ما رايك فى البازلاء يا حبيبى

[حياتى من اجل ربى 22]

ما رايك فى البازلاء يا حبيبى

جلس الزوجان على مائدة الطعام ؛ تلك المائدة التي كانت عامرة بما لذّ وطاب من أصناف المشهّيات , والتي قضت الزوجة نصف يومها في تحضيرها , والتي تسببت لها في عدة حوادث ، كجروح في أصابعها من جراء تقطيع اللحم , والتواء في ساقها اليسرى عند الوقوف على الكرسي لإحضار كيس الأرز من فوق دولاب الأطعمة , وأخيرًا ورم في جبهتها بسبب سقوط كومة البصل على رأسها .. الزوج منهمك في إحضار لقمة من هنا ولقمة من هناك , ومضْغ قطعة من الحمام المشوي, وأخْذ حفنة أرز على قطعة لحم , ثم يتبع ذلك كله ببعض البازلاء المطبوخة , والتي كان طعمها شهيًا كبقية الأطعمة الموجودة ؛ فزوجته أستاذة في صنع البازلاء والحمام المشوي ،، فقد تعلمت كل ذلك من بنات عمومتها كانت الزوجة في حسن استقبال زوجها ؛ فقد قامت بشراء بعض الشموع الحمراء , والتي وضعتها مضاءة على مائدة الطعام , مع بعض الورود الحمراء والصفراء والبيضاء , وزينت بها بقية الغرفة لتظهر في مشهد رومانسي حالم , وحالة حب حقيقية بين الزوجين ، كما كانت الزوجة متهيئة متزينة لزوجها بأجمل زينة , لابسةً ثوبًا أزرق مطرزًا ببعض التطريزات الجذابة كان عندها منذ فترة العقد ؛ لتجدّد به عهدها بتلك الفترة الحانية ؛ وتعيد به ذكريات الحب والغرام والشوق والهيام .. وبعدما فرغ الزوجان من الطعام دار هذا الحوار بينهما :-

 

 

 

الزوجة :- ما رأيك في الفستان يا حبيبي ؟! هل تذكره؟! ..

 

 

 

الزوج :- نعم ، أليس هذا فستان العقد ، لقد تكدّر لونه وتغيّر كثيرًا..

 

 

 

يتغير وجه الزوجة .. يا ليتني لم ألبسه .. كنت أريده أن يتذكر تلك الأيام الجميلة .. هكذا قالت الزوجة في نفسها ..

 

 

 

الزوجة:- وما رأيك في الشموع والأزهار ، أليست رائعة؟!

 

 

 

الزوج :- لا أدري لمَ تُجلسيننا في الظلام وهاهي الكهرباء متوفرة؟!

 

 

 

الزوجة:- وما رأيك في البازلاء يا حبيبي؟!

 

 

 

الزوج :- ينقصها بعض الملح ..

 

 

 

الزوجة:- وما رأيك في الحمام المشوي؟!

 

 

 

الزوج :- لو كنتِ أكثرتِ من الأرز لكان شهيًا ..

 

 

 

قامت الزوجة بعد أن أُحبطت , وبعدما ندمت أشد الندم , واستعوضت ربها في اليوم الذي قضته في المطبخ وتجهيز البيت لاستقبال الزوج , ودخلت لتنام لتستقبل يومًا جديدًا من التعب والإرهاق وهي تردد في نفسها : في فترة الخطوبة كان يمتدحني كثيرًا , وكنت أعتقد أنها مبالغات فأطلب منه أن يكف عن ذلك , أما الآن فأشتهي كلمة إطراء على فستان أو زينة أو حتى طبخة فلا أجد .. إلى الله المشتكي !!

 

 

 

ما رأيك عزيزي الزوج في هذا المشهد السابق؟

!

