اللي تحسبه شيخ يطلع نصاب

[رجل من الصحراء 36]

اللي تحسبه شيخ يطلع نصاب

لطالما لمت نفسي عن نقدي المتواصل لكل مايحدث حولي

 

وذلك لأن كل الناس غير معصومين من الخطأ وانا بالطبع احدهم

 

ان لم اكن اكثرهم ولكن هناك امور تجبرني ان انتقدها ولا ادعها تعبر بسلام.

 

وفي هذا الموضوع اردت ان اثير أمرا هاما جدا وفي غاية الخطورة كنت اسمع عنه قصصا وحكايات من اصدقائي ومعارفي حتى صادفني شخصيا.

 

الا وهو( الدجل والشعوذة) فكثيرا ماكنت اسمع عن اشخاص ذهبوا لمايسمونهم مشايخ او اولياء او الناس البركة على حد قولهم وقد قاموا باطلاعهم على اشياء سوف تحدث مستقبليا او عثروا على مفقودات واشياء هامة لهم وكل هذا بفعل بركة سيدنا الشيخ الولي.

 

واسمحولي ان اكسر حاجز اللغة العربية الفصحى حتى استطيع ان اعبر تماما عن ضيقي الشديد من هذه المواضيع الغريبة .

 

في البداية كانت امي دايما تقلي وانا صغير اوعى تمشي لوحدك في الشارع الفلاني علشان الناس بتقلي بيخطفوا العيال ويدبحوها ويحطوا دمها على الحتة الفلانية في الجبل علشان تتفتحلهم (اللقية) زي ماقلهم الشيخ سعدون الراجل البركة بتاع ربنا.

 

طبعا انا كنت ساعتها صغير ومش فاهم حاجة وامي بتقلي كده من خوفها عليا مش اكتر لان هي برده مش بتصدق الحكايات دي بس مجرد انها تخوفني, لكن اللي كان ثابت ان الموضوع ده فعلا كان منتشر بين الناس حتى الان انهم يروحو( لشيخ) على حد قولهم طبعا علشان يفتحلهم الحتة الفلانية اللي تحتيها دهب او حد ضاعت منه فلوس او مجوهرات وطلعت عينه طبعا وهو يلف ويدور في كل مكان وعمل المستحيل عشان يلاقيهم واخيرا لقيت الحل نصحوه

 

ولاد الحلال انه يروح للراجل البركة الولي اللي دقنه واصلة لغاية وسطه وعلامة الصلاة ايه تقلش ختم الجمهورية ولا وشه اللي باقيله 2 فولت وينور ياسلام الله عليك هوه ده اللي هيعملك اللي المباحث والمخابرات مقدرتش تعمله. انت بس تروح للعطار وتجيب رجل عفريت وشوية سهبدان براني وحبة خنفرير ناشفين وشوية مياه سحرية يعني بتاع ربع لتر كده وتاخدهم كلهم تخلطهم على بعض

 

وتجيب رجل فرخة كانت زعلانة من جوزها وروحت بيت ابوها مع عين بطة عرجة وشوية شعشوع الزعزوع وده مهم جدا عشان تكتمل الوصفة والا كل حاجة هتضيع اه ياخويا انا قلتلك اهو.

 

بس ياعم انا معرفش الحاجات اللي بتقول عليها دي.

 

خلاص روح انت وسيب الف جنيه للشيخ مش عشانه( حد الله) ده بتاع ربنا بس ده عشان الاسياد حوش ياحواش ودستور ياسيادنا دستور. وهو هيجيبلك الحاجات دي في اسرع وقت

 

بس يعني انت عايز تقنعني ان الموضوع ده هيجيب نتيجة ياعم ده خرافات.

 

هوشششش يخرب بيتك انت عايز تودينا في داهية مع الاسياد والمشايخ اوعى تقول كده تاني وتعملي فيها زي الناس الهبلة ده انا مجربه على يدي.

 

طب ده انا مرة البت ستوتة بنتي مكنتش بتخلف ووديتها لسيدنا الشيخ ودلوقتي بسم الله ماشاء الله عندها اورطة عيال وكله بفضل الاسياد والبخور السحري وانت جاي تقلي خرافات ومش عارف ايه ياشيخ اتنيل وبطل فزلكة.

