقاً لمشاعره - لا يهتم بالمظهر..

 

 

 

 

راجع إجاباتك اللي فاتت (مش قلت لك مهمة؟) عشان تعرف نظامك التمثيلي:

 

اتكلم عن صديق جه على بالك:

 

 

 

لو كنت بصري: هتوصف شكله ومظهره.. طويل - قصير - ملامحه...

لو كنت سمعي: هتوصف طريقة كلامه وصوته عالي ولا منخفض وتقيمه تقيم عقلي (تفكيره كويس - لاسع....)

لو كنت شعوري: هتوصف أحاسيسك وشعورك ناحيته.. (مريح- باكره- باحب..)

 

 

اوصف المكان اللي إنت قاعد فيه:

 

لو كنت بصري: هتوصف الديكور والألوان والأشياء اللي حواليك

لو كنت سمعي: هتوصف الأصوات (ضوضاء - هادئ....)

لو كنت شعوري: هتوصف أحاسيسك ومشاعرك (مكان مريح - الكرسي ناشف..)

 

 

- تخيل نفسك بعد 10 سنين..

 

لو كنت بصري: هتوصف شكل المكان أو الناس اللي حواليك.

لو كنت سمعي: هتوصف الأصوات والكلام اللي بيتقال.

لو كنت شعوري: هتوصف مشاعرك في هذه اللحظة..

 

عرفت بقى نظامك التمثيلي؟؟

أحياناً الإنسان له أكثر من نظام... يعني (سمعي- بصري) أو (شعوري- سمعي) كده يعني.. وممكن تتغير الأنظمة من وقت للتاني ومن سن للتاني...

 

اسألهم أسئلة من عينة (احكي لي الموقف الفلاني...) ولاحظ هيوصف أشكال ولا أصوات ولا أحاسيس... جرب وابعت.. وياريت تقول لنا عملت إيه....

 

طيب والكلام ده مفيد في إيه؟؟

عايز تعرف؟؟

 

يبقى استنانا الحلقة الجاية... إلى اللقاء...

[احلام بلدى 2]

ماشاء الله عليكى يا نور حلوه وجميله فى كل حاجه

 

ربنا يزيدك

[نـــــــــــور 199]

 

ماشاء الله عليكى يا نور حلوه وجميله فى كل حاجه

 

ربنا يزيدك

 

 

ربنا يخليكى حببتى

مرورك الاجمل والاحلى

[عاشق الصداقه 525]

الموضوع أكثر من ممتاز - فضلت مخليه مفتوح فى المتصفح وكل مره أدخل مستعجل ومقدرش أقرأه وأنا مصر أقرأه وفضلت كده 6 أيام ،، وأدينى قرأته ، وقبل ما أقفله طبعاً لازم أشكر أختى الفاضلة نور على الموضوع المميز الرائع

 

أنا حضرت تدريب كامل مميز علشان أعرف أنماط الشخصية وأحدد شخصيتى ،، الكلام ده كان من حوالى 4 سنين

بخصوص الموضوع ومن خلال المعلومات والإختبار اللى فيه فأنا (مشاعرى - بصرى)

 

وجزاكم الله خيراً للموضوع المميز وبإنتظار الحلقة التانيه

 

تم التقييم - تحيتى وتقديرى

[ali desoky 391]

بالفعل موضوع اكثر من رائع ويستحق التقييم

انا كده ممكن اكون (مشاعري بصري)

جزاك الله كل خير يا اختاه

[نـــــــــــور 199]

 

 

الموضوع أكثر من ممتاز - فضلت مخليه مفتوح فى المتصفح وكل مره أدخل مستعجل ومقدرش أقرأه وأنا مصر أقرأه وفضلت كده 6 أيام ،، وأدينى قرأته ، وقبل ما أقفله طبعاً لازم أشكر أختى الفاضلة نور على الموضوع المميز الرائع

أنا حضرت تدريب كامل مميز علشان أعرف أنماط الشخصية وأحدد شخصيتى ،، الكلام ده كان من حوالى 4 سنين

بخصوص الموضوع ومن خلال المعلومات والإختبار اللى فيه فأنا (مشاعرى - بصرى)

وجزاكم الله خيراً للموضوع المميز وبإنتظار الحلقة التانيه

تم التقييم - تحيتى وتقديرى

 

هههههههه

انا للاسف اكتشفت ان

( مشاعرى حسى او شعوري )

حاضر ان شاء الله فى اقرب وقت هتكون الحلقة التانية جاهزة

تم تعديل November 18, 2011 بواسطه نـــــــــــور

[نـــــــــــور 199]

بالفعل موضوع اكثر من رائع ويستحق التقييم

[/center]

انا كده ممكن اكون (مشاعري بصري)

[/center]

جزاك الله كل خير يا اختاه

[/center]

 

 

 

الاروع هوة مروركم بالموضوع

جزانا واياكم اخى على