بنت مصرية

بارك الله فيك واتابع التصميمات الجميلة جعلها الله في ميزان حسناتك

مااجمل الزرع واللون الاخضر والورد اللي تبارك خالقها سبحانه عارفين الزرع ده لازم يتسقي علشان يكبر ويفضل بلونه الجميل ده طيب ايه رايكم نزقي زرعتنا ؟؟ اه عارفينها اللي احنا بذرناها من اول يوم رمضان وعماله تكبر بفضل من الله سبحانه وتعالي تعالوا نملي جركن الميه بتاعنا في الحلقات الجاية هنزقي بيه علشان زرعنا يكبر ويفضل بلونه الجميل ومااجمل ان نبدأ أول قطرة في جركن الميه "بالصبر" (ياايها الذين آمنوا كتب عليكم الصيام كما كتب علي الذين من قبلكم لعلكم تتقون) صدق الله العظيم الخالق عز وجل فرض علي عباده الصيام بكل مافيه لعلنا ..لعلنا نتقي ياااااااااااااااااااااااه ربنا سبحانه وتعالي بيقولنا ان الصيام بيخلينا متقين سبحانك يارب ومن أعظم دروس الصيام الصبر ... ايوة اصل الصبر انواع للصبر أنواع: صبر على الطاعات، وصبر عن المعاصي، وصبر على المصائب. والصيام يجمع كل انواع الصبر دي تخيل كدا معايا احنا بنصوم عن الاكل والشرب..صبر بنصوم عن اللغو واللهو 000صبر بنصوم عن الشهوات...صبر بنصلي بخشوع..صبر صيام عن كل شيء وعبادة في كل شيء صبر في صبر في صبر رمضان مدرسة مدرسة كبيرة للصبر لنتقي الله الذ خص المؤمنين بالعبادة دي اللي فيها فائدة عظيمة عافرين ايه علاقة الصبر بالتخطيط والتغيير علاقة كبيرة جدا ومهمة ياللي رسمت خريطتك للجنه... وياللي كتبت خطتك في رمضان.... وياللي نويت علي التغيير..... مالك غير الصبر تصبر وتنتظر انت بتعمل خطواتك واعمالك المطلوبة منك احتسب الاجر عند الله واصبر لان ببساطة احنا مابتغيرش بين يوم وليلة والي يقول انا عملت وسويت وماتغيرتش وعايز النهاردة يبتدي وبعد بكرة يتيغر يبقي بيضحك علي نفسه ها ايه اخباركم كدا في مدرسة الصيام في رمضان انتصف نص الشهر وانت من اول الشهر باذن الرحمن في معركة مع نفسك هي عايزة وانت بتردها ده من صميم التخطيط انك تصبر بس خلي بالك فيه فرق بين الصبر والتفريط يعني مش تبقي بتصلي بدون قلب او بتصوم عن الاكل والشرب فقط او بتعبد اي عبادة بدون ماتبقي بتتدبرها وحاطط الجنة ورضا الرحمن وقرب الرسول هدف بيحركك ويررق قلبك وبعدين تزعل وتقول خطتي علشان اتغير مانجحتش ماهو اكيد لان الوصفة ناقصة وصفة الفلاح والنجاح معادلة النجاح =عمل+دعاء+رضا+صبر= الفلاح باذن الله ببساطة حولت عبادتك لطقوس وماعشتش بقلبك معاها انوي لله وخطط انك لن تغفل عن العبادة بالمعبود ياللا في الكراسة اللي قلنا عليها اكتب الجملة "لن اغفل بالعبادة عن المعبود " والله الف خسارة ان يبقي رمضان مدرسة كبيرة صوم رمضان مافهوش رياء الناس كلها صايمة والناس كلها بتعمل خير ماحدش هيشكر فيك ده ممكن يغبطوك ويتنافسوا معاك وفي ذلك فليتنافس المتنافسون فاانت المستفيد المستفيد انك تطلع من رمضان السنة دي بشنطة الاخلاق والعبادات تملي الشنطة دي اخلاق وتدبر وعبادة وعش بقلبك معها وتفكر ايه رايكم ننفذ حاجة النهاردة؟؟؟ نجيب الكراسة بتاعتنا اللي اتكلمنا عليها وهنكتب فيها في اعلي الصفحة الصبر .. اختار جملة واكتبها عن اهمية الصبر وحديث عن الرسول مثل في اكثر من موضوع في القران الكريم قال الله جلا علاه للرسول صلي الله عليه وسلم (فاصبر صبرا جميلا) او وعن أبي سعيد سعد بن مالك بن سنان الخدري رضي الله عنهما‏:‏ ‏"‏أن ناساً من الأنصار سألوا رسول الله صلى الله عليه وسلم فأعطاهم، ثم سألوه فأعطاهم ، حتى نفد ما عنده، فقال لهم حين أنفق كل شيء بيده ‏:‏ ‏"‏ما يكن عندي من خير فلن أدخره عنكم ، ومن يستعفف يعفه الله، ومن يستغن يغنه الله، ومن يتصبر يصبره الله‏.‏ وما أعطي أحد عطاءً خيراً وأوسع من الصبر‏"‏ ‏(‏‏(‏متفق عليه‏)‏‏)‏ ‏. وغيرها كثير اكتر حاجة بتفقدك اعصابك ومش بصبر اكتبها واكتب الحالة الكويسة التانية منها قصدها وسيب بينهم مسافة مثال الغضب....الحلم واكتب اللهم اعني علي نفسي واكتب هدفك في انتقالك من الحالة دي لدي واي قصة او موقف عن الصبر وموقف تاني يكون حصلك انت شخصيا واي حاجة تحب تكتبها وشايف انها تفيدك في موضوع الصبر في انتظار مشاركتكم واكتبلولنا اي حاجة تفيدنا في موضوع الصبر بارك الله فيكم اسال الله لي ولكم الرحمة والمغفرة وان يذيقنا لذة الإيمان وان لايخرجنا من رمضان والا وقد غفر لنا ماتقدم من ذنوبنا واعتق رقابنا من النار ان اخطأت فمن نفسي .... وان وفقت فمن الله لاتنسوني من صالح دعائكن بظهر الغيب لمتابعة باقي الدورة اضغط هنا

