موضوع للنقاش يا ريت الكل يقول رأيه

[«۞۩ أبو سليمان ۩۞» 179]

 

 

 

 

فيه حاجات كتير جدا موش عجباني في مصر وده طبعا من خوفي عليها و نفسي تكون احسن بلد في الكون

 

الموضوع اللي هقولهولكم النهارده موش عاجبني من زمان وكنت عايز منكم تقولولي رأيكم ,, عشان عارف ان اعضاء منتدانا من اكتر الشباب خوفا علي مصلحة بلدنا

 

الموضوع هو

 

نسبة الفلاحين والعمال في مجلس الشعب اللي اكتر من 50%

 

و القانون ده ينص علي ان اعضاء مجلس الشعب لازم يكون نصفهم او اكتر من الفلاحين و العمال و القانون ده اتعمل بعد الثورة عشان كان الفلاحين والعمال مظلومين وحقهم رايح عليهم عشان الاقطاع و الملكية والحاجات اللي كلنا عارفينها دي ,,, و كان القانون ده في وقت ظهوره قمة في العدل و حافظ علي حقوق العمال و الفلاحين

ولكن مع مرور الزمن للأسف القانون ده استخدم استخدام سيء جدا و بقي ثغرة و شوكة في ظهر التطور

هتقولولي ليه

تخيل اكتر من نص المجلس اللي بيصدر قوانين البلد اشخاص غير متعلمين تعليم كويس او مثقفين ,, وميعرفوش حقوقهم اصلا يبقي اذاي هيضعوا قوانين تحمي المواطنين ,,, يعني اي حاجة هتقولها الحكومة هيقولوا علي طول الكلمة اللي مبنسمعش غيرها ( موافقة )

طبعا لكل قاعدة شواذ يعني في ناس عمال وفلاحين عندها فكر وثقافة احسن من اساتذة الجامعة

و لكن هنا انا بتكلم علي الغالبية العظمي منهم

لو بصينا لحالنا دلوقتي هنلاقي ان الناس اللي مفروض يستفادوا من القانون ده و هم العمال و الفلاحين هم اكتر ناس مظلومين

و كمان الناس اللي عنديها فكر و ثقافة ذي اساتذة الجامعات و العلماء

موش بيشاركوا في المجلس (او عددهم صغير لا يؤثر في قرارات المجلس) يعني مصر موش هتستفاد بيهم في اكتر مكان حيوي في البلد

يعني اي حكومة هتجي هتتأكد ان اي قانون تفكر في وضعه مش هيكون عليه اي اعتراض و دي في حد ذاتها كارثة لأن المجلس فقد اهم عمل ليه و هو مناقشة القوانين بموضوعية ووجود الموافقين والرافضين و الموافقة علي الاصلح

الشيء الاصعب من كده ان القانون ده موش ممكن يتغير الا بموافقة مجلس الشعب اللي طبعا اعضائه موش ممكن يوافقوا عليه

 

او يأتي عن طريق قرار جمهوري

 

 

ياريت تقولوا رأيكم في الموضوع ده ولو كان فيه حد معارض يقول وجهة نظره

 

[PIPITO 0]

بســم الله الـرحمــن الرحيــم

 

أخى العزيز

 

د . عبقرينو

 

مواد الدستور لايمكن تغيرها الا لو كانت تخدم مصالح الحكومه فقط

 

و دا مش يأس دا احباط

[تقوى القلوب 12]

اخى العزيز د/عبقرينو

 

انا معاك

 

كل زمن وليه متطلباته

 

زمان كانت نسبه التعليم العالى قليله جدا وكان اغلب الشعب من الفلاحين والعمال

 

فكان متطلبات الوقت ده ان يكون اللى بيعبر عن الشعب منه

 

دلوقتى الزمن اختلف نسبه الاميه فى مصر ضئيله جدا على الاقل فى اغلب مناطق مصر

 

احنا محتاجين فعلا لحد يتكلم عننا لحد شاب مش عجوز مش حاسس بمشاكلنا

 

محتاجين لحد يوصل بينا لقفزات فى الفكر لقفزات فى كل المجالات

 

محتاجين حد يعبر عننا

 

وده ان شاء الله هيحصل بس بعد 50 سنه لما نقضى على الاميه تماما وميبقاش فى فلاحين ولا عمال ذوى تعليم متوسط ولا اميين

 

لا بقرار من مجلس الشعب ولا بقرار جمهورى

 

تم تعديل January 20, 2009 بواسطه تقوى القلوب

[«۞۩ أبو سليمان ۩۞» 179]

بســم الله الـرحمــن الرحيــم

 

أخى العزيز

 

د . عبقرينو

 

مواد الدستور لايمكن تغيرها الا لو كانت تخدم مصالح الحكومه فقط

 

و دا مش يأس دا احباط

 

شكرا اخي بيبيتو علي مرورك

 

اساس الموضوع كنت عايز اعرف رأي اعضاء منتدانا الغالي في الموضوع ككل لأن فيه ناس موافقه علي الوضع الحالي اما لجهل منهم او لرؤية شخصية

 

لو كان فيه حد موافق كنت عايز اعرف ايه رأيه عشان نناقشه ممكن نستفاد

 

