«۞۩ أبو سليمان ۩۞»

بصراحة AVG انتيفيروس موش تمام خالص ,,, يعني تعتبره مصفاية بيعدي كل حاجه :wink: عشان تخلص من الفيروسات و انت متأكد تمااااااااااااااااااااااااام انه مفيش اي فيروس باقي و لا حتي بكتريا :yahoo: لازم تعمل سكان للهارد ديسك بتاعك من جهاز تاني بإستخدام مكافي محدّث و بعد كده انسي موضوع الفيروسات دي نهائيا و أبقي ادعيلي :wink: بالنسبة لطلبك ,,,,, طلباتك اوامر انت و كل اعضاء ياللاياشباب مرورك مميز ديما عاشق الصداقة الله يسلمك مصطفي ,,, ايوه لازم تستخدم استراتيجية دفاعية و هجومية عشان تخلّص علي عدوك سواء في الحقيقة او حتي علي ارض جهازك الشخصي و في الحالة دي .,,, الدفاع خير وسيلة للهجوم شكرا علي مرورك الرائع مصطفي مفيش تعب و لا حاجه ,,, بس انصحك تعمل سكان من جهاز تاني الاول يكون عليه مكافي محدّث و بعد كده تبقي تستب مكافي عندك و أنسي موضوع الفيروسات دي نهائيا طلبات ياللاياشباب أوامر ,,, معلش اتأخرت في الرد عشان كنت برفع البرنامج و بجهّز لموضوع شرحه قمت برفع البرنامج علي مكتبة البرامج و كتابة موضوع في المنتدي لشرح طريقة التستيب و عمل الرخصة لمدة سنة و ده رابط الموضوع http://forums.yallagroup.net/8769 شرّفت الموضوع ديدو

اقدم لكم اليوم اقوي انتيفيروس بكل المقاييس الذي يفضله الكثيرون مكافي 2008 يتميز بأنه يحمل اكثر من برنامج و العديد من المميزات في وقت واحد 1- virus protection 2-spyware protection 3-system guard 4-windows protection 5- pc health 6- firewall protection 7- e-mail virus protection 8-IM virus protection 9-E-mail spyware protection 10-Im spyware protection 11-mcafee QuickClean 12- mcafee Disk Defragmenter 13- task scheduler 14-mcafee site advisor 15-secure search غير العديد من الادوات الاخرى يمكنك ان تحصل علي رخصة لمدة سنة بإستخدام البرنامج حتي لو غيرت نسخة الويندوز اكثر من مرة طريقة عمل رخصة لمدة سنة كاملة 1-قم بعمل اكونت ( تسجيل) في موقع مكافي و ذلك بدخولك علي الرابط التالي أضغط هنا 2- قم بعمل تستيب لبرنامج المكافي علي جهازك كما في الصور بعد اكمال عملية التستيب افتح البرنامج من الايقونة علي سطح المكتب قم بعمل ريجستر و اكتب الاميل و الباسوورد اللي عملت بيهم الاكونت علي موقع مكافي سوف يتم تنزيل كل التحديثات من الاكونت حيث سوف تظهر قائمة my protection products قم بتحميل ملف المكافي بلس منها و تمتع برخصة سنة مجانا لتحميل برنامج المكافي باسوورد فك الضغط yallagroup.net سبحانك اللهم و بحمدك أشهد أن لا إله إلا أنت أستغفرك و أتوب إليك

شكرا اختي علي مرورك المميز دائما اشكرك جدا اختي علي دعائك ربنا يتقبل منا ومنك الدعاء و صالح الاعمال جزاكي الله كل الخير و رزقكي بالسعادة في الدنيا و الآخره شرفتي الموضوع اختي

