eng_alaa

هههههههههههه صحيح والله ... لكن ليه كده فعلاً ... !!! أيام الخطوبه هو اللى يتكلم وهي بتسمع .. وبعد الجواز هي تتكلم وهو يسمع .. وبعد كام سنه من الجواز هما الاتنين يتكلموا وأمة لا إله إلا الله هي اللى تسمع .. الكاتب الساخر ديدو ... مش هقولك رائع أو مميز ... هقولك بلاش مشاكل .. :smile:

سبحان الله ... والله إستوقفتني تلك الآية كثيراً وتفكرت فيها ولأننا مؤمنون بما بالقرآن فأنا كنت واثقاً أن العلم سيثبت ذلك في يوم من الأيام ... ويحضرني الآن قول الله تعالي ... بسم الله الرحمن الرحيم ( رَبّنَآ مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النّارِ) صدق الله العظيم [سورة: آل عمران - الأية: 191] شكراً أخينا عبدالله ...

جميل جداً اخي وحبيبي دكتور عبقرينو وفعلاً سعدت جداً جداً بتحميل تلك الأناشيد ... ومجهودك رائع وتسلم ايدك عليه .. لكن لي رجاء ... غير تلك الروابط الي سيرفر آخر ...

شكراً يا زمرده ... طيب خدتي لبالك من صورة القطه واللى مستخبي جوه ده ... العفو أختي نودي بل الشكر لكي لإمتاعنا بكل جديد بالقسم الرياضي والله يا ندي ممكن ما تصدقيش ... انا غيرت صورة الجمجمه تلات مرات مخصوص عشان عارفكم بتخافوا كل ما أحط صورة ألاقيها تخوف وبعد ما أضيفها أغيرها ... مع إن الجمجمه دي عادي خالص بيلعبوا بيها العيال الصغيرين هنا .... :smile: زمردة ,,, نودي ,,,, ندي ,,,,,,,, شكراً لمروركم المميز بالموضوع ...

الحياة بدون تحمل بعض الأعباء لن تستمر .... هو يقدر أنها تعبت من أجله وتحتاج لتلك اللحظات التي تشعرها بالسعادة وتمكنها من المواصله في العطاء لمملكتها .. وهي تقدر إنه طالع من صباحية ربنا والشمس بتلسع في قفاه النهار كله في الشغل .... وبعدين أنا إيه هي البازلاء ؟؟؟ الفاصوليا ولا البسله ؟؟؟ وطبعاً كالعاده من الكاتبه المتميزة موضوع متميز ...

جميلة جداً بجد ... ياريت لو ممكن تضيفيلنا ملف الصوت بتاعها ... شكراً اختنا النشيطه حياتي من اجل ربي ...

السلام عليكــم ورحمـة الله وبركاتــة ،، اليوم سنعود بذاكرتنا إلي الوراء .. ربما إلي ما قبل التاريخ ... سنعود إلي ---- --- -- - الإنسان البدائي وكيف قام بعمل الكمبيوتر .. ؟ كان الإنسان البدائي في مرة قاعد فاضي مش وراه أي حاجه يعملها ... خلص الجمع والالتقاط وصاد غزاله تأكله لمدة أسبوع .. وعمل مزدات علي صحابه .. و كله تمام ... فكر ثم فكر ثم قرر ... بدأ يفكر في شيء يشغل فراغه ويفيده .. وقرر صناعة الكمبيوتر الحجري ليساعده في إتمام أعماله ... طبعاً كان الكمبيوتر صعب جداً أن تتعامل معه في البداية .. ثم فوجئ بأن أول فيروس في التاريخ سوف يهاجم جهازه عندها فقط .. صنع أول مقاوم للفيروسات ثم فكر في تحديث الكمبيوتر لأنه أصبح بطيء شويه وبعدين الكمبيوتر أتطور شويه وبدأ مستخدمي الكمبيوتر يزدادوا وتتغير أنواعهم ---- --- -- - وبدأ يطور في الكمبيوتر وفي استخداماته ... إلي أن وصل إلي الكمبيوتر المثالي ---- --- -- - عند ذلك مات الإنسان البدائي علي جهازه مبتسماً لأنه صنع أول كمبيوتر في التاريخ ============ وأرجو أن تتقبلوا تحيتي وحبي eng_alaa

للأسف فعلاً فأغلبنا يعيش ويموت عادي خالص كما قال ابو تسنيم ... وبصراحة مش لاقي كلام اكتبه بعد كلامكم في الموضوع .. انا حبيت بس اشكر بنت مصريه علي الموضوع الجميل والمهم جداً ده ...

