24 ردود على هذا الموضوع

[مصطفى بهجت]

Tweet

حبايبي ..

أنا مش جاي أنكد عليكم لا سمح الله ..

ربنا يديكم الصحة وتتمتعوا بشبابكم في ما يرضي الله ورسوله ..

لكني أنا واحد سألني السؤال ده وبصراحة لقيت الاجابة مش سهلة ؟

السؤال هو :: لو بكره آخر يوم في حياتك .. حتعمل فيه إيه ؟

أتمنى كل واحد يفكر و تقولولي حتعملوا إيه ؟

Tweet

[بنت مصرية]

الموضوع حلو اوي وانا ماقدرتش امر علي الموضوع من غير ماارد
شيء غريب فعلا ان الاقي السؤال ده لاني انا فعلا بسأله لنفسي كتير
لانه تقريبا داخل ضمن فلسفتي في الحياه(فلسفتي ان الحياة قصيرة جدا جدا فلازم اعيشها صح ) ....
بصراحة الموضوع صعب بس مش اوي ....
لاننا المفروض بجد نتصرف علي ان كل يوم هو اخر يوم بحياتنا وده المفروض فعلا
بكل صراحة انا لو عرفت ان بكرة اخر يوم بعمري
اولا بعد صلاتي الفجر هعد اقرا قرأن كتير جدا اكتر من المعتاد
وكمان بعد كدا هروح اسلم علي كل اللي بحبهم وهقضي وقت مع صحابي الأنتيم
وكمان مع عيلتي وبعد كدا هدخل المنتدي واحط فيه مشاركات كتير جدا وهسيب وصية للأعضاء انهم ماينسونيش ويدعولي كل يوم ..
وبعد كدا هقضي بقية اليوم بالدعاء والصلاة وقراية القرآن لان امنية حياتي اني اموت وانا بصلي...
بعد الأجابة دي احب اقول حاجة مهمة جدا
انا بجد تقريبا بعمل كدا كل يوم سعات بيقل معدل بعض الحجات ...وبحاول علي اد مااقدر اني فعلا ازود كل شيء يقربني من الله اكتر
وكمان يزود ميزان حسناتي ... سعات ببعد وبمر بلحظات يأس لكن سرعان مابطلع منها رجوعي لربنا بيريحني كتير في حياتي
شكرا ليك يامصطفي علي الموضوع الحلو ده...موضوعك اللي دفعني للبكاء ودفع دموع كنت بحاجة الي التخلص منها
اللهم اجعلني واياكم ممن يتبعون احسن القول وممن يطابق افعالهم اقوالهم
جزاك الله كل خير وجعله في ميزان حسناتك


فعلا فعلا كم احبك يامنتداي الغالي عليا جدا .......

[مصطفى بهجت]

شكرا ليكي يا أختي الفاضلة ..
اسمحيلي أبدأ من آخر كلامك وأكد على جمال المنتدى لأنه بقى عندي حاجة غالية جدا ..
بشكرك كتيييييييير وبشكر كل أخ و كل أخت كان السبب في وجودي و تواصلي في منتدانا الجميل ..
ربنا يتقبل منا ومنك ومن كل المسلمين صالح الأعمال ..

أما عن موضوع : لو بكره آخر يوم في حياتك حتعمل إيه ؟؟
يا أختي أحيانا البكاء يجعل الانسان أحسن حالا ..
عايزين نرجع لربنا و كل واحد يحاسب نفسه عن كل لحظة ..
زي ما قولت قبل كده والله أنا مش قاصد أنكد على حد و أديكم جرعة تشاؤم ..
ومش لازم الواحد يعلن إجابته أمام الناس ..
لكن ممكن نجاوب عليه في سرنا ونفكر فيه ..
أشكرك لمرووووووورك ..
وإلى الأمااااااااام ..