 

ولا البت سعدانة الهمدانة اللي ساكنة على اول الشارع اهي دي اصلا مكنش بيجيلها عرسان خالص مع انها حلوة اول بس ماراحت لسيدنا الشيخ البركة واداها الدهان والحجاب اللي مرشوش عليه المياه اللي بتشرب منها الاسياد. عينك ماتشوف الا النور طوابير عالبيت.

 

ياراجل ياراجل اتوكل وروح دي حاجة مضمونة ميه ميه.

 

وهكذا وهكذا وهكذا.... وناس كتيير متعلمين اكتر من الجهلاء واصحاب مناصب وغيره وغيره ينخدع بالمواضيع دي.

 

وعشان مطولش عليكم في الكلام كل دي كانت قصص بتتحكيلي او هيه دي معلوماتي عن الناس دول لكن فوجئت من فترة قريبة جدا

 

بحاجة غريبة حصلت معايا شخصيا قررت ان اكتب هذا الموضوع حتى ابين لكم مدى التراجع والتخلف اللي وصلنا له.

 

القصة باختصار اعمل مهندسا للتعدين في احد الشركات والحمدلله علاقتي كويسة جدا بكل اللي في الشركة فهم اصدقائي من اول المدير حتى العامل وركزوا على الاتنين دول بالذات لان دول محور الموضوع، المهم كعادة اي شركة يتم عمل تقارير سرية في كل الموظفين نهاية السنة وتسمى بتقييمات تتضمن تقييمات من النواحي الفنية والادارية والسلوك والمظهر وكل شيء

 

تم تسريب هذه التقييمات بشكل ما واتضح لاحد الموظفين المجتهدين جدا وهو صديق شخصي لي ان المدير قام بكتابة تقرير فيه مخالف تماما لما هو حقيقي وهذا نظرا لضيقه منه في بعض المواضيع الشخصية اي باختصار قام بظلمه وده انا شاهد عليه ويشهدوا عليه كل من في الشركة المهم دخل صديقي للمدير وعاتبه على ظلمه له وواجهه بماهو مكتوب في التقييمات وطبعا كان رده انا حر وملكش دعوة وازاي انت وصلتلك اصلا التقيمات وتم عمل تحقيق معاه وفي النهاية زميلي ترك العمل واتقفل الموضوع

 

واحتسبناها عند الله وقلنا ربنا بقى يسامحه على ظلمه لصديقنا.

 

الغريب ان المدير لم يكتفي بما حدث واتضحلنا انه من فضوله عشان يعرف مين اللي خد التقييمات بعد فشله طبعا في التحقيقات تخيلوا يعمل ايه مدير شركة محترمة راح لواحد دجال طبعا هوه بيقول عليه شيخ واعطاه قائمة باسماء كل اللي في الشركة وقاله ياسيدنا الشيخ يابركة شفلي مين اللي اخد التقيمات قام البركة طلع المصحف وهوه للاسف كعادة الدجالين الذين يستخدموا الاسلام والقران ستار وتزيين لاعمال الدجل والشعوذة وراح قرأ ياسين ورش ميه على مش عارف ايه وعمل الحركات القرعة بتاعته وفي النهاية طلع اسم اللي واخد التقييمات .

 

المدير جاي فرحان وراح اذاع الخبر انا جدع انا جدع عرفت مين اللي خد التقييمات وحكى القصة وقالنا ان العامل هوه اللي سرب الورق وقام باخذ قرار بفصل العامل نهائيا.

 

تخيلوا بقى مدير كبير ومحترم يروح لدجال ويصدقه كمان ويجي يحكي اللي عمله وهوه فرحان يعني تشهير ويقوم بفصل عامل ظلما وقطع رزقه وليه عشان مولانا الشيخ هوه اللي قاله ان العامل اللي سرب التقييمات يبقى هو العامل خلاص ده كلام منزل.

 

طبعا انا بقلكم اتفصل ظلما لانه اتضح انه مش العامل بعد كده

 

الغريب بقى ان المدير لما ناقشته وبصراحة كان نقاش حاد جدا تقدروا تقولوا خناقة علشان خاطر العامل الغلبان اللي اتفصل ظلم

 

يرد ويقلي لا انا واثق انه هوه ده الشيخ قاللي وانا واثق وانا كنت زيك الاول مبصدقش ومرة كنت بدور على فلوس ورحت للشيخ وقلي دي موجودة في الحتة الفلانية ولقيتها صح.

