( انت خبت ) 2011

[المدرب حسام الدين محمد 20]

( انت خبت ) 2011

زى الأسبوع اللى فات قولت أصحى الساعه 8 الصبح علشان اروح أشارك فى الانتخابات البرلمانية او زى ما بيقولوا عليها برلمان الثورة أو زى ما واحد صاحبى سماها برطمان الثورة هههههه ، المهم أنى عارف ان النهاردة يوم الاعادة وعلشان انا شوفت يوم صعب أوى الاسبوع اللى فات فى الطابور ساعه ونص عقبال ما دخلت صوت فقولت لا أنا حطلع اذكى من كل دول وحروح على الساعه 3 كده تكون العملية هدت شوية ومن غير طوابير تمام .. تمام

اروح يا خوايا ويا اختى المصريين الاقى الدنيا هسسس كده ومفيش حد فى المدرسة وأفتكرت يوم وحش اوى ( افتكرت يوم ما دخلت المدرسة دى أنا وصديقى محمود علشان الاستفتاء القديم أيام الراجل اللى بيحكومنا ده السوابق حسنى مبارك ودخلنا ولقينا المدرسة فاضية بس الصناديق مليانة على الاخر هههههه )

دخلت النهاردة والحوار مخدش بالضبط 3 دقايق عقبال ما اخترت وكده وطول السكة وانا رايح كنت متوقع كده بالضبط حلاقيها فاضية ، غير الاسبوع اللى فات كنت شغل أسال الناس هو أنت ( انتخبت ) ورينى صباعك ونضحك وكنت فرحان جدا .. اما النهاردة بقيت أسال نفس الناس بس سؤال تانى ( هو انت خبت !! ) .

لأنى كنت متوقع ان محدش راح وأتضح أن فعلا ده سؤال محير البرامج والمراسلين كلهم والكل مستغرب فأنا قولت أكتب المقالة دى أقول راى واللى بصراحة لقيت أن محدش قال الاختيارات اللى حقولها لانى متاكد ان الاعلام كله بيوصل رسايل معينة وعاوز يشغل الرأى العام بأن اللى حصل النهاردة ده شئ غريب وعاوز يوصل رسالة كده مش تمام يعنى ( وهو ان قال ايه النتيجة فى الانتخابات والقوائم الكل مش حابب كده قال مش عاف احب اقوله أنسى )

طيب من الاسباب اللى خلت الناس متنزلش النهاردة :

اولا : مرشحي مكسبش :

طبعا انتوا عارفين أن كان فى مرشحين كتير جدا كانت نازلة الانتخابات فى مقاعد الفئات والعمال والفلاحين فى الـ9 محافظات وكل واحد منهم ليه ناس حترشحوا وطبعا جولات الاعادة مش بيدخل فيها كل الاعداد دى ولكن بس أول اتنين خدوا اعلى الاصوات وتتم الاعادة فى حالة أن أصوات المرشح الحاصلى على أصوات اعلى تتعدى أصوات المرشح الثانى بنسبة 50% تمام فطبعا يقولك لا يا عم ان مش رايح انتخابات الاعادة أن امالى بيهم وطبعا من ضمنهم أصحاب أولى الأمر لما اقولك تنزل تنزل ولما اقولك ترشح ده يبقى ترشح ده وكل ده علشان الكتلة تزيد ( هاالكتلة فاهمنى يا ... هههه ) وغير أنى من المواقف اللى ضحكت عليها جدا وانا واقف بسمع النتائج عرفت أن فى واحد من مرشحى اسكندرسة اللى نازلن فئات حصل على 32 صوت فقط هههههه تخيلول طيب دول حينزلوا ليه تانى الله أعلم ....

السبب الثانى : أكل العيش ووقف الحال :

الاسبوع اللى فات كتبت على صفحتى الشخصية على الفيس بوك أنى أول مرة اشوف الشعب المصرى واقف فى طابور الصبح غير طابور العيش بس اللى مكتبتوش ان الناس اللى كانت واقفة كانت بتتكلم وبتقول أنها خايفة أنها تتاخر على الشغل وبالتالى الخصومات حتشتغل وكده فبالتالى الاولى دلوقتى شغل بالا طوابير بلا انتخابات خالى العيال تأكل تمام كده .

