اذهب الي المحتوي
منتديات ياللا يا شباب

angel_of_mercy

Members
  • عدد المشاركات

    59
  • انضم

  • تاريخ اخر زيارة

كل منشورات العضو angel_of_mercy

  1. هههههههههههههههه لذيذة اوي ....... زود عليهم بقه خارجة مع ماما (يبقي هوينا يومين كده ) زملكاوية لدرجة اوحش
  2. بالنسبة ليا انا بشوف رمضان في : الراء روح الايمان الميم موت الشيطان الضاد ضوء من الرحمن الالف اجمل الايام النون نعمة الله علي العباد
  3. زي ماقلت الحكم فيها القدر ولو امنيتي يبقي الزمالك يكسب اصل انت ماتعرفش .. ده حبيبي بقول للاهلي انزل و ركب اخوك شوية مافيهاش حاجة يعني ...
  4. يالا حالا بالا بالا حيوا ابو الفصاد هيكون عيد ميلادوا الليلة اسعد الاعياد فليحيا ابو الفصاد ............هيه كل سنة و انت طيب ياتوتو و عقبال مانحتفل بمرور 50 سنة طبعا ده اللي عايشين هما اللي هيقوموا بيه
  5. الدنيا لو هتيجي بتيجي لوحدها في ناس بتسبها تيجي و ناس بتروحلها لاحزن دايم فيها و لافرح دايم فيها يعني لا تزعل عليها و لاتزعل منها
  6. صباح الفل ياعمرو انا قلت ابص اشوف ايه الحكاية صوتكم جايب اخر الشارع لقيت الحكاية بسيطة ....كل ده عشان ماشاركتش طيب ياسيدي ادي المشاركة اسم الظهور: angel_of_mercy وده معناه ملاك الرحمة و ده لاني بادرس الطب و المفروض ان احنا رسل رحمة للناس بس بالنسبة ليا تقدر تطبق النظرية دي لاني من ناحية الراحة هاريحهم اوي .... و علي راي المثل اعتبره قلب و راح الصورة الرمزية: صورة طفل زي القمر ومعاه معلقة عشان هوة ياحبيبي بيموت في الاكل مع النظرة الجميلة دي بذمتكم مش يتاكل اكل ؟؟ التوقيع : بيتهيالي ماعنديش
  7. مرسي اوي علي الترحيب الجميل ده منك اولا و من بقية الاعضاء بس انا كنت في معركة مع الامتحانات و الحمدلله لسه خارجة طازة باقل الخسائر الممكنة و طبعا الموضوع عاجبني لسببين: اولا لانك اللي كتبه ( اوعي تصدق ... ده تثبيت بس ) ثانيا لانك عارف اني بحب النوع ده من الكتابات اللي بتتناول مشاكلنا بدون ارتفاع في الضغط او انخفاض في السكر بس الموضوع قشطة ياباشا
  8. ههههههههههههههههههههههههههههههههههه الموضوع جميل جدا جدا بجد انا ضحكت من قلبي و طريقة النقد بالسخرية دي رائعة خلاص ماعدش ينفع ناكل عيش في البلد دي ، ماينفعش كده تقطيع الارزاق ده
  9. لو طلب مني الدفاع علي قضية هتكون قضية عبارة السلام اللي غرقت السنة اللي فاتت ، يمكن قبل كده ماكنتش مهتمية بالحكاية دي لغاية ماشفت فيلم تسجيلي عن الحادثة المروعة دي و سمعت حوار القبطان و مساعديه اللي جابوها من تسجيلات الصندوق الاسود و اللي بتتخللها اصوات الناس و هي بتتشاهد و دعاء من القلب لا من كل خلية في الجسم اللي راح منهم راح و اللي لقوا جثته استقر في مقبرة جماعية و اللي نجا شاف من الاهوال مالاينسي ولكن الكثير منهم اصبح ارواحا تائهة في غيابات البحر
  10. لامؤاخذة ياجماعة نسيت اقول الكلمة الجديدة انما اعمل ايه العيال و ابوهم مطيرين راسي مني وبالنسبة ل blackdream متاسفين ياباشا و طبعا انا مش زعلانة لان الملايكة مابتزعلش و بالنسبة لكلمة الحب الحب هوة نور الشمس ماذا تعني لك كلمة اعز الحبايب علي راي العندليب