[«۞۩ أبو سليمان ۩۞» 179]

ما رأيك عزيزي الزوج في هذا المشهد السابق؟

 

اللي متزوج يرد يا جماعه :smile: :wassat:

 

ليه النظره السوده دي ,,,, موش كل الازواج مفاجيع لمؤاخزه يعني

 

فيه أزواج كتير جدا يعرفوا يقدّروا و يتكلموا و يعبروا عن حبهم

 

و لكن لازم الزوجه تقدّر اعباء الزوج من مشاكل العمل و الجري علي لقمة العيش ,,, و اليومين دول الزوج لازم يشتغل شغلتين او اكتر عشان يعيش هو و اسرته عيشه كريمه

 

موش بقول انها تنسي نفسها و تهمل مشاعرها ,,, لا بالعكس لازم تنميها ,,, لأنها ان اهملت مشاعرها فهي كده هتكون حكمت علي نفسها و زوجها بالسجن في قالب من الجليد بارد ,,, خالي من دفيء الحياه

 

هتقولي الذاي ,,, الرجل يملك مشاعر كتير فياضه و لكن محتاج من يشعل فتيلها ,,,, و طبعا زوجته هي التي تملك عود الثقاب ,,,, فدعوه لكل زوجه ... استعملي عود الثقاب قبل ان تستعمله إمرأه اخري مع زوجك

 

عود الثقاب ,,و هو كلمه جميله من احساس صادق ,,,, هو نظره تحمل معني الحنان ,,,, هو ابتسامه بشوشه ,,, هو كل حركه تحمل معني الحب الصادق

 

ان لم يشتعل عود الثقاب في اول محاوله فعاودي المحاوله فأكيد سوف يشتعل

 

 

شكرا اختي حياتي من اجل ربي جزاكي الله خيرا

[حياتى من اجل ربى 22]

اللى متجوزه تسمع كلامه يا جماعه

جزاك الله خيرا اخى

ردك فى منتهى الروعه ومفييييد جداااا

انار موضعى

اسال الله ان يرزق كل اعضاء المنتدى بالزواج السعيد

خلى بالكو انا من ساعت مادخلت المنتدى وانا بدعى الدعوه دى علشان تعرفو ان المشكله فيكو بقى

يارب يتقبل ويستجيب ويرضى عنا ويحقق لك دكتور كل ما تتمنى

 

شكرا لك

[eng_alaa 114]

الحياة بدون تحمل بعض الأعباء لن تستمر ....

هو يقدر أنها تعبت من أجله وتحتاج لتلك اللحظات التي تشعرها بالسعادة وتمكنها من المواصله في العطاء لمملكتها ..

وهي تقدر إنه طالع من صباحية ربنا والشمس بتلسع في قفاه النهار كله في الشغل ....

 

وبعدين أنا إيه هي البازلاء ؟؟؟ الفاصوليا ولا البسله ؟؟؟

 

وطبعاً كالعاده من الكاتبه المتميزة موضوع متميز ...

[حياتى من اجل ربى 22]

eng_alaa

جميييييييييل ردك اخى --زاد موضوعى شرفا ردك عليه

وعلى فكره البازلاء اللى هى البسله

جزاك الله خيرا ربنا يرزقنا جميييييعا الزواج السعيييييييد

بس بجد ردودكم فيها كتيررر تحيز للرجال

كده مينفعش

[بنت مصرية 66]

حياتي من اجل ربي

انتي بجد رائعة مواضيعك كلها هادفة وفيها فكر رائع وانا بحب كتبابتك

القصة اعتقد اني سمعتها قبل كدا

اعجبني الموقف

واكتر ردود الدكتور عبقرينوا و البشمهندس علاء

انا دايما اتسائل ليه كل جنس بيدافع عن ابناء جنسه وبيكون متحيز ليهم

عارفين انا مؤمنه جدا بالمبدا اللي بيقول

القاعدة موجودة مع اختلاف النسب

في حالات كتير ومشاكل كتير يمكن ان تكون بطلتها المراة او الرجل لاوجود لما يسمي السبب في كل المشاكل دائما...

