طوبة على طوبة .... عشان العركة متفضلش منصوبة

[sheryf 0]

طوبة على طوبة ... عشان العركة متفضلتش منصوبة

 

ازيكو وكل سنة وانتو طيبين عشان الاجازة ابتدت (كله مرة واحدة كدة)

بصوا بقى ....

الاول صلوا على حضرة النبي عليه الصلاة والسلام..

ثانيا الاجازة ابتدت وعايزين نعمل مشروع صغنن على ادنا كدة

المشروع اسمه: طوبة على طوبة عشان العركة متفضلتش منصوبة...

طبعا هتقولولي ايه هو اللي طوبة على طوبة... عشان العركة متفضلتش منصوبة والمثل اصلا اسمه طوبة على طوبة .. خلي العركة منصوبة

 

يبقى ازاي بقى تتعكس ؟؟؟؟

 

استنوا عليا.. واحدة واحدة هفهمهالكو...

 

الاول قولولي كدة بصراحة .. لو واحد ادالك النصح بقيقي (من بق يعني) هيبقالك احسن ولا انك تشوف تجارب قدامك وتسمع اللي حصل وتشوف النتائج وانت بنفسك تستنتج النصيحة .

معرفش ممكن يكون ردكو ايه بس عن نفسي احب اني اشوف التجارب واسمع ايه اللي حصل وانا من نفسي استنتج النصيحة لاني هكون حكم من برة واللي بيشوف الصورة من برة بيشوفها كاملة وبيحكم صح ...

 

وعلى راي المثل

اسأل مجرب ولا تسأل طبيب

الطوبة على طوبة هي المشاركات والتجارب اللي كل واحد مننا هيحكيها عشان الكل يستفاد

اما بالنسبة للعركة اللي مش عايزينها تفضل منصوبة فهي العركة مابين الازواج والزوجات

عشان كل الازواج والزوجات والخاطبين والمخطوبات وكل واحد ناوي او عنده النية يدخل القفص السعيد يستفادوا ،عايزين كل واحد يحكي تجربة عاشها او عايشها او سمع عنها او شافها وتحليله ليها وايه اللي حصل وكان غلط وايه اللي كان ممكن يتعمل عشان ميخليش عركة تقوم ..

 

عايزين تجارب كتير عشان نجمع حصيلة كبيرة الكل يستفاد منها ممكن حد يحب يعقب ويبدي راي على موضوع بس ياريت يسيب صدقة جارية تجربة ونصيحة تفيد الكل

وهبدأ معاكو ابني اول طوبة واسمها :

سمك مسلـــــــــــــوق

بسم الله توكلنا على الله

هو : حبيبتي يا نور عينيا ... اصحابي مرخمين عليا وعايزين يجيوا يتغدوا هنا عشان يشوفوا انتي ست بيت شاطرة ولا ايه؟

هي : هما لحقوا !!!! داحنا لسة متجوزين .. في عروسة تقف وتتعك في عزايم في اول ايام جوازها كدة؟؟؟

هو : معلش يا حبيبتي انا عارف والله انهم رخمين .. بس احنا كنا بنعمل كدة مع كل واحد بيتجوز كنا كلنا بنتجمع عنده ونشوف اخبار نفس المدام ايه. والصراحة كلهم كانوا عزايمهم ايييييييييييييييييه بريمو...

هي : بجد !!! طيب انت عارف يا حبيبي اني لسة بتعلم اطبخ

هو : متخافيش يا حبيبتي الطبخ ده مش مشكلة معضلة يعني ده سهل وكل بنت جواها ست بيت بريمو

هي : خلاص يا حبيبي ... شوفهم هييجوا الاسبوع اللي جاي ولا اللي بعده عشان اعمل حسابي

هو : ايـــــه .. الاسبوع الجاي .... بقولك مرخمين .. دول عاملينلي كاللو في نافوخي .. دول جايين بكرة

هي : ايــــــ ـــــــه !!! بكرة !!! بكرة مين يا حبي حرام عليك ... طيب حتى عشان استعد

هو : انا عارف انك قدها وقدود يا حبيبتي خلاص بكرة هييجي حسنين ومحمدين وعلى وناصر ورمضان وشعبان ومحرم و و و ......

