ما هى العلاقه بين الحب & الكيمياء؟

[mahdi 2]

هو الحب حاجة زي الكيميا.. حاجة كدة بتحصل متعرفلهاش تفسير

الحب هو إنك تحب إنسان معين لذاته مش لأي حاجة تانية

هو إنك تشوف حبيبك أجمل واحد في الدنيا.. أحلى من كل البشر

الحب هو إنك تخاف عليه

الحب هو إن هو يخاف عليك أكتر ما بتخاف على نفسك

الحب هو إنه يوحشك و هو جنبك

هو إن حبيبك يبقى مالي عينيك

هو إنك تحافظ على كرامة اللي بتحبه وتحط صورته دايما أصاد عينيك

 

الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية

الحب هو مكالمة تلفون تجيلك في عز مانت مشغول و متضايق و تنسيك تعب الدنيا

الحب هو حد بيقولك كل سنة وانت طيب ليلة عيد ميلادك

هو لما تحس انك قادر تواجه اي مشكلة مادام الشخص ده واقف جنبك

الحب لما تبقى عايز تشوف حبيبك احسن واحد في الدنيا

 

 

 

الحب لما حبيبك ياخد بايدك و يقربك من ربنا

الحب لما تحس بالامان وانك ماسك الدنيا كلها بايدك

الحب لما تدي للي بتحبه من غير ما يسال

الحب هو انك تغفر لحبيبك

هو انك تسامح

الحب لما تفهم حبيبك من نظرة عينيه.. الحب هو انك تقابل توأم روحك

الحب لما تحس بحبيبك من غير ما يتكلم حتى وهو بعيد عنك

الحب لما متعرفش مين بيحب التاني أكتر

 

 

 

الحب لما تحب واحد بيحبك

 

 

ايه رايك فى الحب دلوقتى ولا ايه رايك فى الكيمياء؟

[asmaa 0]

كلامك عن الحب جميل وكلها كلمات محسوسه وواقعيه

لكن نفسي اعرف فين كلامك عن الكيمياء؟

تقصد ان الكيمياء هي الحاجه اللي بتحصل من غير مانلاقي لها تفسير

طيب علشان خاطري تعالي اقنع الدكاتره بتوعنا يمكن يقتنعو برأيك

وعن الحب

يقال انه منتهي الانانيه وانا اقول انه في الوقت ذاته منتهي الايثار

منتهي الانانيه لانك لا تطيق ان يشاركك اي احد فيمن تحب

ومنتهي الايثار لانك بتكون نفسك تضحي بكل ما تملك من اجل سعاده من تحب

وان تمتلك كل الدنيا لا من اجلك ولكن من اجله

الحب هو الاحساس والذوق الراقي

[AMR DAWAM 7]

السلام عليكم

احب اولا ارحب باخى مهدى فى منتداه وبيته الآخر

واحب ارحب باختى اسماء واشكرها على مشاركاتها المستمرة

وبدى اشارك برايى فى هالموضوع

وانه ما فى شئ اسمه الحبيب لانه ببساطة ما فى حبايب عشان نحبهم

وبكده تكون الكيميا الطف بكتير واقدر باننا بدور عليها من السراب اللى بنسميه الحب

وببساطة كمان ممكن نحب شئ بس احنا اللى نصنعه وعلشان هو يكون ملكنا يبقى هنحبه اكيد

مش جميل انك تغير من نفسك من اجل اى احد فمن يحبك فسيحبك من البداية لذاتك { فالمبدأ ثابت }

***********************************

[BLACKDREAM 5]

حاربت الجبال كلها و لم اشـــــــــــــــــــــتكي

و قاتلت البواســـــــــــــــــــل كلهم لم انحني

و لكن عندما رمتني بسهم من رموش عيونها

اردفتني قتيلا عاشــــــــــــــــــــــــــقا متيما

فهل يا قلب انت قادر الان على المعارك بعدما

ســـــــــــــــقطت شهيدا و السيوف من تلك

الرموش تصيب فيك كل وريد باســــــــــــمها

 

 

 

للاسف الحب اصبح دمار لانه مابقاش في شي اسمه حب

المسيطر الان هو الفلوس و الخيانه المسيطر ترك الحبيب

لالااسف دموعي دائما على وجهي من عذاب الحب الحب

الحب يعني الفراق يعني انك تفضل لوحدك تفكر في شخص واحد

تسهر طول اليل و هو على بالك هو و بس

 

