هو وسريره الشاعر على سلامه

[الجندى المجهول 37]

هو وسريره

 

 

الشاعر على سلامه

 

 

 

لو تاخد بالك من تسريحة علاء

 

 

تعرف إنه لسه بيقص شعره

 

 

 

عند نفس الحلاق..

 

 

 

ومفيش حاجة اتغيرت..

 

 

 

ولو تركز مع جمال

 

 

كأنه بيشارك فى دورة رمضانية

 

 

مع نفس الأصدقاء

 

 

ومفيش حاجة اتغيرت..

 

 

لكن لو تراقب حركة صباعه فى مناخيره..

 

 

تتأكد إن مصر

 

 

لا كانت فى دماغه..

 

 

ولا فى قلبه..

 

 

ولا فى ضميره..

 

 

وتتمنى من كل قلبك

 

 

إن الجلسة الجاية

 

 

لا ييجى هو..

 

 

 

ولا سريره..