اختي الحبيبة في الله اتريدي ان تكوني أجمل عروس في الكون اجمع؟ ياله من منظر رائع..رائع ..رائع ولكن ليست اي عروس ولاتمت لعرائس الدنيا بأي شكل ازف اليكي الوصفة السحرية من شيخنا الجليل بارك الله فيه واثابه عنا خير الجزاء هاني حلمي من اجمل ماسمعت له عروس رمضان استمعن واسال الله لي ولكم ان يجعلنا من عرائس رمضان ويتقبل منا ولاتنسونا من صالح دعائكم بظهر الغيب

:kiss::kiss::kiss: انا مت ضحك وبالذات من أخر صورة كدا فعلا دول اولادنا :kiss: جزاك الله كل خير يا مبدع ياللا ياشباب وربنا يوفقنا جميعا لما يحب ويرضي

امي عاشقة الفردوس جزاك الله كل خير وربنا يبارك يك ياب وسعيدة بك فكرة الاجندة مممكن برضوا مدام انتي بتبصي عليه كل يوم وبارك الله فيك ورزقك ثواب رمضان كاملا باذن الله فاخي زيدان جزاك الله كل خير وبفرح كتير بمثل هذه المشاركات هقلك الحل في حجتين بدون مااطول اولا لازم يكون معاك كراسة او اجندة واول ماتقرا ردي بالله عليك تقوم تتيجبها علي طول وتبدأ خليها وسجل فيها اي حاجة عملية تسمعها اي حاجة سمعتها واثرت فيك وتابع نفسك فيها انا عملت ده وماعملتش ده اصلي انت ماتستناش انك تسمعلك او تقرالك كلمتين وتتغير علي طول لان ببساطة انت مانفذتش الخطوات اللي سمعتها مثلا قلنا نخطط ماخططتش قلنا هنصلي النوافصل ماصلتش حجات زي كدا خطوات وانت مامشتتش عليها شيء طبيعي انك مش هتتغير علشان كدا الكراسة مهمة لانها هتعيشك ان شاء الله في الحالة الحماسية علي طول وتاني حاجة توكل علي الله واستعن به وخذ نية ولازم دايما تدعي يارب قويني يارب قويني لانك لو ماعملتش كدا ولا قوة في الدنيا هتنفعك وال تغير ولا تخطيط ولاحتي الدورة بتاعتنا دي جرب الطريقة دي جرب وان شاء الله هتنفع وافتكر ان الامور مش صعبه لانها صعبة ولكن صعبة لاننا لانجروء علي تخطيها ... وربنا يرزقنا جميعا الخير انا موجودة لو فيه اي استفسارات باذن الله