سبحان الله الله وهب الانسان العقل و الانسان يأبي الا و ان يؤمن بالخرافات ,,,, و الشيء المخزي اننا نجد اناس علي درجات عاليه جدا من العلم و الثقافه و لكن للأسف تتهافت علي اخبار النجوم و معرفة الطالع و الزواج من هذه المواقع المضلة و قد اوضح القرآن الكريم بطلان التنجيم قال تعالى بسم الله الرحمن الرحيم : { عالم الغيب فلا يظهر على غيبه أحدا إلا من ارتضى من رسول فإنه يسلك من بين يديه ومن خلفه رصدا } (الجـن:27) ، فقطع الله عز وجل كل طريق سوى الوحي لمعرفة غيبه سبحانه. رد العلماء علي المنجمين و دعاة معرفة الغيب عن طريق التنجيم بمثال واحد فقط فقالوا : ما يقول المنجم في سفينة ركب فيها ألف إنسان على اختلاف أحوالهم، وتباين رتبهم، فيهم الملك والسوقة ، والعالم والجاهل، والغني والفقير، والكبير والصغير، مع اختلاف طوالعهم، وتباين مواليدهم، ودرجات نجومهم، فعمهم حكم الغرق في ساعة واحد؟ فإن قال المنجم قبحه الله : إنما أغرقهم الطالع الذي ركبوا فيه، فيكون مقتضى هذا أن ذلك الطالع أبطل أحكام الطوالع كلها على اختلافها ، فلا فائدة أبداً في عمل المواليد، ولا دلالة فيها على شقي ولا سعيد، وإن قال ليس لطالع من طوالعهم أثر في إغراقهم فقد أبطل ما ادعاه من علم النجوم . هذا المثال نسف التنجيم او علم التنجيم كما يقولون من جذوره سبحان الله هل نلغي عقلنا من اجل كذب و افتراء ربنا يهدي عباده الي صالح الاعمال و يهديهم الي الصراط المستقيم شكرا اختي حياتي من اجل ربي ,, جزاكي الله خيرا

ان شاء الله المحتوي العربي علي الانترنت يتضاعف و يكون فيه الافاده ان شاء الله ياللا يا شباب تكون المكان اللي تنطلق منه شعلة التنوير العربي شكرا مصطفي علي اخبارك القيمة

ربي يعلم عني كل شيء لكن لا استحق ما يظنه الناس بي إلهي أنت ذو فضـل ومـنّ وإني ذو الخطايا فاعف عني فظني فيك يا ربي جـمـيل فحقق يا إلهي فيك ظـنـي يظن الناس بي خيرا وإنـي أشر الناس إن لم تعف عني شكرا اختي تمر الجنة جزاكي الله خيرا

جزاكي الله خيرا اختي تمر الجنة الشيخ محمد حسان رجل من ذهب في عصر ساد فيه الخشب شكرا اختي

لو مسكوا واحد في الطياره بيعمل كده في مصر ,,, هو بس هيطلع عشره جنيه و بعد كده محدش هيكلموا أكيد ده هو اللي هيحصل ,,,, اكيد انت في مصر ربنا يصلح الحال بس ياريت يسمعوا قول الرسول صلي الله عليه و سلم لا ضرر و لا ضرار شكرا اخي علي حملتك و ربنا يقينا شر التدخين و يبعد عنا المدخنين و يهديهم

بس هو مين اللي هيلبس الجزمه دي ؟؟؟؟؟ :keda: :keda: :wub:

الحمد لله اختي في ياللا ياشباب بنكتب من اجل الله من اجل الافاده و لمصلحه العرب و المسلمين من اجل شباب عربي افضل شكرا اختي علي موضوعك و بدايه موفقه ديما معنا ,,, ارجو ان تفيدينا ديما بموضوعاتك المميزة علي فكره مفيش ازعاج لأن هدفنا هنا اختي كما ذكرت هو الافاده و انتظار الاجر من الله شكرا اختي علي موضوعك المميز

