عاشق الصداقه 525 قام بنشر March 18, 2007 الرجل والشجره انا لابن باشا ولا ابويه بيه ولا عندى منصب أتحاما فيه أنا شخص عادى خاوى الأيادى سائت علاقتى ويا الجنيه مولود فقيرى .. على شط ترعه فى حضن شجره ، هشه وخرعه غريبه زييى بين النبات ، اللى زرعها لا يوم رواها ولا يوم رعاها ولا شاف خضرها لأنه مات كبرت وحيده وسط العواصف وهبت ثمارها لكل قاطف والطير ليلاتى ، يصيح يهاتى ويركب فروعها علشان يبات بحس فيها بطيبة امى أركن عليها واشكى لها همى يتيمه زييى .. واليتم بلوه محتاج تملى .. ونيس وسلوه فى وسط عالم .. يكلوك فى غلوه ويسيبوا عضمك ع الكوم مرمى غيلان جبابره .. نابهم أذانى لكنى دايما ماسك لسانى خايف ليغلط بعدين أعانى واروح فى داهيه مربوط مغمى بس اما فاض بى ولقيت دماغى ، بالغيظ معبى صرخت صرخه يمكن تسبب للودن شرخه يا أهل جنسى .. أنا برده إنسى من حقى امصمص فى ورك فرخه ليه ناس تقلى ، وناس تحلى وناس تمللى ع اللقمه دايخه ماهم الفقاره ، لو عملوا غاره وهتفوا فيها ضد البصاره يقولوا خونه خرقوا القانون أصل الأكابر .. اتنين عساكر ومملكتهم باب السجون يا شجره يا اختى ما هو انتى بختك موش زى بختى زيدى فى خضارك .. ومدى ضلك وان يوم عطشتى .. السيل نازلك اما انا لازم امد ايدى وانفخ فى نارى .. واطرق حديدى علشان الاقى حق الزتون تقلت حمولى .. وانهد نولى وبيقولوا لى اصبر تهون وادينى صابر .. حامد وشاكر ولا هيه هانت .. ولا يحزنون *************************************** للشاعر : محمد لاشين حمله من هنا : man_tree.rtf اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر March 19, 2007 جميل جدا يابوحميد شعر فعلا معبر عن الطبقه المطحونه في المجنمع " علي فكره عشان تاخد لقب محدود دخل لازم يكون مرتبك من 600 الي 1400جنيه مصري يعني الي بياخد مرتب اقل من كده بيكون معدوم دخل واللي بياخد مرتب اكبر من كده بيكون ....................... مفيش داعي" اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 19, 2007 شكرا للمرور يا عرابى .. وكده انت احبطتنى .. احنا كده مطحونى الدخل اقتباس شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 19, 2007 بسسسسسسسسس....محدودى الدخل ايه ومطحونين ايه دووووووووووول هما اللى عايشين يابنى...ربنا يوعدنا ونحصلهم ...ونكون فى يوم منهم... سيبك انت...لا فقر دايم ولا غنى دايم...محدش بياخد منها حاجه اهم حاجه راحة البال ...وهناوة القلب...ورضا الضمير وده ملك منظمه صاحبه...عملها كده عشان الناس تفهم وتعرف يعنى ايه دنيا ولكن لا حياة لمن تنادى....افهموا بقى...سر الحكايه . . . . ان المليان يكب على الفاضى...ولو مكبش المليان هيتعب وهينفجر من كتر ماهو مليان والفاضى هيتعب وهينفجر من كتر ما هو فاضى......اتعلموها بقى!!!!!!!!!!!!!!!!!!!!!!!!! لو الغنى كب على الفقير هيرتاح ..وهيكون سعيد...والفقير مش هيبصله ولا هيطلب من ربنا انه يزيل النعمه من عنده....والفقير كمان افهم...انت داعية الى الله يعنى هتدخل الجنه من اوسع ابوابها انك صابر وانك بتحس الغنى انه يطلع ذكاته ...وبكده يرضى ربنا ويدخل الجنه ...يعنى حسناته كلها فى صفك يجدع....يعنى لو مشيتوا زى ما صاحب النعمه عايز انتم الانتين هترتاحوا ..لا وكمان هتدخلوا الجنه عايزين ايه اكتر من كده!!!!!!!!!!!!!!!! سبحان الله...وحدووووووووه... هى دى شفرة سر الاسرار....سلامو عليكووووووووووا اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 20, 2007 مش حرد بجد مش حرد .. منك لله يا عاشقة القران .. الموضوع ده كان بتاعى من ربع ساعه بس اقتباس شارك هذه المشاركه رابط المشاركه شار ك علي موقع اخر
