حقيقي محتارة ... محتاجة مشورتكم

[فراشة 8]

السلام عليكم ورحمة الله وبركاته

ازيكم يا اخواتي واخوتي ف الله

عندى مشكلة ووالله ما اخدش رأيكم فيها الا لاني احسبكم على خير وارجو من الله ليجعل لي حلا في مشوراتكم

 

عندي صديقة طيبة متدينة بدرجة كبيرة ومحترمة جدا واسرتها كلها كذلك

مش بتسمع اغاني ولا عندهم تلفزيون اصلا وبتحضر ندوات ومنتقبة انتقاب احسبه صحيح

مقيمة لليل وحافظة للقران وما شاء الله عليها شافت الرسول في الرؤية

والله انا احسبها على خير وكل المواصفات اللي فيها دي هي اللي محيراني فيها يا ترى استمر في صحبتها ولا لا ؟؟

 

طبعا اي حد هيقول عليا عبيطة علشان بسأل سؤال زي دة

 

بس المشكلة عندي ف ان انا مش متدينة بنفس درجتها لدرجة اني بحس ان هي سعات منغلقة شوية وشديدة

والله انا مش بقول الكلام دة من فراغ الصراحة كل كلامها دين ووعظ وصراحة كلامها جاف

يعني بحس انها مش بتحسن اسلوب الدعوة يعني بدل ما تحببني في حاجة تكرهني فيها باسلوبها

وسعات بحس اني نفسي اعاند معاها

انا ليا اصحاب تانين بردة احسبهم على خير برده منتقبات وصلاة وقيام ليل

بس اسلوبهم رقيق وبحب اسمعهم وانا اللي بطلب الصراحة بيعرفوا يوصلولي المطلوب وبيختاروا الوقت الصح

الصراحة صحبتي دي يعني اكثرهم التزام

بس حتى الحاجات اللي بختلف معاها فيها تقولي عليها انا مثلا مش فاهمة او مش مقتنعة

تقولي هو كدة وانا درست كدة يعني حتى مش بتعرف تقنعني

وعندها تعصب شديد للرأي

واخر خلاف كان في حكاية الانتخابات لانها ما نزلتش انتخبت

ولما اتسألت لية؟؟ قالت اصلا حرام ننتخب لان شرع ربنا كدة كدة هو اللي هيسود واحنا كدة بنكدب كلام ربنا واللي نزلو انتخبوا دول كلهم متخلفين

بصراحة الكلام دة ما اتقاليش مباشرة منها بس اصحاب تانين هما اللي قالوا الحوار

طبعا كلمها غلط بكل المقايس وانا اتنرفزت جدا من كلامها وليها معتقدات كدة خاطئة من وجهت نظري والامثلة موجودة

 

السؤال دلوقتي ان هي ملتزمة بدرجة كبيرة وكويسة واحسبها على خير بس بصراحة بحس ان انا مش مرتاحة معاها

مع اني مستحرمة اسيبها لانها فعلا ممكن تجرني اكتر لطريق الخير بس مشكلتها مش بتعرف تختار الكلام والاوقات الصحيحة وانا الصراحة سعات بتزهقني مش عارفة اعمل اية ؟؟

حد عنده حل ؟؟؟

ارجوكم بجد والله محتاجة تقولولي لاني محتارة وسعات بهرب من اني اكلمها علشان ما احرقش دمي

الصراحة مش عارفة لو كلمتها ف موضوع الانخابات دة ممكن اقول اية اصلي متنرفزة على الاخر وفي نفس الوقت ممكن تكون سبب في انها تجرني للخير او تزهقني ف عيشتي

فا مش عارفة اعمل اية ؟؟

حد عنده حل

تم تعديل December 7, 2011 بواسطه فراشة

[عاشق الصداقه 525]

أكيد فيه ناس فى المنتدى هتديلك الرد الشافى بإذن الله ،، لأن فى المنتدى (أخوات بالخصوص) نحسبهم على خير هما أدرى بالصح فى حاجه زى دى

