مذكرات يائس

[الجندى المجهول]

مذكرات يائس

 

أنا لقمه بايته جنب حيطه في حته ضلمه أكلها كلب

أنا نكته بايخه أو عبيطه سمعها واحد مات وطب

أنا بيض ممشش ريحته وحشه ونحس دايم مستمر

أنا طير معشش في الترب فكر في مره يستقر

انا صوت بعيد دبحة وريد وشوكه في زور واحد جعان

انا طبعا غير فنان فريد وبيطلق لمشاعره العنان

أكيد هقول في مره لأ وأقوم وأقف على رجلي

لقيت طلعلي في رجلي شق وضعت وراح خلاص حلمي

فكرت في مره اكون شجاع وازعق بصوتي الناس تخاف

و طلعت في الآخر بتاع أو بير غويط جاله جفاف

هييجي اليوم أكيد هييجي وأزحزح الطوبه التقيله

وهبقى محمود المليجي وعمري ما اتنيل بنيله

وعمري ما أضعف أو أإن وهفتري عالخلق كله

ولا عمر يوم يركبني جن وهنسى ماضيه وذله

ولا هبقى طيب أو كريم بالعكس لازم ابقى عنتر

والناس هتبقى عب حليم والباقي يبقى عبله واكتر

[مصطفى بهجت]

طيب بذمتك يا أبو يحيى يا صديقي ..

 

إحنا ناقصين يأس أكتر من اللي إحنا فيه اليومين دول ..

 

ربنا يسترها ..

[صناع الحياه]

قصيده رائعه ومعبره بس عيبها الوحيد انها معبره زياده عن الللزوم

تقبل مروري

[رجل من الصحراء]

ياباشا عقدتني

[الجندى المجهول]

شكرا على مرورك الرئع اخى صناع الحياه

معاش اللى يعقدك يا حبيبى يا رجل من الصحران