عالساعة 3 وانا الصبح بدري هجيبلك 10 كيلو سمك عايزك تعملي احلى سمك مقلي اكلته في حياتي من ايديكي الحلوين دول

ومتنسيش كمان حبشتكناته

هي : سمك ... امري لله بس اعمل حسابك هتخرجني خروجة حلوة بعدها

هو : بس كدة ....انتي تامري يا حبي

الصبح بقى جابلها

10 كيلو سمك

ولوازمهم ونزل مع اصحابه وقالها هنيجي الساعة 2

هي (في المطبخ): استعنا عالشقا بالله ...

قامت الشملولة جايبة اكبر حلة وملياها على تمة عينها مية وغسلت السمك وحطته في الحلة وحطيتهم على النار يغلوا .. ال ايه ...

بتسلقهم...

اصلها بتشوف مامتها بتسلق اللحمة والفراخ بس السمك مش بتستحمل ريحته بس اكيد زيهم يعني

وفضلت تعمل رز وسلطة وتوضب السفرة وتجهز للضيووووووووووووووف الجايين الجعانين اوي وبيحلموا باكلة سمك ايـــــ ــــــــــه

حست ريحة البيت مزفرة من السمك راحت متصلة بيه

هو : اخبار السمك ايه ؟؟؟ انا شامم الريحة من هنا شكلك يا بنت الايه هتكيفينا النهاردة

هي : عيب عليك ... كله في التمام

بس يا حبيبي ريحة البيت زفرة والنبي حاول تيجي بدري وهات معاك معطر جو

هو : دول قطط يا ماما .. هيجوا عالريحة

هي : لا بردو ميصحش تعالى دلوقتي هاته وبعدين ارجع هاتهم

هو : خلاص ... امري لله 10 دقايق واكون عندك .. عايزة حاجة تاني

هي: اه .. هات معاك لمون

هو : عيوني

10 دقايق والمحروس كان مشرف

داخل البيت وكله بقى امل على اكلة سمك عمال يحلم بيها

لقاها في المطبخ بتعمل السلطة

هو : سلام عليكم ... فين السمك ... فرجيني .. القطط على وصول

هي : اديه قدامك اهوه هطلعه واحمره ويكون جاهز في 10 دقايق

هو : تحمريــ ـــه....!!!! هو ايه ؟؟.. انتي لسة محمرتيش؟؟ ... ثم ان ايه اللي في الحلة دي؟؟ .... انتي بتغلي ايه؟؟؟

هي : بغلي ايه !!! السمك طبعا

هو : ( بصـــــــــراخ ) بتغليه ...

قام حط المفاتيح عالرخامة وماسح وشه بايده بعد ما بقى لونه شبه الطماطم اللي هي بتقطعها

هو: طب سيبي اللي في ايديكي وروحي البسي حالا عشان هما على وصول

هي : طب اخلص السلطة باقي الطمطماية دي وبس

هو : متخافيش ... هفعصهالك انا

هي : ربنا يخليك يا حبيبي

ثواني اكون جاهزة

5 دقايق وخلصت وطلعاله

هو : يالا بينا

هي : على فين ؟ مش هما على وصول ؟

هو : لا ثواني في مشوار صغير كدة

هي : ولو اني مش فاهماك بس ماشي ... بس منتاخرش عشان الحق اغرف

هو : لا متخافيش .. كل حاجة هتتظبط ... بس خدي مفتاح العربية واستنيني تحت وانا نازلك

نزلت هي وفتحت العربية وقعدت ولقته نازل وراها بيحط حاجة في شنطة العربية

 

طبعا انتو عارفين وداها فين

هي بحلة السمك اللي عملتها على بيت ابوها

 

طب ده حل بردو ...

تعالو نشوف بقى ايه اللي حصل غلط منه ومنها هي كمان

هو

 

اولا : هو عارف ان مراته لسة بتتعلم يدبسها ازاي تدبيسة محترمة زي كدة

افترا وعزم ... يقوم يعزم على سمك و10 كيلو اللي هو السمك اصلا عايز واحدة بريمو البريمو عشان تطلعه تمام

هو عزم وعارف انها لسة بتتعلم يقوم يسيبها ويقعد مع صحابه ولا يكون معاها يساعدها ولو حتى من باب التوجيه .... ده لو كان

 

بس قالها ان السمك مبيتغليش مكانش حصل اللي حصل ووداها على بيت ابوها وهي لسة عروسة

حصل اللي حصل.. يدور معاها على حل يطلعوا بيه من الازمة دي ولا يروحها على بيت اهلها ويفضحها

 

هي (الشملولة) ..