السبب الثالث : الغرامة :

الحمد لله روحت انتخبت مرة والغرامة سقطت من عليه يعنى مفيش 500 جنية ولا ربع جنيه حتى عملت اللى عليه فبالتالى الاعادة مش مهم .

ده لسان حال الناس اللى راحت المرحلة الاولى فى الانتخابات علشان الغرامة ودى الناس اللى نزلت الساعه 7 الاسبوع اللى فاتت فى الوقت الفاضى يعنى اللى بيدخل ينجز وخلاص ويطلع يقولك الحمد لله ( هم وانزاح هههههههه ) كان فى الحمام ده ولا ايه ، وطبعا دول يقولك اختار اى حد المهم انجز وبعد يومين يقولك اتصدق انا كان فى بالى ارشح فلان الفلانى وده احب اقوله نععععععععععععععم انت هتعملهم عليه ههههههههه .

السبب الرابع : اتحسمت :

شوفت الراجل اللى حاطط الدعاية بتاعته تحت البيت ده

طيب شوفت الراجل اللى نازل مع حزب الكتكوت والفرخة ده

ولا قائمة حزب قوم يا مصرى مصر دايما بتناديك ... دول خلاص اتحسمت ليهم

انزل ليه يا عمنا هو انا فاضى وبعدين البركة فى اصوات الخارج ، احب اقولكوا انزلوا بكرة فى وقت اللى حصل الاسبوع اللى فات ان نتائج الفرز الاوليه مش معيار علشان انا تابعت كل ده بنفسى .

السبب الخامس : اليوم الثانى أسهل :

الصراحة عندكوا حق وانا بشكركم للايجابية وأتمنى اشوفكم بكرة ان شاء الله فى الانتخابات لازم الكل ينزل ويشارك والكل مساعدنا ننزل وخاصة انك عارف مكانك الانتخابى وديرتك واللجنة منزله فى الاعادة 50% من العمال بس علشان يسهلوا عليك كل حاجة لسه محتاجين اصرار أكتر وانتاج وجهد اكبر التغيير مش بالساهل ولا بالكلام ولازم ننزل استنونى اوجه عتاب للى مرحش الانتخابات وجر شكل للبيع هههههه ..

يالا سلااااااااااااااااااام

كان معكم من امام اللجنة الانتخابية المراسل حسسسسسسسسام .

[دعوه للجنه 457]

تحلل رائع بلا شك .....

وكل الاسباب ال حضرتك اجملتها هى بالفعل ما يتردد على الالسنة.

تنقصها واحدة ان صح تعبريى" يعنى جت على صوتى هو ال هيخرب الدنيا؟؟؟

لكن الغريبة فعلا الناس ال مش بتنزل مش عارفه ازاى؟؟

المفترض ان اى حدح فى الدنيا اما بيعمل حاجة جديدة بيحس انها مفيدة بيكون عندى احساس جديد وبيكون روووعة طبعا

واحنا ف الاستفتاء بما شعرنا به من انتعاش وسعادة جعلتنا نردد ليتنا دوما فى استفتاءات وحرية كمثل هذه ،، رغم كده مش الكل نزل لان مش كل الناس بيكون عندنا الهمة ال تدفعها فى التفكير فى "" كلكم راعٍ وكلكم مسؤل عن رعيته"

انا بجد فى شدة اشتيااااااااااااااااااااااااااااااااااااااااقى

ان الانتخابات تيجى فى محافظتى ،،

وبدعو كل ال مكسلين او اعطوا لانفسهم عذرا كالذى سطر فى تلك السطور ان ينفض عنه الفراش وليتذكر ان صوته بلا شك فى امثال الاعادة يفرق وسيسأل عنه ،،

وادعوه ان يجرب بنفسه احساس الانتخابات بعد الظلاااااااااااام السابق ...

جزاكم الله خيرا اخى ونفع بكم....