هموم مولود عاوز يتولد

[ali desoky 391]

هم يبكي وهم يضحك.. حلوة ياريت تقروها كلها.. آخر حتة حلوة..

.

.

.

.

... .

.

الواد ف بطن امه.. ف الشهر التاسع من شهور الحمل

 

قـالــتــلـه اوعــى تــنــزل ..بابــنـي الـبــلـد بتثور

... ...

و انـــا بــوعــدك..هـبـقـى أولــدك لـمـا الــريـس يـغـور

... ...

------------------------------------------------------------

D: أنزِل يا أماا ؟-

يابــنــي اسـتـنى الريس غار -

بـــــــس مـــــافـيش استقرار

علشان تلقى رغيف العيش

! اُصبُـر ست شهور عالجيش

------------------------------------------------------------

انزل يا أماا ؟-

يا بني استنى ماتستعجلش !!-

!انا عايزاك يعني ماتنزلش ؟

سيب الجيش شغال بمزاج

ليه تفسي كاوتش الانتاج ؟

و خلاص بيحاكموا اهو المخلوع

يعني اتطمن مـ الموضوع

و بكرة جمعة التطهير

يوم السبت اِنزل على خير

------------------------------------------------------------

:] هااا.. انزل يا أماا ؟ -

لا استني كمان معلش-

اصل الناس يومها مانزلتش

يا أما ازاي ؟ ده أنا لسة شايف ف المصري اليوم-

! التحرير فيه كذا مليون ...

ما تبقاش خايب زي ابوك -

! دول فوتوشوب .. ازاي خدعوك

------------------------------------------------------------

اسكُت يابني -

شفت ابوك راح يشتري فول

راحوا مسكوه على انه فلول ,,,

يا أما ازاي ؟؟؟ منغير قضية ؟؟-

لأ محاكمة عسكرية -

------------------------------------------------------------

:S طب أنزِل يا أماا ؟؟-

شفت في حادثة ناحية بيتنا -

كنيسة اتضربت فحصل فتنة

ازاي يا أما !! و الجيش فين؟؟-

أمما صحيح مجلس مساطيل

يا بني بس ماتظلمهوش-

!كانت الساعة اتنين بليل

------------------------------------------------------------

أناا ناااازل يا أماا -

:@@@@@@@@@

مش عارفة ليه مستعجل انتَ-

فاكر انك أجدع م الشرطة ؟!

اُصبُر شهر اتنين ب كتيره

و اِنزل على تسليم السُلطة

:S

لأه خلاص يا أما و لايهمِك-

خدت خلاص عالقعدة ف بطنِك..

بس فحالة اني زهِقت

و صللي عندي كابل الِنت

و لو الكابل هيعمل زنقة

حطي بداله واي فاي مش فارقة

و بلاي ستايشن و دراع مالتي

نلعب أنا و أخويا يا مامتي

اه ب الحق اخوك عامل ايه ؟-

سلملي بالمرة عليه

:اخويه كويس اهو بيقوللك -

ماتنسيش تبعتي ليه بلالين..

..بكره هيتم التلاتين

,,,

: و بيسأل

D: ينزِل يا أما؟؟

[لامار 94]

انا و برأيي الشخصي لازم ينزل على أمل ان يكون هذا الجيل جيل النصر و التحرير العزة والتمكين

 

بارك الله فيك

[ali desoky 391]

انا و برأيي الشخصي لازم ينزل على أمل ان يكون هذا الجيل جيل النصر و التحرير العزة والتمكين

 

بارك الله فيك

 

 

 

بارك الله فيك وجزاك كل خير يا اختي

[ابن النيل86 14]

مشكور اخى الفاضل

 

كلمات رائعه لا حرمنا الله عطر اطروحاتك

 

بارك الله فيك

[elkoptan 0]

روعة بأمانة جزاك الله كل خير