اولا مش هنتكلم في انها اصلا داخلة تتجوز وهي طور الله في برسيمه في المطبخ لان ده حصل سواء غلطة منها او من اهلها

 

لانها المفروض تكون عارفة انها مسؤولة تريح اللي معاها ده بعد يوم شغل طويل باكلة حلوة

متنيلة ومبتعرفيش تهببي حاجة طب بلاش شغل اختراعات وفي ناس جاية يا تقولي لمامتك او اختك او قريبتك او صاحبتك يجوا

 

يساعدوكي يا اما تسالي عشان متخترعيش

 

هو طبعا كتر خيرك انك حاولتي بس معلش بردو انتي كدة احرجتيه جدا قدام اصحابه

معلش

تعالو بقى نشوف كان المفروض تعملوا ايه عشان متتنصبش معركة

انت

عايز تعزم عشان ترد جمايل صحابك يبقى تعمل :

1 - تقولها قبلها بمدة تاخد وقتها وتعرف كويس وتسال عشان تجهز كل حاجة قبلها

2 - تشوف حاجة بسيطة مش محتاجة عك جامد وبالتفاصيل البسيطة هتطلع عزومة جامدة جدا

3 - تساعدها ..

4 - معلش هتصرف من جيبك شوية بس ممكن بمكملات خارجية العزومة تكمل

5 - رجعت البيت ولقيت 10 كيلو سمك مسلوقين ... معلش هي تفجع بصراحة .. بس دور معاها على حل مش تحمل كل المشكلة

 

عليها وحدها ... انت كمان مشارك في الغلط ده .... ممكن تتصل باختها او مامتها وتشوف ممكن تعملوا بيه ايه عشان الامور

 

تتصلح .. زي ممكن مثلا تعملوا كفتة سمك .. اشي كفتة مشوية واشي مقلية وانت تجيب 2 كيلو سمك مشويين من برة هتطلع عزومة بريمو البريمو

6 - اعرف ان وراء كل سلوك نية ايجابية والتمسلها العذر

7 - مهما كان ومهما حصل ... اوعى ترجع مراتك بيت اهلها لان حتى لما هترجع هتكون جرحتها جرح جامد جدا صعب يداوى وهتحس انك ممكن بسهولة تستغنى عنها

انتي بقى..

اتحطيتي في موقف زي كدة يبقى لازم تعملي :

1 - تقولي لحد يجي يساعدك متعتمديش عالتاليف ...(جوزك وهيستحملك انما الناس التانية ملهمش ذنب والنبي)

2 - اعملي حاجات بسيطة وشغلي الفهامة شوية

3 - حاولي تعملي الحاجة قبلها بوقت ولازم تاخدي حقك في ان يكون قدامك وقت كفاية و تجهزي كل حاجة عشان متتفاجايش

 

بحاجات غريبة في النص زي انبوبة البوتجاز تخلص مثلا

4 - ممكن تبصي على كتاب طبخ او قنوات طبخ ودول مبقاش اكتر منهم دلوقتي

5 - ممكن تغلسي على اختك مثلا وتخليها تعملك حاجة حلوة وتبعتهالك ... ده بردو هيرفع من درجاتك

6 - اجيدي فن الاعتذار لوزجك

طبعا مواقف زي كدة كتير ممكن تتكرر باختلاف الاصناف والمعزومين

عارفين لو كنتوا عملتوا كدة مكانتش هتتنصب عركة

يارب تكون اول طوبة عجبتكوا ....

 

يالا ابنوا طوب يا شباب واعملوا صدقة جارية

[eng_alaa 114]

ههههههههههههههههههه

بجد الموضوع فى غاية الروعه وأعجبني جداً جداً جداً ....

 

يالا ابنوا طوب يا شباب واعملوا صدقة جارية

 

انت ما خليتش حاجه ممكن تتكتب خلاص ...

