7 ردود على هذا الموضوع

[الجندى المجهول]

Tweet

الحارة المصرية

ايمان بكرى

عطفه فى حاره فى شارع سد
كل ما تمشى تقابل حد
سلامات مرحب اهلا بيك
اتفضل شاى
الله يخليك
الشاى على النار
شكرا عا رفين
يابخيل يا لايم يابودم تقيل وده طاخ وده طيخ
وصوات وسريخ
وده جاب مطوه
وده راح جاب سيخ
وسبونى عليه ابن امسر ايه
وانا هعمل وشك كوفته بانيه
ولحق يا شاويش
حلق يا بوليس
وخلاص خلاويص
وخناقه مافيش
وده سلو بلدنا وتقليش
عاشيين ازاى وازاى بنعيش
بدعا الوالدين وفيه رب كريم
عالم بالحال
مانتوم عارفين
توليفه الحاره المصريه
بهوات عمال وافانديه
تجار الميه المغليه
فى شوارع
زينهم والقلعه
وطلون وشباب الحلميه مانا مسقط راسى الحلميه
تالت عطفه وحاره البقلى قدام ازياء العالميه
والواد قرانى ابن ام باهى صوته جايب اخر العياديه
كنت اعقد ابص مواربه الشيش
واشوف الناس ازاى بتعيش
مالصبح تلاقى السريحه نسوان بملايه وتتطريحه
ونهارهم كان كده له ريحه
وصباح الفل
صباح النور
يانهار فتاح ابعت يا كريم
واشى ناس رايحين
واشى ناس جاين
راضين بالعيشه وادوارهم
مرسومه خطاوى فى مشوارهم
رجاله وجدعان حمقيه
اخلاقهم سمحه وعشريه
وياهود ونصارى ويونانيه
كانوا جوه فى حاره المنشيه
اما ام البيه الحبشيه
وام شفيق كانت ستريه
تلقاها فى وقت العصريه بتسامر نسوان الحاره
وتضحك قال ايه فكهيه
فى بيت الحاره ام معاويه
تسمعها بتنده يامريه بعتالكم عير زيت يا وليه
شيعي مخرطه الملوخيه
ريحه الفرن وشكل العيش طرشى جاد الله وعم عليش بيحبش كرشه ومنبار
والمزعود حنفى العطارطلب طبق الفول بالزيت الحار
والقله وبوزها المكسور
والزير والبير المسحور
ندر ودسته شمع وزار وسبرتايه وشاى على النار
ووطوا الراديوا عشان الجار
كانت الفسحه تساع الناس والسهره على لمبه جاز
وعيال تجرى فى وسط الحاره وعليوه ضرب الزماره
وادى البير وادى غطاه
وادى الرب اللى احنا حداه
ليله حنه سبوع وطهور
والمحسوده لزمها بخور والواد ماله باين محسود
سحن مفرفر مش مزبوط
ياختى اسم الله ان شاء الله يعيش
اطلعى بره ووربى الشيش
خطى العتبه ومتخشيش من عين اللى مابيصليش ع النبى
متتخضيش
طاسه الخضه قمع الزيت
وصوابع خمسه على الحيط
والسياله وريحه الارض
حب بلدنا ده سنه وفرض
والشيشه العجمى ودخانها
وعيال كبره قبل اوانها
والكتاب والشيخ ابو عمه
والخال والد عشتى يا عمه
صوت الطبله وعم امام
واصحه يا صاصه وقول لحماصه يصاحى البوش ابن ام فاروق
يالا يا عيد انت ومرزوق
سيبها على الله دى بكره تروق
تسمع الف ادان بيكبر
دلقى النور داير مايدور
من السيده زينب لشافعى
جامع شركس وابن طولون

القصيده بالعميه بس يارب تعجبكم

ايمان بكرى _ شعر _ شعر ايمان بكرى _ شعراء _ قصائد ايمان بكرى _ دواوين ايمان بكرى _
ايمان بكرى الحاره المصريه _ ايمان بكرى مفيش حاجه

Tweet

تم تعديل هذه المشاركة بواسطة الجندى المجهول: 01 June 2010 - 07:15 PM

[على المرابط]

جميله وتحاكي الحاره وتدخل بك فى اجوائها وكأنك تسير فى شوارع الحاره احسنت لك كل الاحترام وهى مع هدا توثيق بعض التراث وصوره جميله بكل ما فيها من تفصيل

[abdallh_hazaa]

جميلة القصيده يا اخ علي
اكيد الحارة دي في بولاق

[الجندى المجهول]

ربنا يخليك لى يا اعز حبيبى يا مرابط فى قلبى

شكرا وجزاكى الله خيرا abdallh_hazaa

[الجندى المجهول]

على فكره القصيده مش موجوده على النت مكتوبه

[دعوه للجنـــــة]

عامية بس ما شاء الله كلمات جميلة جدا



جزاك الله خيرا


تحياتى

[حياتى من اجل ربى]

جميييييييييييييييييييييييييييله

وتصور المشهد كأنه حى امامك

اقتباس

على فكره القصيده مش موجوده على النت مكتوبه

يعنى لك الاسبقيه ماشاء الله

سلمت اناملك اخى

جزاك الله خيرا وجعله فى ميزان حسناتك

يارب يستجيب دعائك ويفرج همك

ويحقق لك كل ما تتمنى

[الجندى المجهول]

اختى الكريمه
دف الانس بالله
جزاكى الله خيرا
ربنا يسعدك والجنه يوعدك ويرزقك من حيث لا تحتسبى
جعل الله كل ما تكتبى فى ميزان حسناتك




اختى تاجره السعاده
جزاك الله كل الخير عنا
ربنا يسعدك والجنه يوعدك
وزياره بيته الحرام ومقام حبيبه الكريم