الجندى المجهول 37 قام بنشر January 6, 2009 مفيش حاجه مافيش حاجة مانيش عايزة خلاص حاجة ولا محتاجة انا لحاجة ولو عايزة صحيح حاجة مخليتوليش ولا حاجة عموماً بصوا فيه حاجة هقولها بس محتاجة لعقول تفهم ولو حاجة مهيش مفهومة او حاجة نفسرها بكام حاجة نوضحها بكام حاجة وأهى حاجة مع حاجة هتظهر وتبان لنا حاجة وانا ما بخفش من حاجة مانيش مسنودة ولا حاجة لكن ما بخفش من حاجة لكن فرضاً لو هقول حاجة هيحصل إيه ؟؟؟ ولا حاجة هيعملوا إية ؟؟ ولا حاجة و بعد الشر بعد الشر لو واحد من القاعدين من السامعين من الضالين فِهِم حاجة هَيعملوا إيه ؟؟؟؟ اكيد برضُه ولا حاجة فنتوكل على الستار لوجه الله نقول حاجة فيه ناس بتعيش علشان حاجة وناس بتموت علشان حاجة وناس بتموت على الحاجة وناس تديلك الحاجة وتبقى ليها محتاجة وناس تديلك الحاجة و تاخد ادامها ميت حاجة وناس تكبر تكون حاجة و ناس تصغر علشان حاجة وناس منظر ومش حاجة وتلقاه كبيرحرس ونفير عليه منظر وهو جبان وشيخ منصر ولا يبـنش عليه حاجة كلامى يا خلق فيه حاجة؟ لحد دلوقتى فيه حاجه؟ كلام عادى وبسيط جداً ولا فِهشِ ولا حاجة ما انا ما أقدرش أقول حاجة صحيح نفسى أقول حاجة وميت حاجة لكن مش قادرة اقول حاجة لأنى لو هقول حاجة هييجى ناس بتوع حاجة وياخدونى ورا الحاجة وهو لو سمع حاجة هيعملوهالى ميت حاجة عموما بصو لو واحد من القاعدين عاوزنى أبلغه بحاجة يقول مايخفش من حاجة نعم فيه إيه؟ لالالالالأ مافيش سرقه ولا تهليب ولا تهريب ولا حاجة وبتقول إيه مصمصوا إيه؟ وخصخصوا إيه؟ ده كله كلام مفيش حاجه قضية إيه؟ ياشيخ روح خلاص مافيش حاجه حرامى إيه ؟ ولَكّح إيه؟وهرب إيه؟ شــفـافـيـه ومافيش حاجة وبتقول إيه؟لالالآلأ عـــيب لافيه تدليسولاترقيص ولا تدبيس ولا حاجه سمع مع هووووس انا حاسسة انه فيه حاجة دقيقة سكات لَتبقى حداد انا حاسسه انه فيه حاجة زمنكوا ياخلق فيه حاجة ولازموا كام وميت حاجة ده لو يعنى إذا كان فيه حاجة انا عن نفسى مش حاسسة ولا بحاجة ولا متضايقة ولا حاجة سعادتك برضه مش زيـى مافيش حاجة ؟ أهـه بيقول مافيش حاجة جنابك برضه مش زَيـىِ وعلشان زيي مافيش حاجة أهـه بيضحك بيقول مافيش حاجة ما أنا قولتلكو من الأول مافيش حاجة عليا النعمه يا اخوانا مافيه حاجة ورحمة ابويا ويا أبوك على إللّى جابوك ما فيه حاجه وعهد الله . وعهد الله. وعهد الله ما خللولنا ولا حاجه بقلك ايه خلاص خلص و فركش يلا يا اخونا مفيش حاجه ايمان بكرى _ شعر ايمان بكرى _ قصائد ايمان بكرى _ شعر عاميه _ مفيش حاجه لايمان بكرى _ مفيش حاجه _ قصيده مفيش حاجه لايمان بكرى اقتباس شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر January 6, 2009 فركش يا نجم والله ما فيش حاجة بتحصل فعلا زمنكوا ياخلق فيه حاجةولازموا كام وميت حاجة ربنا يرزقنا بالتغيير اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر January 7, 2009 القصيده عندى فيديو من زمااااااااااااااااااااااااااااااااااان وكان حلم عمرى أعرف مين الست الجباره دى لكن بجد بجد بجد بجد رااااااااااااااااااااااائعه بكل المقاييس وشكراً ليك يا حبيب قلبى .. مفيش كلمات توفيك حقك لكل الجمال اللى بتجيبه لينا فى قسم الشعر الجميل اقتباس شارك هذه المشاركه رابط المشاركه شار ك علي موقع اخر
NADA 34 قام بنشر January 7, 2009 جميلة جدا بجد شكرا ليك فكرتنى بواحدة صحبتى مع طبعا الاختلاف انه مفيش وجه مقارنه واحده صحبتى بس هى عبيطه شوية او شويتين وهى بتتكلم تقريبا بتتكلم بنفس الطريقه دى شوية فهمتو حاجه,, مش مهم مش مهم المهم بجد انه عجبنى جدا شكرا ليك جندى المنتدى المجهول اقتباس شارك هذه المشاركه رابط المشاركه شار ك علي موقع اخر
مصطفى بهجت 2 قام بنشر January 7, 2009 إيه الجمال ده يا جندي يا مجهول .. طيب بذمتك إنت ناوي تعمل حاجة ؟ حتى لو نويت تعمل حاجة ؟ في ناس كتير مش حتخليك تعمل حاجة ؟ تعالى نفكر في حاجة من غير ولا حاجة ؟ صديقى الانسان ممكن يعمل حاجات كتيييير .. طول ما ربنا عطانا عقل نفكر بيه . أكيد حنعمل احسن حاجة . اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر July 18, 2009 احلى كلام من اجمل ناس حبيبى الساهر وروقح قلبى عاشق الصداقه واختى ندى واستاذى مصطفى بهجت جزاكم الله جميعا الجنه وجمعكم عند مسجد الحبيب اقتباس شارك هذه المشاركه رابط المشاركه شار ك علي موقع اخر
بنت مصرية 65 قام بنشر July 18, 2009 انا بحب ايمان بكري جدا جدا وبحب اشعارها اوي واكتر شعر بحبهولها هو القصيدة دي شفت فيديو ليها من زمان برضوا وسمع القصيدة دي في ساقية الصاوي بشكل خطير جدا جدا خلاني احبها اكتر تسلم ايدك ياجندينا المجهول ومستنين حجات تاني من ايمان بكري اقتباس شارك هذه المشاركه رابط المشاركه شار ك علي موقع اخر
ali desoky 391 قام بنشر July 18, 2009 جندينا المجهول عايز اقولك حاجه حاجه مش زي اي حاجه لان انا مش باقول اي حاجه الحاجه اللي انا اقولها بتبقي احلي حاجه لكن بعد ما قريت القصيده نسيت كل حاجه اصلها بصراحه قالت كل حاجه يبقي مفيش مشكله ولا حاجه وبلاش اقول اي حاجه لاني لو قلت حاجه ممكن ابقي من اصحاب الحاجه اقتباس شارك هذه المشاركه رابط المشاركه شار ك علي موقع اخر
الجندى المجهول 37 قام بنشر July 19, 2009 (تعديل) يا باشا انت اجمل حاجه تم تعديل July 19, 2009 بواسطه الجندى المجهول اقتباس شارك هذه المشاركه رابط المشاركه شار ك علي موقع اخر
