مما كتبت .. محتــــــــــــاج

[عاشق الصداقه]

قصيده كتبتها فى وقت غاب فيه اصدقائى عنى .. وبعدوا جميعاً فأحسست بوحده شديده وإنسابت الكلمات ..

وها أنا أعيدها عليكم الآن .. فى ظروف مشابهه جداً جداً

 

 

محتــــــــــــــــــــــــــــــــــــــــاج

 

 

 

 

محتاج أنا لحظة هنا .:.:. لحظة فرح لحظة وفا

محتاج للحظه مش سنه .:.:. أحس فيها بالدفا

محتاج أعيش لحظه جميله .:.:. والاقى فرحى اللى اختفى

محتاج لأنى ارجع اشوف .:.:. نور السعاده اللى إنطفا

.

دايماً بحس إنى فى حصار .:.:. وفى قلبى دايما قايده نار

دايماً بحس إنى فى ظلام .:.:. غرقان فى بير من غير قرار

دايماً بحس بضيق ويأس .:.:. والليل بقى أطول من النهار

دايماً يا دنيا ألم .. دمار .. .:.:. هو انتى ليكى عندى تار !!

.

ليه يا دنيا ليه بتضلمى .:.:. مش عاوزه ليه تتبسمى

ليه بحزنك وبهمومك .:.:. تيجى عليا وتهزمى

ليه السعاده بتعدمى .:.:. ليه العذاب بتقدمى

ليه كل ما أبنى بتهدمى .:.:. ردى عليا .. إتكلمى ؟؟

.

أنا حاجه واحده تهمنى .:.:. ليه مستحيل أوصللها !!

أنا لو قلوب أحبابى تعرف .:.:. قد ايه حبى لها ..

أنا حبى واهبه للصداقه .:.:. ودى احلى كلمه عرفتها

أنا بعشق الكلمه دى لكن .. .:.:. حاسس انى محروم منها

.

محتاج لحد يدلنى .:.:. لصديق حقيقى يعزنى

محتاج صديق من أصدقائى .. .:.:. لو نص حبى .. يحبنى

محتاج صديق ينقذنى .. لو .:.:. من بحر حزنى يشدنى

محتاج حقولها بأعلى صوت .:.:. محتاج لحضن يضمنى

 

 

 

 

 

 

بقلم : عاشق الصداقه

أحمد عبد الرازق أحمد

 

لتحميل الملف من هنا : mhtag.rtf

[صناع الحياه]

في البدايه يا احمد احب اقلك انت مش عايز صديق انت عايز خل

حد يتخللك ويتشربك

وده في حد ذاته صعب جدا في زمانه ده

صادق نفسك يابوحميد هي اقرب حاجه ليك ومش هتقدر تفارقك ابدا

اطلع براها يابوحميد وبص عليها من بره وحبها وصاحبها وعدل فيها

يابو حميد اهدي لنفسك هديه تستحقها

اهدي لنفسك " نفسك"

شوفها بتحب ايه واديهولها

لبيلها رغباتها وشوفها عايزه ايه

اقعد معاها وضمها بدراعاتك واحضنها وحسسها بالامان معاك

اسمعها عايزه تقول ايه يا احمد

طبطب عليها وخليها تبكيلك

"اذا اردت ان تجد الصديق فصادق نفسك فهي اولي بتلك الصداقه"

[عاشق الصداقه]

أشكرك من كل قلبى حبيبى العرابى لمرورك ونصيحتك ..

تحياتى العطره لك حبيبى الغالى

[NADA]

ياترى لسه كتير

[BLACKDREAM]

الواد البه بيوجعه

 

عايز حد يدلعه

 

الواد بيئول الاه

 

ااااااااااااااااه

 

مش لاقي معاه

 

اااااااااااااااه

 

كلنا معاك يا معلم و كلمه السر كتكوت

 

 

تم تعديل April 26, 2007 بواسطه BLACKDREAM

[عاشق الصداقه]

ياترى لسه كتير

 

كلنا معاك يا معلم و كلمه السر كتكوت

:):)

 

ربنا يخليكوا يا رب يا غاليين عليا ..

متشكر خالص لمروركم .. ويا رب تكون لكلمات أعجبتكم ..

ويا رب دايما مع بعض يا سى بلاك دريم

وبجد والله كل اللى فى المنتدى غاليين ليا ..

