بعد ما عدينا عشرة آلاف عضو .. تتمنوا إيه ؟؟

[مصطفى بهجت 2]

أصدقائي .. أصدقاء يا للا يا شباااااااااب

 

تحياتي لكم من أعماق قلبي ..

 

فكرت كتير قبل ما أتكلم معاكم ، وقولت في عقل بالي إيه الجديد اللي يستاهل نتكلم فيه ؟

 

وبمناسبة إن بعض الأعضاء كان معاهم امتحانات وخلصوا الحمد لله وحيبدأوا أجازة نص السنة .. والكل حيستعيد نشاطه من تاني ..

 

قولت أحكي معاكم في حاجة خاصة بالمنتدى الجميل اللي كلنا بتشرف إننا أعضاء فيه ..

 

أنا مش جاي النهاردة أتكلم كتييييير ..

 

لكن من يوم ما بقيت عضو في يالمنتدى ، فضلت أفكر إيه سبب الزيادة الملحوظة كل يوم في عدد أعضاء المنتدى ..

 

والنهاردة فوجئت إن عدد الأعضاء تجاوز عشرة آلاف عضو ، وطبعا ده عدد مش صغير ،

 

تخيلوا معايا الـ 10 آلاف شاب وشابة دول يقدروا يعملوا إيه ..

 

فكروا قبل ما تجاوبوااااااا !!!

 

طبعا حتقولوا يعملوا كتييييير .. دول يعملوا العماااااااايل و يسووا الهوااااااااايل ..

 

أنا سامع واحد بيقول ممكن نلغي كلمة مستحيل ..

 

وواحد تاني بيقول بإيدينا حنكون أحسن من جيل ورا جيل ..

 

وغيره وغيره كتيييير بيقول ..

 

مش عايزين نخلي حياتنا كلها شعارات و فلسفة كذابة ..

 

كل واحد فينا لازم يقولنا الأعضاء الكتير دول يعملوا إيه ؟؟

 

عايز أعرف منيكم نفسكم تشوفوا إيه في المنتدى ؟؟

 

عايزين نشوف إجابات قوية ..

 

مش يمكن الأفكار تعجب الفريق الإداري للمنتدى و ينفذوها ..

 

تحياتي لكم .. وجزاكم الله خيرا .. وجعلكم من خيرة الشباب

[بنت مصرية 66]

اولاالحمد لله علي التوفيق الي بيحصلنا دع من ربنا سبحانه وتعالي

حتي وان كان نصف هؤلاء الأعضاء غير فعالين في المنتدي

فيكفي ان المنتدي قدم لهم خدمة ارادواهات في وقت من الاوقات

الحمد لله

مش يمكن الأفكار تعجب الفريق الإداري للمنتدى و ينفذوها

.

وطبعا ده شيء يسعد الفريق الأداري جدا

وياريت يكون للجميع مشاركات في الموضوع ده

ولكن انتظروا تحول جذري خلال الشهلرين القادمين

الأمتحانات انتهت ...وتطويراتنا علي وشك الظهور

فاستعدوا الننا بكم سنرتقي...

[eng_alaa 114]

كلمة حق أقولها قبل أي شيئ ...

الفريق الإداري لم يقصر في شيئ أبداً فأي إقتراح أو شكوي تجد تنفيذ فوري من الفريق الإداري ..

 

عايز أعرف منيكم نفسكم تشوفوا إيه في المنتدى ؟؟

 

أنا نفسي إن المنتدي يكون مرجع كبير لموضوعات أكبر .. وكل ما نكتب عن كلمة في محرك بحث تكون موجودة عندنا ..

وأعتقد إن دي مهمة الأعضاء وكمان من أكبر أحلامي للمنتدي أنه يكون فيه جزء إسلامي كبييييير لأني وبصراحة شديدة عندما أحتاج لقارئ معين مثلاً أحتاج لمشاهدة منتديات أخري ...

ولسبب آخر أن الركن الإسلامي تحديداً سيكون ذو ثواب عظيم للكتاب والإداريين والقراء فأي شخص يفتح منه موضوعاً يثاب عليه ...

وللعلم دي من الخطط المستقبليه للمنتدي والدومين بتاعه جاهز لكن أمنيتي له أن يكون قسماً كبيراً بإذن الله وبه الكثير من الموضوعات والبرامج الإسلامية والقراء والفتاوي والتفسير ...

 

وكمان نفسي يكون في دورات مكتوبه من عباقرة المنتدي كل شخص في مجاله يعني لو ضربنا مثال بعاشق الصداقة يبدأ معانا بـ HTML لغاية لغة الـ AJAX والـ PHP ...

أعلم أن وقته ضيق جداً بالنسبة لمشؤلياته ..

لكنها أمنية عضو وتدبيسه في نفس الوقت .... وكله بحسابه .. قصدي بثوابه ..

