إلى رئيس الجمهورية

[El-Saher Fantasy 21]

بســم الله الـرحمــن الرحيــم

السلام عليكــم ورحمـة الله وبركاتــة ،،

بدافع ما رأيت من نقد العالم لقرارات الحكومة المصرية بشأن معبر رفح ومبادرات السلام وما إلى ذلك

جلست لاتعرف اكثر على دوافع ذلك ... وللاسف لم أجد من يجيب

إلا أني احترم تلك القرارات اياً كانت

ولكن بقى لي رأي يجب أن اقوله

 

يارئيس الجمهورية اخبرنا اين القضية

في شباب المظاهرات والمسيرات السلمية

واعتصامات نصر غزة وبلادنا العربية

أليس لهم حق عليا ... ام انك بعت القضية؟

اليست نصرتهم واجبة ؟ ... في كل صبح وعشية

أليسوا هم اخواننا في العروبة والانسانية؟

أليس من حقنا ان نقول ... نثور ... نرفض الصهيونية

أم أن كل دورنا ان نشاهد... وندعو لمفاوضات سلمية

أي سلام قد يكون بين اليمام ورخ القصص الخيالية؟

أي طاولة مفاوضات قد تجمع بين الجاني والضحية؟

أي حق قد يؤخذ في ظل المهانة الانهزامية؟

اندعو ثانية لحقن الدماء العربية؟

فيرد احفاد صهيون ... فلتتركو احجاركم النارية

ونحن نحمل سلاحنت لنحمي حملاتنا الصليبية

ونتزود بالسلاح لاستكمال غزواتنا النازية

فترد أنت بكل ذل ... هذه الحلول مرضية

هكذا يا اخواني قد حللنا لغز القضية

فلتتركو السلاح والعمليات الفدائية

ولتنعموا بسلام تحت قذف المدفعية

هل هذا ما وصلتك له أفكارك الجهنمية؟؟!

عارٌ عليك ... هل فقدت عقلك؟ أم نسيت أصولك العربية!

لا أناشد إيمانك ... فإنه قد اندثر

ولا أناشد إسلامك ... فإنه قد احتضر

ولا أناشد عروبتك ... فأهلها لك احتقر

لكن أناشد إنسانيتك ... فهل أجد لها من أثر؟

اتركنا نصرخ لعل صراخنا يصل القمر

أو يصل لقلبك - وهذا أصعب - فتفتح لنا الممر

 

توقيع: مسلم عربي مقيد

تم تعديل April 7, 2010 بواسطه El-Saher Fantasy

[NADA 34]

مش عارفه بجد الواحد ممكن يقول ايه تانى

 

وهنفضل نتكلم كده لحد امتى؟!

 

بس الرسالة دى للعرب كلهم المفروض

 

بجد انا زعلانه جدا من الكلام اللى بيتقال على مصر

 

وانها الدوله الخاينه دلوقتى وكل الدول العربيه باسم الله ما شاء الله

 

على فكره بجد مصر والله من اكتر الدول اللى تعبت مع العرب

 

وهما اصلا مش بيحبونا

 

ليه مبارك خاين,,بشار الاسد والشهيد واخدين بالنا بقى صدام شهيد ووطنى

 

وهما اصلا اللى سلموه من الاول وعملو كل ده

 

بص كله كلام ومحدش فينا فاهم حاجه

 

لان دى فعلا سياساة وده اللى نقدر نقول عليه اللعب مع الكبار

 

واحنا مش فاهمين حاجه وبيجرفنا التيار

 

عامة خير ان شاء الله

 

وحسبنا الله ونعم الوكيل ف الصهاينه وكل اللى يقدر يعمل حاجه وساكت

 

لنا الله,,

 

 

............

[الجندى المجهول 37]

انت عارف راى من الاول يا صاحبى

فى الكلام الجامد ده

اما بقى يا ندى موضوع مصر دى فخلاص مصر حلت الحكايه

[eng_alaa 114]

بصراحة شديدة وعلي الرغم من إني ماكنتش عاوز اكتب في الموضوع دهلأنه شائك ..

لكن العرب أهانو مصر فعلاً ..

فقناة الجزيرة القطريه لا حديث لها إلا مصر متناسية سيادتها القاعده الامريكيه الموجودة في قطر وهي اكبر قاعده امريكيه خارج الولايات المتحدة وهي نفس القاعدة التي ضربت منها العراق وافغانستان ..

والكويت مثلاً هم بالأساس من جاءوا بالامريكان لإنقاذهم من صدام ..

وصدام اللى خلاه يدخل تلك الحرب امريكا ..

وسوريا معترضه علي ان مصر لا تحارب بينما سوريا نفسها محتله ولا تحارب ..

وكتيييير من النوع ده من الأفكار بتدور في دماغي وفي النهايه لا أجد حل سوي ماتفعله مصر

لأن إحنا بالكاد عايشين والحرب بتتكلف ميزانيات رهيبه ..