النقطة الثانية

بشوف من راي ان القناعات والتفكير هو اللي بيغير الحياة عمر مالحياة هي الي بتصنع الواحد احنا اللي بنصنعها

عجبني رد الدكتور لما بيقول موضوع عود الثقاب وخلاني اعجب بالراي اكتر رد البشمهندس بتاع ان الراجل تعبان وطول النهار شقيان...

لان بشوف ان السيدات هم حاميات القلوب ووظيفة المرأة انها تشعل اعواد الثقاب كلما انطفئت الحياة

لان ده وظيفتها لان في الحيث الشريف ان اللي بتطيع جوزها بتدخل الجنة ولان الست اسرع استجابة من الرجل لاي تغيير

ثانيا الرجل كمان عليه تغير الفكرة وحكاية الملل دي

لان ياجماعة والله احنا لو فهمنا الحياة صح عمرنا مهنكون كدا

لو فهمنا معني كلمة الحياة قصيرة ....هتتغير حياتنا كتير

الموضوع حلو وجميل وفي راي مكانه التنمية البشرية ياحياتي

ربنا يكرمك يارب يا روح المناقشة في ياللا <a href="http://yallagroup.net">شباب</a>

[حياتى من اجل ربى 22]

بنت مصريه

ردك حبيبتى مايجيش بصراحه جنب الموضوع حاجه

دائما متميزه وعقليه ماشاء الله عليكى

تسلمى على المرور ردك افادنى كثييييييييرا

اسال الله لك المزيد من رجاحه العقل وحسن العمل

واجازه سعيده

يااااااارب

 

[NADA 34]

بنت مصريه

 

 

ردك حبيبتى مايجيش بصراحه جنب الموضوع حاجه

 

 

مانا كده بقى مضطرة أسمع رأى الناس

 

أصلى بصراحة شايفاها مش تنفع كده خالص يعنى

 

هى الجملة دى كده طبيعية .. ولا أنا اللى الدنيا لفت معايا بسبب الامتحانات ؟؟

 

 

على فكرة أنا بهدى النفوس بس ماشى يا حياتى

 

 

وانتظرو رأيىىى ف البازلاء ,,, بين قوسين البسلة

[بنت مصرية 66]

شكا علي ردك ياحياتي ربنا يكرمك يارب

وبلنسبة للجملة ياندا

عادي والله بس انا متاكدة من قصد حياتي

ربنا بكرمكم يارب يااحلي بنات منتدي ممكن اعرفهم في حياتي

[حياتى من اجل ربى 22]

شكرا حبيبتى ندى وحبيبتى بنت مصريه على ردودكم

وتسلمى يا ندى على تهديه النفوس دى مش عارفه من غيرك كنت هعمل ايه

انا قصدى الموضوع مايجيش جنب ردك حاجه

اتلخبط معلش

دايما العظماء بيمسكولهم على اقل حااااجه

[رجل من الصحراء 36]

ااه الزواج الموضوع الشائك الذي طالما اقلقني عالعموم خير ان شاء الله

مشكلتنا اننا بنبقى معانا حاجة ومش حاسين بقيمتها وبنبص دايما ونتمنى اللي مش معانا ومش في استطاعتنا فتصبح النتيجة انشغال باللي في خيالنا وبعد عن اللي في ايدينا فنفقد قيمة الاتنين وهناك كلمة للدكتور الفقي تحلل هذا وهي

(نرى مالا نريد, ونريد مالا نرى, فنفقد قيمة مانرى,ونضيع في سراب مالا نرى, فكن حريصا على قيمة ماترى)

تقبلي مروري

وادعيلنا برده

[حياتى من اجل ربى 22]

رجل من الصحراء

لالالالالالالالالا ما تقلقش خالص طول ما احنا بندعى خلاص يبقى احنا كده تمام

جزاك الله خيرا المقوله فى منتهى الروعه وطالما للاستاذى ابراهيم الفقى تبقى اكيد روووووووعه

اسال الله ان يرزقك الزواج السعيد من غير مشاكل وان يهدينا الى مايحبه ويرضاه وييسر لك كل خير