شكراً للموضوع الجميل يا شريف ونتمني أن نري مشاركاتك وموضوعاتك القادمه دائماً معنا ...

[رجل من الصحراء 36]

طور الله في برسيمه

احذر فهذا خطأ شرعا

واليك المزيد فلابد ان تحترس اخي الكريم

 

 

الحلف بغير الله عز وجل

ومن صور الحلف بغير الله : وحياتي, وحياة ابوك, والنبي, سايق عليك ربنا, سايق عليك النبي, والعيش والملح, وراس ابوك, وشبكة العشرة ... الخ

 

التعقيب

هنا الحديث الشريف قال نبينا وقدوتنا سيد الأولين والآخرين صلى الله عليه وسلم وصحبه أجمعين : " إن الله ينهاكم أن تحلفوا بآبائكم

فمن كان حالفا فليحلف بالله أو ليصمت " أخرجه الشيخان عن أمير المؤمنين عمر بن الخطاب رضي الله عنه وأرضاه .

 

فلا يجوز الحلف بغير الله تعالى لما رواه سعد بن عبيدة أن ابن عمر رضي الله عنهما سمع رجلاً يقول: لا، والكعبة. فقال ابن عمر: لا يحلف بغير الله فإني سمعت رسول الله صلى الله عليه وسلم يقول: من حلف بغير الله فقد كفر أو أشرك. رواه أحمد وأبو داود والترمذي، وقال الترمذي: هذا

حديث حسن، وصححه الألباني.

 

والحلف بغير الله شرك أصغر لا يخرج عن ملة الإسلام إلا إذا قصد الحالف بحلفه تعظيم المحلوف به كتعظيم الله فإنه يصير بذلك شركاً أكبر مخرجاً

من الملة والعياذ بالله، وأما من تعود لسانه على أن يحلف بغير الله فعليه أن يعود لسانه إذا حلف بغير الله أن يقول: لا إله إلا الله، وقد ثبت واقعياً

أن من عود نفسه على ذلك فإنه يتخلص بإذن الله من الحلف بغيره سبحانه، وقد قال رسول الله صلى الله عليه وسلم: من حلف فقال في حلفه:

واللات والعزى، فليقل: لا إله إلا الله. ومن قال لصاحبه: تعال أقامرك فليتصدق. رواه أحمد والبخاري وأبو داود من حديث أبي هريرة رضي الله

عنه.

 

قال ابن العربي: من حلف بها جاداً فهو كافر، ومن قالها جاهلاً أو ذاهلاً يقول: لا إله إلا الله يكفر الله عنه ويرد قلبه عن السهو إلى الذكر ولسانه

إلى الحق وينفي عنه ما جرى به في اللغو. انتهى. نقله عنه الحافظ ابن حجر في فتح الباري.

 

انا هاعتمد علي ربنا وعليك

 

وطبعا جملة غلط جدا لإن الإعتماد علي الله تعالي فقط وتصحيح الجملة " انا هاعتمد علي الله ثم عليك " وفسرها الشيخ بأن الواو حرف عطف

زي منقول جاء احمد ومحمد ودا معناة انهم جاءو مع بعض وبذلك فقد اقرنت الشخص الذي تقول لة هاعتمد علي الله ثم عليك بالله رب العالمين

وهذا خطأ كبير ولكن اذا قلت انا هاعتمد علي الله ثم عليك زي بردة المثل جاء احمد ثم محمد ودا معناة ان محمد جاء بعد احمد وليس معة .

 

ما شاء الله وشئت

 

زي الي قبلها والمفروض تتقال ما شاء الله وحدة.

 

البقية في حياتك

 

من امتة ربنا أخذ من حياة شخص وادخرها لحياة شخص آخر ؟؟ اليس يقول الله تعالي " لكل أجل كتاب " والمفروض في حالة الوفاة نقول " البقاء للة " او نقتدي بالحبيب صلي الله علية وسلم حيث كان يقول " لله ما أخذ ولله ما أعطى وكل شيء عنده بأجل مسمى فاصبر واحتسب "

كسبنا صلاة النبي

 

ودا بيحصل لما واحد يروح يبيع حاجة ولما يرجع اخوة مثلا يقولوا ها عملت اية يقولوا كسبنا صلاة النبي يعني مبعتش حاجة خالص ... ودا سوء ادب مع الرسول صلي الله علية وسلم ويقول الله تعالي " ان الله وملائكتة يصلون على النبي يا ايها الذين أمنو صلو علية وسلمو تسليما " الاحزاب (آية:56) والكلام دا طبعاً احتقار للصلاة علي النبي صلي الله علية وسلم وناس كتير بتقولوا من غير دراية ووعي.