  11. تشبيه جميل اوي يا عابدين و انا معاك فيه
  12. انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!!
  13. مرسي يا emma علي الرد حقيقي دمك خفيف و اطمنت اني ورايا خليفتي في الملاعب و احسن مني كمان ودة لو قررت اعتزل الملاعب وبعدين احنا لازم نلحق نفسنا بسرعة قبل ماالحالة تتطور كدا هنضيع كدا هنضيعععععععععععععععععععععععععععععععععععععععع ومش هنقدر نسيطر علي نفسنا بعد كدا و كل يوم الصبح هنلاقي نفسنا بنهرش و ايدنا بتاكولنا .... (زي فيلم الضائعة ) عشان كدا انا لقيت حل كويس لينا وهو ..................................................... الواد حمكشة بتاع القهوة قاللي انه بيبيع قرش الماوس باقل سعر في السوق..... ( ربنا يخليك لنا ياحمكشة.... ياررررررررررررررررب)
  14. هههههههههههههههههههههههه بجد دمك زي السكر وعندك حق في كل كلامك فعلا هما دول الفراعنة .. مشرفينا دايماااااااااااااااااااااااااااااااااااااا
  15. هوة فعلا فيه حاجة اسمها ادمان الكمبيوتر؟ انا بسال السؤال دة لاني بدات اشك في نفسي و اشك في الارتباط بيني و بين الجهاز العجيب ده دة وصلت لدرجة اني مابقتش اتفرج علي التلفزيون بقيت اصحي الصبح بعد مااصلي ،اقعد قدامه و الساندوتش في بوقي و اول حاجة اعملها بعد ماارجع من الكلية اني اسحب الكرسي و افتحه الغريب انه بيسرق الوقت بطريقة عجيبة طريقة تخليك تنسي نفسك و كانك مفصول عن العالم وكان حواسك الخمسة اتلحست وكله كوم و النت دة كوم تاني ، تحس انك وقعت في حفرة كل ماتحاول تخرج منها تتمد ايد تشدك لتحت (ايه الرعب ده!! ) الحقووني ياولاد ..شكلي هاخد الماوس بعد كده حقن ماكس
  16. أنا قلت كلمة و كان لها معنييـــــــــن كما بطن واحده و توأمين زي وشين لو دنيا شر.. التوأم الخير يمـــــــوت لو دنيا خير .. الشر ح يعيش مــنين عجبي !! هة ايه رايكم بدي.........................................................؟؟؟؟؟
  17. ههههههههههههههههههههههه دمك شربات ياحتة مارونج لاسيه و الحشو شيكولاتة
  18. مرسي علي ردودكم امة العزيز و عمرو ربنا ينولنا لحظة الوقوف عند الكعبة و تواصل النجاحات اما بالنسبة ليا فاحسن لحظة في حياتي كلها لما كنت تعبانة و مخنوقة و لما اتقابلت انا و اصحابي في فسحة المدرسة و سالوني علي اللي مزعلني و حكتلهم فوجئت بيهم الخمسة بيبكوا لبكايا وفي نفس اللحظة كانت دموع 6 بنات بتنزل و لغاية الان كل طلاب مدرستنا ماتنساش اليوم ده وكل مايقابلونا يفكرونا بالحكاية دي علي قد ماكنت زعلانة كانت فرحتي ماتسعش الدنيا لاني مش وحيدة و اننا 6توائم روح
  19. هل حقا العمر لحظات؟ هل يمكنك ان تختصر حياتك كلها في لحظة؟ و ان استطعت فما هي تلك اللحظة التي يمكنك ان توقف عندها حياتك؟ هل لحظة تشبعك من الحياة؟ لكن الاكيد ان كل منا يمر بلحظات سواء سعادة او مرارة لكنها لحظات لا تنسي محفورة بعقولنا و قلوبنا لا تمحوها الايام عشان كدا حبيت اسمع منكم و اسجل معاكم اجمل لحظات العمر لكل منا