و بلاش ياعم النظارة السودة اللي شايف بيها احوال البلد ,,, يا ريت حتي تخليها بني فاميه

 

سعيد بمرورك بيبيتو

 

اخى العزيز د/عبقرينو

 

انا معاك

 

كل زمن وليه متطلباته

 

زمان كانت نسبه التعليم العالى قليله جدا وكان اغلب الشعب من الفلاحين والعمال

 

فكان متطلبات الوقت ده ان يكون اللى بيعبر عن الشعب منه

 

دلوقتى الزمن اختلف نسبه الاميه فى مصر ضئيله جدا على الاقل فى اغلب مناطق مصر

 

صحيح ده هو اللي كنت اقصده في الموضوع

 

احنا محتاجين فعلا لحد يتكلم عننا لحد شاب مش عجوز مش حاسس بمشاكلنا

 

محتاجين لحد يوصل بينا لقفزات فى الفكر لقفزات فى كل المجالات

 

محتاجين حد يعبر عننا

 

موش شاب بس ,,, ده لازم يكون شاب بعقل شاب او حتي عجوز بعقل شاب

 

لأن فيه شباب كتير بيفكروا بتفكير الخمسينات و في نفس الوقت فيه رجال كبار في السن لهم فكر شبابي و حكيم في نفس الوقت يستطيع به ان يحقق كل طموحاتنا و احلامنا

 

ده ان شاء الله هيحصل بس بعد 50 سنه لما نقضى على الاميه تماما وميبقاش فى فلاحين ولا عمال ذوى تعليم متوسط ولا اميين

 

50 سنة :lololo: يا ريت ,,, بس المشكلة ان التعليم في مصر بقي ذي الفل يعني فيه ناس الايام دي بمؤهلات عليا بتقرأ الجرنال بالعافية

 

غير مستوي الثقافة اللي بقي في السما ,,, الحمد لله علي كل حال

 

ربنا يرحمنا

 

 

شكرا جزيلا اختي تقوي علي مرورك المميز و مشاركتك بالرأي في الموضوع

 

الموضوع تشرف بمروكم اخي بيبيتو & اختي تقوي القلوب

[حياتى من اجل ربى 22]

هى بصراحه مش القوانين بس هى اللى مبوظه البلد

دى حااجه من الحاجات وتغيرها لن يحقق اى شئ لان اللعب من تحت لتحت

شغل على كبير مش مجرد قوانين وموافقه

ومين قال ان الدنيا قبل كده كانت ماشيه حلو والناس كانت بتاخد حقوقها اسال الفلاحين نفسهم هيقولولك غير كده

وجزاك الله خيرا على طرح هذا الموضوع للنقاش متميز كعادتك تعجز الكلمات عن تقيمك

تقبل مرورى المتواضع على موضوعك المميز

[رجل من الصحراء 36]

رشحني انت لمجلس الشعب بس وملكش دعوة

وعلى راي الشاعر الصعلوك

لولم اكن مصريا .....كان هيبقى اشطة اوي

طبعا بهزر بس هعمل ايه من الغلب

ربنا يهدينا على نفسينا

تقبل مروري اخي دكتور عبقرينو

وجزاك الله كل خير على مواضيعك الشيقة

رجل من الصحراء

[«۞۩ أبو سليمان ۩۞» 179]

هى بصراحه مش القوانين بس هى اللى مبوظه البلد

دى حااجه من الحاجات وتغيرها لن يحقق اى شئ لان اللعب من تحت لتحت

شغل على كبير مش مجرد قوانين وموافقه

ومين قال ان الدنيا قبل كده كانت ماشيه حلو والناس كانت بتاخد حقوقها اسال الفلاحين نفسهم هيقولولك غير كده

وجزاك الله خيرا على طرح هذا الموضوع للنقاش متميز كعادتك تعجز الكلمات عن تقيمك smile.gif smile.gif smile.gif smile.gif

تقبل مرورى المتواضع على موضوعك المميز

 

شكرا اختي حياتي من اجل ربي علي الرد الرائع المتميز

 

هو طبعا القوانين موش كل حاجة بس عيب علينا اننا نكون في بلد المفروض انه متحضّر و يكون عندينا قانون ذي ده و تغييره موش هيجيب تأثير فوري لكن علي الاقل هيكون بدايه للإصلاح يعني طريق التريليون ميل يبدأ بمللي :crying:

 

الموضوع اضاء بمرورك اختي

 

رشحني انت لمجلس الشعب بس وملكش دعوة

وعلى راي الشاعر الصعلوك

لولم اكن مصريا .....كان هيبقى اشطة اوي

طبعا بهزر بس هعمل ايه من الغلب

ربنا يهدينا على نفسينا

تقبل مروري اخي دكتور عبقرينو

وجزاك الله كل خير على مواضيعك الشيقة

رجل من الصحراء

 

 

ماشي ياعم اترشح بس المرّة اللي جاية و انا هصوتلك ( اديك صوتي يعني متفهمنيش غلط )

 

بس لو هتترشح فئات يبقي ابقي قابلني لو نجحت :lololo: :crying:

 

شكرا رجل من الصحراء علي مرورك شرّفت الموضوع