 

هو احنا بنقرا في سورة عبس

 

والجملة دي بتتقال لما بيكون مدرس مثلا بيفهم في طالب درس معين والتاني مش فاهمة فييجي المدرس لما يزهق يقولوا هو احنا بنقرا في سورة عبس ؟؟ وطبعا دا عدم احترام للقرآن الكريم وان دل يدل علي ان القرآن كلام غير مفهوم مع ان رب العالمين بيقول " وَلَقَدْ يَسَّرْنَا الْقُرْآن للذكر فَهَلْ مِن مُّدَّكِرٍ (17) " سورة القمر (آية:17) . وقال الله تعالي " كِتَابٌ فُصِّلَتْ آيَاتُهُ قُرْآنًا عَرَبِيًّا لِّقَوْمٍ يَعْلَمُونَ (3) " سورة فصلت (آية:3) . يدي الحلق للي بلا ودان

 

أولا الكلام دا خطير جدا جدا لانو بيتهم رب العالمين بعدم الحكمة والعياذ بالله قال الله تعالي " وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا كُلٌّ فِي كِتَابٍ مُّبِينٍ (6) " هود (آية:6) وربنا بيوزع الرزق علي الناس بحكمتة وعدلة ولو انسان ادي حلق لانسان بلا اذن فيبقا انسان عديم الحكمة فتعالي الله عما يقولون

 

رزق الهبل عالمجانين

بردة خطا كبير لان الرازق هو الله سبحانة وتعالي كما في الآية السابقة ولا يرزق المجانين الهبل دا كلام خطير جدا .

 

سب القدر - لعبة القدر - القدر الغادر - سخرية القدر - قدر احمق الخطي ...

سب الدهر

 

ومن امثلة سب الدهر : كان يوم اسود يوم مخلفتك - كان يوم ازرق وألوان الطيف كلها - يخربيت اليوم الي شفتك فية - كان يوم منيل يوم مشفتك - الايام السودة الي احنا عايشين فيها - سنة سودة ... الخ

عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .

 

 

وقد ذكر الحديث أن في سب الدهر أذية لله جل وعلا ، ولا يلزم من الأذية الضرر ، فقد يتأذى الإنسان بسماع القبيح أو مشاهدته أو الرائحة الكريهة مثلاً ، ولكنه لا يتضرر بذلك ، ولله المثل الأعلى ، ولهذا أثبت الله الأذية في القرآن فقال تعالى : {إن الذين يؤذون الله ورسوله لعنهم الله في الدنيا والآخرة وأعد لهم عذابا مهينا }(الأحزاب 57)، ونفى عن نفسه أن يضره شيء فقال تعالى : {إنهم لن يضروا الله شيئا }( آل عمران 176) ، وقال في الحديث القدسي : ( يا عبادي إنكم لن تبلغوا ضري فتضروني ) رواه مسلم .

 

زرع شيطاني أو زرع ألاوي

 

هو الشيطان بيزرع ؟؟ يقول الله تعالي : أَأَنتُمْ تَزْرَعُونَهُ أَمْ نَحْنُ الزَّارِعُونَ (64) " الواقعة (آية:64) وكذلك كلمة ألاوي وهي مشتقة من كلمة الله ولا تمت لله بصلة فهذة الكلمة إلحاد في اسماء الله تعالي ولا يصح النطق بها يقول الله تعالي " وَلِلّهِ الأَسْمَاء الْحُسْنَى فَادْعُوهُ بِهَا وَذَرُواْ الَّذِينَ يُلْحِدُونَ فِي أَسْمَآئِهِ سَيُجْزَوْنَ مَا كَانُواْ يَعْمَلُونَ (180) " الاعراف (آية:180)

 

* حوش يا حواش - يا ستار - يا عاطي .. الخ

 

هذا ايضا إلحاد في اسماء الله تعالي فلا يوجد في اسماء الله الحسني كلمة حواش او ستار او عاطي فيجب علينا ان نعي ما نقول ولا نلحد في اسماء الله تعالي ..

