أين تذهب هذا المســـــــــــاء ؟؟؟

[حورية الجنة 114]

أين تذهب هذا المساء ؟؟؟

 

 

 

 

 

 

ها تروح فين انهارده

 

هاتروح فبن بعد ما ترجع هلكان من شغلك بلبل أو بعد ما تخلص مشاويرك مع أصحابك أو بعد ما تخلص شرا الحاجات الى محتاجينها فى البيت .

 

هاتروحى فين بعد ما تخلصى شغل البيت وتقعدى عالنت ساعة ولا سا عتين ووتخلصى كل الى وراكى .

 

طيب انت تقدر تستغنى عن صاحبك وحبيبك الى انت بتحبه جدا فترة طويلة من غير ما تشوفه غير لما تكون المسافى بعيدة جدا بس اضعف الإيمان بتتصل بيه وبتكلمه فى التليفون وتفضل ترغى معاه صح ؟

 

انتى تقدر تستغنى عن أنتيمتك لو مش هتقدر تخرجى تشوفيها برضه بتتصلى بيها وتفضلوا ترغوا لحد بكرة ومش عاوزين تقفلوا مع بعض .

 

 

 

 

 

 

إذا كان ده حالنا مع أصحابنا الى هما برضه بشر زينا إيه بقى حالنا مع ربنا الى خالقنا والى بيفرح بينا لما بنروحله جدا جدا طيب بالله عليك قولى:

 

انت من بعد ما خلص رمضان كام مرة صحيت قبل الفجر وصليت كام ركعة قيام ليل من بعد رمضان الى كان أغلبنا فيه بنصلى 20 ركعة قيام وكمان بنصلى تهجد بعد كده وللأسف رمضان خلص ودلوقتى بقى يا خفيف بقيت بتصلى كام ركعة قيام وبص فى النتيجة شوف انهارده كام شوال

:angry:

 

ها شوفت ولا لسه ؟؟؟؟؟؟؟؟؟

 

 

اصحالى بقى وركز معايا خمسة اسمع بقى حبيبك ، حث النبي على قيام الليل ورغّب فيه، فقال عليه الصلاة والسلام: {عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني].

 

وقال : { أتاني جبريل فقال: يا محمد، عش ما شئت فإنك ميت، وأحبب من شئت فإنك مفارقه، واعمل ما شئت فإنك مجزي به، واعلم أن شرف المؤمن قيامه بالليل، وعزه استغناؤه عن الناس } [رواه الحاكم والبيهقي وحسنه المنذري والألباني].

 

 

 

 

ها انت مستشعر فرحة ربنا ببيك لما تصحى من نومك وتقوم تتوضى وتوقف بين إيديه لوحدك وتصلى وباقى الناس نيا وتفضل تصلى وتدعى الى نفسك فيه وتستغفر ربنا على الى عملته ويا سلااااااااام كمان لما توصل لمرحلة إنك تبكى بين إيديه يااااااا بتكون قمة فى السعادة وربنا بيفرح بيك بشكل وبيباهى بيك الملائكة الكرام .

 

 

وقال سبحانه: وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى أَن يَبْعَثَكَ رَبُّكَ مَقَاماً مَّحْمُوداً [الإسراء: 79].

 

 

ها مش نفسك بقى تصحى انهارده وتصلي باليل مش هاقلك عشر ركعات خليهم أربعة بس ياريت تداوم عليهم كل ليلة لأن قليل دائم خير من كثير منقطع وصدقنى لما هتستشعر اللذة مش تقدر تستغنى عنهم أبدا

 

وإنتى بقى هاتصحى تصلى علشان تدعى ربنا ييسرلك عملك بالنهار سواء فى بيتك أو مع الأولاد أو حتى فى الشغل بره البيت وممكن حاجات كتير تتهون عليكى .

 

يلا كل واحد يوعد نفسه إنه مش هيقصر تانى فى قيام الليل ومش يستغنى عنه لأن ربنا بيحبه ومستنيه يلا ما تكسلش وما تسمعش للشيطان ربنا مستنيييييييييييييييييييييييك هاتروحله صح انا عارفة .

 

 

 

 

 

استنى بقى ثانية وحده لسه ما خلصناش اسمع حبيبك بيقول إيه بس الاول لازم تصلى عليه

 

 

قال النبي : { في الجنة غرفة يرى ظاهرها من باطنها، وباطنها من ظاهرها } فقيل: لمن يا رسول الله؟ قال: { لمن أطاب الكلام، وأطعم الطعام، وبات قائماً والناس نيام } [رواه الطبراني والحاكم وصححه الألباني].

 

 

 

 

 

وكده يبقى موضوعنا انهارده خلص يارب يعجبكم وعلى فكرة ده انا الى كتبته لوحدى يعنى على أدى يارب يعجبكم وهاستنى رأيكم وياريت الى يعجيبه يدعيله معاه دعوه بظهر الغيب( إجبارى على فكرة )

:)

[عاشقة الفردوس 161]

ما شاء الله، الله يفتح عليك يا بنتي ويزيدك من فضل ويستخدمك ولا يستبدلك

 

ويجعلك مفتاحا للخير مغلاقا للشر اسلوب جيد جدا ومؤثر اسأل الله ان يجعل عملك خالصا لوجهه الكريم

 

بانتضار جديدك عزيزتي *حورية الجنه *

 

 

[دعوه للجنه 457]

ماشاء الله ،،،، جميل يا حورية كلماتك وترتيبها وتنسيقها ومضمونها طبعا

 

 

جزاكِ الله خيرا والله اسال ان يجعل المشاركة بميزان حسناتك ،، اللهم آآآمين.

 

 

 

خلى الدعوة بظهر الغيب بينى وبين نفسى ....

[حورية الجنة 114]

جزاكما الله كل خير وأطعمكا أشهى لحم طير على مروركما البناء والنافع بإذن الله

 

وانا موافقة يا دعوة الدعاء يكون بينك وبين نفسك بس شيدى حيلك شوية :ph34r:

[شهد 2010 4]

موضووع جميل جدا (حوريه الجنه)

جزاكِ الله كل خير

[فخورة بنقابي 30]

روعه ماشاء الله جزاك الله خيرا حبيبتي حورية الجنه

 

ربنا ينفع بيكي الاسلام والمسلمين وبجد الموضوع أكثر من رائع

 

وكلنا محتاجين نسمع الكلام الجميل ده علشان نجدد الطاعه

 

في ميزان حسناتك ان شاء الله

 

أما بالنسبه للدعوه أنتي ليكي كام دعوه عندي اتقفنا عليهم قبل كده اني ادعيلك بيه علي طول

 

فأنا هدعيلك بيهم دلوقتي بس مش قدام الناس

[حورية الجنة 114]

ربنا يخليكى يا حببتى ده بس من كرم أخلاقك يارب يعينا ويقدرنا

 

بس أنا مبسوووووطة كتير إنك فاكرة الدعوات الى اتفقنا عليهم يارب ما تكونيش نسيتى واحدة منهم بالله عليكى تدعى بيهم كمان مرة