هو إحنا غلطنا في البخاري ؟!!

[الفقيرة الى الله 77]

بسم الله الرحمن الرحيم

 

 

هو إحنا غلطنا في البخاري ؟!!

 

الناس بتستخدم الجملة دي كتير جداً لما مثلاً يعملوا شيء غلط وفي حد يلومهم على غلطهم ده

 

وتلاقي الرد من الشخص الغلطان

 

"ياعم هو احنا غلطنا في البخاري "

 

وبتتقال بمعنى ان احنا مغلطناش في حاجه جامدة زي البخاري ..

 

 

هذكر موقفين

 

الموقف الأول

 

ان واحد كان بيقرا قران وغلط وهو بيقرا وقال الآية غلط ولما حد جه يقولوه على فكرة انت بتقراهاا غلط !

 

قاله ياعم هو احنا غلطنا في البخاري

 

لاء ياعم انت غلطت في حاجه أكبر من البخاري ده كلام ربنا

 

فطبعاً هو متعود يقولها من غير ما يفهم معناها عشان كده قالها هنا .

 

 

والموقف التاني

 

ان مرة واحد غلط غلطة ولما حد جه يلومه قال الغلطان

 

" ياعم هو احنا غلطنا في البخاري "

 

ففي حد قاله انت عارف مين البخاري ؟

 

 

قاله بصراحة انا معرفوش شخصياً بس أكيد هي مثلاً سفينة كبيرة جداً ومشهورة ! ( على اساس انها اسمها بخاري )

 

 

للأسف ناس كتير متعرفش مين هو البخاري

 

هل إنت تعرفه ؟

 

هل حد يقدر يقولنا بصورة بسيطة مين هو البخاري ؟