 

عبد الرزاء - عبدإله - عبعزيز - عبعاطي - الله الخالئ - الله الرازء - قل اعوذ برب الفلئ ... الخ

دا كمان يا جماعة الحاد في اسماء الله تعالي لازم ننطق الكلمة صح عبدالرزاء تتنطق صح عبد الرزاق لانها جاية من الرزء والرزء هو المصيبة فهل يصح نقول عبد المصيبة ؟؟ وعبعزيز تتنطق صح عبدالعزيز والله الخالئ تتنطق الله الخالق بالقاف وليس بالهمزة لازم نعود نفسنا علي كدة وإلا نبقا ملحدين في اسماء الله تعالي .

 

دا لو ربنا نزلي من السما - دا لو السما انطبقت علي الأرض - خناقة لرب السما ... الخ

 

بتتقال لما مثلا واحد يحب يحلف علي واحد يقولوا دا لو ربنا نزلي من السما مش مديك فلوس مثلاً, ودا طبعا سوء أدب مع الله عز وجل وتصغير لشأن رب العالمين, ايها المتعالي هل أنت إلا قطرة من ماء مهين تقتلك شرقة وتؤلمك بقة‏ فاعملو اخواني انها كلمة قد تؤدي إلي جهنم والعياذ بالله ويقول الله تعالي " وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ (67) " الزمر (آية:67) ؟؟؟. لا بيرحم ولا بيخلي رحمة ربنا تنزل

 

من ذا الذي يستطيع ان يمنع إرادة الله عز وجل !! جملة خطيرة فلا راد لقضاء الله يقول الله تعالي " مَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ (2)" فاطر (آية:2). * التشاؤم

 

ومن امثلتة انا وداني بتصفر, احنا اصطبحنا بوش مين النهاردة, انا عيني بترف, دا وشة يقطع الخميرة من البيت, دا وشة نحس, شرارة ... الخ

فالتطير في اللغة: التشاؤم يقال تطير بالشيء، ومن الشيء: تشاءم به. ففي مسند أحمد عن عبد الله بن عمرو رضي الله عنهما، أن النبي صلى الله عليه وسلم قال: من ردته الطيرة من حاجة فقد أشرك، قالوا: يا رسول الله ما كفارة ذلك؟ قال: أن يقول أحدهم اللهم لا خير إلا خيرك، ولا طير إلا طيرك، ولا إله غيرك. وحسنه الأرناؤوط. ومعناة لو واحد راح يعمل حاجة لكنو اتشائم من حاجة معينة من وش حد او من حيوان معين فقد اشرك بالله تعالي والعياذ بالله فالطيرة شرك والعياذ بالله.

 

الجمعة فيها ساعة نحس

في ناس بتقول كدة لما ام مثلا ابنها بيتشاقي وتقولوا ياواد اعد ساكت احسن ادعي عليك والجمعة فيها ساعة نحس , طبعا اولا دا طيرة وشرك وثانيا يوم الجمعة بة ساعة اجابة وليس ساعة نحس والعياذ بالله.

 

دين ام كذا

 

ودا بيتقال لما واحد يضايق واحد من حاجة معينة يقولوا دين ام الدراسة مثلا. ان الدين لا يلعب بة وهذا سوء أدب مع الله تعالي وتحقيراً لشأن الدين .

 

يادين النبي

ودي بتتقال لما واحد يعجبة حاجة وزي مقلنا قبل كدة الدين لا يلعب بة وبدل كدة ممكن نقول ما شاء الله لا قوة إلا بالله او سبحان الله. غضب الطبيعة - ثورة الطبيعة - ابداع الطبيعة

 

كتير بنسمع الكلمات لما ييجي اعصار مثلا يقولك غضب الطبيعة او بركان يقولك ثورة الطبيعة ولما يكون غابة جميلة مثلا يقولك إبداع الطبيعة, وهو مين الي خلق دا كلو ؟؟ اليس الله سبحانة وتعالي ؟؟ يقول الله تعالي " ذَلِكُمُ اللّهُ رَبُّكُمْ لا إِلَهَ إِلاَّ هُوَ خَالِقُ كُلِّ شَيْءٍ فَاعْبُدُوهُ وَهُوَ عَلَى كُلِّ شَيْءٍ وَكِيلٌ (102) " الانعام (آية:102) فهذا كلام لا يليق والمفروض نقول ابداع الخالق عز وجل.

