العوافى

[الجندى المجهول]

العوافي

 

ع اللي متنكد وصافي

 

واللي حافي

 

نجيب له جزمة

 

عاملة أزمة

 

الكلاب جوة الشوارع والقوافي

 

العوافي

 

* * * *

 

زار ف ليلة الليل قلوب

 

ماستناش فيها يادوب

 

الحقوني في ضلامها راح أدوب

 

برد فيها ....... فين لحافي

 

العوافي

 

 

 

 

 

 

 

القمر بعتر ف نوره شمال يمين

 

كان بيحسبهم جميعاً طيبين

 

جه ف ليلة والهوا طير وشوشهم

 

واكتشف حلمه الخرافي

 

العوافي

 

* * * *

 

سيب دموعك ترتوى بورد الخدود

 

وامشي وسط الناس ووزع في الورود

 

لما فجأة البرد ييجى

 

تبقى وحدك اللي جواك قلب دافي

 

العوافي

 

* * * *

 

من زمان الشمس هالة

 

علي اللي جالها وعلي اللي ولي

 

واللي كان طمعان ف طلة

 

ولا عمرها كانت تجافي

 

العوافي

 

ياما تزرع يا بن ادم

 

ليه بتحصد وأنت نادم

 

ليه بتزرع شوك ف سكة

 

وأنت ماشي بقلب حافي

 

العوافي

 

* * * *

 

العوافي ع اللي متنكد وصافي

 

واللي حافي نجيب له جزمة

 

عامله أزمة

 

الكلاب جوة الشوارع والقوافي

 

العوافي

 

العوافي

[رجل من الصحراء]

تحياتي وتقديري

تقبل مروري

[الجندى المجهول]

الله يعافيك

رجل الصحران

[حياتى من اجل ربى]

[sindrella 26]

الله يعافيك

[الجندى المجهول]

اختى سندريلا

واختى تاجره السعاده

جزاكم الله خيرا