لو حبيت تعرف ايه الصائم او الصائمة ممكن يعملوا في يومهم في رمضان اسهل حاجة ندخل علي الانترنت وبنعمل سيرش بنلاقي مواضيع واوراق دعوية بتديلك نصائح وبتقلك اعمل 1،2،3 جميل تقوم تلاقي الكلام مش ماشي مع ظروفك ويومك فتلغي الفكرة خالص وتقول افكار جميلة بس انا مش هقدر انفذها كلها ترجع تقول لنفسك لالا بس انا اصلا ناوي ابقي كويس في رمضان خلاص انا هديها بصة تاني علي النصايح والافكار دي واحاول اطبقها مين فينا ماحصلوش الموقف ده ودار الحديث ده بينه وبين نفسه الا من رحم ربي و برضوا في النهاية انت بتلاقي انك بتعمل الحجات اللي متعود عليها او بتزود حجات بسيطة او لا كمان الا من رحم ربي طبعا المشكلة ان احنا مسكنا العصاية من النص ايوة اصل انت ماشفتش انت مين وظررفك ايه قبل ماتروح تدور علي اللي انت هتعمله وده اللي اتكلمنا عنه في حلقة ازاي نخطط طيب المفروض انك انت ان شاء الله عملت ده اول رمضان وكانت ادوات جميلة ان شاء الله ومساعدة بس ماحدش فيكم لاحظ ان احنا محتاجين ناخد خطوة كمان في كتابة وتنظيم الخطة ؟ ها عرفتوها انا هقلكم الوقت ايوه الوقت !! هو انتوا مش واخدين بالكم ان رمضان وقت بس قبل ما نتكلم علي الوقت انا هقلكم علي سر كدا انتوا عارفين ان راس المال الوحيد اللي الناس كلها متساوية فيه هو الوقت ايوه كل الناس عندها 24 ساعة الغني زي الفقير ماحدش يقدر يشتري وقت زيادة لنفسه وده من نعم الله سبحانه وتعالي فانت اللي بتنظم وقتك بمعرفتك طيب ايه رايكم كدا لو جينا نشوف ازاي ممكن نرتب يومنا بدون مايكون يوم حد تاني ولاكلمات وشعارات رنانة .. عارفين ان الاسلام في كل شيء فيه نعمة سبحان الخالق وان احنا عندنا اجمل واحسن نظام لتنظيم الوقت في العالم كله ازاي؟؟ اوقات الصلوات الخمس ايوة هو ده ببساطة اجابة ادارة الوقت مش مصدقني ..طيب تعالوا نشوف كدا بلاش نتكلم في كلام معرب عن علماء الغرب دون الربط الحقيقي بينه وبين حياتنا الاسلامية والعملية مش بقول انه مينفع بس ماتيجو نشوف حقيبة الاسلام مخبيلناايه ... اليوم العادي بتاعنا زي ماتفقنا هو 24 ساعة وسبحان الله احنا عندنا 5 اوقات مفروضة للصلاة في يومنا وكل منها في وقت مختلف وفيه بين كل فرض والتاني بعض من الوقت ايه رايك لو قسمت يومك كدا من الفجر لظهر من الظهر للعصر من العصر للمغرب ومن المغرب للعشاء من العشاء الي الفجر وبعدين تحدد اعمالك اليويمة وتعمل زي لعبة تركيب الاشكال حط كل عمل في الوقت المناسب ليه وكدا هتلاقي نفسك حددت يومك باعماله وهتتغلب ان شاء الله علي شعور ضياع الوقت وعدم كفاية اليوم فلحظة تخطيط توفر لك ساعات من الفوضي بس فيه فيه شروط علشان تنعم بهذا الشعور لازم جدا يكون معاك اجندة صغيرة اكتب فيها يومك بالشكل اللي احنا حددناه ده واكتب شعارك لكل اسبوع او لكل شهر واكتبه وكرره في صفحتك اليومية اكتب حكمة او معلومة وحديث واكتب جملة "ماتنساش تنوي" او "خذ نيه" ليه كل ده علشان تتحول اجنتدك دي لمنبه مش بس لاعمال يومك ولكن لترقي بنفسك وتتعلم وتحقق مبدا ان التعلم والمعرفة بيزيد الخشية لله الاجندة دي ممكنتكون بحجم الكف وممكن تكون كبيرة زي ماتحب وخلي بالكم ياجماعة انت لازم تخطط وتحدد اهدافك واولوياتك انت في رمضان عايز ايه بالظبط ده هدفك الكبير وتحته ابتدي قسم اعمال يومك عارفين هتلاقوا فيه وقت زايد وممكن تزودوا فيه اعمالكم كمان ... بس خلي بالكم من الاهداف هتاخدوا انهي نوع ... اه اصلي الاهداف دي كمان انواع فيه اكثر اهمية فيه اقل اهمية فاقل اهمية فاقل اهمية وهكذا طيب مين هيحدد الهدف ده اكثر ولا اقل فاقل فاقل انت ايوه انت علشان كدا قلنا الهدف الرئيسي بتاعك مهم جدا جدا جدا انا عايز في رمضان اتغير واكتسب عادات حسنة وابطل ذنوب انا عايز في رمضان اكون انسان افضل انا عايز اخطط في رمضان ولبعد رمضان وغيرها وغيرها وغيرها وانت اعد مع نفسك وبتخطط كدا اهدافك اسالك نفسك هو ده هيقربني من هدفي ولا هيبعدني عنه؟؟ اجابتك هتحدد هو اهميته ايه بالظبط وعلي فكرة ياجماعة انا مش بقول ان الاهداف كل ماقلت اهميتها ترميها لا لان مثلا انت محتاج ترفه عن نفسك في شيء معين هو مش مهم اوي بس مين قال انه مش هيقربك من هدقك اصل انت بتروح عن نفسك ولكن متزدش في كدا لان مازاد عن حده انقلب لضده ايه رايكم نشتغل بنظرية "الكتشن ماشين" مقتبسه فكرتها من الكاتبة ريم حسن مع التعديل والاضافة ليه ماتبقاش زي الكتشن ماشين اه الكتشن ماشين دي ياجماعة باللبلدي هو خلاط بس متعدد الاستخدام بيعمل كذا حاجة في حاجة واحدة مثال بتروح الشغل وبتتمشي او في وسيلة مواصلات بتاخد 10 دقايق بدل ماتعد ساكت اذكر الله اسمع محاضرة علي موبايلك او ال mp3 بتاعك فاكرين الاجندة خليها معاك دايما وممكن تكتب فكرة مبدعة جات علي بالك لانك قاعد بتتأمل في الطريق وبتتفكر ف خلق الله وقيس علي ده باقي اعمالك وشوف امتي تنفع تكون كتشن ماشين هتوفر في الوقت والمجهود وهتنجز اكتر ...عرض خاص لحظة واحدة بس الكلام ده متاخر اوي احنا خلاص بقينا في نص رمضان لالا اوعوا تقولوا كدا ولامتاخر ولاحاجة اصل انت واحد من اتنين ياماشي في السباق يامتاخر عن السباق وفي كلا الحالتنين انت مستفيد منها بتقو نفسك وبتشحنها يااما انت محتاج حاجة تشدك وتصحيك فلا داعي للقلق حاجة اخيرة الكلام اللي قلناه ده هي نصايح لاارضي لاحد منكم اخواني ان يكون في النار كما لاارضاها لنفسي لان الدنيا زمن قليل و عمرك فيها قليل من قليل و ما بقي من عمرك قليل من قليل من قليل والدنيا رحلة الي الجنة باذن الله فلازم تستعد لرحلتك وتخطط ليكتبها الله لك ورمضان محطة وقود ...تزود منها لتسير وتكمل المسير نصيحة مهمة جدا الامور دي هتكون صعب تنفذها حسب اصرارك وعزمك ونيتك خذ الخطوة الاولي فستجرك للتانية وللثالثة والرابعة وهكذا باذن الذي علمني العلم يجمعنا في جنته ويفغر لنا جميعا ان اصبت فمن الله وان اخطأت فمن نفسي انتظر تفاعلكم جزاكم الله كل خير ولاتنسونا من صالح دعائكم بظهر الغيب لمتابعة باقي الدورة اضغط هنا