وده المكان اللى انا بحس فيه انى بين اصقائى وبحس براحه كبيره

 

تحياتى لكم

[BLACKDREAM]

طبعا عجبتنا امال ايه

 

دا انت شاعر يا ابني

[طائر السكون]

بجد احمد كفايه

انا بحس ان الدنيا مثاليه من كلامك و ده مش الواقع

[BLACKDREAM]

هههههههههههههههههههههههههه

[مريم بنت عمران]

جمييييييييله

 

مررت من قبل

 

وانتظرت حتى ارد بزجل يرقى الى ما كتبتم

 

ولكن ضيق الوقت منعنى

 

بارك الله فى قلمك

[عاشق الصداقه]

سعيد جدا جدا بردك واحترم رأيك جدا جدا اختى مريم بنت عمران

 

مررت من قبل

وانتظرت حتى ارد بزجل يرقى الى ما كتبتم

ولكن ضيق الوقت منعنى

 

أنتظر زجلك عندما يتسع الوقت لتكتبيه ...

وأنتظره بفارغ الصبر ... ومشكووور جدا لردك..

ومتشكر جدا يا طائر السكون

بجد احمد كفايه

انا بحس ان الدنيا مثاليه من كلامك و ده مش الواقع

بجد مش فاهم ايه اللى ادالك النطباع ده او مش فاهمه !!

[أحمد سيف]

محتاج لحد يديني ربع جنيه يغديني

ياريت تضيف البيت ده

كده الشعر هيبقه ليه معنى أكتر

بس بجد يا احمد والله مش عشان انت قاعد جنبي و طلبت اني اقول رأيي

من زمان وأنا بقول عليك موهوب بالفطرة

عايز منك شعر عنوانه حنضل بيحب عيشه على وزن هرقليز بيحب زينه

[BLACKDREAM]

حنضل بيحب عيشه

حنضل حيربي الماشيه

حنضل حيجيب بنوته

و اكيد حتكون كتكوته

لاحنضل حيجيب اموره

عشان ياعدو عندالنافوره

و يدلعوها يالولها يا عصفوره

 

 

ههههههههههههههههههههه

اخي الحبيبي احمد سيف

ارجو ان تتقبل هزاري معاك

و تقبل كل احترامي و محبتي

[Shetos]

جميل يا كرينكل..

[بنت مصرية]

رائع جدا ياكرينكل موهبة اهنئك عليها

ولكنك باذن الله لن تكون وحيدا فالاصدقاء من حولك في كل مكان

ولكني انصحك بالا تحمل حمول الصداقة علي اكتافك حتي لاتسقط

الي قاع الجبل المظلم

لاتغيب كثيرا عن المنتدي

تقبل مروري

[حنظلة]

دايماً يا دنيا ألم .. دمار.. هو انتى ليكى عندى تار !!

رااااااااااااااااائع فعلا هو سؤال هى الدنيا ليها تار عندنا ولو ليها يبقى احنا اللى ابتدينا ويبقى حقها تاخد تارها وهل ما زالت ستسمر سلسلة الاخذ بالثأر بينا وبين الدنيا؟؟ اختك حنظلة

[عاشق الصداقه]

محتاج لحد يديني ربع جنيه يغديني

ياريت تضيف البيت ده

كده الشعر هيبقه ليه معنى أكتر

بس بجد يا احمد والله مش عشان انت قاعد جنبي و طلبت اني اقول رأيي

من زمان وأنا بقول عليك موهوب بالفطرة

عايز منك شعر عنوانه حنضل بيحب عيشه على وزن هرقليز بيحب زينه

 

شكراً أخى أحمد سيف لرأيك الجميل

 

حنضل بيحب عيشه

حنضل حيربي الماشيه

حنضل حيجيب بنوته

و اكيد حتكون كتكوته

لاحنضل حيجيب اموره

عشان ياعدو عندالنافوره

و يدلعوها يالولها يا عصفوره

 

 

ههههههههههههههههههههه

اخي الحبيبي احمد سيف

ارجو ان تتقبل هزاري معاك

و تقبل كل احترامي و محبتي

 

اهو يامن قام بالواجب أهو

مفتقدينك حبيبى يامن

 

جميل يا كرينكل..