وطول ما احنا عندنا هدف اكيد مش هنتخانق على حاجات تافهه

وعنيا طبعا انا بدعى اصلا لكل اعضاء المنتدى عضو عضو

بلا استثناء

[رجل من الصحراء 36]

طبعا وربنا يجعله في ميزان حسناتك ان شاء الله

[عاشق الصداقه 525]

بارك الله فيكى أختى الغاليه (حياتى من أجل ربى)

بجد مش هتنفع كل الموضوعات المتميزه دى - شوفى حل وخفى شويه علشان شكلنا بقى وحش قوى فى المنتدى

 

بالنسبه للموضوع ، ويعلم الله أن ردى فيه منذ قرأته كما هو بغض النظر عما ذكرته أختى بنت مصريه .. من تحيز الشباب الى الرجل والعكس ..

 

ردى سيكون مختصراً .. رغم طوله النسبى - لكن لأنى أود أن أقول الكثير

 

ارى أن 90% من الرجال يخطىء فى هذا الأمر حقاً .. فالكلمة الطيبة لها مفعول سحرى لا يمكن تخيله

 

النساء بعادتهم مخلوقات مرهفة الحس - عاطفيين (ليست جمع عاطف) - يمكنك إسعادهم بكلمة حلوة بسيطة (وإن كانت كذباً)

 

فقد أباح الدين الكذب على الزوجه لإخبارها أنها جميلة ولإسعادها - والكذب فى الحرب فالحرب خدعه والكذب للإصلاح بين متخاصمين بإخبارهم أن كل منهما يكن للآخر حباً ويتحدث عنه بالخير

 

وحتى ما أباحه الدين من الكذب لا نعمل به ونكذب فيه .. بل والله وفى أغلب الأحيان لست مضطراً للكذب .. فحقاً كثيراً ما يكون الأكل جميلاً ولا تذكر ذلك لها

وكثيراً ما تلبس وتتزين من أجلك ولا تبالى ولو بنظرة أو كلمة بسيطة تخبرها فيها بجمالها .. وكم من مرة إهتمت بأن يكون المنزل بديعاً من أجلك ولم تحدثها بذلك وتشكرها عليه

 

أخى الزوج .. لزوجتك عليك حق الرومانسية .. فلا تكن جامداً معها كما أنت جامداً مع الاله فى مكان عملك .. كن رومانسياً مع زوجتك وإن لم تكن رومانسياً فى طبعك

أتمنى ألا تتركها تبحث عن الرومانسية فى رجل آخر .. وإن كان ممثلاً أو مغنياً حتى ..

 

أتمنى أن يراجع حقاً كل شاب نفسه - مع زوجته - وليكن رومانسياً معها .. محباً لها .. محدثها بحبه دائماً .. فليس هذا عيب أو حرام

 

قل لها كلمة حلوه لله

[الحياه 20]

القصه رائعه بدون شك

ولكن من كتبها أروع جزاكي الله كل الخير يا حياتي من أجل ربي

جملة رجل من الصحراء رائعه جعلتني أفكر من جديد شكرا لكم جميعا

[حياتى من اجل ربى 22]

عاشق الصداقه

 

بجد بقى انا مش عارفه اقول ايه على الرد الراااااااااااااائع بتاعك ---متميز احنا ايه جنبك اصلالالالا

ربنا يجعل كل شباب المسلمين زيكووو

ردك رائع ايوه خليك مع البنات شويه احنا

((ده احتا بنتعب والله ))

جزاك الله خيرا اخى على الرد الرائع المفيييييييد هو مش غريب عليك

تسلم وربنا يرزقك بالزوجه الصالحه

شكرا لك

 

الحياه

حبيبتى ---زاد موضوعى شرفا ردك عليه

والله اشهد الله انى احبك فى الله

ردك اسعدنى وعندك حق فعلا كلمه رجل من الصحراء تحمل معنى راااااااااائع

جزاك الله خيرا واسال الله ان يعينك وييسر لك حياتك

ويحقق لك كل ما تتمنى