اذيكم ياجماعة يارب تكونوا بالف خير مضي الثلث ياااااااااااااااااااااه للدرجة دي مضي الثلث ياللي لسه معملتش حاجة قدامك فرصة مرة واتنين كمان وياللي شغال لسه السباق ماخلصش ولكن شعور من الحزن اجده يتملكني كلما اتذكر ان رمضان قد انقضي عشرة ايام منه ثلث رمضان قد ذهب اسأل الله لي ولكم فيه حسن الإخلاص والعمل وان يتقبل الله منا صالح الأعمال وان يعتق رقابنا من النار ويغفر ماتقدم لنا من ذنوبنا انه ولي ذلك والقادر عليه يارب تكون الدنيا كلها تمام معاكم والدورة كويسة وفعاليات رمضان كلها في المنتدي تكون عجباكم ان شاء الله طيب انا النهاردة جاية اتكلم معاكم ايوة مش هقول نصايح ولاهنمشي علي دروس ولا هنخطي خطوات ولا اي حاجة خالص امال ايه هنقفل الدورة ولا ايه ؟؟ لا لا ماتخافوش انا عايزة اساأل ايه الأخباااااااااااار؟ ايوة ياجماعة ايه الأخبار اخبار الخطة ايه؟ واخبار الدورة معاكم ايه؟ طبقتوا الدروس الأولي منها؟ عملتوا خطتكم؟ طيب مين ماشي الحمد لله؟ ومين فيه حجات واقفة في طريقه؟ طيب انا عايزةاعرف اخباركم ايه تعالوا نشارك بعض النهاردة ونعرف كل واحد عمل ايه في العشر الاوائل مش بالتفصيل بس عيل الاقل بالمجمل كدا قلنا رمضان ماشي معاك كويس ولا لسه فيه حجات ملغبطة معاك ووقتك اخباره ايه والحجات دي احكوا علي اي حاجةانتوا حابين تسالوا عنها او موقف نستفاد بيه ياللا مين هيشارك؟؟؟ لمتابعة باقي الدورة اضغط هنا