بس رأيى الشخصى ونصيحتى الشخصية .. تكملى معاها .. وخللى الاختلاف موجود عادى

 

متتكلميش معاها فى المسائل اللى مختلفين فيها (زى الانتخابات) - حاولى تاخدى منها الخير ،، وابعدى عن الرؤى المتشدده اللى عندها او اللى انتى مش متفقه معاها فيها

 

انا مثلاً ليا صحاب ملتزمين جداااااااااااااااااا (مشايخ فعلاً) ،، يكفى ان مسئول الدعوة السلفية للمحافظة بتاعتى من أصدقائى ،، وأخويا الشيخ مدحت (أحسبه على خير) على علاقة مباشرة بعلماء الأمة الكبار ،، وأنا حالى ترااااااااااااااااب .. بس يمكن أعتبر على بداية طريق الالتزام ،، وفى نفس الوقت ليا صحاب سيييييييييييييييييييييييس جدا (منهم أخويا الأصغر) ،، يعنى جوا البيت نفسه تشكيله عجب

 

واصدقائى سواء دول او دول مش هقطع علاقتى لا بالملتزم جدا ولا حتى المتشدد فى حاجات ولا السيس !!!!!!!

 

الدين أوسع وأشمل والحياة والصداقة تسعنا كلنا ،، ورأيى الشخصى ان من الخطأ نبتعد عن الناس إلا اذا كان استمرار علاقتنا معاهم هيجرنا لأخطاء

 

يعنى طالما هتاخدى من صديقتك دى الخير وبس ،، مش هتاخدى منها التشدد مثلاً .. يبقى خليكى صاحبتها ،، واتعلمى كويس جدا تتقبلى الرأى والرأى الآخر وتعرفى تتعايشى وتتعاملى مع الكل

 

ليا صحاب (ليبراليين) وليا صحاب (اشتراكيين) ،، وليا صحاب (سلفيين) وليا صحاب (اخوان) وليا صحاب (ملهمش فيها) وليا معارف نصارى ،، وبعرف اتعامل مع كل دول وكل دول بيحترمونى واحترمهم - مع وجود اختلافات فى حاجات كتير مع البعض (تصل لاختلاف عقدى) ،، لكن مش قاطع علاقتى بحد من دول وعلى العكس قربى منهم واقتناعهم بارائى بيأثر بشكل كبير على حاجات كتير فيهم وفى وجهة نظرى بيقربوا من الصواب اللى يا رب نكون عليه

 

بإختصار ،، لو فيه حد من صديقاتك عنده عيوب (أياً كان نوع العيوب) متبعديش عنها الا اذا كانت العيوب دى هتأثر عليكى ،، لكن لو هتفضل لكفة موزونه افضلى معاهم وخدىم نهم الكويس ويمكن ربنا يكون سبب فى انهم ياخدوا الكويس اللى عندك وعيوبهم دى تختفى

 

والله اعلى واعلم

[دعوه للجنه 457]

جزيتى خيرا فراشة المنتدى،، وموضوع جميل جداااااااااااااااجداااااااااا ،، ومناقشة بجد هادفة واكثر من رائعة ...

 

هبدأ من حيث انتهى الأخ الفاضل عائق الصداقة

 

بإختصار ،، لو فيه حد من صديقاتك عنده عيوب (أياً كان نوع العيوب) متبعديش عنها الا اذا كانت العيوب دى هتأثر عليكى ،، لكن لو هتفضل لكفة موزونه افضلى معاهم وخدىم نهم الكويس ويمكن ربنا يكون سبب فى انهم ياخدوا الكويس اللى عندك وعيوبهم دى تختفى[/left]

[/left]

 

 

 

خلاصة القول ف السطرين دول بجد ال فاتوا ،،

 

اما احنا هنصاحب الملتزمة الغير متشددة وال مش يكون فيها عيب على الاطلاق على الطلاق نهائى يعنى((( وده طبعا مستحيل )))) هنروح فين من " كنتم خير امة اخرجت للناس تأمرون بالمعروف وتنهون عن المنكر وتؤمنون بالله "