وأتمني من الأعضاء كمان يخافوا علي المنتدي لأن الفريق الإداري مهما كان عدده أو نشاطه مش هيقدر يقوم بمهمته دي لوحده مهما حصل ..

يعني مثلاً لو في موضوع مخالف إحنا مانردش عليه أصلاً أو حتي نرد بنصيحة لكاتبه ..

والأهم أن نبلغ الفريق الإداري لإغلاق الموضوع ....

 

واتمني إن الموضوع ده يكون موضوع في ذاكرة كل قارئ له بل ومحل تنفيذ كمان ...

 

مصطفي بهجت .. ربنا يوفقك ويكرمك ويعطيك ماتتمني ويجزيك عن الموضوع خيراً بإذن الله ...

من يعلم ربما نخرج من الموضوع بأفكار تنير طريقنا .... ولا تنس أن الدال علي الخير كفاعله ...

[مصطفى بهجت 2]

وياريت يكون للجميع مشاركات في الموضوع ده

ولكن انتظروا تحول جذري خلال الشهلرين القادمين

الأمتحانات انتهت ...وتطويراتنا علي وشك الظهور

فاستعدوا الننا بكم سنرتقي...

 

أجمل حاجة في موضوعنا ده ..

إن أول حد يرد على الموضوع تكون بنت مصرية ..

وهيه طبعا من الفريق الإداري ..

كده حنتعشم خيييييييييير إن شاء الله ..

 

لكن تعليقا على كلامك يا أختنا بنت مصرية .

أنا سعيد بأفكاركم من أجل تطوير المنتدى ..

لكن أكون سعيد أكتر لما أشوف أعضاء كتيير بيشاركوكم مقترحات من أجل التطوير ..

فالأمر شورى بينهم .. هكذا علمنا الإسلاااااااااام ..

عايزين نشوف منتدى يا للا ياشباب على رأس قائمة المنتديات العربية ..

محدش عارف مش يمكن نوصل بيه لموسوعة جينيز للأرقام القياسية ..

 

كل الشكر والتقدير لكي صديقتنا بنت مصرية ..

أتمنى أشوف ردود كل الفريق الإداري ..

وكمان أشوف تعليقاتكم أول بأول على مقترحات الأعضاء ..

[NADA 34]

بسم الله الرحمن الرحيم

 

أقول أيه .. هتقولى أيه يا ندى

 

بصراحة انا مبسسوووططة مووووت أكتر من اللى أى حد ممكن يتخيله

 

لأن فعلا المنتدى مش مجرد منتدى زى ما اكيد بالنسبة لاى حد

 

ولا أحمد حتى نفسه وأنا بقولها وبكل ثقة ولا أحمد حتى **اللى هو عاشق الصداقةKrinkel2009

 

بس انا بجد نفسى كل الناس تشتغل بجد كأن المنتدى ده جزء منها وهما نفس الشئ

 

شكراا مصطفى وإن شاء الله خير وهنعمل كل اللى ربنا يقدرنا عليه

 

المهم الاخلاص ف النية ,, ومراعاة ربنا ف كل حاجة

[مصطفى بهجت 2]

نفسي إن المنتدي يكون مرجع كبير لموضوعات أكبر .. وكل ما نكتب عن كلمة في محرك بحث تكون موجودة عندنا ..

يكون فيه جزء إسلامي كبييييير

نفسي يكون في دورات مكتوبه من عباقرة المنتدي كل شخص في مجاله

وأتمني من الأعضاء كمان يخافوا علي المنتدي لأن الفريق الإداري مهما كان عدده أو نشاطه مش هيقدر يقوم بمهمته دي لوحده مهما حصل ..

 

صديقي الغالي eng_alaa

بصراحة أنا مبسووووووط جدا جدا جدا يا باشمهندس ..

كلامك و أمنيااااتك كلها أجمل من بعضيها .. حاجة تفتح النفس ..

أمنيتي فعلا أشوف جزء إسلامي أجد فيه كل ما أريد ..

 

شكرا صديقي .. نصايحك جميلة .. فكما قلت أنت : الدال على الخير كفاعله ..

 

نورت موضوعي ..

 

أقول أيه .. هتقولى أيه يا ندى

 

أكيد طبعا ندى حتقول أحلى كلام ..

وكل أعضاء المنتدى بيقولوا أحلى و أجمل كلام ..

إحنا كلنا فرحانين إنك مبسوطة حتى ولو أكتر من عاشق الصداقة نفسه ..

أكيد كل اللي مقتنع بالمنتدى الجميل ده حيعتبره جزء منه ..

أنا عن نفسي بقى جزء مني ..

مش عارف إزاي يعدي يوم من غير ما أدخل المنتدى ..

بقيت مدمن الدخول على المنتدى ..

 

ربنا يقدرنا على الاخلاص في النية ..

جزاكي الله خير الجزااااااااااء ..