جزاكم جميعا كل خير علي المشالاكو والردود اهلا وسهلا بااخي زيدان اهلا بيك في بيتك ياللا ياشباب اتمني لك الفائدة والاستفادة معنا باذن الله بالنسبة لمووضع الدورة لا ان شاء الله هي ماوفقتش ولا حاجة ولكن لاموضوعات الخاصة بالدورة مابتنزلش كل يوم من المفترض انها تنزل كل يومين ان شاء الله وحلقة اليوم الثامن هتنزل ان شاء الله والمفترض انها كانت تنزل في الوقت المخصص ليها ولكن مشاكل الانرتنت وانقطاع الكهرباء اللي بتعاني مصر كلها منه اسال الله ان يعافينا ومرة اخري الف شكر لكم جميعا

اولا اهلا بك اخي في بيتك ياللا ياشباب ارجو لك الافادة والاستفادة باذن الله ثانيا ارسل رسالة للميل ده فيها الدرجة bentmasrea@yallagroup.net وماتقلقش ان شاء الله مش ماخر ولاشيء اهم حاجة بس تسرع في تنفيذ الدروس الاولي من الدورة اخي علي هو موضوع اللوحة ممكن يكون فعلا من زمان بس زي ماانت قلت قليل اللي بيطبق خطوات التنظيم في حياته واقول حمدا لله علي السلامة في الدورة

بارك الله ياشعلة المنتدي جزاك الله كل خير ربنا يعيننا ان شاء الله علي الصيام والقيام وقراءة القران وصالح الاعمال في رمضان ويجعلنا من المغفورين لهم والعتقاء من النار متابعين ان شاء الله

بارك الله فيك وقصة جحا دي انا اعرفها من زمان جدا وفعلا فيها الكثير من الاستفادة :smile: ربنا يصبح حالنا جميعا في انتظار الحلقة الجاية باذن الله

رائع جدا وجزاك الله كل خير ربنا يعيننا علي الصيام والقيام وصالح الااعمال وقراءة القرآن في رمضان ويغفر لنا ذنوبنا ويعتق رقابنا من النار :smile:

وجزاك الله كل خير يامستر حمدي اتمني لك الاستفادة من الدورة باذن الله

اولا مرحبا بك اخي ايهاب في الدورة اسال الله ان ينفعنا بم فيها ان شاء الله ثانيا اعتذر عن عدم وضوح هه النقطة هو طبعا السؤال مكون من 4 أجابات نعم =4 غالبا=3 احيانا=2 لا=1 ثم تجمع الدرجات وحسب الفئة اللي انت من ضمنها وهي 3 مجموعات من الدرجات وطبعا مابينهم من ارقام اتمني ان تكون الطريقة واضحة وجزاك الله كل خير

