ضربه جزاء

[الجندى المجهول]

ضربه جزاء

فى الاتحاد الدولى ليه سامع شغب

انا ايوه هو ابن الذين المنتخب

وكنت بلعب باك رايت فى المنتخب

خط الهجوم ملهوش لزوم فى الوقت ده

وخط وسط المنسحب سلم خلاص ولفيش دفاع فى المنطقه

ان كنت عايز تعترض اخبط دماغك فى اعلى عارضه والمعرضه تنطلق

ما يهمنيش كحام مفيش لو كارت احمر ولا اصفر بله واشرب مايته

دى الفيفا وام الفيفا انتيم لدادى وصحبته

حتى المجالس واللجان من شلته

عكمتهم وعزمتهم فى يوم الانتخاب عشوه كباب كان يوم هباب من اوله

هلا هلله وعهد الله دى مفترى

عنقود مهاره يابنى فلته وعبقرى

المحترف راح افطسه والاحطياطى حقرطسه

والناس بتعونا مستحيل حيقصروا

هيهيصوا ويصفروا ويجعجعوا ويسنتروا

والنهايه حيلعبوا وبخطتى

تشكيله من الحرس القديم ابن القديم الىاتهرا

ومدرب الاحمال جديد واحد حديد بيقولو قال انه اقترى

ومراقب الخط اتعمى وطاقم التحكيم محلى وبالبلا

والمنع حصريا درامه مسلسله

خط الدفاع عزمى وشريف ما بيرحموش

والجون نظيف وشباكه جمده محصنه

وهجمنا كامل الاكتمال

عز الرجال والهاف كمال تحته حبيب القلب وشهاب على الشمال

اخر جمال رجاله اخر روشنه

ومحضرين ضربات جزاء للمعترض

وطرد للمتسللين حزب الغلابه المنقرض

ودى خطتى لاعب وحيد المستفيد هو انا

وهكله والعه بالف ميت مليون هنا

وهشوط لمين ولفين وليه

والكره جوه فى ملعبى اما صحيح جمهور غبى

حتحسبنوا وتنفسنوامش قصتى حتبرطمو وتحسبنوا مش سكتى

وان كنتوا يعنى بحولوا توصلوا وتسجلوا لامواخذه تبقى بتحلموا

على جثتى

تم تعديل January 17, 2009 بواسطه الجندى المجهول

[sindrella 26]

شكرا ليك وعلى الكلام الجميل

تم تعديل January 31, 2009 بواسطه sindrella 26

[رجل من الصحراء]

لامواخذه تبقى بتحلموا على جثتى

لغاية امتى طيب؟؟؟؟؟

[الجندى المجهول]

شكرا على الردود

سندريلا رجل من الصحراء

الى ان يشاء الله

بس انت ادعى

[الجندى المجهول]

لسه بتدعى ولا ايه