بارك الله فيك أخي عبقرينو .. أنا حملته عندي ...

بصراحة المدخنين لن يمتنعوا عن التدخين من تلك الصور ... لكن لا مانع من تلك المحاوله فهي بداية جيدة وبصراحة احسن من مفيش .. موقف حدث معي .. أحد اصدقائي عندما كانت تلك الصور جديدة علينا قام بلصق ستيكر على الصورة علي شكل وردة ... سالته طيب إنت مش بتقرف حتي من الصورة نفسها لما تشرب السجاير ؟؟؟ قاللي .. والله لو طلعلي واحد من جوه العلبه يكلمني برضه مش هبطلها ... شكراً مصطفي .. موضوع مهم جداً ...

سبقتني والله يا عبقرينو ... أنا أعشق صوت الشيخ مشاري جداً جداً .. شكراً جزيلاً علي تلك الهدية الرائعة اخي الجميل و عبقرينو المنتدي ..

جميلة جداً تلك الغرف ورائعه ... ربنا يسهل ونشوف اللى هخلفهم يستاهلوا اجيبلهم منها ولا يستاهلوا يترميوا من البلكونه ..

معه والله ألف حق ..شكراً جندينا المجهول ...

الخطأ من البدايه من جانب الحضري ... يللا ربنا يوفقه مع الاسماعيلي ..

خمسة اجزاء يوميا ... ماشاء الله ... والله الواحد مقصر جداً جداً ... بارك الله فيك اخي عاشق الصداقة علي الموضوع الذي يذكرنا بقراءة القرآن ... ربنا يجعله في ميزان حسناتك ..

هو حر في اختياراته بس مافكرش انها ممكن يكون فيها كل الصفات دي وتكون مجنونه مثلاً .. أو فيها كل الصفات دي ومش متدينه ولا تعرف يعني ايه صلاة اصلاً .. دا لا جاب سيرة عقل ولا دين ولا حاجه ليها لازمه اصلاً ... و طبعاً الصفات دي هو مختارها بإرادته يعني إستحمل بقي يا حلو ... ربنا يصلح حالنا ويهدينا ويستر شباب وبنات المسلمين ...

طيب إنتي بتقولي غزال نايم إزاي مفتح عنيه أكيد كان بيبرقلها فعلاً وإنتي مش واخده بالك عموماً الغزال الجاي ارسميه بنضاره عشان تتلاشي المشكله دي .. حاولي تفهميها قيمة الرسومات دي وتخليها تكون جنبك طول وقت الرسم وتحضر رسم صورة بالكامل هي هتفرح بكده وهتساعدك بكل فرحه كمان .. لكن الهدف الاساسي هيكون إنها تعرف التعب اللى إنتي بتتعبيه في الرسمه دي .. ويا سلام لو تخليها تكتب اسمها تحت الرسمه مثلاً كأنها هي اللي رسمتها .. واحده واحده هتلاقيها بتخاف علي الصور دي جداً جداً ... وأهم شيئ إن الكلام معاها يكون فيه اقناع ليها يعني بالهداوه .. لأن السن ده بيكون بداية العند شويه .. والإقناع ليه أفضل بكتييير ... وبعد ماتحب الرسومات حاولي تعلميها الرسم كمان ..... جربي كلامي وأوصفيلي النتيجة يا تقوي وأنا واثق أنها بالطريقه دي هتحب الرسم جداً وممكن كل شويه تقوللك تعالي نرسم كمان ...

ماشاء الله ... حاجه تفرح بجد والله .. ربنا يكرمنا جميعاً ويكون عندنا ملائكه .. وده أفضل من اللى عنده أبطال اوروبا .. جزاك الله وجزاهم خير الجزاء أخي الحبيب عاشق الصداقه ..