اه طبعا انا محتاجة ان على الاقل تكون اقرب المقربين من صديقاتى دول الملتزمة ال تاخد بايدى لقدام لطريق ربنا مش ال ترجعنى لورا ده طبعا شئ اكيد ولازم ان ادور على الصحبة دى ولا اغفل يوما عن البحث عنها لحين تواجدها فى حياتى ، لان الانسان مهما ان كان فى جو اسرى ملتزم الى حد ما او تزوج باخ او اخت ملزمة ايضاااااااا يلزمة الرفيق الملتزم بلا شك ،،

 

لكن على جمب كده زى ما بيقولو شوية ناخد منهم وشوية لاااااااااااازم وحتما ولا بد نديهم ويااااااااسلام اما تكون صديقتك دى بتحسى انك قدوتها فى امور كتيررررر وانها بتقلدك وانها بتتعلم منك ويكون متربى جواكى انتى

يعنى ايه قدوة؟؟

ويعنى ايه جنة ويعنى ايه نار؟؟

ويعنى ايه بس بفهم صحيح من سن سنة حسنة فله اجرها واجر من عمل بها ومن سن سنة سيئة فله اجرها واجر من عمل بها ؟؟

يعنى انا باختصار ربنا امام يعنى فى كل أمورى وصحبتى وتصرفاتى هـأستشعرين وقتها معيته عز وجل وطبعا ستغمرنى السعادة بكل نواحيها وبكل انواعها اما احس ان ال قدامى دى ال هى صدقتى دى ال انا نفسى تتعلم منى واخد معاها نفس اجرى مرتين والله يضاعف لمن يشاء.

كمان وانها بترتقى يوما تلو الاخر بى واشعر اننى كونت شخصية مسلمة ببعض التصرفات البسيطة جداااااااا منى وال انا بعملها واعددت فعلها بل واصبحت عادة كغيرها عندى ..

 

وخلى بالك مش شرط الصحبة دى لازم تكون مختمرة او منتقبة علشان اقول دى لازم اصاحبها لا ابدا ،، المهم عندى شخصية مسلمة بتصلى ممكن عادى جدا

لبسها فى المواصفات الصح ،،قلبها يرق لله عز وجل باستشعار كلامه ومعانيه تتاثر بالثواب والعقاب اتلمس بها حب الخير لها ولغيرها وبعض الصفات العديدة التى ان وجتها اتشبثت بها لاعلمها واتعلم منها

 

صديقك يااختى ماشاء الله عليها بكل صفاتتها ال انتى ذكرتيها رااااااائعه حقا ونعم الصحبة ،، وانتى زى ما بتقولى دى طريقك للجنــــــــة يبقى ينفع تبعدى عنها؟؟

 

سيدنا النبى ذكر ان نحب لاخينا ما نحب لنفسنا ،، لو انتى بقى مكانها وبنفس صفاتها وعبادتها وكل ما بها اكيد هتتمنى فى يوم ان تقابلك اخت وتوجهك لبعض ما بكِ من مكملات تنقصك علشان تكونى 100% ملتزمة صح وربانية صح بتتعلمى وتعلمى ..

 

هقولك انا لو مكانك بكل بساطة دورى على كتاب جميل ويكون سلس وبسيط بيتكلم عن كيفية الدعوة الى الله او كتيباو شريط او سى دى ــ اقعدى حتى مع نفسك وااكتبى زى جواب اثنى عليها فيه وقوليلها الامر ده ببساطة شوية قوليلها احسبك على خير وانا ديما اتعلم منك وحاسة ان صحبتك طريق للجنة وكلمتين حلوين منك واشتريلها هدية بسيطة واديها الجواب جواها .

 

 

انا فهماكى كويس جدااااااا لان واجهت كتييييييييييييييييييييييييييييييييييييييييييييييييييييييي

ييييييييييييييييييييييييييييييييييييييييييييييييييييييييييي ييييييييييييييييييييييييييييييييييييي يييييييييييييييييييييييييييييييييييييي جداااااااااااااااااااااااا من الاخوات بنفس المنهجية ،،، واقولك نصيحة اوعى تتعصبى عليها اول ما تتعصب معاكى فى امر مختلفين فيه مثلا " تذكرى رفق البنى صلى لله عليه وسلم وامتثالك بيه وتذكرى قوله "اقربكم منى مجلسا يوم القيامة احاسنكم اخلاقا" وخليكى بالبلدى كده باردة على قد ما تقدرى واحتسبى اجرك..