 

وجبتله احاديث صحيحة وبرده مفيش فايده.وفي النهاية بعد تهدئة زملائي لي قررت اني برده افوض امري لله لما حدث.وحسبنا الله ونعم الوكيل.

 

اخواني واخواتي اردت ان اريكم نموذجا غريبا من البشر, واردت ان اطلعكم على جهلنا بديننا مهما تعلمنا من علوم الدنيا, واردت ان اريكم مدى ظلم الانسان لاخيه الانسان.

 

قال رسول الله صلى الله عليه وسلم:

 

"من أتى عرافاً فسأله عن شيء لم تقبل له صلاة أربعين يوماً"رواه مسلم في صحيحه

 

"من أتى كاهناً فصدقه بما يقول فقد كفر بما أنزل على محمد"رواه أبوداود

 

والحديث هوه خير ختام

 

ارجو ان تشاركوني اراكم.

 

 

 

 

 

 

 

 

تم تعديل June 8, 2009 بواسطه رجل من الصحراء

[حياتى من اجل ربى 22]

طبعا كالعاده سعيده انى اول من رد على موضوعك المهم الذى يمس جانب مهم من العقيده

وهو يعتبر من الشرك بالله

وطبيعى ان الدجالين دول بيطلع كلامهم صح علشان الجن بتساعدهم طبعا اكيد

((فالشياطين اولياء للذين لايؤمنون))

 

والناس اللى مش متوكله على الله حق توكله لازم طبعا تصدق

ولكن اريد ان اضيف الى موضوعك الرائع كلام حبيبى صلى الله عليه وسلم (( سيأتي على الناس زمان سنوات خداعات: يصدق فيها الكاذب ويكذب فيها الصادق، ويؤتمن فيها الخائن ويخون فيها الأمين، وينطق فيها الرويبضة. قيل يا رسول الله وما الرويبضة؟ قال: الرجل التافه ينطق في أمر العامة .

جزاك الله كل خير على اثاره هذا الموضوع الجميييييل والله كنت لسه بفكر فيه انهارده بس عقبال مافتحت الكمبيوتر كنت نسيت انا كنت عايزه اكتب ايه

ذاكرتى قويه جداااا عارفه من غير ما تعبرواا

شكرا لك اخى

 

اه نسيت ادعيلك صحيح

اسال الله ان يعوض كل من فقد وظيفته بافضل منها

وان يرزقك من حيث لاتحتسب وان يجعلك من الامرين بالمعروف الناهين عن المنكر

ويجعل كل ما تكتب فى ميزان حسناتك وييسر لك كل عسير

ويصلح حال امتنا انه على كل شئ قدير

يااااارب

 

[بنت مصرية 66]

بصراحة لاكلام بعد كلام الرسول والقرآن في الموضوع ده

بجد الموقف اللي حكيته اخي رجل من الصحراء

موقف يعني مش عارفة اقول ايه

صدق من قال ان الواقع اغرب من الخيال

رنا يدي الناس دي وامثالهم

والله انا مش عارفة الناس ي بتنام ازاي وهو في حاجى صريحة عارف انها حرام

وغير كدا وكدا ظلمه للشخصين بطلا الموقف

الله يمهل ولا يهمل

بجد الموقف اعجز لساني عن التعبير

[رجل من الصحراء 36]

اختي الفاضلة (حياتي من اجل ربي) طبعا يعني انتي دايما بتنوري الموضوع بردك اللي هو اروع من الموضوع نفسه

ودائما ماتتحفينا بردودك النابعة من الدين والقران والسنة والله اعجز عن تعبيري لكي عن احترامي لالتزامك وتدينك وعلمك الجليل

واشكر لكي دعائك لنا باستمرار تحياتي وتقديري.

................................................................................

................................................................................

.

..................

