كيف تكون حياتي كلها لله

[نودة 41]

كيف تكون حياتي كلها عبادة؟؟
من تلخيص بعض الأخوات للدرس الرابع من سلسلة ( سير الصالحين )( كن عابدا )

حيث تقام السلسلةكل يوم إثنين بعد صلاة العشاء .
العنوان : مسجد غافر الكبير - شارع الجندي من منظمة فتح - تقسيم كمال حافظ خلف الشركة الشرقية للدخان شارع خاتم المرسلين - العمرانية الغربية - الهرم - جيزة.


عمالين تكلمونا عن حال السلف وإزاي كانوا بيعبدوا ربنا صح ( أعمل إيه يعني عشان أجيب الأعمال دي وأنا بردو نفسي أبقى زيهم خلينا نقول
" كيف تكون عابدًا ":

1- غير مفهومك للعبادة .. تخلى من العوائق التي أمامك إعرف من تعبد يهون عليك أمرك .
2- الشوق .. [من كان يرجو لقاء الله فإن أجل الله لآت ]
3- أعلّي الهمة بذكر الآخرة .. [ إنا أخلصناهم بخالصة ذكرى الدار ]
يهون عليك العبادة .
4- كن فقيهًا متعبدًا .. يركز في النافلة ويسيب الفرض ؟؟! وربنا عز وجل قال :" ما تقرب إلي عبدي بشيء أحب إليّ مما افترضته عليه " .. يبقى تصلح الفرائض .
5- لا بد من تحصين العبادة بشيء من النفل عشان ما تنتكسش !
6- درّب نفسك على حشذ الهمة .. ممكن تنجز في باب من أبواب الطاعة (تغسل ميت ، تروح قبر حاجة بتفوقك شوف إنت بتيجي بإيه ؟
7- عليك بفقه الفاضل والمفضول .. بمعنى ؟
أفضل الأعمال في وقت الأذان .. الإقبال على الصـلاة ، في وقت القرآن .. جمع القلب على تدبره ، أفضل عمل بعد صلاة الفجر ؟ تقرأ قرآن ؟ لأ .. تقول الأذكار (الفاضل والمفضول) ولو اتبقى وقت إبقى اقرأ قرآن .
8- كن صاحب عبادة شاملة .. ( يا مسكين وانت في الشغل تضيع 10 ساعات منك !! )
إيه الحل طيب ؟ وانت نازل على السلم احتسب اليد العليا خير من اليد السفلى وفي فيّ امرأتك صدقة .. ثلث عمرك ما يبقاش في ميزان حسناتك ؟؟ إني أحتسب نومتي كما أحتسب قومتي .. بتنام عشان تعرف تعمل العبادة واحرص على هذا الدعاء ( اللهم اشفني من النوم باليسير ) فإن نمت فأنت في طاعة .. قول ياا رب أنا هجيب أخري .. بس إنت ترضى ياا رب .
اكسر الحاجز النفسي وقوم الليلة دي ولو بركعتين .. إنت ناوي على إيه ؟ بس هو يرضى ! بالله عليك ما تعبدوش عشان دنيا وكل حاجة هتتعدل .
9- بادر قبل أن تغادر بادر قبل أن تغادر .. وانت جاي تصلي هوضحلك حالك وتقول إنت كده فعلًا ولا لأ ؟
الدنيا تليّل وعايز تصلي قيام .. تقول يعني أصلي قيام ومعرفش أجيب الفجر (مش هتلحق يعني لو صليت ونمت) ؟ .. ولو جبت دي صح الشيطان هيقولك ياعم انت تعبان هتصلي بأنهي نية إنت مش عندك نية دلوقتي وتعبان جدًا !
الحل / إنك تقوم تجيب ركعتين مش فاهم فيهم حاجة وبعد كده ركعتين تاني مش فاهم فيهم حاجة وبعدها هتلاقي الشيطان بيبعد وربنا فتحها عليك بصدق نيتك وبدأت تخشع تقوم جايب ركعتين صح بقى .
10- إحرص على الأعمال المضاعفة .. ركز في التقيل
( صلاة الرجل في جماعة ، الصلاة في المسجد البعيد ، المكث في المسجد ، الذكر المضاعف قبل ما تنام .. سبحان الله وبحمده عدد خلقه ورضا نفسه وزنة عرشه ومدام كلماته ، خواتيم البقرة ، سورة البقرة المانعة من عذاب القبر ) تــاجر مع الله .
11- إحرص على الأعمال التي لا تقطع ثوابها .. علم ينتفع به ، صدقة جارية .
12- إحرص على الموت في رباط الجهاد .. يـــااا رب مِنّ علينا بالشهادة .
13- اهتم بركني العمل .. مش فقط صورة العمل ، ما عيطتش في الصلاة وبس المهم تركز في الإخلاص والمتابعة ( فاتبعوني يحببكم الله ) .
14- إيّاك ومحبطات الأعمال ( ثلاث مهلكات ... وإعجاب المرء بنفسه )
لااااا تحدِّث به واحتقره في جنب عظمة ونعمة الله عز وجل .. [ يوم ترى المؤمنين والمؤمنات يسعى نورهم بين أيديهم وبأيمانهم بشراكم اليوم جنات تجري من تحتها الأنهار خالدين فيها ذلك هو الفوز العظيم ]
بقلبك قبل لساانك .. تبت إليك ياا رب طهررنيي اغسلني من خطاياي بالماء والثلج والبرد .. جدّد توبتك تكن أعبد الناس ..
" فستذكرون ما أقول لكم وأفوِّض أمري إلى الله إن الله بصيرٌ بالعباد"


ولمتابعة باقي السلسة من هنا