طيب ابسط شيئ قرأته امبارح أن نصاب الجامعه العربيه لإنقاد مؤتمر لم يكتمل بعد ..

أمال هيكتمل امتي يا عرب ؟؟؟؟؟؟ دا النهاردة العدوان دخل في اليوم العشرين ...

 

أنا لا أعترض علي فكرة حرب إسرائيل .. بل أؤيدها تماماً لكن بشرط واحد فقط أن يتفق العرب ويصبحوا رجلا واحداً ويكونوا جيش عربي موحد .. واعتبروني أول المجاهدين حينها ..

 

ربما يزعج ردي الكثيرون من إخواننا العرب .. لكنها وجهة نظري وأرجوا إحترامها ...

بل والرد عليها فنحن بحاجة لمعرفة فكر الشباب العربي ...

[زمردة 2]

المشكلة انت بتقول وانا بقول بس هو صم سمعه ومس بيسمع

[El-Saher Fantasy 21]

يا جماعة القصيدة ناقصة

هاكملها ان شاء الله قريب لان النت بيفصل عندي

مشكورين للمرور والردود الصادقة

تم تعديل April 5, 2010 بواسطه El-Saher Fantasy

[PIPITO 0]

بســم الله الـرحمــن الرحيــم

 

احنا يا جماعة شكلنا وحش اوى فى العالم العربى والفضل فى كدة للاعلام الماجور سواء كان داخلى او خارجى ولكن ........................

 

اللى يهمنا راى الاخوة الفلسطنين ودول الحمد لله عارفين مين هو الشعب المصرى ...................

واللى عايز يتاكد من كلامى يروح معهد ناصر ومستشفى الهلال الاحمر برمسيس او مستشفى الهلال الاحمر بالماظة ويسالهم بنفسه .

 

وانا متاكد انه هيسمع كلام هيثلج صدرة وانا سمعته بنفسى وسمعت بطولاتهم بنفسى .

 

لانهم متاكدين انهم اخواتنا واهلنا وامهاتنا وهو دا المهم .........

 

والعين ما بتكرهش الا اللى احسن منها

 

وارجو معزرتكم لانى تحدثت بالعامية ولاكنى اتحدث الى اخوتى وتقبلوا تحياتى................................................

 

 

 

تم تعديل January 15, 2009 بواسطه PIPITO

[NADA 34]

ربما يزعج ردي الكثيرون من إخواننا العرب .. لكنها وجهة نظري وأرجوا إحترامها ...

 

هو ده نفس الكلام اللى بيدور ف دماغى بجد

 

وحاجات تانيه ونجيب التاريخ من الاول

 

مش التاريخ بتاع ابراهيم عيسى وما شابه

 

ومقالاته المستهينة ومش عايزة أقول كلمة تانيه

 

بس ياريت بس نفهم ونفكر بعقلانية شوية

 

مش هيبقى كله على مصر ومبارك

 

مصر ومبارك والناس كلهم من بعض

 

وحلقة واحده وان كان على اللى بيحصل ف مصر وفساد وحوارات وكده

 

فمحدش يقدر ينكر دوره ف انه عامل اساسى

 

من أصغر حد فينا لأكبر حد,,كلنا غلطنا واستهونا بدينا وعقولنا وعاداتنا

 

ياريت بس يكون المعنى من كلامى وصل

 

شكرا ليك الساهر ومنتظرين البقيه ,,,,

[بنت مصرية 66]

كلمات رائعة جدا جدا اخي الساهر

فعلا اهنئك علي الكلمات الرائعة جدا

لااسكت الله لك قلمك الموهوب

واعجبني رد البشمهندس كتير جدا

لان فعلا زي ماقالت ندا ده كان نفس الكلام

اللي انا فكرت فيه

وبرغم ان رثيسنا المبجل هو اللي عيله لوم كبير بما يحدث

لكن لايحق لااي احد ان يتحدث عن مثر ويحملها اللوم بل اين هم مما يحدث في غزة

ثانيا من راي ان الراجل الكير خايف علي الكرسي

وعلشان كدا حصل كل ده

ياه علي العرب بقلكم لو انتوا خايفين اوي كدا علي فلسطين ماوقفتش علي مصر ورونا انتم هتعملوا ايه ....

احنا كشعب لو علينا نفديها فلسطين

بس كمان

هو العيب فينا ولا في مين

جزاكم كل خير علي مناقشتكم الجميله

وبالنسبة لاخونا بيبيتو اكيد مرحب باي طريقة تتكلم بيها

[رجل من الصحراء 36]

كلمات رائعة جدا جدا اخي الساهر

تحياتي

[El-Saher Fantasy 21]

يا جماعة القصيدة ناقصة

هاكملها ان شاء الله قريب لان النت بيفصل عندي

مشكورين للمرور والردود الصادقة

 

الحمد لله القصيدة كده كملت

 

وأشكركم جميعاً لردودكم المحفزة