فعلاً ويكيبيديا موسوعة ضخمه جداً .. ويوجد بها معلومات لم أكن أتخيلها .. ... شكرا ميدو ...

ايه ده بجد دي الصومال ... أنا مش مصدق فعلاً .. سبحان الله .. بجد صور غايه في الروعه يا ندي ..

أختي حياة ربما نصادف ذلك الشخص بل نحن نصادفه كثيراً وأنا عن نفسي أيام الدراسه كنت أعرف أشخاص بالشكل ده .. لكن في النهايه كوني واثقة تمام الثقه في انه ياخذ مايستحقه ... أنا لم أخش يوماً ممن سأتزوجها هل تكون محترمه .. متدينه .. أو عكس ذلك .. بل علي العكس تماماً فأنا مطمئن .... لا ثقة زائفة بنفسي ولكن ثقة بالله سبحانه وتعالي فكما أكون أنا ستكون هي وأنا لم أنس يوماً الآيه التي تقول : (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطّيّبَاتُ لِلطّيّبِينَ وَالطّيّبُونَ لِلْطّيّبَاتِ أُوْلَـَئِكَ مُبَرّءُونَ مِمّا يَقُولُونَ لَهُم مّغْفِرَةٌ وَرِزْقٌ كَرِيمٌ) [سورة: النور - الأية: 26] فإن اتقيت الله اليوم كن واثقاً انها ستتقي الله فيك غداً ... وشكراً لكي أختنا حياة علي الموضوع الجميل والكلمات الغاليات التي نصحتي بها أعضاء المنتدي ...

في أول تصريح له عقب اللقاء .. أبدي بوش سعادة بالغه .. تعرفوا ليه .؟؟؟!!! لأنه أخيراً وجد أسلحة الدمار الشامل اللى أقام لها كل تلك الحرب علي العراق ... :crying: :lololo:

جميل جداً أننا حين نعلم شيئ ربما يخطئ به الكثيرون بدون قصد أن ننبههم .. شكراً حياتي من اجل ربي ..

رائع رائع رائع .... موضوع مفيد بكل المقاييس .. نسخة ويندوز + شرح تنزيل الويندوز + شرح حرق الاسطوانة الايزو + كلمات سر للويندوز + برنامج لتحويل الويندوز الي الواجهه العربيه أعتقد مهما كتبت ومهما تحدثت فلن أوفيك حقك يا عاشق الصداقه ... شكراً لك أخي وجعل الله ما تكتب في ميزان حسناتك يارب وجزاك عنا خير الجزاء ...

نقطة مهمة جداً تلك التي نوصلنا اليها في الحديث ... أختي تقوي القلوب فعلاً ما ذكرتي صحيح ومهم جداً ... ومحير جداً ذلك التساؤل ... فهل أصحاب الملابس الواسعة إنقرضوا مثلاً لكي تنقرض معهم تلك الملابس المحترمة ؟؟؟ ونفس الموقف حدث معي منذ فترة قصيرة حيث إشتريت بنطلون جينز البنطلون بالكامل جميل جدا ومحترم وابن ناس لكن بصيت علي الجيوب لقيت عليها كلام لا له أول ولا آخر ... وبلغه أصلاً مش مفهومه ومكتوب عليه بلون فاقع ... سألت صاحب الشركة مافيش غير كده قاللى .. دا أقل بنطلون فيه شغل ... المهم في النهاية اضطريت أشتريه وقعدت يومين في البيت أشيل منه الكتابه ... سبحان الله .. لما إحنا الشباب بنحتار في اللبس ومش عارفين نجيبه محترم إزاي .. فما بالك بحيرتكم انتوا ... ربنا يكون في عونكم بجد ... وربنا يصلح حالنا يارب ... ويهدي شباب المسلمين لما يحبه ويرضاه .. إنه ولي ذلك والقادر عليه بأمره .. وشكراً لكي يا تقوي القلوب لردك الجميل والمفيد ليا جداً ده ...