كيف حالكم جميعا أرجو الخير للجميع بإذن الرحمن النهاردة ياجماعة هنتكلم عن خطوة جميلة جدا جدا في رحلة التخطيط بتاعتنا فاكرين قبل كدا قلنا وكررنا كلمة بتقول "ما لا يكتب لا يستحق انجاز" طيب ماشي ما إحنا كتبنا خطتنا طيب كويس أنا كنت بذكركم بس وعلشان ادخل لنقطة مهمة جدا وهي انه حتى خطتك وأهدافك لو أنت عرفها وكتبتها لازم تملي عينك منها كل يوم تكون قدامك يمكن كتير من مدربين التخطيط والتنمية البشرية بينصحوا انك تكتب اهداف حياتك في ورقة صغيرة وتحطها في جيبك او شنطتك حاجة معاك علي طول وبتفتحها علشان تفكر نفسك بالي انت عايزه وتقول لنفسك خلي بالك اجتهدي علشان احقق اهدافي باذن الله كلام كويس ...وبعدين انا مش هطول عليكم كتير المرة دي المطلوب ببساطة ان كل واحد يعمل لوحته الرمضانية دي ببساطة ؟؟ وبعدين يعني عارفين اللوحة اللي بنقول عليه لوحة ملاحظات بيكون لونها رملي كدا وبنعلق عليها ملاحظتنا علشان نفتكرها بتكون دايما في مكان العمل مثلا زي كدا طيب انتوا في البيت ممكن تعملوها بأبسط الأدوات وهي أداة لصق مناسبة أي مكان بيكون قدامك دايما فوق شاشة الكمبيوتر بتاعك باب حجرتك حيطة في حجرتك أي مكان أنت دائم التردد عليه وسهل عينك توقع عليه وأدوات خطتك جداول الخطة والمتابعة ونصيحة كمان اللوحة دي اعمل فيها حجات كل هدفها انها تقوي عزيمتك باذن الله وتعينك علي تذكرتك باهدافك وتحركك دايما نحو هدفك مثلا شعار رمضان حكمة الاسبوع حديث او معلومة جميلة وعبارات انت دايما عارف انك اما بتقراها بتفكرك وبتصحيك وبتثبتك إن شاء الله الأدوات أطبعها واستخدم أيدك واكتب بنفسك كل حاجة علشان أيدك كمان تفتكر كويس طيب انا ماعنديش طابعة ومااقدرش اطبعها ومافيش مكان قريب بسيطة مافيش مشكلة ارسم الجداول بأيدك برضوا وبنظرتك أنت واكتب كل حاجة بنفسك هتبقي لوحة من إبداعك وبعدين فنن وعلق كل حاجة في المكان اللي اخترته وعيش مع خطتك وبصلها كل يوم واشكر ربنا واهم حاجة واللي دايم هفضل أأكد عليها النية ثم النية ثم النية عددها لتنل أجرا أكثر إن شاء الله ملحوظة اعتذر لجميع المشتركين علي ضغط تنزيل الموضوعات في الأيام الأولي ولكن كان لابد أن تكون هذه الدروس في الأيام الأولي من رمضان حتى نلحق بركب العائدون إلي الله أسرع .. انتظر تفاعل الجميع وجزاكم ألف خير لمتابعة باقي الدورة اضغط هنا

ايه ياجماعة هو المشتركين في الدورة راحوا فين

اللهم انا نعوذ بك من شر الرياء جزيت اعالي الجنان ورضا الرحمن وبركة رمضان بارك الله فيك اخي علي

جزاك الله كل خير اخي علي دسوقي سلسة رائعة فعلا وسبحان الله الصيام من اكثر العبادات التي هي بمثابة ام العبادات العبادة التي لله مش للعبد العبادة اللي مافيهاش خوف من الرياء العبادة التي تشدد وتعلم مدي اهمية النية النية اللي محلها القلب الي بترجعنا لان الصيام عبادة خالية من الرياء فيها صبر علي طاعة الله وصبر علي معصية الله وصبر علي البلاء جمعت انواع الصبر كله فسبحن الخالق اللهم اجعلنا من الذين يصومون رمضان ويقومنه ايمانا واحتسابا ولا يجعلنا ممن لاينالون من صيامهم غير الجوع والعطش ومن قيامهم غير السهر والتعب والعياذ بالله يارب جئناك في رمضان فهلا نظرت الينا بعين ارحمة والعفو والمغفرة

متابعين ان شاء الله بارك الله فيك ياشعلة المنتدي

جزاكِ الله كل خير يادفء الانس الحلقة الثانية رائعة جدا جدا بارك الله فيك ورزقكي اعالي الجنان اعاننا الله واياكِ علي صالح العمل والقيام والصيام في رمضان وتقبل منا وجعلنا من العتقاء من النار والمغفورين لهم متابعة ان شاء الله اللهم اعني علي تنفيذ الواجب والإجتهاد فيه احبك في الله