اختي الفاضلة (بنت مصرية)

اشكر مرورك وردك الجميل الذي شرفني كثيرا وفعلا يااختي هذا الرجل نوعية غريبة جدا من البشر وحتى الان له اساليب كثيرة ملتوية وسلبية

ربنا يهديه ويسامحه .

تحياتي وتقديري

[صناع الحياه 14]

لا تعليق

غير ان شركتكم علي راي واحد صاحبي

شركه عظيمه

[رجل من الصحراء 36]

العظيم هو انت يااخي صناع الحياة

اشكر مرورك

[تقوى القلوب 12]

اخى الكريم

 

الدجل والشعوزه انتشر فى كل مكان والغريب فعلا انها بيقطعوا الارحام كمان

 

لما تروح لنصاب من دول ويقولك اللى عمل العمل ده من قرايبكم او من اهل بيتك يخليك تشك فى كل اللى حواليك

 

وتقطع صلتتك بكل معارفك وقرايبك وتحط فى دماغك ان كل الناس عاوزه تأزيك

 

 

ربنا يسترها ويبعد عننا الامور اللى بتؤدى للكفر دى

 

 

جزاك الله كل خير

[رجل من الصحراء 36]

اختي تقوى اشكر مرورك الذي شرفني كثيرا وصدقتي اختي الفاضلة فيما قلتي

واسال الله لنا السلامة من كل سوء

تحياتي وتقديري

[رجل من الصحراء 36]

اللهم اهدنا جميعا ياارب

[رجل من الصحراء 36]

هل من اراء اخرى

[رجل من الصحراء 36]

واضح ان المدير هيروح تاني قريب عشان الموضوع تطور هذه الايام

ربنا يستر والدجال ميطلعنيش انا المرة دي

[غريق مش لاقى قشه 1]

مش بقولك اسلوبك يجنن

انا هتتبع مواضيعك بعد كده

[سحس بمب 0]

الصراحه الموضوع ده مهم جدا وهو الدجل والشعوزه طبعا احن مؤمنين بحاجه اسمها جن وسحر لا نه مزكور فى القران بص مانرميش اى مشكله على السحر ماتجيش تلاقى او تلاقى مشكله فى بيتك تقولى او تقول معملنا سحر لا شوف انتى بتعملى ايه غلط وبعدان الواحد ماطول قريب من ربنا مفيش حاجه تؤيه الا بازن الله

السلام عليكــم ورحمـة الله وبركاتــة ،،وعليكــم السـلام ورحمة الله وبركاتـه..

[سحس بمب 0]

بســم الله الـرحمــن الرحيــمالسلام

السلام عليكــم ورحمـة الله وبركاتــة فى حوار حلو حصل معايا قبل كده وكان معايا صاحبى من الجامعه قفى يوم قاعدين فى الجامعه و وفى واحد صاحبنا قاعد معانا كنا تلاته المهم كنت بقرا القران وهو جنبى لقيته بيقولى اقفل المصحف وانا قاعد بقرا القران لقيته اتشنق وقاعد يضربنا انا وصاحبى التانى وصوته اتغير المهم فاق من اللى هو فيه بقوله ماللك قالى مفيش ومرديش يقولى انه ملموس المهم رحت اوصاله بيته فى الرض اللواء مكنش فى حد عنده فى البيت وفجاه النور قطع وهو قاعد بيصرخ ويقول سبونى سبونى بص بصوت طخين اه والله المهم جتله غيبوبه وفاق منها وابوه جيه والجماعه فقعدت مع اخوه قالى ده ملموس المهم قاعدناندورر على شيخ المهم جبنا الشيخ وطلعين عند المنزل ودخلنا الغرفه بتاعت صاحبى المهم الشيخ قرا القران وقاعد يتكلم مع الجن وكان جن مسلم المهم طلع من صاحبى ولبس احخوه لقيناه هبيصرخ مره واحده ويقول بضحك مش هسيبكم المهم بهدلنا ضرب انا والشيخ وقعد يقرا القران وطلع منه

،،النهايه

سحس بمب

مستنى الرد من احسن الناس

[على المرابط 13]

خلاص روح انت وسيب الف جنيه للشيخ مش عشانه( حد الله) ده بتاع ربنا بس ده عشان الاسياد حوش ياحواش ودستور ياسيادنا دستور