[بنت مصر]

المفروض بجد نتصرف علي ان كل يوم هو اخر يوم بحياتنا وده المفروض فعلا
بكل صراحة انا لو عرفت ان بكرة اخر يوم بعمري
اولا بعد صلاتي الفجر هعد اقرا قرأن كتير جدا اكتر من المعتاد


شكراااااااااا ليك على الموضوع الرائع دة

[مصطفى بهجت]

جمييييييييل يا بنت مصر

ربنا يكثر من أمثالك

[زمردة]

لو بكرة اخر يوم في حياتي هنساه بس

[bassant]

انا منذ فتره قريبه عاهدت نفسى ان اتصرف على ان اليوم هو اخر يوم لى فى هذه الدنيا

واصبح همى الشاغل وهو جلب الحسنات لنفسى مهما كانت بعيده فاسعى لها

واتمنى ان اوفق فى ذلك

شكرا لكى اخى على الموضوع الرائع الذى ذكرنا بان الحياه قصيره واننا يجب ان نعيشها على ان اليوم اخر يوم فى حياتنا

شكرا لك اخى الكريم

[مصطفى بهجت]

شكرا زمرة و بسنت ..

زمردة .. كنت أتمنى أعرف رأيك أكتر من كده ..

للأسف مش الحل إن الواحد ينسى آخر يوم في حياته ..

بالعكس لازم نكون حاطين في بالنا إن بكره آخر يوم ..


بسنت .. جميل جدا إنك بتفكري التفكير ده ..

يارب دايما في الأعمال الصالحة ..

ويوفقك إلى ما فيه الخييييير ..

[مصطفى بهجت]

مييييييين حيجاوب تاني ؟؟؟؟

[لميس المهدى11111]

السلام عليكــم ورحمـة الله وبركاتــة ،،
جزاك الله خيرا على هذا ا لموضوع الجميل
جميل أن الانسان يقكر أنة سوف ينتهى
أعمل لدنياك كأنك تعيش أبدا وأعمل لأخرتك كأنك تموت غدا

[مصطفى بهجت]

أشكرك جزيييييلا للاستجابة السريعة في الرد ..

بارك الله فيكي ..

يارب أحسن خواتيمنا جمييييعا ..

[سجده]

سؤال جميل

بس اعتقد ان الواحد لو عاش لربنا بضمير مش هيخاف ولا هيقلق

و لا هيكون في صعوبه في اجابه السؤال ولا حتي خوف من اليوم نفسه

مدي خوفنا من اليوم دا = معاصينا و غضب ربنا

و من نعم ربنا انه اخفي يوم موت كل فرد حتي يعلم ما في انفسنا



أنا بقي مش هقوم من علي سجاده الصلاه و لا لساني هيقف عن ذكر الله و الصلاه علي حبيبي محمد

[the best man93]

موضوع جميل
انا بالنسبة ألي حكسب رضا والدتي و والدي أكيد مع الصلاة و قراءة القرأن

تم تعديل هذه المشاركة بواسطة the best man93: 25 March 2010 - 12:16 AM

[مؤمنه بالرحمن]

السلام عليكم

طبعا المفروض اننا نعتبر ان كل ساعه بتعدى هى اخر ساعه ويكون كامسلمين فى صحوة ضمير دائما
وربنا يحسن ختامنا جميعا

لو علمت ان غدا اخر يوم فى حياتى هستغفر ربى على زنوبى وهدعى الله ان يجعل كل ثانيه تعدى عليا فى رضاه وطاعته ورحمته وان يحسن ختامى


اللهم ما اهدينى لما تحبه وترضاه واجعلنى من القوم الصالحين

[مصطفى بهجت]

اقتباس

اعتقد ان الواحد لو عاش لربنا بضمير مش هيخاف ولا هيقلق
و لا هيكون في صعوبه في اجابه السؤال ولا حتي خوف من اليوم نفسه
مدي خوفنا من اليوم دا = معاصينا و غضب ربنا
و من نعم ربنا انه اخفي يوم موت كل فرد حتي يعلم ما في انفسنا

يا ( سجدة ) ربنا يبارك فيكي وفي كل كلمة قولتيها .. كلامك عين العقل .. ياريت كلنا نصحي ضمايرنا ونبدأ نحاسب نفسنا من جديد علشان نقدر نقابل ربنا في أي وقت ومش نخااااف ..