ماطولتش عليكم اهلا بيكم في الموضوع الخامس ها المرة الفاتت عرفنا يعني ايه تخطيط وازاي نخطط ؟؟ يارب نكون استفدنا من الادوات الي كانت في الموضوع اللي فات وطبقناها طيب هي الخطوات دي كانت الاولي عايزين ننتلقل للي بعد كدا وهي كتابة الخطة فعلا فيه مقولة بتقول ما لايكتب لايستحق التنفيذ وده بيدلك علي اهمية التخطيط كويس جدا تعالوا نعرف هنكتب خطتنا الرمضانية ازاي اولا قدامكم طريقتين الاولي انكم تستخدموا 3 جداول وهما "1" الجدول دهم متقسم علي عدد الاربع جوانب اللي اتكلمنا عليهم ققبل كدا الروحاني ، الاجتماعي (العاططفي) ، العقلي ، الجسدي مطلوب منك انك تحط هدفك العام لكل جانب طول شهر رمضان ملحوظة: تم تعديل الجدول السابق واستبداله بالحالي وذلك لظروف شهر رمضان الخاصة وجزاكم الله كل خير "2" ببساطة قياس اهدافك تخططها>>> تنفذها >>> تتفقدها>>> تحسن بيظهربعد تحقيقها باذن الله ده اسمه جدول الاهداف ومتابعتها الجدول ملف word علشان اللي يحب يعدل فيه بما يتناسب معه جدول المحاسبة.doc بعد ماانت حدتت هدفك في كل جانب في شهر رمضان لازم تقسك الهدف العام لاهداف اصغر يسهل تحقيقها وبرضوا الجدول متقسم علي عدد اسبوع وبتابع كل هدف طول الايام "3" ده جدول الرصيد الاسبوعي زي ماهو واضح تفسير الاشكال التعبيرية وبتقيم نفسك عن كل يوم في كل جانب ادائك كان عامل ازاي وفي نهاية لاسبوع بتحط الرصيد بتاعك والهدف منه علشان بس تعرف انتب تتحسن كل اسبوع ولا لا ويزيد رصيدك ولا بيقل الطريقة التانية انك متطورو في الجداول وتغيروا فيها لو حبيتوا زي مايريحكم او لو حد حابب يضيف ططيرقة خاصة بيه ينفع غيره مافيش مشكلة .. سؤال مهم طيب احنا برضوا مش فاهمين ايه علاقة الجوانب دي في رمضان اهم حاجة عندنا العبادة ماانا قلتلك قبل كدا الاصل في اخلقنا وتعاملتنا انها عبادة مثال الجانب الروحاني وده مش محتاج تفسير الجانب العقلي وده ممكن يكون في انك تخصص كتاب تقراه تزود بيه معلوماتك وتخدم بيه ارتقاء حسن خلقك ماانت ممكن تقرا كتاب السيرة للرسول وتقسمه علي الشهر كله انت عودت نفسيك عادة القراءة وقريت كتاب مفيد جدا وقويت ايمان كدا عبادة الجانب الجسدي ممكن تهدف انك تقلل اكلك في رمضان تتعود تاكل تمر كسنة للرسول تمشي لما تروح الجامع وتعود نفسك المشي وغيرها كدا عبادة الجانب الاجتماعي زيارة مريض صلة رحم تكافل اجتماعي وغيرها من الحجات اللي احنا اصلا بنعملها في رمضان باذن الله كدا عبادة شفتوا كل جانب بيكمل بعضه بس اهم حاجة النية ثم النية ثم النية وكمان الهدف العام اللي هو زي شعار خاص بالجانب ياللا ياجماعة كل وحد يعمل خطته حتي لو النهاردة اول ايام رمضان ماتنسوش احنا هدفنا طول الشهر نتعلم التخطيط وطبعا كتير مننا هو مجهز وناوي ونفذ فعلا اهدافه في الشهر المبارك ونحسبكم علي خير ولانزكي علي الله أحدا ولكن افتكروا اللي قلنا ملايكتب لايستحق الانجاز والكتابة تحفيذ ليكم لمتابعة الاعمال باذن الله بس اهم حاجة نتابع ونمشي من اول يوم علشان نلحق شهر الخير من اوله ادي نفسك ساعة او نص ساعة اعمل فيها المطلوب والحلقة الجاية هنعرف ازاي نستفاد من خطتنا بشكل فعال اكتر جزاكم الله كل خير لمتابعة باقي الدورة اضغط هنا