 

وخدى منها على قد ما تقدرى وحاولى تتديها فى امور ناقصة عندها ،، دورى على اى قصة للتعصب او خاطرة بسيطة واما تكونى معاها بمفردك اعرضيها ليها ،، وحاولى مرة واتنين وتلاتة وعشرة ،،،،،،،،،،،، وان لم تفلحى لكل هذه الطرق وانا لا اعتقد " ابحثى عن اخرى لكن كونى معها على اتصال ومقابلات ولا تتركى ابدا بابا للجنة مهما كان ،، وان ضاقت وضاقت افعلى ما تجديه مرحيا لنفسك ونفسيتك لاننى عانيت كثيييييييرا من البعض ووصلت بى الدرجة بعد ما استنفاذى للقوى ان اترك اماكن تواجد البعض وبحكمة بسيطة منى بحثت عن الفائدة وفعلت ..........

 

جربى وواحتسبى اجرك واجعلى من صديقاتك وزميلاتك الصالح وغيرهم ،، وبرشد منك قومى تصرفات البعض والبعض الاخر لتفيددى وتستفيدى ......

 

اكيد طولت عليكى معذرة ،،،،،

 

اسال الله العظيم ان يجعل التوفيق حليفك أختى وان ييسرلكِ الصحبة الصالحة الفالحة اينما تواجدتى...

 

[/left]

[نـــــــــــور 199]

طبعا انا مقدرش اقول كلام بعد اخى عاشق الصداقة واختى دعوة للجنة

بس انا كمان بنصحك تفضلى معاها

لانها ماشاء الله عليها ربنا يثبتها

بس انتى ممكن تحاولى تتكلمى معاها

فى حكاية اسلوبها

يعنى هى ممكن تكون مش واخدة بالها

وانتى ان شاء الله ممكن تقدرى تغيرى دة

وتكونوا احسن اصدقاء ان شاء الله

اللهم ثبتنا ونساء المسلمين وحبب اليهم الستر والحجاب وانعم عليهم بالحياء وفضيلة النقاب

وقنعنا بزينة بيوتنا فهى نعم ألأجر والثواب وعافانا من كل ذنب يعرض يوم يقوم الحساااااااااااب

تم تعديل December 8, 2011 بواسطه نـــــــــــور

[فراشة 8]

جزاكم الله خيرا الاخ عاشق الصداقة والاخت دعوة للجنة والاخت نور

جزاكم الله كل خييييييييييييييير

بس والله انا هحاول اعمل بنصايحكم واحاول اني اتفادى الخلاف معاها مع الاستمرار في صحبتها

لعلها تكون سبب في دخولي الجنة او قربي من الله

بس والله انا ما قولتش على مشكلتي دي الا لانها فعلا مديقاني ولاني حريصة عليها وهي كمان حريصة عليا وبنحب بعض هو دة اللي مخليني مترددة

بس خلافي معاها مش خلاف عادي زي اي خلاف دة خلاف في المعتقدات والدين وتفسير لاحاديث الرسول وانا بقبل النقاش بس هي لا ومتشددة وممكن تغلط لو ما اقنعتنيش وانا بدايق

بس هحاول معاها لعل الله يجعلها سبب ف الخير

[دعوه للجنه 457]

خلاص حبيبتى بانتظارك مرة أخرى تطمنينا عليكى ،، وما تنسيش ان احنا كلنا اسرة واحدة ولا تترددى بطرح ما تريدين .....

 

ربنا يعزك ويبارك فيكى.

[فراشة 8]

بارك الله فيكي يا اختي دعوة للجنة وان شاء الله ابقى اطمنكم ع الموضوع لما يحصل جديد