الجندى المجهول 37 قام بنشر March 6, 2012 مشروع الحلم يمكن تكون ثورتنا كانت ابهار للعالم او كانت ثورة على الظلم والفقر والجهل والموت اللى كنا فيه قبل الثورة بس اللى انا متاكد منه انى الثورة كان رساله لكل الدنيا اننا لسه قادرين نغير شكل الدنيا بايدينا انى لسه فى مصر شباب يقدر يكسر اكبر حاجز انى مصر لسه بتولد رجاله شبه جنود 73 اننا ممكن نتكف حتى لو سنين بس مش معنى كدا اننا متنا او خدنا على التكتيف علشان كدا الثورة كانت البدايه الثورة كانت اول ضربه مقص فتوب مصر الجديد اللى كان تمنه دم الشهيد اللى كان تمنه نور عيون ولادها بس التوب مش هيكمل غير بحلم جديد يحلموا كل بيت فى مصر يشتغلوا كل طفل بيتولد تغنيه كل ام لولادها قبل النوم يبنيه كل عامل حب مصر تدرسه كل مدرسه على ارض مصر توبك يا مصر جاى بيدين ولادك حلمك يا مصر امر لكل عسكرى على ارضك ايه رايكم بعرف اكتب كلم حلو ولا ايه؟ بس الاهم من الكلام الحلو اللى مكتوب فوق دا نفيذه ودا اللى صعب جدا كانت البدايه باختيار مجلس شعب قوى قادر انو يوصل صوت كل الناس ويحاسب كل واحد يحاول يسرق او يطمع وكمان يشرع قوانين تحمينا وتحافظ على البلد بس لسه فى حلقه مفقوده وهو الحلم يعنى هنحلم لمصر بايه ؟ وليه واشمعنىالحلم دا؟ وايه اللى هيخلينا نحافظ عليه ؟ وهل الحلم يستاهل اصلا؟ يمكن هو دا سبب كتابتى للموضوع اصلا انى لسه مصر من الثورة لحد دلوقتى بدور على حلم يمكن يكون الحلم مع الرئيس اللى جاى؟ يمكن يكون لازم احنا ندور عليه ؟ يمكن يكون جوانا بس احنا مش شيفينوا ؟ يمكن ؟ يمكن ؟ اللى شايف حلم لمصر يكتبوا اللى راسم صورة لمصر ونفسوا يشوفها فيها يخلينا نشركوا فيها يمكن تكون حلم مصر اللى جاى شارك هذه المشاركه رابط المشاركه شار ك علي موقع اخر
عاشق الصداقه 525 قام بنشر March 6, 2012 جزاك الله خيراً حبيبى الغالى على موضوعك الجميل واللى تأكدت من انك اللى كاتبه بسبب وجود سيل الاخطاء الإملائيه (علامة فى كل كتاباتك) ،، ورغم رفضلى لكلمة (حلم) لأن دايماً بيشار بيها للشىء اللى صعب تحقيقه واللى ممكن يفضل دايماً مجرد حلم !! إلا إنى بأيدك فى كتير من اللى قلته ،، وبتفهمى لمقصدك من كلمة حلم .. فأنا شايف ان الكارثة الكبيره اننا منتظرين حد يحققلنا الحلم !!! رغم ان الأرض اتفتحت لينا مبقيتش زى الأول متكتف ،، فأنا شايف ان جزء كبير جدا من اللى بنتمناه - يفترض على كل واحد فينا يسعى لتحقيقه ،، وهقول أمثله بسيطة علشان أقرب وجهة نظرى : - لو انت نفسك ان مصر تكون متقدمة فى مجال الكمبيوتر .. ابدأ انت من دلوقتى اتعلم بشكل احترافى كمبيوتر وانقل خبرتك لغيرك وغيره و .... ،، وخليك مسئول عن الهدف والحلم ده - لو انت نفسك الناس حالها يتحسن والفقر يقل .. ابتدى من نفسك دلوقتى توجد أسباب تقليل الفقر وابتدى كمان تدفع الناس لإنهم يساعدوا بعض وخد من اللى مرتاحين شوية تبرعات ووصلها للفقراء ... - لو انت بتحبك دينك قوى ونفسك الناس كلها تلتزم ومعلق حلمك ده على وجود قنوات اسلامية صحيحة المنهج على التليفزيون الحكومى مثلاً .. متستناش ده وابتدى انت اتعلم علم شرعى وادعو الناس الى الله .. - لو صعبان عليك الأقصى وفلسطين وعاوز الدولة تجهز علشان تحارب اليهود .. ربى نفسك او ربى ابنك انه يكون (صلاح الدين) اللى يعمل ده ولو ولو ولو .... المفروض كل حد فينا يكون مسئول عن هدفه وحمله وان كان أمر عام ،، نشتغل ونعمل ونخطط ونسعى ونتوكل على الله فى كل ده ساعتها بس مشروع الحلم هيكمل والحلم هيصبح حقيقة .. جزاك الله خيراً حبيبى ومفتقد بجد موضوعاتك الجميله دى شارك هذه المشاركه رابط المشاركه شار ك علي موقع اخر
الجندى المجهول 37 قام بنشر March 6, 2012 وخيرا جزيت حبيبى فى الله كلمات نور لمس تراب كلماتى فجعلها تبدوا كلماس الحلم كان مقصود بيه هدف كبييييييييييير يجمع كل الناس حوله هدف يخلى كل واحد فى مصر لازم يطلع احسن ما عنده هدف يخلى كل واحد نفسه يبقى احسن واحد فى الدنيا فى مجاله شارك هذه المشاركه رابط المشاركه شار ك علي موقع اخر
