الجندى المجهول 37 قام بنشر January 11, 2009 قصيده يا عم حمزه صلاح جاهين يا عم حمزه ، احنا التلامذة . جن و بلاوى مسيّحه من غير مؤاخذه نكبر ما نكبر ، الله أكبر . طول الزمان ع الامتحان داخلين مبارزه ! هل من مبارز ؟ هل من مناجز ، هل من معارك فى البلد دى ، لسه عايزه ؟ هل من منادى ؟ و نفير جهادى قال لك : أجل ! .. لسه العجل فى رمله غارزه ! لسه ف طريقنا للأَمال ، و الرمله من كل جهه .. زقه مع زميلكم جمال ، يا عقولنا يا متنبهه ! الرمله حلوه ع البلاج ، حلوه على باب الفرح ، لكن لحد كده و بلاش ، أَحسن شعورى بينجرح . اسفخص على لون الاصفرار و الفقر ، والخوف ، و المرض ماشفته الا و دمى فار ، و حلمت بيه زال ، و انقرض . كابس علينا الشئ ده ليه ؟ هو انجليز .. ؟ و الاتتر ؟ دوكهم خطر ، قمنا عليه ، رياح ما خلتلوش أَتر . كان برضه أمشير زى ده ، .. كان برضه أَمشير زى ده ، كان برضه فبراير كده ، قمنا جموعا حاشده ، سلاحنا أَنشودة فدا .. احنا الجواب ، واحنا الندا ، و احنا التلامذه المنجده .. يا عم حمزه ما شتناش ؟ .. الدنيا شافت دمنا ، حنّه ، على ايدين أمنا ، حلفت يكون عيد باسمنا ، عيد ابتدا و لا انتهاش .. يا عم حمزه ، (لا ماليف) و همزه لأَ .. مش عاوزين عيشة و ارثين و لا دنيا جاهزه . ده ابو سد عالى ، شهران ليالى ، زى التلامذة ف الامتحان .. يا عم حمزه صلاح جاهين _ قصائد صلاح جاهين _ شعر صلاح جاهين _ قصيده احنا التلامذه لصلاح جاهين _ قصيده يا عم حمزه لصلاح جاهين _ دواوين صلاح جاهين شارك هذه المشاركه رابط المشاركه شار ك علي موقع اخر
omar_altawel 6 قام بنشر January 11, 2009 خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! شارك هذه المشاركه رابط المشاركه شار ك علي موقع اخر
sindrella 26 0 قام بنشر January 13, 2009 كيف حالك إن شاء الله دائمــاً بخير ياجندى يا مجهول الموضوع حلو قوى وأنا كنت قلت إنى حشارك فى الرباعيت فخد عندك بقى: أحب أعيش ولو في الغابات أصحي كما ولدتني أمي و ابات طائر .. حوان.. حشرة .. بشر ..بس أعيش محلا الحياة.. حتي في هيئة نبات عجبي !! سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! كان فيه زمان سحليه طول فرسخين كهفين عيونها و خشمها بربخين ماتت لكين الرعب لم عمره مات مع إنه فات بدل التاريخ تاريخين عجبي !! عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! شارك هذه المشاركه رابط المشاركه شار ك علي موقع اخر
زمردة 2 قام بنشر January 13, 2009 الموضوع حلو يا جندي يا مجهول شارك هذه المشاركه رابط المشاركه شار ك علي موقع اخر
الجندى المجهول 37 قام بنشر January 14, 2009 شكرا بجد على كل الردود الجامده دى والله يا جماعه فى موضوع اسمه رباعيات جاهين شارك هذه المشاركه رابط المشاركه شار ك علي موقع اخر
El-Saher Fantasy 21 قام بنشر March 16, 2010 اسفخص على لون الاصفرار و الفقر ، والخوف ، و المرض ماشفته الا و دمى فار ، و حلمت بيه زال ، و انقرض . كابس علينا الشئ ده ليه ؟ هو انجليز .. ؟ و الاتتر ؟ تفتكر يا جندي لو كان لسه بيكتب كان قال ايه كمان غير انجليز وتتر؟؟ البلد دي عاااااااايزة راااااااااااااااااجل ربنا يبعتهولنا موضوع جامد يا جندينا المعلوم ربنا يوفقك شارك هذه المشاركه رابط المشاركه شار ك علي موقع اخر