مبروك علي الهديه اللي اخدتها مني :keda: بس علي فكره قلتلك انا عندي فيروس و خد احتياطاتك الطريقه اللي قلتها سهله جدا و ميّه ميّه خاصة مع الاوتورن بس مشكلتها انها بتقضي علي نسخة الويندوز انا مرضيتش اعملها عشان النسخة لسه منزّلها و فيه اكتر من برنامج مستبه عن طريق الانترنت ,, تعبت قوي عشان استب البرامج دي و الحمد لله بعد ما عملت سكان النسخه محصلهاش حاجه و محتاجتش اعادة اعمار و لا حاجه صحيح ان rising ده مكانش راضي يتشال يدوي نهائيا كل ما اشيله يرجع تاني و ده اكيد لأن ليه ملفات تاني في system volume طريقة فتح ملف الوتورن و مسح الاوامر اللي فيه عملتها برضوا بس المشكله ان الاوتورن ده بالذات كان بيمنع العملية دي و كل ما افتح ملف الاوتورن بالنوت باد كان بيقفله بسرعه رخامه يعني عشان كده قلت مفيش غير الانتيفيروس اللي هيريحني من وجع الدماغ ده :wub: يعني حاولت بكل الطرق اليدويه الاول بس كان الاوتورن ده رخم قوي و منفعش غير الانتيفيروس بارك الله فيك علاء علي الرابط ده ديما سباق بالخير و بالنسبه لشرح التورنت كنت هجهز له شرح بالصور و ان شاء الله هعمل كده و انزله في المنتدي عشان اللي ميعرفش يستخدمه ,,, يبقي يستخدمه و كمان ياخد اعلي سرعه و اقل ابلود و سريعا عشان تخلي عندك اقصي دونلود و اقل ابلود حمّل برنامج التورنت اللي في مكتبة البرامج عندنا اللي هو اصدار 1.8.1 و بعد تستيبه اعمل الخطوات دي options>>>>>preferences>>>>>bandwidth و بعد كده هتظهر نافذة فيها خلي اقصي سرعه للأبلود maximum upload limit خليها واحد 1 و دي اقل سرعه للأبلود مسموح بيها و خلي اقصي سرعه للدونلود صفر 0 maximum download limit و دي معناها ان معندكش حد للدونلود unlimited علي فكره الاصدار تورنت 1.8.1 فيه الخاصيه دي لأنه الاصدارات القديمه كانت بتمنع تحديد الابلود و بتخليه ديما نسبه معينه من الدونلود معرفش البرنامج اللي رافعه علاء هو الاصدار 1.8.1 و لا لأ المهم لو كان فيه اي استفسار ممكن تقوله لي او تقول لعلاء ,,,, و عموما انتظر الشرح المصور لبرنامج التورنت سباق بالخير ديما علاء , شكرا علي اضافاتك القيمه و نوّرت الموضوع اختي الحياه اي جهاز كمبيوتر شغاله عليه نسخة ويندوز هيبقي هدف للفيروسات لأن الفيروسات دي هدفها الاساسي هو تدمير البرامج الموجوده علي الجهاز سواء كانت برامج متستبه او غير متستبه و الهم الاكبر للفيروسات دي انها تدمر نسخة الويندوز ,,, فمثلا جهاز متصل بالانترنت و معليهوش انتيفيروس يبقي عباره عن حمل وديع وسط غابه مليئه بالذئاب ,,, تخيلي ربنا يستر علي اجهزتنا من الذئاب شكرا اختي علي مرورك شرّفتي الموضوع

قصة رائعة اختي ندا لازم ان نتغاضي عن عيوب الناس لأننا كلنا عيوب و للناس السن شكرا اختي ندا

هقولك حاجة انت لازم يكون عنديك البرنامج علي الجهاز و اثناء التستيب هيقولك خيارين انك تكمل التستيب من النت و لاتستب اللي علي الجهاز عنديك طبعا اختار من النت و لو طلب الأكونت ابقي اكتب الاميل و كلمة السر اللي عملت بيهم الاكونت بتاعك عشان بعد كده تظهر قائمة منتجاتي في الاكونت بتاعك و بعد كده هيكمل عملية التنزيل من النت و لكن لو معندكش البرنامج علي الجهاز ابقي قولي و انا هدوّرلك عليه و اجيبهولك او حتي ارفعهولك من جهازي علي فكره انا شغال بمكافي 2008 شوف الصورة دي هي صورة الاكونت بتاعي و فيه منتجاتي ابقي قولي عملت ايه

احساس جميل و كلمات لها معنى رائع شكرا اختي الحياه

للأسف الزباله انتشرت قوي الايام دي ,, بقيت ماليه الشوارع و في الحدائق و في المنتزهات ... بقيت في كل مكان للأسف اكتر مكان بقي مصدر للزباله دي هو الجامعات اللي المفروض تكون اماكن للعلم موش مقلب للزباله بصراحه الحكايه بقيت خنقه قوي و الريحه بقيت فظيعه ,,, الواحد يطلع من الشغل يدخل البيت ميطلعش منه الا علي الشغل ولو حبيت اطلع في يوم اشتري حاجه ادور علي انبوبة اكسجين عشان متخنقش ربنا يرحمنا شكرا اختي الحياه علي موضوعك