 

إنت الأجمل يا حبيب قلبى يا قمر إنت

 

رائع جدا ياكرينكل موهبة اهنئك عليها

ولكنك باذن الله لن تكون وحيدا فالاصدقاء من حولك في كل مكان

ولكني انصحك بالا تحمل حمول الصداقة علي اكتافك حتي لاتسقط

الي قاع الجبل المظلم

لاتغيب كثيرا عن المنتدي

تقبل مروري

 

شكراً لرأيك الجميل أختى بنت مصريه

لن أكون شيئاً فى موهبتكم الكبيره كمحاضرى تنميه بشريه ولا كاتبى موضوعات - ما شاء الله - وشكراً لنصيحتك

أتمنى الا أغيب عن المنتدى مره أخرى .. كما أتمنى أن أرى أصدقائى حولى دائماً .. فهذا سيهون الكثييييييييييير

ولكنى كتبت الموضوع فى توقيت قد بعد عنى فيه جميع أصدقائى .. وكان هذا سبب كتابة تلك الكلمات .. أتمنى الا تتكرر مثل هذه الأيام

شكراً لمرورك

دايماً يا دنيا ألم .. دمار.. هو انتى ليكى عندى تار !!

رااااااااااااااااائع فعلا هو سؤال هى الدنيا ليها تار عندنا ولو ليها يبقى احنا اللى ابتدينا ويبقى حقها تاخد تارها وهل ما زالت ستسمر سلسلة الاخذ بالثأر بينا وبين الدنيا؟؟ اختك حنظلة

 

شكراً لردك ورأيك وتحليلك أختى حنظله ..

وأهلاً بكى فى المنتدى - ترحيب قد تأخر كثيراً - وليس بيننا وبين الدنيا أى ثأر

وفى كلماتى إستنكرت ذلك .. لذا قلتها بإستغراب .. ولكن ما يحدث هو سنى الحياه .. يوم جميل وآخر غير ذلك

النصر فى النهايه لمن يصبر على الأيام الصعبه ويتقبل قدر المولى عز وجل بصدر رحب (وإن بعد العسر يسرا) .. وسيفك الله كربه

والفائز من يتحدى هذه الصعاب ولا يستسلم للمآسى ويظل يندب حاله .. بل يجد مخرجاً ويواجه الظروف وينتصر عليها

وإن شاء الله نكون جميعاً هذا الفائز

تحيتى وتقديرى

[El-Saher Fantasy]

محتاج لحد يدلنى unsure.gif لصديق حقيقى يعزنى

محتاج صديق من أصدقائى .. unsure.gif لو نص حبى .. يحبنى

محتاج صديق ينقذنى .. لو unsure.gif من بحر حذنى يشدنى

محتاج حقولها بأعلى صوت unsure.gif محتاج لحضن يضمنى

 

لقيت يا أدمن؟؟

عموما انا هنا

[Mr Hamdy Ahmad]

راااااااااااااااائع ياحمد

 

وربنا يبارك فيك أخي الكريم

[عاشقة الفردوس]

مؤثرة جدا والله وإحساس عالي ولكن لمن لا يقدر قيمة الصداقة الله الغني

[فخورة بنقابي]

كلمات رائعة واللة تعبر عن اوقات نشعر فيها بابتعاد اصدقائنا عنا لقد اثرت في هذة الكلمات الجميلةالنابعة من احساس صادق وجزاك اللة خيرا ووفقك لما يحب ويرضي

[دعوه للجنه]

ماشاء الله

 

سلمت وسلم قلمك ..............

[لامار]

احساس رائع وكلمات راقية

 

الى الامام

[حورية الجنة]

فعلا والله كلمات جميلة وأنا مقتنعة بكل كلمة اتكبت لكن للأسف نادرا ما بلاقى ده على ارض الواقع وهذا ما يحزننى كثيرا وانتظره حتى الان

[نـــــــــــور]

حلو كتير ررررررر

 

محتاج لحد يدلنى .:.:. لصديق حقيقى يعزنى

محتاج صديق من أصدقائى .. .:.:. لو نص حبى .. يحبنى

محتاج صديق ينقذنى .. لو .:.:. من بحر حذنى يشدنى

محتاج حقولها بأعلى صوت .:.:. محتاج لحضن يضمنى

 

 

ما شاء الله عجبنى كتير بجد رووووووووووووووووووووووعة

منتظرين الاروع

سلمت يداك اخى عاشق الصداقة