اقتباس

انا بالنسبة ألي حكسب رضا والدتي و والدي أكيد مع الصلاة و قراءة القرأن

أخي the best man93 أحلى حاجة إنك تكسب رضا والديك مع الصلاة وقراءة القرآن بس المفروض الكلام ده يكون على طوووووووووووول ... يتقبل الله منا ومنكم صالح الأعمال ..

اقتباس

المفروض اننا نعتبر ان كل ساعه بتعدى هى اخر ساعه ويكون كامسلمين فى صحوة ضمير دائما
وربنا يحسن ختامنا جميعا
لو علمت ان غدا اخر يوم فى حياتى هستغفر ربى على زنوبى وهدعى الله ان يجعل كل ثانيه تعدى عليا فى رضاه وطاعته ورحمته وان يحسن ختامى

يا ( مؤمنة بالرحمن ) الله عليكي .. فعلا إحنا لازم نعتبر إن كل ساعة هي الاخيرة في حياتنا ويارب يكرمنا جميعا ويوفقنا إلى ما فيه الخير

[الدرة المصونة]

السلام عليكــم ورحمـة الله وبركاتــه

لاتقل من أين أبدأ طاعة الله بداية


لاتقل أين نعيمي جنة الله كفاية

لاتقل غدا سأبدأ ربما تأتي النهاية

وجزاك الله خير أخي في الله على هذا التذكير وربنا يوفقك دنيا وآخرة إنه ولي ذلك والقادر عليه

ملفات مرفق

•  sigpic103145_7.gif   75.44كيلو بايت   0 عدد مرات التحميل

[ايمن هادي]

السلام عليكــم ورحمـة الله وبركاتــة ،،
اشكرك اخي على هذا السؤال المتميز فالحياة قصيرة بالفعل فالانسان فيها كالمسافر لابد له من محطة الوصول

انا شخصيا آخر يوم في حياتي اتمنى ان اقرا فيه القرآن فأهل القرآن هم اهل الله و خاصته
[ اللهم احسن خاتمتنا جميعا قولوا آمين ]

[روح و ريحان]

السلام عليكم و رحمة الله و بركاته
[]اولا هذه اول مشاركه لي في منتداكم الطييب ده
ولو كان بكره بكره هو اخر يوم في حياتي فهيكون شغلي الشاغل هو رد الحقوق و المظالم اللي عليا للناس
لان حق العباد من اصعب الحقوق لان مش دايما الناس بتسامح او بتنسى
علشان كده اعتقد اني في اليوم ده هحاول بكل ما في وسعي اني اتصل بكل اللي اعرفهم و اطلب منهم العفو و انهم يجعلوني في حل من اي ذنب ارتكبته في حقهم بعمد او بدون (( اعتقد اني ممكن اقف في ميدان عام و اطلب من الناس انها تدعولي بالثبات في قبري و تسامحني على اي حاجه عملتها )) و بعدين هفضل الليله دي كلها في سجود لله تعالى عسى ان اقبض و انا على ذلك و ربنا يرزقنا جميعا حسن الخاتمة ..ز امين
و عذرا للاطالة

[مصطفى بهجت]

أخوتي ( سوسو سكرت مصر ) & ( أيمن هادي ) & ( روح وريحان )

بارك الله فيكم على كل كلمة ذكرتوها ..

تخيلوا كل لحظة أنها هي آخر لحظة في حياتكم .. تقربوا إلى الله عز وجل ..

فلا تقولوا غداً سنبدأ .. ربما تكون النهاية

تم تعديل هذه المشاركة بواسطة مصطفى بهجت: 06 June 2010 - 12:15 AM

[الفقيرة الى الله]

جزاك الله خيرا ..اخى مصطفى