بس هل هو حاسس بللي انت حاسس بيه ؟ ؟ ؟

[NADA 34]

انا رأيى ان الحب هو الحب بكل معانيه وصفاته

وعمره ما اتغير ولا عيتغير لكن الناس هى اللى اتغيرت

بعد ماكان الاحساس والمشاعر كل شئ اصبحت الماده مسيطرة وهى الاقوى

واصبح للحب معاير جماليه وماليه وحاجات غريبه كده

المهم يعنى كل واحد يخاف على قلبه من الجرح علشان ده الشئ الوحيد اللى لو انجرح

مش هنلاقيله علاج

وعلاجه لو وجد بيكون جرح اكبر

[BLACKDREAM 5]

اختي و عزيزتي ندى :

 

 

 

للاسف الحب اصبح دمار لانه مابقاش في شي اسمه حب

المسيطر الان هو الفلوس و الخيانه المسيطر ترك الحبيب

لالااسف دموعي دائما على وجهي من عذاب الحب الحب

الحب يعني الفراق يعني انك تفضل لوحدك تفكر في شخص واحد

تسهر طول اليل و هو على بالك هو و بس

 

بس هل هو حاسس بللي انت حاسس بيه ؟ ؟ ؟

 

جرح الالوب جرح مؤلم جدا و جرح المشاعر جرح غميق اوي

 

مش ممكن يتصلح - الخيانه عمرها ما تتصلح او تنمحي

[NADA 34]

لا يا يامن انا كلامى واضح الحب عمره ما بيتغير الناس هى اللى بتتغير

واكبر دليل على كده ان فى ناس بتحب على الرغم من انها انجرحت

لكن ده مش معناه انه مفيش حب

وانت بنفسك عرضت قصة حب واقعيه

مش كل الناس حلوة او مش حلوة احنا اللى مش بنختار صح

صدقنى لو قابلت حب صادق فى حياتك هتعرف

ربنا يوفقك وتقدر تداوى جرحك

مفيش حد هيداوى جرحك الا انت

بس حاول مع تناسى الجرح واحساسك بيه

[BLACKDREAM 5]

الاخت العزيزه ندى :

 

انا مش ححب خالص خلاص

 

انا زي ما الت في مشكلتي

 

انا بعت البي للشيطان

 

يعني مابقاش في حب عندي خالص

 

انا حعامل الناس بدون حب

 

عارفه اني لحد دلوقتي مش ادر

 

اضمد جروحي كل يوم بتزيد اكتر

 

و اكتر و اكتر كل يوم بيعدي بحسها

 

بتئرب مني اكتر

 

يا ندى الحل و الناس شيء مرتبط

 

بالتاني يعني التنين واحد

[عاشق الصداقه 525]

اولا برحب بعزيزى مهدى فى المنتدى ..

نورت بيتك ومنتداك ياللا يا شباب حبيبى .. ومنتظرين منك المزيد من المشاركات ..

وبجد انت وصفت الحب فى شوية جمل ممتازه .. لكن برضه حسألأ سؤال اختى اسماء ..

ايه علاقة ده بالكيمياء ؟؟ الا لو كان اول سطر ..

وانه ما فى شئ اسمه الحبيب لانه ببساطة ما فى حبايب عشان نحبهم

وبكده تكون الكيميا الطف بكتير واقدر باننا بدور عليها من السراب اللى بنسميه الحب

للاسف الحب اصبح دمار لانه مابقاش في شي اسمه حب

المسيطر الان هو الفلوس و الخيانه المسيطر ترك الحبيب

 

مع احترامى لرأى الجميع ..

