أمـــــــــى

[عاشق الصداقه 525]

هذه الكلمات كتبتها منذ عامين او أكثر .. إهداء إلى أمى ... فى عيد الأم .. أثناء الدراسه الجامعيه ..
فكنت أسافر أسبوعاً دراسياً وأعود للمنزل مره أخرى .. هذا لتفهموا الكلمات .. أترككم معها :

 

فاكر لما أنا كنت صغير    كانت دايماً تدمع عينى
لكن دايماً كنت أندهلك     كنتى تجينى جنبى تراعينى
كان قلبك دايمأ ويايا     ومفيش غير قلبك يداوينى
كنت أنا بفرح لما بشوفك     وأفرح اكتر لما تجينى
كنتى بتضمينى فى حضنك     ومفيش غيره بيدفينى
وانا دلوقتى كبرت .. وبكبر     لكن حضنك لسه حنين
وحييجى بكره وحكبر أكتر     برضه حلاقى صورتك بتزين ..
أيامى .. وتزيد أفراحى     وارجع وانسى انا كل جراحى
وادرس .. وابعد انا واتغرب     وابعد عنك اكتر واهرب ..
من افراحى وانا بستغرب     ليه الشمس انا عنى بتغرب!!؟؟
ليه بتيجى الأحزان والحيره     ليه متبقاش الدنيا جميله
معرفش انا لما ابعد عنك     ليه ايامى بتبقى طويله ..
واما بجيلك واقعد عندك     ليه بتعدى بسرعه الليله ..
وابعد تانى .. وابذل جهدى     واذاكر وادرس واستنى
والأسبوع مش راضى يعدى     والايام تبطىء وتهدى
وارجعلك وبترجع روحى     لما بتضمينى فى حضنك
وبتبرد وتهدى جروحى     اول ما ارجع واقعد جنبك
وانسى الدنيا وانسى الناس     وانسى الأقلام والكراس
لما بشوفك واسمع همسك     وبيكبر عندى الاحساس
واما بييجى اليوم ده يصير     قلبى مرفرف زى الطير
علشان كده انا جاى اقوللك     كل سنه وانتى بخير

 

>>>

 

وكالعادة : حقوق الكتابة محفوظة

[بركات معبد 0]

جميل أن يكون لك أم تكتب لها

ولأجمل أن تبر تلك الأم

 

أرجو أن يصلك ما أود قوله

 

تحياتى

[عاشق الصداقه 525]

لقد وصلنى بالفعل ما تود قوله ...

وبجد نورت الموضوع ..

واللهم ارزقنى بر الوالدين ..

ويا رب دايما تفضل علاقة البر والرحمه والموده اللى بينى وبين والدى ووالدتى على طول

[AMR DAWAM 7]

الله عليك يا ولد

جميل جدا جدا

اللهم اجعلنى واجعله واجعل كل ابناء المسلمين بارين بوالديهم

******************************

[نجمة الكتب 5]

حلوة قويييييييييييييييييي يا احمد ،

AMR DAWAM مشاركة بتاريخ Apr 13 2007, 10:08 AM

 

 

اللهم اجعلنى واجعله واجعل كل ابناء المسلمين بارين بوالديهم

 

 

آااااااااااااااااااامين

[einour 3]

روعة اخي احمد بجد كلمات معبره وتعابير ظريفه بهنيك على هاد الموضوع

[عاشق الصداقه 525]

متشكر جدا لمروركم أخى عمرو وأختى نجمة الكتب وأختى اينور ..

 

بجد يشرفنى مروركم .. ومبسوط ان الأبيات عجبتكم

 

تحياتى لكم

[BLACKDREAM 5]

يا سلام ايه الرومانسيه دي يا سي عاشق

 

شفت انا بحبك ليه

لكل حاجه فيك بجد

[عاشق الصداقه 525]

ربنا يخليك يا حبيبى يامن ...

 

نورت الموضوع

[BLACKDREAM 5]

و اللهي دا الموضوع منور بوجودك يا حبيبي احمد

 

ربنا ما يحرمنا منك ابدا و يخليك للمنتدى دا دايما

[إلا صلاتي 0]

السلام عليكم ورحمه الله وبركاته

 

الام دي اغلى شئ في الوجود ربنا يكرمنا وترضى عنا(امين يا رب العالمين)....

الهم ارزقنا حبها وتقديرها على ما تفعله معنا ....

 

شكراااا.......

[BLACKDREAM 5]

اللهم امين يا رب العالمين

[بنت مصرية 66]

من اجمل مابدعت يداك اخي عاشق الصداقة

بارك الله لك في امك وابيك

وحفظهم لك من كل سوء

في انتظار شعر جديد هدية للأم في يوم الام القادم باذن الله

ربنا يثيبك كل خير

وييبارك فيك ويكرمك ويعطيك خير الدنيا والآخرة