أنا أريد وأنت تريد والعسكر يفعل ما يريد

[المدرب حسام الدين محمد 20]

أنا أريد وأنت تريد والعسكر يفعل ما يريد

 

 

صباح الخير أو مساء الخير زى ما تكونوا بسلم عليكوا

ها أنت عاوز حرية

ها أنتى عاوزة عدالة أجتماعية

يبقى نروح نموووووووووووت ونررررررررجع لبعض تانى هههههههههههه

 

بجد معرفش بقالى كتير جدا مش بكتب مقالات فى التنمية السياسية يمكن من ايام الثورة ويوم التحرير وحاجات كتير بس من الواضح أنى كنت عاوز ساعتها حاجة وأنت كمان كنت عاوزها وبجد اتخدعنا فيها وكل يوم أقول لا ده بكرة أحسن من اللى قبله هو بس المجلس العسكرى مش عاوز يضرنا هو شغال وحكومة ( عمو شرف جاتوه القرف ) قولت من الاول مينفعش ده واحد سنه 2000 كان وزير النقل واتفصل علشان قطار الصعيد المحروق يبقى ازاى يبقى رئيس وزراء فى فترة صعبة زى دى .

 

المهم أن اللى شوفته من يومين بيحصل فى مصر فكرنى بنفس الاحداث بتاعه 25 يناير

القوى السياسية خايفة تنزل والشباب هما اللى بتحركوا وبيموتوا وبيستشهدوا

الاختلاف الواضح فى أن الامن المركزى والشرطة ذاكرت العقله اللى فاتت كويس وراجعه بعد هدنة 9 شهور تردها تانى وزى ما قريت تعليق على الفيس بوك امبارح بيقول

(اعزائى المشاهدين نبدأ على بركة الله الشوط التانى بعد استراحة دامت 9 شهور !

لو قاعد فى الميدان هتلاقى الشرطة على يمينك و الشعب على شمالك

نفكركمبطقم الحكام مدرعة حكم الساحة و دبابتين حكام راية ...

واحد يقولى مباركخرج الشوط الاول و نزل مكانه المشير اقوله فعلا

يا مسهل شكله شوط تانى سخنكل الامنيات الطيبة للشعب !!) ههههههههههه

هو كده بالضبط فعلا ........

 

طيب المهم أنا كنت مثلا اقعد افكر فى موضوع واتوه فى التفكير كنت بسال نفسى سؤالين

انا مين ؟ وعاوز ايه ؟ وكنت بحدد

انا نفسى أعرف أحنا عاوزين ايه بالضبط ؟ والمجلس العكسرى عاوز اية ؟

كلام امبارح جننى لما يسالوا الشباب أنتوا عاوزين ايه ؟ وايه اللى جابكوا عند وزارة الداخلية

الصراحة محدش جاوب غير بعد الساعه 6 المغرب يعنى بعد العلقة والطرد من ميدان التحرير

وقالوا عاوزين تسليم السلطة والانتخابات فى موعدها !!

والعسكرى بقى مش بيتكلم خالص عمل حركة عالية اوى وتحس أن الدماغ دى من فراغ

بعد ما طرد الشباب بدل ما يستولى على الميدان مشى علشان الشباب يرجع تانى فيحصل احتكاك تانى فيحصل ضرب تانى فيحصل أحكام عرفية تانى فيقول مفيش انتخابات تانى

.. وتانى تانى تانى راجعين للضرب تانى ههههههههه

يا عم يا عسكرى أنت عاوز تاخد السلطة ومستنى ( مستر مبارك ) يموت أقولك أنسى مش هيموت عشم أبليس فالجنة هههههه

والسبب فى كده أن أعضاء الحزب الواطى ده داخلين بقوة مستخبين فى القوائم بتاعه الاحزاب داخل 12 حزب عدد كبيرأوى

 

وطبعا افتكرت أغنية عامر يوسف بيقول فيها ايه ( ذهب الليل وطبع الفجر والشعب اتحرر واما حاول يختار مرة معرفش يقرر ، كل يومين يطلع كام واحد عاوز يترشح منهم اللى زمان كان فاسد مش عايز أفضح بعد كده بقى واحد عادى من كان ليه اصبح واحن اوسط الزحمة طبيعى منعرفش الاصلح ) ههههههههه والله عنده .

 

وانا مش حرد عليهم وهاخلى عدوية يقولهم

( أنسى انتخابات زمان ... المجلس مش تكية .... التصويت يا جدعان ... محتاج لمفهومية

ومتديش الامان ... سيبك من الاكرامية ... من باع ضميره خان .... معنى الديمقراطية

اروح اختارلى نايب ... مبيخدم شالنسايب .. ياخدى بيدى ... خير البلد دى

حقى مش مال وسايب ) وقشطة عليك يا عم انت لو شوفت فى ايام الانتخابت هفضحك وانت يا عم العسكرى من الاخر حقنا البلد دى وسيبنا نطورها زى ما احنا شايفين ولما طلع يوم التنحى وقال ان المجلس العسكرى هو اللى ماسك مش معناها انك ماسكها على طول قولنا فترة انتقالية

والله أنت اخرتك رشة واحدة من فليت العسكرى تضيع على طول لانه قاتل كل الحشرات الزاحفة اللى بتخطف الثورات ههههههههه

 

هنعمل ايه ؟

اولا : محتاجين نفهم أحنا عاوزين ايه ؟

ثانيا : نحتاج اختيار من يمثلنا للتصدى أمام كل من يعوق ثورتنا

ثالثا : الحوار اهم من العمل ضد الاصلاح

ويلا سلااااااااااااااااااااااااااام

[haytham84 2]

مبارك و المجلس و جهان لعملة واحدة.

[فراشة 8]

والله ما حدش يحب تتكرر المأساة تاني

وبكره اوي ان اسمع ان في ناس استشهدوا وقتلوا على ارض مصر ارض الكنانة

ربنا يعدي الايام اللي جاية على خير يا رب