خلاص انا موافق بس ,,,, انا هحجز الكرسي اللي جنب السواق :keda: شكرا مرورك الكريم اختي حيرانه طبعا مفيش احسن من ان الواحد يبقي موجود وسط اهله و اصدقائه ,,, بين الناس اللي بتحبه و تخاف عليه بس ايه المشكله لما نبقي بين اهلنا و نشتغل في مكان ذي كده ,,, ده مجهود الواحد هيتضاعف لو اشتغل في مكان ذي كده ليه الشركات اللي عندنا متعملش كده ,,, المشكله أنهم بينظروا تحت ارجلهم يعني بيفكروا في المكسب السريع و لكن لو وفروا مناخ ذي كده للعاملين المكاسب هتتضاعف لأن الناس هتشتغل و هي مبسوطه ,,,, شركه جوجل عامله ده كله لأنها عارفه ان القرش اللي هتصرفه في الحاجات دي هيجيلها مكانه الف قرش ,, الناس دي بتفكر صح عموما انا هعمل اقتراح في المصنع اللي بشتغل فيه انهم يوفرولنا الحاجات دي :wub: بس غالبا موش هيدخلوني من بوابة المصنع في اليوم التاني :keda: :wub: شكرا علي مرورك المميز اختي الحياه ربنا يكرمك ,,, و لما تشتغلتي ابقي تتوسطيلي عندهم :wub: شكرا مرورك الجميل اختي بيبو حيرانه....... الحياه ...... بيبو شكرا علي مروركم الكريم و المميز و الرائع شرّفتوا الموضوع بجد

شكرا ديدو علي مرورك ,,, بجد دي كانت مزبحة استخدام 4 انتيفيروس بس اللي خلّص الموضوع من الآخر هو مكافي نصيحة بجد استخدم مكافي ,,, هقول لك عيوب مكافي قبل مميزاته اولا اتقل شويه من الافيرا ثانيا موش بيديك اختيارات للحذف يعني لو شك ان برنامج فيه فيروس هيقوم بإذالته علي طول ( و دي مشكله طبعا) يعني احيانا كتير بيحزف الكايجن و الباتشات بس انا بتغلب علي ده اني بأحفظ الباتشات دي في ملفات مضغوطه بكلمة سر فموش هيقدر يمسحها ثالثا موش بيحزف غالبا بيرمي في الكوارنتين quarantine بصراحة عن نفسي انا بفضل الحذف مميزاته اولا قوي جدا صعب جدا تعدي منه فيروسات ثانيا عنديه فيروول (حائط ناري) قوي جدا ثالثا بيعطيك رخصه مجاني لمدة سنة لما تعمل عليه اكونت account بأستخدام الاميل بتاعك يعني موش كل شويه هيطلب مفتاح تفعيل عشان تعمل اكونت ادخل الموقع ده https://home.mcafee.com/Secure/Protected/Login.aspx و بعد عمل الاكونت نزّل من قائمة منتجاتي my products المكافي بلس بتاعك و عيش سنه في امان و سلام يكفي اقول لك ان المكافي اشتغل معايا اكتر من تلات شهور الجهاز بتاعي مجالهوش اي فيروس و لكن بمجرد التغيير الي الافيرا في خلال اسبوع الجهاز اتفيرس شوف بقي الفرق ايه رأيك بقي بعد الكلام ده هتغير و لا لأ :keda:

المشكله في الفيروسات انك موش هتعرف طبيعتها الا بعد اصطيادها عشان كده لازم تستخدم كل الادوات المناسبه عشان تتأكد من خلو الجهاز من الفيروسات ممكن تظهر اعراض فيروس معين علي الجهاز و لكن بعد اذالته تكتشف ان فيه فيروس من نوع تاني موجود و الايام دي كل يوم الاف الفيروسات الجديدة بتنزل النت شكرا اخي عبد الله علي المشاركه و المناقشه شرّفت الموضوع

شكرا اخي عبد الله علي معلوماتك القيمه و لكن المشكله لما يكون تروجان ذي الاوتورن يقدر يخترق الانتيفيروس فمن المحتمل تكون هناك فيروسات تاني موجوده عشان كده لازم يكون فيه انتيفيروس عشان اتأكد تماما ان الجهاز خالي نهائيا من الفيروسات شكرا اخي علي مرورك الكريم شرّفت الموضوع

الفيروسات الايام دي بقيت بتتلكك يعني بس لو الواحد ساب الكمبيوتر كام ساعه من غير انتيفيروس يبقي يشوف ايه اللي هيحصله ربنا يعين اخوكي ,,,, شكلوا تعبان قوي مع الكمبيوتر يا عيني :keda: :wub: شكرا ندا علي مرورك المميز نوّرتي الموضوع

