يوميات زوجان متحابان فى الله (يوميات علي ودعوه)(2)

[دعوه للجنه 457]

حان الآن موعدنا مع حلقة جديده من حلقات يوميات زوجان تحابا فى الله

وعاشا على نهج النبوة .

(يوميات علي ودعوة).

 

علي لقيته متوتر ومش على بعضه كده و بيقولي

دعوه انتي لازم تشوفي حل معايا لازم انا مش هواجه مشكلتي دي لوحدي و كتير خبيت عليكي و كتير حاولت اداري بس مش قادر

دعوه مش انتي بتحبيني ؟؟؟؟

قلتله بحبك!!! ده انا بموت فيك يا علي ده انت روحي و عقلي وقلبي

قال خلاص يبقى تقفي جنبي لحد ما اتعالج

" علي قال كلمه اتعالج دي و انا روحي راحت مني قولت له بصوت مبحوح

" مالك يا علي في ايه ارجوك طمني ؟

قللي دعوه انا مدمن و مدمن من زمان اوي بس مش قادر خلاص و ادماني زاد عن حده مش قادر يا دعوه

الكلام نزل عليا و كأن نار و قادت في قلبي و سكت و مش عارفه اقول ايه

بس انا عارفه ان في دقيقه بين انك تختار الصح او تتصرف غلط فكرت و قولتله "علي متخفش انا جنبك لحد ما تتعالج و تخف انا جنبك لحد ما تبقى طبيعي تاني " مش عاوزه اعرف منك ده حصل ازاي و لا عاوزه اعرف اي حاجه الحاجه الوحيده اللي هعرفها انك بقيت كويس يا علي "

رد علي و قاللي انا عارف مافيش فايده مش هخف يا دعوه

دعوه انا مدمن " ذكر الله " و" حب النبي صل الله عليه و سلم "

ساعتها خبطته بالمخده اللي في ايد و قولت له و ربنا انت رخم رخم ياعلي "

ما انا كمان مدمنه زيك بالظبط اقولك حاجه انا مش عاوز اتعالج ولا انت كمان هتتعالج

رد علي و قاللي " طيب يلا بينا ناخد جرعه الادمان دلوقت يلا يا دعوه نذكر الله و صلِ عل النبي 100 مره "

قلت له ماشي يا رخم يلا بينا

 

-----------------------------------------------------

 

ساعات لما باجي من الشغل مش تعبان بقف مع دعوه في المطبخ اجهز معاها الفطار و اسعدها و اسليها

بس بلاقيها بتعمل حاجه غريبه كده

قبل ما تعمل اي حاجه في المطبخ تقف ثواني وبعدين تعملها

ملاحظها من اول ما وقفنا بتعمل الحركه دي و الاقي شفايفها بتتحرك

من غير صوت كده

قولت لها دعوه يا دودو

قالت نعم يا علي

قلتلها هو انتي بتقفي حبه قبل ما تعملي اي حاجه ليه و بتقوللي ايه

قالت انا بجدد نيتي يا علي مينفعش اعمل اي حاجه من غير نيه

فاكر يا علي انت كنت بتقولي يا دعوه " رُب عمل كبير تحقره النيه و رُب عمل صغير تعظمه النيه "

ف انا بحط نوايا كتير قبل ما بعمل اي حاجه عشان الثواب يكتر

يعني بجهز الفطار بنيه " افطار صائم و هكذا .

قولتها " شكرا لكِ يا معلمتي يا اجمل من رأت عيني يا حبيبه قلبي انا "

 

 

 

 

 

 

 

 

 

 

 

منقول بتصرف