يوميات منحوس فى الغربة

[mahdi 2]

يوميات منحوس في الغربة ... جزء 1

 

 

اليوم الاول – يوم الوصول –

 

انا: سلامو عليكم

الموظف: وعليكم السلام .... نعم يا سيدى

 

انا: الله ينعم على سيادتك (مع ابتسامة عريضة – من الودن للودن)

الموظف: قصر يا استاذ عاوز حاجة

 

انا: لا والله بس اصل انا زى ما تقول كده سيادتك لسه واصل من مصر حالااااا

الموظف: اهلا وسهلا يا سيدى .... والمطلوب؟؟ ( مع تكشيرة خشبية من النوع الابلاكاش)

 

انا: لاء سيادتك مش مطلوب اى حاجة بس انا مش عارف ايه اللى المفروض اعمله اصلا

الموظف: طب استنى بره لحد ما ابقى اندهلك

 

انا: ماشى يا استاذ (وانا ببصله بصه كان نفسى تكون مترليوز تخرمله قرعته دى)

 

وبعد ساعة

 

الموظف: انت يا استاذ

انت يا اخ

يا عم انت يا اللى لابسلى بدلة ومتانتك اوى

انا: نعم – انا يا فندم – وانا طبعا سامع من اول ندهة وكل علامات الطفولة فجاة اترسمت على خلقتى مع نظرة بلهاء تجنن

 

الموظف: هو فى غيرك فى المكتب يا بنى (وهو بيعض على سنانه) شكله هايعضنى

انا: معلش بقه حضرتك عارف ان لسه جاى من مصـ ..

 

الموظف: شششششش انت بتتكلم كتير كده ليه فين اوراقك

انا: اوراق ايه بالظبط؟ - مع نفس النظرة البلهاء اياها -

 

الموظف: كل ورقك يا بيه جواز سفرك , تصريح الدخول , شهادتك

اوراقك كلهااااااااااااااااااااااااااااااااااااااااااااااااااااا

انا: طيب طيب ثوانى اجيبها من بره - ايه يا عم انت بتكلم واحد اطرش ادى اوراقى اهى اتفضلللللللللللللللللل

 

الموظف: امال فين عقد العمل يا بيه

انا: عقد ايه يا بيه؟ احنا فى بيننا عقود برضه؟ كلمة سعادتك عقد هعهعهعهعهع

 

الموظف: احنا هانهزرررر هنا مفيش هزاااااااااااااااااااار ..... مش عارف مين اللى اقنعه انى وقعت على ودنى وانا صغير

انا: خلاص يا عم الشرس (دى فى سرى طبعاً) ادى البتاع اهو قصدى العقد اهو اتفضلللللللل

 

الموظف: اه كده تمام – تمام وهو بيراجع الاواراق

الموظف: انت لسه واقف هنا بتعمل ايه؟

انا: امال اروح فين يعنى استنى فى الاسانسير ولا فين؟ وانا كنت خلاص جبت اخرى

 

الموظف: لا يا ابو دم خفيف استنى بره على ما اندهلك تانى

انا: حاضررررررررر مش عارف انا ده جايبينه من انهى حديقة حيوانات ( طبعا وانا ببرطم )

 

الموظف: انت بتقول ايه

انا: مبقولش حاجة الحمام منييييييييييييييييييييييين عاوز اصفرررررررررررررر

 

 

 

يارب الشعب المصرى يتغير للاحسن

[BLACKDREAM 5]

حبيبي و اخي مهدي :

 

معلش الصبر مفتاح الفرج

 

اكيد حيتغير للاحسن مع

 

اني بشوف الشعب المصري

 

كوسي اوي و بحبه اوي

(مع ابتسامة عريضة – من الودن للودن)

[عاشق الصداقه 525]

جامد جدا جدا يا مهدى ... وجميل قوى ..

حقيقى ضحكتنى بجد ..

وياريت تكمل يومياتك .. وتبسطنا كمان وكمان ..

