محناش نافعين ....

[فراشة]

على قناة " محناش نافعين " صدر هذا البيان

 

بدأ حصريا على قناة " محناش نافعين " الفيلم المرعب " الامتحانات "

الحائز على جائزة " كله كلام فارغ " لتعذيب الطلاب

بطولة عدد كبير من الاساتذة المتعقدين والمدرسين المخنوقين

ومع كل دة الفيلم اجباري ومفهوش اختياري يعني لازم تدخله بالعافية

تنويه : اللي ذاكر ذاكر من بدري واللي ذاكر من بدري زمانه نسي يعني مفيش امل

ومن موقعنا نتوجه بطمئنة الطلبة ونقول : ليس كل ما يذاكره الطالب يفهمه تأتي الامتحانات بما لا تحتوي الكتب لذلك نام وارتاح وابعت هاتلك كانز تفاح

ونقول ايضا ذاكر يا ابن ادم مذاكرة الوحوش وبرده هيجيلك ف الامتحان من اللي ما فتحتهوش

ودائما وابدا نذكر بقول الشاعر:

من طلب العلا لعب الليالي وشد اللحاف وقال وانا مالي

وفي الختام نتوجه لكل الطلبه بكل الحب والتقدير ونتمنى لهم التوفيق والنجاح " في المشمش "

[دعوه للجنه]

ايه يا مشمش ده بس

:ph34r: برااافووووووووووو

شطورررة

[عاشق الصداقه]

بتفكرونا ليه بس .. انا ما بصدق أنسى الموضوع ده

تانى الامتحانات هتيجى والواحد ميعرفش والله حتى أسماء المواد ولا شفت الجامعه من امتحانات السنه اللى فاتت

ربنا يستر

[haytham84]

اظن لو في طالب قري الكلام دة مش هيخش الامتحان اصلا,هههههههههههههههة

[فراشة]

الاخت دعوة للجنة : نورتي الموضوع ومتنسنيش من دعواتك علشان الامتحانات اللي قربت دي

الاخ عاشق الصداقة : نورت الموضوع والظاهر ان حضرتك كنت ناسي موضوع الامتحانات دة فعلا بس كويس اني فكرت حضرتك علشان تلحق تذاكر بقى وابقو ادعولنا

الاخ هيثم : نورت الموضوع برده وان شاء الله تبقى سنة سعيدة على كل الطلاب وينجحوا ويطلعوا من الاوائل

[jana adamz]

 

ايه يا مشمش ده بس برااافووووووووووو

شطورررة

المشكله .........ان فعلا كل ده بيحصل واللى يغيظ اكتر انه فعلا بيجى ف الامتحان الحاجات اللى ما تذكرتش وما تفتحتش........عشان كده احب اقول شكرا على الاضافة

ههههههههههههههههه