 

اسم النبي حارسك وصاينك

 

بتقولة الأم لما ابنها بيقع مثلا ودا طبعا حرام لأن الحارس هو الله تعالي وليس اسم النبي فإن كان اسم النبي صلي الله علية وسلم الذي كان يحرسة فمن كان يحرس النبي هل اسمة ايضاً ؟؟ بل الله تعالي. بسم الله الرحمن الرحيم " قَالَ هَلْ آمَنُكُمْ عَلَيْهِ إِلاَّ كَمَا أَمِنتُكُمْ عَلَى أَخِيهِ مِن قَبْلُ فَاللّهُ خَيْرٌ حَافِظًا وَهُوَ أَرْحَمُ الرَّاحِمِينَ (64) " يوسف (آية:64) الخوف من الحسد

 

كلبس الحظاظة, حدوة الحصان, خمسة وخميسة وامسك الخشب, ودبح دبيحة وتلطيخ اليد بالدم ثم تلطيخ الحيطان او السيارة بذلك الدم " يادي القرف " وضافر ديك يتيم تحت رجل نملة ... الخ

 

طبعا الكلام دا كلو دجل وبيغضب الله سبحانة وتعالي وقراءة المعوذتين هي احسن علاج للحسد وقول اعوذ بكلمات الله التامة من كل شيطان وامة ومن كل عين لامة, وأيضاً الرقية الشرعية رقية جبريل ( عليه السلام ) عندما أتى النبي صلى الله عليه وسلم فقال يا محمد اشتكيت؟ فقال : نعم ، قال : باسم الله ارقيك من كل شئ يؤذيك ، من شر كل نفس أو عين حاسد الله يشفيك ، باسم الله ارقيك ) . رواه مسلم .

 

* التكفير

 

كأن تقول لأحد يا كافر ولو حتي بمزاح, ياخي متخلناش نكفر بقا, ياخي كفرتني في عيشتي, دا فلان شغلني عندة لما كفرني ... الخ

وطبعا لا يجوز قول هذا الكلام عن ابن عمر رضي الله عنهما قال : قال رسول الله ( ص) : (( اذا قال الرجل لاخية ياكافر فقد باء بها احدهما فان كان كما قال والا رجعت علية )) متفق علية. كل الي لية نبي يصلي علية

 

ودي بتتقال لما واحد يحب يفض خناقة وعايز يقول للناس امشوا يلا وكل واحد يروح في حالة, ودا كلام خطير لاننا كمسلمين بنؤمن بجميع الرسل والأنبياء والكفر بنبي معين او انكارة بيكون خروج عن ملة الإسلام ويعتبر كفر بالله تعالي فقد سأل سيدنا جبريل نبينا محمد عن الأيمان فقال :أخبرني عن الايمان؟ فقال: الايمان ان تؤمن بالله وملائكته وكتبه ورسله واليوم الآخر،وان تؤمن بالقدر خيره وشره ،فقال :صدقت. عليا الحرام من ديني

 

ودي لما واحد يحب يحلف علي واحد وطبعا هذة الجملة ممكن تكون سبب في كفرك بالله عز وجل لانه معناها انك بتقول ان ديني يحرم عليا لو عملت كذا, طب افرض عمل الحاجة دي ؟؟ تبقا خرجت خلاص عن الدين ؟؟ وهذا ايضا حلف بغير الله .

 

دا ربنا فوق وانت تحت

 

ودي لو واحد مثلا قاعدة مع جوزها وعايزة تقولوا كلام حلو, وطبعا حرام جدا لانها اقرنت الزوج بالله تعالي وجعلت من زوجها ندا للة تعالي.

 

 

مقولة ان الإنسان خليفة الله في الارض

 

وطبعا دا كلام مغلوط جدا ربنا قال اني جاعل في الارض خليفة لكن هل قال ان هذا الخليفة خليفة لة عز وجل ؟! ولكن الناس تخلف بعضهم بعضا في الأرض, والخليفة لا يكون خليفة إلا بعد ان يموت من يخلفة فتعالي الله عما يقولون.

