الجندى المجهول 37 قام بنشر January 7, 2009 بيقولوا اخر بيان للبغبغان اللي في بلاد العم سام كان بهبهون مافهمنهوش بعبع وقال بؤين كلام والمعنى ايه ماعرفنهوش معقول يكون البغبغان اللي تبغبغ من زمان صواميل دماغه اتلخلخو عمال يلخبط في الكلام والعقل عامل شقلبان آم جبله اورطة يمخمخو عملوا وطن من غير ببان اتحكموا فيه الغيلان وطن جعان وازاي ينام ..والطمعجية كتير وناموا وانتخوا والبغبغان يكره يموت يسمع سكوت المخروسين ان قولت بم ..قفاك ترن عليه ايادي المحروسين ويجرجروك انت وذويك زي الخروف ويسمعوك لستة كلام يادي الكسوف ما ابوخه والبغبغان اللي تبغبغ كل من قرب حداه اتبغبغوا جم طرمخوا ع الطرمخان واللي يطرمخ يبسطوا وينغنغوا وفي مجلس البغابيغ بنلقى البغبغان عمال يبغبغ في الكلام يضحك وهما يسخسخوا ماتقولش يعني البغبغان اللي في بلاد الالعوبان هو اللي كان بيزغزغو الهي تهدي البغبغان واللي تبغبغ يوم معاه اقصف رقبته ودغدغه والهي يوم المعمعان القاه هناك ويصير معاه من الباغبيغ اللي افتروا يوم او بغوا ياخلق لأوا ال لأة قوموا اتلحلحوا شوفوا الكلاب حتى الكلاب لو شافو يوم واحد حرامي بينبحوا وانتوا اللي مسروق عمركم وانتو اللي ضايع حلمكم ولا حتى يوم تتلحلحوا ونصحتي ليكو تروحو سبحانه من حكم عليكو البغبغان تستاهلو ميت مليون كمان تستاهلو ميت مليون كمان وان شفتو يوم باغابيغ جايين عشان يدغدغوكو اتبغبغو...اتبغبغو...اتتتتتتتتبغغغغغبغووووووووو شارك هذه المشاركه رابط المشاركه شار ك علي موقع اخر
بنت مصرية 65 قام بنشر January 7, 2009 جميله جدا جدا ياجندي يامجهول بجد فيها معاني وحكم كتير ن قولت بم ..قفاك ترنعليه ايادي المحروسين ويجرجروك انت وذويك زي الخروف ويسمعوك لستة كلام يادي الكسوف ما ابوخه وان شفتو يوم باغابيغ جايين عشان يدغدغوكو اتبغبغو...اتبغبغو...اتتتتتتتتبغغغغغبغووووووووو بجد رائع شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر January 7, 2009 اللهم اكفنا شر البغبغان وأعوانه واكفنا شر المحروسين ورؤسائهم مش هاقول حلوة ولا هايلة كله عارف انها اكتر من كده شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 29, 2010 اختى بنت مصريه جزاكى الله خيرا درك اضف التميز للموضوع الساهر حبيب قلبى من يومه ربنا يكرمك ردك عالى قوى شارك هذه المشاركه رابط المشاركه شار ك علي موقع اخر