شر البليت ما يضحك

تم تعديل June 8, 2009 بواسطه رجل من الصحراء

[رجل من الصحراء 36]

اخي الغريق , سحس , المرابط

جزاكم الله خيرا على المرور

وشكرا اخي المرابط للاضافة

تحيتي وتقديري

[battot 19]

دائما متالق اخى الرائع رجل من الصحراء

 

 

موضوع جميييييييييييييييييييييييييييل جدا

 

 

تعجز كلماتى لشكرك عن مواضيعك الاكثر من رائعة

 

 

منتظرين المزيد

 

 

وربنا يوفقك

[رجل من الصحراء 36]

نورتي يابطوط وشرفتي

[شاكر 0]

لا الاه الا الله

ما الذي جرى لأمة خير الأنام

غيبو عقولهم و ابتعدو عن تعاليم دينهم وتركو جوار رب العباد الى جوار أرذل العباد

في الحقيقة لا أجد ما أقوله لهذا النوع من البشر

لأن الحوار با المنطق لا يجدي نفعا مع من تجاهل صوة العقل

رجل مثل هذا من المفروض أنه مدير محترم و واع يتصرف على هذا النحو

فمذا ترك لغيره ممن من المفروض أنهم أقل وعيا منه

شكرا أخي رجل الصحراء على هذا الموضوع الرائع و الطرح الأروع

[lovelife 2]

جميل جدا موضوعك رجل الصحراء 

كالعادة متميز بموضوعاتك الجميلة 

ولاكن اسمح لى ان اضع تعقيب بسيط 

ننحن اليوم وكل البشر يتجهون الى الدجل والشعوزة لماذا 

لانهم بعدو كل البعد العن ربهم ودينهم 

ولاكن لو اننا داومنا على قراءة القرآن والصلاة 

على ما اعتقد لا احد يكون قادر ان يلعب بعقولنا 

احب ان اعرفك ان الناس الذين يزهبون الى الدجل والشعوزة ما هم الا انس لا يعرفون معنى القراءة ولاكن من السهل الضحك على عقولهم 

ولاكن من اغلب الناس الذين يعتقدون هذا الاعتقاد 

((( النساء ))) لانهم ناقصات عقل اخى 

اسف لكل النساء البنات  الموجودة فى المنتدي 

اسمحولى ان اقول ذلك لاننى قرات موضوع عن هذا من قبل 

اللهم استر علينا وعلى ولايانا 

واخواتنا وبعدهم عن المعاصي 

ألقت الشرطة المصرية في محافظة الجيزة القبض على دجال بمنطقة امبابة. زعم قدرته على علاج المشاكل الزوجية عن طريق الاستعانة بالجان وممارسة الحرام مع الزوجات.

تعددت البلاغات من عدد من السيدات بوقوعهن ضحايا لدجال في منطقة إمبابة (شمال غرب الجيزة) بعد أن ذهبن إليه لعلاجهن من الأمراض المستعصية وحل مشاكلهن الزوجية مع أزواجهن وإخراج الجان من أجسادهن. تبين من التحريات أن الدجال يتخذ من مسكنه في قرية «ذات الكوم» في إمبابة مكانا لاستقبال السيدات وأنه يمارس الفاحشة معهن لحل مشاكلهن نظير مبالغ مالية كبيرة.

تمت مداهمة منزل الدجال الذي يدعى فتحي (42 عاماً) حيث ضبط مع إحدى السيدات داخل حجرة الكشف في وضع مخل، وأحيل على النيابة العامة المصرية التي تولت التحقيق، وقررت حبسه على ذمة التحقيقات.

تقبل مرورى 

[رجل من الصحراء 36]

شكرا لمروركما وربنا يصلح الحال

[«۞۩ أبو سليمان ۩۞» 179]

سبحان الله

 

وصل بينا الجهل بالدنيا و الدين للدرجة دي

 

المفروض ان الراجل ده متعلم ,,,,

 

جزاك الله خيرا رجل من الصحراء

موضوع متميز كالعادة

 

تحيتي و تقديري و حبي

[رجل من الصحراء 36]

المفروض ان الراجل ده متعلم ,,,,

ده المفروض بس هتقول ايه بقى

ربنا يصلح حاله

شكرا خالد لمرورك