بسم الله الرحمن الرحيم كنت متغيب عن المنتدي من تلات ايام و لكن لما تعرفوا هتعزروني ,,, كنت اقوم بمعركه حامية الوطيس للدفاع حاسبي الشخصي لقد قامت جحافل الفيروسات بإقتحام حاسبي الشخصي من ثلاث ايام ,,, بقيادة العدو اللدود autorun وعلي الرغم من مجهودات القائد الاعلي لجيشي و هو avira premium الا انه لم يكن علي قد المسؤوليه و لم يستطع الا ان يحجم انتشارها الا انه لم يستطع القضاء عليها في حصونها فقد قامت تلك الفيروسات بإختراق حصون جهازي و احتلال قلاعي الحصينه حيث استولت علي البارتشنات C , D , E , F , G , H قمت بعمل هجوم مضاد ارضا و جوا و بحرا بإستخدام Avira و استعنت بتدعيمات خارجيه عاجله بإستخدام المتخصص في ابادة هذا العدو Anti-autorun و لكن للأسف بعد عملية الكر هذه لم يفلح الهجوم و قمت بالانسحاب علي امل الحصول علي دعم من القوات الحليفه اذكر اني قمت بعمل اتفاقية دفاع مشترك مع الكاسبر 2009 و لكن لم استخدمها من قبل فقمت بتفعيل الاتفاقية و بعثت له مبعوث سلام علي اعلي مستوي ,,, علي الفور هبّت قوات الكاسبر لنجدة حليفها و بعد عمل التحديثات اللازمة قامت قوات الكاسبر بهجوم بري و جوي و بحري بأحدث الاسلحة و المعدات و من ناحيتي سخرت كل امكانات البروسيسور لكي يقوم الكاسبر بعمل اللازم و نظرا لأن ارض جهازي واسعة و مترامية الاطراف 320 جيجا و نظرا لأن عدد سكان جهازي من البرامج كتير فقد استغرقت المعركة اكثر من 10 ساعات متواصله لكن للأسف رجعت قوات الكاسبر محطمة المعدات بعد ان أفرغت زخيرتها لأنها لم تعمل في الحسبان وجود عدو آخر مع autorun وهو rising.exe رجعت قوات الكاسبر تحمل خيبة الهزيمة بعد استنفاذ طاقات و امكانات الكمبيوتر لم اسكت,,,, و قلت الحرب خدعه لازم اقضي علي العدو بنفس الطريقة اللي دخل بيها قلت اقوم بالقضاء عليه اثناء غفوته يعني لازم اشن هجوم للتحرير من ارض غير ارضي تذكرت اني املك جزيرة يمكن استخدمها والجزيرة دي هي قرص صلب 160 جيجا و لحسن الحظ يسكنها صديقي القديم ووزير دفاعي السابق و هو مكافي 2008 ذهبت اليه ألتمس النجده ,, و علي الرغم اني عزلته من وزارة الدفاع من قبل عندي لكي استخدم avira علي الرغم من ذلك لم يتمهمل في التفكير و هب بسرعه لنجدتي و لكن اولا قام بعمل تحديث لأسلحته عن طريق الاتصال بالانترنت حتي يستطيع القضاء علي هذا العدو اللعين و جاءت ساعة الصفر قمت بتوصيل الهارد اللي عليه المكافي كهارد رئيسي يعني ماستر و جعل الهارد المصاب كـــــ slave و بدأت العملية الحربية و أستمرت لمدة 8 ساعات و الحمد لله تم تحرير الجهاز من ذلك العدو و تمت مكافئة الصديق الوفي مكافي برجوعه مرّه اخري الي وزارة الدفاع تم عزل الوزير السابق Avira premium و عدم الوثوق فيه مرّه اخري و سوف تبدأ عملية الاعمار في الهارد 320 جيجا بإنزال نسخة ويندوز جديدة و تنصيب حامي الحمي (مكافي) كوزير دفاع اكلمكم الآن من علي ارض الجزيرة ( هارد 160 جيجا ) في انتظار اكمال عملية الاعمار في الهارد 320 جيجا بعد هذه المعركه و الكر و الفر انصح بإستخدام المكافي كوزير دفاع لأنه بجد علي قد المسؤولية صدعتكوا صح ؟؟؟؟

جزاك الله خيرا علاء ابواب الصدقة الجاريه كتير جدا ,,,, تنتظر من يطرقها لتفتح له بساتين من الحسنات ما عليك الا ان تقطف منها ما تشاء بدون قيد موضوع رائع علاء جعله الله في ميزان حسناتك

شكرا علاء علي مرورك هناك 21 ثيم في الملف المضغوط ان شاء الله باقي الثيمات تعجبك نورت الموضوع يا بشمهندس