من ترك شيئاً لله عوضه الله خيراً منه .. موضوع جميل اوى

[rony yaso 6]

من ترك شيئاً لله عوضه الله خيراً منه 
الجملة دي واخدة في دماغنا منظر واحد .. كلنا عارفينه .. بس هي أجمل من كده كمان ..
البنت لما تسيب التجمل و اللبس الضيق و تداري شعرها و توسع لبسها " لله " ربنا بيعوضها باللي أحسن منه ( و في لكده قصص كتير )
الناس إللي بتسيب وقت البريك بين المحاضرات و تروح تصلي ربنا بيباركلها في يومها
الناس إللي بتاخد من وقت مذاكرتها في شرح المنهج ده للناس أو تبسيطه ليهم ( لله ) ربنا هيباركلهم و هيجازيهم
الناس إللي بتاخد من وقتها و مجهودها في العمل التطوعي أو مساعدة الناس بأي طريقة ( لله ) ربنا بيكرمهم من أوسع أبوابه
الناس إللي بتبدل حب الدنيا في قلبها بحب الآخرة والأعمال اللي توصل ليها ( حباً في الله اكتر من خوفاً منه ) ربنا بييسرلهم أمورهم
كل حاجة في حياتنا تبقي نيتها لله..مذاكرة..شغل..صداقة..علاقات 
إجتماعية..كل كل حاجة..طعمها بيختلف ومتعتنا بيها بتختلف 
و كل ما نسارع بخطوات لربنا بيقبل اكتر علينا ..
و هنا يجي سؤال لأنفسنا .. عملنا إيه لله ؟
سبنا إيه من الحاجات اللي بنحبها و تعصيه أو الحاجات اللي بتاخد اكتر من حقها عشانه ؟
عملنا إيه يقربنا منه و إحنا بنقول مخنوقين و مضايقين ؟
الخطوة الأولي في أيدنا و ربنا بيعيننا عليها و علي اللي بعدها
بوست طويل أنا عارفة بس أخره لازم نفتكر حاجتين ( الحل معرفة الله ) و ( من ترك شيئا ًلله عوضه الله خيراً منه )
بس..

منقووول لانه جميل اوووى بجد وقلت لازم تقروه معايا

[حورية الجنة 114]

جميل جدا اللهم اجعل الاخرة هى همنا 

 

جزيتى كل خير 

[عاشق الصداقه 525]

جزاكِ الله خيراً

الله نسأل أن يقربنا منه وأن يجهل همنا آخرتنا

ووالله إن ما ذكرتي لحق نراه بأعيننا .. من السعة والتيسير وكرم المولى الكبييييير لكل قريب منه، والله نسأل أن يهدينا لطاعته