 

دا واد ابن حرام

 

تستخدم للمدح والذم, وسواء مدح ولا زد فدا قذف مؤمنات محصنات وتستوجب عقوبة 80 جلدة لمن قالها .

 

إحنا زارنا النبي

 

وهنا سؤال هل يوجد أنبياء بعد اشرف الخلق وخاتم الأنبياء سيدنا محمد صلي الله علية وسلم ؟؟ وهل من الأدب ان تقرن اي انسان بالنبي صلي الله علية وسلم ؟؟ المفروض نقول كلام زي اهلا بيك نورتنا وآنستنا وشرفتنا ...الخ

 

لا حول لله - لا حول الله

 

طبعا الي بيقولها بالطريقة دي تبقا كفر ومعناها اي لا حول ولا قوة للة اي انة ضعيف غير قادر علي شيئ تعالي الله عن ذلك والمفروض تتقال

لا حول ولا قوة إلا بالله ..

 

مثواة الأخير

 

وبتتقال لما بيكون في واحد مات ورايحين يدفنوة يقولك دا راح لمثواة الأخير, وطبعا دا غلط جدا لان القبر ليس هو المثوي الأخير لانه يوجد بعد ذلك بعث يوم القيامة وحساب وجنة ونار اعاذنا الله تعالي منها.

 

الأقارب عقارب

 

ودي دعوة لقطع الرحم, ولصلة الارحام مكانة خاصة في الاسلام لما فيها من توثيق للروابط وحماية للاسرة ومساندة للضعفاء، فعن النبي صلى الله عليه وسلم قوله: "من كان يؤمن بالله واليوم الاخر فليكرم ضيفه، ومن كان يؤمن بالله واليوم الاخر فليصل رحمه، ومن كان يؤمن بالله واليوم الاخر فليقل خيرا او ليصمت" رواه البخاري. نايم بياكل رز مع الملايكة

 

اولا الملائكة لا تنام ولا تأكل ولا تشرب بل تسبح الله بكرة وأصيلا ودا سوء ادب مع الملائكة وعدم احترام وتوقير ليهم .

 

نوم الظالم عبادة

خطاً !! اذا نام الظالم استراح الناس من شرة وليس عبادة

 

تور الله في برسيمة

وهذا سوء أدب مع الله تعالي ! من امتة وربنا لية تور والبشر ليهم تور وكمان تور الله اغبي من تور البشر ؟؟ استغفر الله العظيم. كل شيخ ولية طريقة

 

مثل شائع وخطأ جدا لاننا كلنا علي سبيل القرآن والسنة النبوية المشرفة يقول الله تعالي " وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ (153) " الانعام (آية:153).

 

الباب المردود يرد القضا المستعجل نقول قضاء الله نافذ ولا راد لقضاءة.

 

* ربنا عرفوة بالعقل

 

كلمة كبيرة في حق الله تعالي لان الله هو الذي عرفنا بة لانه هو خالقنا وهما مين دول الي عرفوة ؟؟ واحنا مش عارفينة ؟؟

 

ما ينوب المخلص الا تقطيع هدومة

 

هدم لفريضة الأمر بالمعروف والنهي عن المنكر والإصلاح بين الناس.

 

الي يعوزة البيت يحرم عالجامع - جحي اولي بلحم تورة - يامزكي حالك يبكي

 

وهذا امر صريح بالبخل, اين الأيثار بسم الله الرحمن الرحيم " وَالَّذِينَ تَبَوَّؤُوا الدَّارَ وَالْإِيمَانَ مِن قَبْلِهِمْ يُحِبُّونَ مَنْ هَاجَرَ إِلَيْهِمْ وَلَا يَجِدُونَ فِي صُدُورِهِمْ حَاجَةً مِّمَّا أُوتُوا وَيُؤْثِرُونَ عَلَى أَنفُسِهِمْ وَلَوْ كَانَ بِهِمْ خَصَاصَةٌ وَمَن يُوقَ شُحَّ نَفْسِهِ فَأُوْلَئِكَ هُمُ الْمُفْلِحُونَ (9) " الحشر (آية:9).

 

 

تقبل تحياتي ومروري