 

تحياتي ..

[الحياه 20]

أنا كان نفسي في 3 حاجات

والحمد لله أتنفذ

1

هو أن كل الذي يدخل يصلي علي الرسول (ص)

2

أن كل أعضاء المنتدي أو معظمهم تكون ردودهم ومواضعهم محترمه هادفه

3

نفسي يتثبتلي موضوع

:wub: :keda:

شكرا أخي علي الموضوع الرائع

[مصطفى بهجت 2]

الحياة

 

كلامك مهم جدا ..

اللهم صلي و سلم على محمد و على آل محمد .. كما صليت على إبراهيم وعلى آل إبراهيم ..

وبارك على محمد وعلى آل محمد .. كما باركت على آل إبراهيم وعلى آل إبراهيم ..

في العالمين .. إنك حميد مجيد ..

 

يارب كل الأعضاء يسمعوا كلامك وينزلوا ردود و مواضيع محترمة ..

نفسي يتثبتلي موضوع

أمنيتك جميلة .. وكلنا حندعيلك إن في القريب العاجل نشوفلك موضوع متثبت ..

جزاكي الله خيرا ..

[حياتى من اجل ربى 22]

يشرفنى اخى ان ارد على هذا الموضوع الرائع واللى فرحنى جداااااااااااااااجداااااااااااااااااااااا

انا بحب يالايا شباب وبحب كل اعضاءه وبتمناله كل خيييييير

انا مش عارفه اقول ايه غير انى اشكر المتميز ((مصطفى بهجت))

وان اشكر الفريق الادارى واحد واحد وكل اعضاء المنتدى

الذين لهم عظييييييييم الفضل فى النهوض بالمنتدى الغالى

جزاك الله خيرا اخى واسال الله ان يحقق لك كل ما تتمنى وان يجعلك من الاعلاميين الهادفييييييين

وان ينصر بك الاسلام والمسلميييين

اسال الله ان يوفقك الى كل خير ويوفقك المنتدى بان يكوووون من اجل شباب عربى افضل

او من اجل شباب مسلم افضل يفخر بهم محمد صلى الله عليه وسلم

لن ننهض بدون العمل الجماعى

فلنعمل معاااا

[مصطفى بهجت 2]

أختنا الغالية : حياتي من أجل ربي .

يارب تكوني فرحانة ومبسوطة دااااااايما ..

إذا كنت أنا متميزا كما قلتين عني .. فإن تميزي هذا آخذه من تميز كل عضو داخل المنتدى .. ومن كل موضوع هادف .. ومن كل رد جميييييل ومقنع ..

اللهم أجعل أعضاء منتدانا الجميل ن خيرة شباب الوطن العربي ..

وعقبال ما نشوف في المنتدى مليون عضو ..

ربنا يوفق الجميع ..

تحياتي ..[/

b]

[«۞۩ أبو سليمان ۩۞» 179]

اتمني ايه ؟؟؟!!!!!!! :keda:

 

اتمني لمنتدانا ان يكون المنتدي الاول في كل المجالات المفيده ,,,, يعني اي واحد عايز معلومه في اي مجال سواء علمي او ادبي ما دامت في غير معصية الله يجدها عندنا

 

اتمني ان يكون منتدانا و موقعنا ياللاياشباب هو الدليل الشامل للمعلومات المفيده باللغة العربية ,,, اتمني ان نرفع صورة الاسلام عاليه و نكون سفراء علي قد المسؤوليه عن ديننا ,,,, و نكون هداه مهديين حتي ينظر الينا الناس و يقولوا هؤلاء هم المسلمون و يتمنوا اتباع ديننا و تقليدنا

 

شكرا مصطفي علي موضوعك الرائع

[مصطفى بهجت 2]

ان يكون المنتدي الاول في كل المجالات المفيده

اي واحد عايز معلومه في اي مجال سواء علمي او ادبي ما دامت في غير معصية الله يجدها عندنا

ان يكون منتدانا و موقعنا ياللاياشباب هو الدليل الشامل للمعلومات المفيده باللغة العربية

ان نرفع صورة الاسلام عاليه و نكون سفراء علي قدر المسؤوليه عن ديننا

نكون هداه مهديين حتي ينظر الينا الناس و يقولوا هؤلاء هم المسلمون و يتمنوا اتباع ديننا و تقليدنا

 

Dr Abcarino

ما شاااااااء الله عليك يا صديقي العزيز ..

كلها أمنيات أجمل من بعض ..

أنا بضم صوتي لصوتك عايزين نشوف كل معلومة نحتاجها ..

طالما في غير معصية الله عز وجل ..

لا نريد النظر إلى أي مواقع أخرى ..

 

بارك الله فيييييك أخي ..

وجعلك من خيرة المسلمييييين ..

 

إليك مزيد من الشكر و الاحترام و التقدير ..