  20. رباعية النهاردة حلوة جدا اثرت فيا كتير و اظن انها هتاثر في اللي يقراها كتير انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!!
  21. انا من عشاق صلاح جاهين و لحبي اللي مالوش حدود له حبيت تشاركوني باحساسكم بكل رباعية انا اقترح عليكم اني هاجيبلكم رباعية كل مرة و انتم تقولوي حسيتم بايه بعد ما قراتها؟ او فكرتكم بايه؟ او رجعتكم لذكريات ايه؟ و رباعية النهاردة: أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! مستنية الردود؟
  22. اولا اشكرا ياباشا علي الدفاع المستميت ده ، نردهالك انا و العرابي في خناقة و لا شدة قسم ان شاءالله ثانيا انا مازعتش من الحكاية دي لان اولا عبدالله كان بيهزر بطريقته المعهودة و ماغلطش لان دي وجهة نظره حتي لو بهزار و برضه عمرو ما غلطتش لان دي وجهة نظره ، الاختلاف لا يفسد للود قضية و اسفة اني تسببت بخلاف بسيط في الاراء بس ده مهم عشان تفكوا كدا و تلعلعوا ببساطة انا عايزة كل واحد فيكم يقول رايه ( عايزاكم تولعوا في المنتدي!) واهو منكم نستفيد و معلومة لعبدالله انا بتعجبني طريقة تفكيرك جدا و لايهمك ،احنا في ظهرك يامعلمي و حقيقي الموضوع مش مستاهل زعل
  23. شئ غريب اوي انك تشوف دكتور مدخن ، الغريب ان معظم اللي عندنا في الكلية بييدخنوا سجاير و تساله بتدخن ليه؟ يقولك من الهم اللي بنشوفه ..طب ياعم ماهي البنات بتشوف اللي انت بتشوفه ما بيشربوش سجاير و لا شيشة تفاح حمي .. المهم ان كل الدكاترة عارفين ان السجاير وسيلة للموت البطئ و هي اساس في كل الامراض و البلاوي اللي بتحصل بس بيتذاكوا علي نفسهم .. و تلاقي الدكتور من دول يشد النفس من السيجارة و لا اجدعها مدمن حقيقي منظر مش لطيف خالص لان احنا طبيعي لو دخلت المدرج هتلاقي مناظر العيال زي مايكون قرش حشيش و نشرينه في المكان . الحكاية دي بتفكرني بموقف ليا كنت قاعدة علي سلالم المدرج (كالعادة) و لقيت عالسلالم علبة سجاير و مشط كبريت كان نسيها زميل ، فاخدت العلبة و بعزم علي زمايلي منها (كهزار طبعا ..دة احنا مبطلين بالعافية!) لقيت الاخ ده ورايا !! وطبعا ما قولكمش كان ايه احساسي ساعتها؟. فعدلت نفسي و قلتله : مش عيب يادكتور يامحترم تشيل مشط كبريت مش ولاعة... مع تحياتي angel_of_mercy
  24. شكرا علي كل الردود الجميلة للموضوع و بالنسبة ليك ياعمرو اولا كفارة يامعلم بالنسبة للامتحانات و ربنا يوفقك ثانيا كل طلبة طب رجالة و بيوقفوا وقفة رجالة قدام كل الصعوبات دي و احلي حاجة فيهم انهم بياخدوا الامور بضحك و سخرية عشان مايحصلهمش حاجة و البلد عايزاهم لاننا لو فضلنا ندقق علي كل امورنا وناخدها في نفسيتنا ،نبقي نستاهل اللي يجرالنا و علي العموم انا عندي مركز للفضفضة النفسية ، لكل واحد عايز يفضفض و مش لاقي مكان و هنكرمكم في الفزيتة
×
×
  • اضف...

Important Information

By using this site, you agree to our Terms of Use, اتفاقيه الخصوصيه, قوانين الموقع, We have placed cookies on your device to help make this website better. You can adjust your cookie settings, otherwise we'll assume you're okay to continue..