على خطى الحبيب

[EL3aref 5]

بسم الله الرحمن الرحيم

 

 

 

بل الانسان على نفسة بصيره (14) ولو القى معاذيره (15)

 

صدق الله العظيم

 

بدات كلامى بكلام الله سبحانه وتعالى وهل هناك احلى من هذا الكلام ؟؟!!

بدات كلامى بايات محكمات قالت كل ما يموج فى نفسنا وكل ما نخاف منه ؟؟!!

ايات تعالو نتكلم عنها فى عجاله سريعه ....

بل الانسان على نفسة بصيره ولو القى معاذيره

يقول الله سبحانه وتعالى فى هذه السوره التى تقشعر لها الابدان وتذرف لها العيون الدموع وتلتهب لها الاجفان من البكاء انها سورة القيامه

ياجماعه عارفين السوره مش بتكلمك على يوم القيامه الكبير لا دى بتكلمك على قيامتك انتا ؟!!!!!!!!!!!!

كتير يقول قيامتى انا اقولك اه قيامتك انتا انتا اللى اول ما هتموت سيكشف عنك الحجاب

لقوله تعالى ( لقد كنت فى غفلة من هذا فكشفنا عنك غطائك فبصرك اليوم حديد )

ايوة والله يا اخوانى احنا ربنا حططلنا قدام عنينا حجاب كده علشان منشفش العالم التانى لاننا لو شفناه مفيش مجال ساعتها للشك لكن ربنا عايز يختبرنا يشوف هو احنا هنؤمن فعلا ولا لا فلما انتا تموت ( وجاءت سكرة الموت بالحق ذلك ما كنت منه تحيد )

هتشوف العالم التانى فترجع تقول ياليتنى الا من رحم ربى

عارفين انا بدات بالكلام دا ليه معلش لو كان الكلام جامد لكن هى دى الحقيقه والله

انتو مش ملاحظين حاجه اننا لما نيجى نكلم حد عن صناع واحلامنا ومشاريعنا يقولنا بقى انتو اللى هتغيرو او يقول لما البلد تتغير احنا هنتغير او الوضع بتاعنا ميسمحش او الى ما لا نهايه من هذا الكلام الذى لا طائل منه نيجى بقى نشوف ربنا بيقول ايه للرد على هؤلاء ( بل الانسان على نفسه بصيرة - ولو القى معاذيره ) ايوه ياحبائى مهما عملت انتا بصير على نفسك قدام ربنا حتى ولو قلت كل الاعذار اللى عندك مفيش عذر مقبول عارف لية ( ويخوفونك من الذين من دونه اليس الله بكاف عبده ) هيجى ربنا يقولك خايف من الناس ومش خابف منى وانا اللى خلقت الناس دى كلها وانا ربكم كلكم هتقوه ايه ساعتها هتقوله ايه ( كلا اذا بلغت التراقى - وقيل من راق - وظن انه الفراق - والتفت الساق بالساق )

بجد الواحد لما بيفكر فىالموضوع دا بحصلو شبه انهيار

وبيخاف جدا على الناس دول شوفوا بقى احنا ربنا بيحبنا ازاى ( ان الله يصطفى من عباده من يشاء ) يا جماعه ايه اللى خلانا نتجمع على خطى حبيبنا صلى الله عليه وسلم عارفين ايه ان ربنا بيحبنا لسه وعارفين ربنا سايبنا لحد دلوقتى ليه علشان هو عارف ان لسه فينا نوب وبيدينا الفرصه علشان نتوب منها ياجماعه ربنا بيحبنا والدليل على كده اننا بنحاول اهو نوصل للصح واللى ربنا يحبه اللهم وفقنا لما تحبه وترضاه

هحكلكم قصه سريعه كده عن جدى رحمه الله

جدى كان دايما يقول لامى اهم حاجه يوم اللقاء دا لازم صحيفتك تبقى بيضه علشان تعرفى تقابلى المصطفى صلى الله عليه وسلم وكن يوصيها دايما بكل حاجه تخليها قريبه من ربنا ويقولها الانسان يصبر على الابتلاءات لانها غفران للذنوب

فمرة جدى وهو راكب العربيه عمل حادثه والعربيه اتقلبت بيه ثلاث مرات واتكسر له ضلعين ومعدش بيشوف الابعين واحده وحصله حاجات كتير وفضل نايم حوالى 3 او ا4 شهور فى السرير مش فاكر بالظبط المهم طول الثلاث شهور دى كان على طول يقرا قران ويحمد ربنا وكان لازم حد يدخل يوضيه ويصلى وكان لازم يقوم الليل ويصلى الفجر عارفين ليه لانه قالها فى مره لامى اكرمها الله قالها الحادثه دى نعمه من ربنا مش ابتلاء عارفه ليه علشان هو كفر عنى اكيد ذنوب كبيره كان ممكن اتمنع من لقاء الحبيب بيها وكمان انا ممتش فى الحادثه يعنى بيدينى فرصه انى اتوب من الذنوب الصغيره واعمل عمل خير يوصلنى للحبيب بسرعه ...........

 

ياجماعه انا حكتلكم القصه دى علشان نعرف قد ايه ربنا بيحبنا ربنا لو كان مش بيحبنا كان سابنا كده من غير هدف ولا اى حاجه سابنا من غير حتى ما يخلينا نفكر احنا صح ولا غلط لكن احنا ربنا اختارنا يبقى لازم نكون قد المسئوليه ان شاء الله لازم ياجماعه نثبت للناس كلهم اننا اهو لسه احفاد حبيبنا صلى الله عليه وسلم موجودين وهنرجع العزه للمسلمين من تانى ها ياجماعه يلا نجدد نوايانا ونجدد الامل جوانا ونحط حبيبنا قدامنا فى كل لحظه ونشوف ياترى هو هيحب انو يشوفنا فى اى صوره وكمان فوق دا كله ربنا هيحب يشوفنا عاملين ازاى صدقونى ساعتها ان شاء الله نقدر نقول احنا انتصرنا نصرنا مش هيبقى النهضه بس نصرنا الكبير يوم لما الحبيب يجرى علينا ويقول ايوه هما دول احفادى هما دول صناع الحياة اللى شالو رسالتى من ورايا واعزو الاسلام والمسلمين من تانى هما دول احباب الرحمن ها يلا نجدد العهد من تانى نع بعض يلا نصحى الديناصورات اللى اتفقنا اننا هنصحيها يلا نصحى اسد الله ورسوله ونصحى سيف الله المسلول ونصحى كل دول جوانا من تانى ونصحى حبيبنا صلى الله عليه وسلم بحلمه وطيبته وكل صفاته الجميله جوانا من تانى يلا بينا نسير

على خطى الحبيب

[ABOTASNEEM 117]

كلام رائع ولا اجمل

واتمنى ان نكون قد المسئولية

ان شاء الله