 

لا يا يامن انا كلامى واضح الحب عمره ما بيتغير الناس هى اللى بتتغير

واكبر دليل على كده ان فى ناس بتحب على الرغم من انها انجرحت

لكن ده مش معناه انه مفيش حب

وانت بنفسك عرضت قصة حب واقعيه

مش كل الناس حلوة او مش حلوة احنا اللى مش بنختار صح

صدقنى لو قابلت حب صادق فى حياتك هتعرف

ربنا يوفقك وتقدر تداوى جرحك

مفيش حد هيداوى جرحك الا انت

بس حاول مع تناسى الجرح واحساسك بيه

 

تصفيق حاد جدا ... لأن ده بالظبط اللى كنت حقوله

[BLACKDREAM 5]

كلكم بتتكلمو عن الحب كانه شيء جميل

 

الحب اللي انا وصلته مافيش حد ممكن

 

يوصله لاني حبيت بجد مش بس كلام

 

الحب مشاعر و احساسيس مش كلام

 

اعزرني حبيبي عاشق بس دا اللي انا شايفه

[NADA 34]

مشكلتك يا يامن انك متخيل ان انت بس اللى حبيت حب صادق

واجرحت فى ناس انجرحت جرح كبير جدا وحبت حب ماله حدود

لكن ما باليد حيله وربنا خلق لنا حاجات كتير علشان لما نخسر حاجه

مانكونش خسرنا كل شئ

مش عارفه اقولك ايه تانى بجد علشان تقتنع وتفكر بصورة واقعيه شوية

[BLACKDREAM 5]

و لا يهمك يا ندى اولي كل اللي انتي عايزه تؤليه

عادي و الله انا بحب اني اتناقش معاكم كلكم

[:: نبـ القلم ــض :: 8]

انا هردلكم بقى على علاقة الحب بالكمياء

باللى درسته فى الكلية

بس من الناحية الطبية...

.بس عايزة بعدها الزباين تنزل مطرة عليا

 

...........

هناك ثلاثة مراحل عند الوقوع في الحب

 

 

عندما نحب فإن الأحداث التي تحدث بالمخ تشابه تماما الأحداث التي تحدث في الأمراض العقلية

 

وهناك علامات تدل على أننا في حالة حب مثل احمرار الخدين،

تسارع ضربات القلب ورعشة وتبلل الأيدي.

وسهم كيـوبيـد يحفز الجسم لإفراز مواد كيميائية تتحكم في مراحله الثلاثة

ولذلك فالحب يقع تحت رحمة كيمياء جسمنا الحيوية ويؤدي إلى تغييرات فسيولوجية تجعلنا نشعر بسعادة مجهولة السبب أو الهوية ولكنه الحب

 

ماهي مراحــل الحــب الثلاثـــة؟

 

الرغبة ثم الانجذاب ثم الارتباط

 

المرحــلة الأولى:الرغبة

الرغبة تحدث بواسطة الهورمونات يفرزها الجسم وهى تسـتوسـتيرون وإســـتروجين.

 

المرحــلة الثانيـــة: الانجـــذاب

الانجذاب هو المرحلة الحاسمة في الحب وهو مرحلة الأحلام الوردية الجميلة فعندما يقع الناس في الحب فإنهم لا يفكروا إلا في الحب وهنا تقل شهيتهم للأكل وتقل ساعات نومهم ويفضلوا قضاء ساعات كثيرة من اليوم في الحلم بمحبوبهم الجديد. في هذه المرحلة تلعب مجموعة من الناقلات العصبية تسمى أحادية الأمينز دورا مهما في إحداث تغييرات فسيولوجية بالجسم وتشمل

دوبامين

أدرينالين: وهو ينشط إفراز العرق ويزيد من سرعة ضربات القلب واحمرار الوجه وتوسيع حدقة أو بؤبؤ العين. (خلوا بالكم دى علامات الحب)

سيروتونين: وهو الذي يدفعنا أحيانا إلى حالة الجنون. فلا تتعجب إذا أصابك الجنون من الحب

 

 

المرحــلة الثالثـــة: الارتبـــاط

وهي المرحلة التي تلي الانجذاب إذا كانت العلاقة ستستمر للأبد والناس لا يمكن أن يظلوا في مرحلة الانجذاب وإلا سـتتعطل أعمالهم! والارتباط رابطة أبدية تجمع المحبين وتبني لهم أسرة سعيدة. وفي هذه المرحلة يفرز الجهاز العصبي هورمونان يقويا الرابطة الزوجية والاجتماعية

أوكسيتوسين: ويفرز من الهيبوثالامس وهو يمثل رابطة أسمنتية بين الأم وطفلها

. فازوبريسين: وله دور في استمرار العلاقة الطويلة بين الزوج والزوجة

 

.......................