صناع الحياه 14 قام بنشر March 20, 2007 هههههههههههههههههههههههههههههههههههههه ههههههههههههههههههههههههههههههههه ههههههههههههههههههههههههههه ههههههههههههههههههه هههههههه هههه هه ه اقتباس شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 20, 2007 وده خير ان شاء الله....بيطلعوا الساعة كام دووووووووول اظاهر يا جماعة والله اعلم كده انى اتهزقت...اوكليه امسكى نفسك يابت يا سوسو....وبلاش تتهورى واحد قعد يدعى عليكى والتانى عمال يضحك ماشى ماشى.....اتريقوا اتريقوا....اظاهر انى لبخت اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 20, 2007 بالعكس يا عاشقة القران كلامى ده أقصد بيه ان ردك رائع .. لدرجة إنه غطى على الموضوع الأصلى بتاعى .. أنحنى وأرفع قبعتى لقلب المنتدى " عاشقة القران " .. ونورتى موضوعى بردك اقتباس شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 20, 2007 عارفه ياواد انت انك طبعا معجب بردى ...انت تقدر تقول غير كده ولا ايه انا بثبتك بس ...ما انت ياما ثبتينى...مرة من نفسى اقتباس شارك هذه المشاركه رابط المشاركه شار ك علي موقع اخر
بركات معبد 0 قام بنشر March 21, 2007 ضحكت كثيرا وانا أقرأ نصك حقيقة أحييك لتقمصك دورك ببراعة لو لم أعرفك لأقنعتنى اقتباس شارك هذه المشاركه رابط المشاركه شار ك علي موقع اخر
:: نبـ القلم ــض :: 8 قام بنشر March 23, 2007 شكرا اخى بركات....اى خدمه بس مدام نوهت عن الموضوع ده...احب اقولك انى بعشق التمثيل وهيجرالى حاجه لو ممثلتش...متقلقوش هتشوفونى قريب على التلفزيون...استنونى بعد انقطاع الارسال ..هظهر بعد ما تشوفوا صورة بتعمل وششششششششششششششششششششششششششششش . . تقبل تحياتى اقتباس شارك هذه المشاركه رابط المشاركه شار ك علي موقع اخر
EL3aref 5 قام بنشر November 29, 2007 يا شجرة ياختى ....... وعجبى اقتباس شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر January 14, 2008 شكراً لمروركم جميعا اقتباس شارك هذه المشاركه رابط المشاركه شار ك علي موقع اخر
Shetos 2 قام بنشر January 14, 2008 (تعديل) الله عليك يا كرينكل ده انت الشجرة صعبانة عليك اوى ربنا معاك ومعاها ومعانا كلنا كلمة بينى وبينك هى الشجرة بنت اختك وانا معرفش تم تعديل January 14, 2008 بواسطه Shetos اقتباس شارك هذه المشاركه رابط المشاركه شار ك علي موقع اخر
NADA 34 قام بنشر December 29, 2008 وبيقولوا لى اصبر تهون وادينى صابر .. حامد وشاكر ولا هيه هانت .. ولا يحزنون لا اصبر تنول إن شاء الله خير أنا كنت داخله وناوية لي على نية مش حلوة كنت متوقعه ان ده أصل موضوع الولد والشجرة اللى انا كنت كاتباه,,بس الحمد لله جت سليمه اقتباس شارك هذه المشاركه رابط المشاركه شار ك علي موقع اخر