وأهلاً بيك حبيبى فى اسرتك ومنتداك ياللا يا شباب

 

بس ليا طلب صغير :

ياريت تكتب مواضيعك فى الاماكن الصحيحه ليها ..

بيرهقنى جدا نقل مواضيع الاعضاء للأقسام الصحيحه كل يوم ..

وتم نقل الموضوع عزيزى .. أنتظر باقى اليوميات .. وتقبل تحياتى واحترامى الشديد

[BLACKDREAM 5]

يا عاشق الصداقه

 

انا التلك اننا من غيرك و لا حاجه

 

يا سيدي انت بئااخونا الكبير و لازم

 

تستحملنا اوي و تساعدنا كتير

 

بس منفضل منحبك و كل يوم بيكبر

 

حبك في قلوبنا يا عاشق الصداقه

[ABOTASNEEM 117]

 

بجد جامد جدا يامهدى

ومكنتش اعرف انو اسلوبك متميز كدده

وانو عندك كل الاسلوب والحاجات الحلوة دى فى الكتابة

على فكرة مهدى ده صاحبى

ايوة طبعا دلوقتا اقولها علشان اتشرف بيك ، هههههههههههه

بجد .. اسلوبك رائع

وننتظر باقى اليوميات

والكثير من المشاركات فىى الوماضيع المختلفة

 

 

[BLACKDREAM 5]

هههههههههههههههههههههههههه

 

 

حلوه منك يا ابو تنسيم الغالي

[NADA 34]

حقيقى جميل جدا ورائع

لكن الظاهر انك مجربتش بنفسك لان ده صورة مبسطه جدا للى بيحصل

ولو بيحصلنا كده بس يبقى كويس اوى لان ماخفى كان اعظم

اسألنى أنا

ربنا معانا وميحكمش علينا بالموظفين ولا الوظيفه

[BLACKDREAM 5]

امين

[orgowan 0]

هو بيحصل كده

واوحش منه

احيانا يتكلموا معاك وكانهم

وكاننا بنشحت منهم

[رحمتك رجائي 1]

[مهضوم حقه 0]

بسم الله الرحمن الرحيم

 

بالطبع الموضوع متميز و لكن ....

 

كان من اقل قواعد الحق و انسب الفضل لاصحابه ان تذكر يا سيدى انك ( ناقل ) للموضوع برمته و ليس من انتاج فكرك الخاص و ليس من بنات افكارك

 

لاننى و بكل بساطة الكاتب الاصلى و الحقيقى لتلك اليوميات و الذى دائما تهضم حقوقه بسبب عدم وجود قوانين تمنع اغتصاب حقوق النشر على الانترنت

 

كم كنت اتمنى ان تذكر ولو بخط صغير انك ناقل للموضوع منى و لاثبات صحة كلامى بابسط الطرق يمكنك زيارة الرابط التالى و ملاحظة تاريخ النشر

 

تم حذف الرابط لان سياسة المنتدى تمنع وجود روابط خارجية لمنتديات اخرى

 

و اعتقد انك بالتاكيد مش هاتشوفنى تانى هنا لانى بس دخلت لاقرار حق لابد من اقراره

 

السلام عليكم

 

 

 

 

 

 

 

 

 

 

 

 

 

 

 

 

 

 

 

تم تعديل April 11, 2010 بواسطه دفءُ الأٌنْــــــــسِ

[JINANE 0]

AOIDO3E JAMIL ATMANA LMAZIDE MINE HALMAOIADI3E

[رنين التقوى 0]

بسيطة أخي هي ميزة الموظفين بكل البلدان العربية بس الله يقدرنا على أداء أعمالنا كما يحب ويرضى جزاك الله خيراأضحكتنا وآلمتنا معا

[نـــــــــــور 199]

:hhhh:

 

حلوة اوى بجد وان شاء الله هتابع على قد ما ادخل

[بركة 2080 0]

حاجة جميلة و الله اليوميات دى بتخرج الواحد من اللى هوه فيه

[ahmed elemam 0]

المص

ري معروف بقوته وجبروته