 

ونتمنى حياة سعيدة لكل الازواج ... ولكل المقبلين على الزواج

 

.......................

مازلت أبحث عن عناقيد العنب

فى عالم ما زال يعتصر اللهب

ما زلت ألبس كل جلدى المتحترق

أجتاز لافتة النهاية للبدايه فى غضب

وأعيد حلما قد سرق

أبى اختزالى فى نفايات الحطب

[سبرتو 2]

انا بقى هقوكلم على علاقة تانية خاااااالص ان الواحد من السهل انة يحب

 

 

 

لكن من الصعب انة يجيب جيد جدا فى مادة الكيمياء الفيزائية (الكترو...... ثرمو دينامك )

 

 

الشئ التانى لو بصينا من ناحية الكيميا العضوية ( الحب اسهل بكتيييييير من معادلات الهيبردايزاشن واللى درس عضوية هيفهمنى

 

 

 

وكمان اسهل جدا جدا من محاضرات الهيتيرو ( اللى هى عبارة عن عقاب لطلاب قسم الكيماء لاختيارهم كلية علوم )

 

 

 

سهل جدا ان انتة تفشل فى حب لكن لما تنجح فى حب تانى ممكن تجيب فية جيد جدا وامتياز لكن فى الكلية لما بتشيل المادة بعد كدة مش بتجيب غير مقبول حتى لو عملت قرد ( وكما قال الشاعر .......مقبول مقبول مقبول يا ولدى ....)

 

 

بالنسبة بقى لاهم شئ الكيمياء بتاعة الحب فهى معادلة بسيطة خاااااالص عبارة حنان + احساس صادق + تضحية وفداء +ارتفاع فى حرارة المشاعر = الحب

 

 

لكن ابسط معادلة كيميا بقى حلنى على ما تعرف اللى على السهم ولما تعرفة بقة ابقى خمن اية هوة الحل

 

 

لكن فى البح الحل معروف بس للى مش متأكد من دة ابسط مثال مثال لو سقطت فى الكيماء للاول مرة ولو سقطت فى الحب لاول مرة شوف الى بيحصل

 

 

مع تحياتى عاقل فى قسم المجانين

[المتحدية 1]

انا احب اضم راي لراي الاخ سبرتو في العلاقة بين الحب والكيميا ء ....

 

بس احب اضيف كمان ... انه في الحب لما بتحب مافيش حد بيستغرب او يتعجب انك حبيت لكن في الكيمياء الدكتور ممكن تجرالو حاجة لو عرف انك ناجح في مادته وممكن يفضل واقف قدامك متنح ومتعجب انك نجحت في مادته ...

 

و مش بعيد يسالك تحب تشيلها ؟؟

[سبرتو 2]

ايوة صح نسيت حاجة كمان انا السنة دة شلت مادة الفيزيائة للمرة التالتة على التوالى وحصل موقف خطييييير

 

 

 

الدكتور دخل المكتب بتاع شئون الطلبة وسال انا عاوز اعرف نتيجة المادة بتاعتى اية المهم الاستاذ معاذ قالة النتيجة وحشة قوى قوى كتييير شالو المادة وفى ناس شالوزها مرة تانى

المهم الدكتور ما زعلش على دة المهم هوة زعل عشان فى طلبة جابو امتياز واشكرك ان فى حد واقف معايا ومش كاسر بشوكتى

[المتحدية 1]

عيب عليك يا محمد كلنا لازم نكون جنب بعض ...

 

بس مين هو الدكتور الظريف ده عشان نبقى ناخد بالنا منه بعد كدة ؟؟؟؟؟؟؟؟

[سبرتو 2]

انتى عاوزانى اقولك على اسم الددكتور هوة انا عبيط كويس انى وصلت لاخر سنة اخيرا فى البكالريوس قولى يا رب يعديها على خييييير

 

وانتى لو من كليتنا انتى اكيد هتعرفى اسمة اول حرف فى اسمة هوة الجزار

[NADA 34]

العلاقة بين الحب والكيمياء

 

هى التفاعل

[50103 6]

الله على صفحة مليانة كلااام جميل وكلة فلسفة عن الحب والكميا والفيزيا هههههههه مشكووووورين

[تقوى القلوب 12]

كلام جميل بصرف النظر عن انه فيه كيميا ولا لا

 

 

جزاك الله كل خير