مرحبا علي الخير مرة أخري... خلاص إحنا عرفنا إن هدف الدورة دي في شهر رمضان المبارك ان إحنا ان شاء الله هنكتسب عادة التخطيط ها ياللا بقي مش هنخطط ولا ايه لا لسه شوية علشان نخطط لازم نمر بكذا خطوة الأول بس ما تخافوش انا مش هطول عليكم إحنا هنعرف أزاي نعمل التخطيط الشخصي وبعدين هنفذ خطتنا وبعد كدا هنتعلم اكتر عن فايدة التخطيط بغرض استحضار الهمة والعزيمة والنية علي متابعة الخطة ان شاء الله كويس كدا ياشباب بعد ما غشينا كام معلومة عن الموضوعات الجاية في الدورة ان شاء الله يبقي نبتدي علي بركة الله... أول حاجة لازم نعرف إجابة سؤال مهم جدا وهو ما هو التخطيط وماذا نعني بالخطة ؟؟ ببساطة أكثر... كيف نخطط ؟؟ "1" "2" ده ياجماعة اسمه مربع وهو تحليل نقاط القوة والضعف والفرص والتهديدات والمعروف باسم SWOT اختصاراً لكلمات Strengths , Weaknesses, Opportunities and Threats وهو أحد أشهر أدوات التخطيط يقوم بتحليل اوضاعك القائمة تلك الأداة تصنف تلك العوامل إلى عوامل سلبية أو إيجابية. إن كانت سلبية عالجتها وإن كانت إيجابية استغلتها.الحروف الاربعة رمز لبداية الكلمات السابقة باللغة الانجليزية نقاط القوة والضعف ببساطة هي العوامل الداخلية اللي تقدر تسيطر عليها انت . نقاط القوة هي العوامل الداخلية التي تؤثر إيجابياً مثل:سريع الهدوء نقاط الضعف هي العوامل الداخلية التي تؤثر سلبياً مثل : سرعة الغضب أما بالنسبة للفرص والتهديدات فهي العوامل الخارجية ليس لديك قدرة علي السيطرة عليها الفرص هي العوامل الخارجية التي تصب في مصلحتك مثل :اصدقاء صالحين التهديدات هي العوامل الخارجية التي تؤثر بصورة سلبية مثل: المحبطون من حولك المطلوب انك تحدد الحجات دي كلها وتكتبها في المربع الفارغ اللي تحت ده وقت التنفيذ.. بعد ما عرفنا الخطوات الأولي للتخطيط لازم نترجم ده لواقع ونعمله طيب إيه المطلوب في الخطة دي؟ لازم تحدد هدفك كويس جدا أنت عايز إيه في رمضان وتعرف أنت فين علشان تبتدي صح بعد الكلام ده إيه الخطوة الجاية ؟؟ عايزين بس ننتبه لحاجة مهمة جدا الإنسان بطبيعته ياجماعة في علم التنمية البشرية بعد أبحاث ودراسات تم التوصل ان الإنسان علشان يتطور ويبقي أفضل وأحسن لازم يطور نفسه في 4 جوانب رئيسية بتشكل شخصيته الإنسانية وهي:

جزاك الله كل خير اخي عاشق الصداقة علي السلسلة الرائعة اسال الله ان ينفعنا بها وشباب المسلمين ومااجملها من وقفة التي بدات بها بارك الله فيك اسمح لي ان ارد عليها فقط بيحديث واحد من اكثر من حديث عن ادني اهل الجنة منزلة واضع تحتها العديد من الخطوط سأل ‏ ‏موسى ‏ ‏ابن عمران ربه ‏ ‏ما أدنى أهل الجنة منزلة قال هو رجل يجيء بعد ما أدخل أهل الجنة الجنة فيقال له ادخل الجنة فيقول أي رب كيف وقد نزل الناس منازلهم وأخذوا ‏ ‏أخذاتهم ‏ ‏فيقال له ‏ ‏أترضى أن يكون لك مثل ملك ملك من ملوك الدنيا فيقول رضيت رب فيقول لك ذلك ومثله ومثله ومثله ومثله فقال في الخامسة رضيت رب فيقول هذا لك وعشرة أمثاله ولك ما اشتهت نفسك ولذت عينك فيقول رضيت رب قال رب فأعلاهم منزلة قال أولئك الذين ‏ ‏أردت ‏ ‏غرست كرامتهم بيدي وختمت عليها فلم تر عين ولم تسمع أذن ولم يخطر على قلب بشر قال ومصداقه في كتاب الله عز وجل ‏) صحيح مسلم الا ان سلعة الله غالية ..الا ان سلعة الله الجنة