صناع الحياه 14 قام بنشر March 17, 2007 (تعديل) اوسع انت وهو وهي انا حسنين ابو شفه اكبر بلطجي وفتوه في البلد فتاح مطاوي قفال قهاوي الواد عبد الله ينزل رحلات لكل الناس وانا لاه طيب انا هنيملكو المنتدي ده من المغرب هما كلمتين وهتسمعوهم بالدراع واللي هيسد ودانه يا ويله " انا من رايي الخاص- واللي لازم تتقبلوه طبعا- ان المشاعر والاحاسيس زي الميه المتجمده في القلب الناصح منكم اللي يخللي قلبه ساقع عشان متدوبش غير لما يطلعها للشمس يعني للنور يعني للانسان اللي هيرتبط بيه اما اللي شغل النار علي التلج ومصبرش لما تطلع هي لوحدها للشمس بيتعب مسكين لان التلج بيسيح بسرعه من النار علي عكس الشمس بتسيحه بالراحه فبيحس بنشوي اعمق بحلاوه اكبر من غير اي تشويه لان ضميره مبيمنعش انسياب الميه السايله في جداول روحه وعلي العموم متخافوش عجلة الحياه كفيله انها ترجع اي ميه دابت من نار لان النسيان والدوبان في العمل والعلم كفيلين انهم يجمعوا جزيئات الميه تاني لحالةالصلابه من غير مطول عليكم اصل ورايا خناقه في باب اللوق مستنياني " نصيحتي ليكم حبوا من غير خوف.. وخافوا من الكره.. واكرهوا الخوف من انكم تحبوا.. بس متنسوش الحب بالخوف دليل علي ان الحب ناقص ولسه الطريق طويل هتلاقو فيه حد تحبوه من غير خوف" اسيبكم عشان الحق الخناقه سلام تم تعديل June 16, 2008 بواسطه عاشق الصداقه تم إعادة الموضوع بعد حذفه اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 17, 2007 نصيحتي ليكم حبوا من غير خوف.. وخافوا من الكره.. واكرهوا الخوف من انكم تحبوا.. بس متنسوش الحب بالخوف دليل علي ان الحب ناقص ولسه الطريق طويل هتلاقو فيه حد تحبوه من غير خوف جميل جداً يا فتوه حارتنا .. بس أنا معترض على النصيحه الأخيره ولونها جميله .. ولو كنت قريتها قبل اسبوعين كنت اثنيت عليها جداً جداً .. بس إسمحلى ... لازم تحب وإنت خايف أو بمعنى آخر ... وانت عامل حسابك ان ممكن كل ده ينتهى فى لحظه .. وعارف ان ده مش حيبقى حب كامل .. او مش حيبقى الحب اللى كلنا نتمناه .. بس الحياه فرضت علينا كده .. دى نصيحه .. علشان بس الصدمه لو حصلت تبقى أهون شويه ... وأنا متأكد من اللى بقوله ومصر على أقوالى يا فتوه حتى لو حتضرب .. أصله كلام ناتج عن تجارب فى الحياه .. عشتها مع أصدقائى .. وكمان قصص واقعيه كتييييير إتحكتلى .. وأكيد فيكم حد موافق على كلامى .. واللى مجربش ... أكيد حيعترض ... بس لو جرب .. أكيد حيؤيد ... وسلام يا ... فتوه اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر March 18, 2007 انت بتتجرا وبترد علي كلامي امسكووووه الحب يا احمد معني جميل والمعاني لغة روحيه غير ملموسه يعني محسوسه واي شئ بيرتبط بارواحنا بيخلد حتي لو متنا لان ارواحنا امر الاهي واخد صفة الخلود لانه شئ مطلق نصيحتي ليك حب في الله حب اي شئ في الله هتديلوا صفة الاطلاق والخلود هقولك علي حاجه حلوه - ابسط ياعم مظبطك انا دايما- ايه اكتر شئ مرتبط بيك هتقولي نفسك محدش علي وجه الارض بيكره نفسه ومع ذلك هيجي يوم وتسيب نفسك لانك هتموت طبعا علي الرغم من ده كلنا بنحب انفسنا وبنتناسا ان فيه يوم فراق بينك وبين نفسك فتخيل انك بتحب نفسك في الله عارف ساعتها هتتمني ايه هتتمني انك تموت عشان تقابل اللي حبيت نفسك فيه يعني هتتمني فراق نفسك تذكر دائما قانون عبد الله عرابي الرابع عشر " لتحويل شئ نسبي لمطلق انسبه لشئ مطلق" مش هتحس بطعم كلامي ده يا احمد غير لما تصحي تحضن صباعك وتبوس راسك وتطبطب علي الهوا وتشم اريج الحياه كل ده هيحصل لو انت بقيت حرف في كتاب الحياه الكبير وعشان تكون حرف متقاومش نحت قلم ربنا في صفحة روحك البيضه صدقني يا احمد "الحياه حلوه" اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر March 18, 2007 قبل منسي يابوحميد اصل الموضوع ده خانقني قوي افتح التليفيزيون الاقي عبد الحليم بيغني "بلاش عتاب يا حبيبي" افتح الراديو الاقي شرين بتقول "انا مش بتاعت الكلام ده انا كنت طول عمري جامده" اركب مواصلات الاقي السواق مشغل هاني شاكر اغنية " بعدك حياتي جراح" اقعد مع صحابي الاقي اللي مسهم وسرحان واللي ناقص يبكي واللي مجروح هو فيه ايه حد يقوللي يا جماعه الدنيا مالها يعني سايبين كل انواع الحب وكل درجاته وماسكين في فرع صغير منه سايبين الكون من الذره للمجره والحياه من الزهور والزرع للصفصاف والعنب سايبين ده كله وماسكين موزة الجراح والالم والفراق واجنةالحب المشوهه ايه ياعم الدنيا مليانه خير وحياه حلوه واسالو القطط والطيور وعمي حسين بياع الفول علي ناصية الشارع كفايه دور عبد الحليم وناديه لطفي في فيلم الخطايا شبعنا من دور علي وانجي في رد قلبي ياللا نعيش حياة عمرو خالد وابراهيم الفقي ومصطفي محمود ومحمد حسان ياللا نسابق الريح ونمسك القمر ونلعب مع النجوم كفايه اصحوا لحظات العمر مبتتكررش مع خالص تحياتي " انسان متفائل لاني مؤمن برحمة ربنا " اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر May 3, 2008 نصيحتي ليكم حبوا من غير خوف.. وخافوا من الكره.. واكرهوا الخوف من انكم تحبوا.. بس متنسوش الحب بالخوف دليل علي ان الحب ناقص ولسه الطريق طويل هتلاقو فيه حد تحبوه من غير خوف كلامك مظبوط يا عرابى.. والإختلاف فى الأى لا يفسد للود قضية.. اقتباس شارك هذه المشاركه رابط المشاركه شار ك علي موقع اخر
