بنت مصرية

اذكر ان في استمارة العضوية لاحد الجمعيات الاهلية في سؤال بقول مالذي ستشارك به في الجمعية ماديا ..... وقت ومجهود .... تبرعات اخري اعتقد كدا علي مااذكر فسبحان الله الذي سخر لعباده ان ماكنتش قادر ماديا فقد وهبك الله مجهود اوشيء آخر تستطيع تقديمه في سبيله سبحانه وطبعا حتي الجانب المادي مش لازم يكون ضخم فكما قال رسول الله صلي الله عليه وسلم اتقوا النار ولو بشق تمرة اهم شيء عقد النية علي فعل الخير وباذن الله ربنا بيسر الحال لكدا جزاك الله كل خير مستر حمدي وجعل كل ماتكتب في ميزان حسناتك رزقك الله الخير في امورك كلها

مقال رائع جدا جدا جدا يابسمة واوحيتي ليا بفكرة ان شاء الله اذا نفذت هتاخدي الاجر والثواب باذن الله فالدال علي الخير كفاعله بلغنا الله واياكي رمضان وجعلنا من المغفورين لهم فيه ان شاء الله احبك في الله اختي

عندما نقرر فعلا ان نتغير فليهدينا الله جميعا ويهدي هؤلاء المساكين مقال جميل جزيت خير ا يامستر حمدي

جزاك الله خيرا اخي الكريم مستر حمدي الموضوع ده فعلا مهم جدا وبالذات في مصر برضوا لان فعلا النساء معندهمش الوعي الكافي باصول التعبد خارج المنزل الا من رحم ربي ومن الافكار الجميلة اللي ممكن النساء يعملوها وبتوفر جو ايماني ورائع كمان هو انشاء مكان للتعبد داخل المنزل يعني زاوية صغيرة او غرفة لو كان بيت عيلة وكبير وفيه مكان ويتجهز ويبقي زي مايكون شبه المسجد لصغير ويجتمع نساء الدار او اهله للصلاة فيه والتعبد وقراءة القراءن وممكن رب البيت الي يصلي باهل بيته لتعوديهم علي صلاة الجماعة والصلاة علي وقتها وعموما لاخفي ان بعض الناس ومنهم نساء قلوبهم متعلقة بالمساجد فالاولي مراعاة آداب العبادة ربنا يوفقنا جميعا ويعيننا علي ذكره وشكره وحسن عبادته تقبل مروري

بسم الله الرحمن الرحيم حكاية أم فاروق... يا بنات ..يا بنات كانت أم فاروق بتنده علي بناتها بشيء من الانفعال بعد ماخلصت المكالمة اللي جاتلها وجابت معاها الخبر السعيد.. أخوكم جاي بعد أسبوع ونص اخوكم جاي وهيعد شهر بحاله معانا البنات فضلوا يضحكوا ويحضنوا بعض وامهم كمان مش مصدقين نفسهم اصل هما ما شفوش اخوهم بقالهم 11 شهر لأنه بيشتغل بعيد عنهم واخيرا الشغل سمح له باجازة شهر بدأت أم فاروق تاخد نفسها من الفرحة اللي مش مخلياها تتلم علي بعضها نزلت ام فاروق وخبطت علي ابواب جاراتها أم مصطفي وأم أحمد وأم محمد اتجمعوا الستات في بيت ام فاروق ام فاروق فتحت الحوار: انا لازم انزل بكرة الصبح بدري هشتري حجات كتير عشان لما يجي فاروق كل يوم اعمله الاكل اللي بيحبه ردت ام احمد: فاكره فرش الكنب والسجاجيد اللي كنا هننزل نشتريهم عشان عيد الاضحي أيه رأيك نجيبهم بدري عشان يجي يلقي البيت كأنه جديد ردت ام فاروق بحماس: والله فكرة ياحببتي وقبل ما يكون فيه لحظة صمت اتكلمت ام مصطفي ومن غير ما تقولي يااختي انا وام أحمد هنعمل الحلويات ده فاروق غالي علينا كلنا دعت ام فاروق للجميع ربنا يخليكم ليا ويبارك فيكم من غيركم ما كنتش هعرف اعمل اي حاجة خلاص بكرة كمان اخلي البنات ينزلوا يشتروا الفرش الجديد البنات كانت كل واحده فيهم بتفكر في عالم تاني خالص... الاولي كانت بتعشق السهر قدام التلفزيون لحد الفجر اصلها مش بتقدر تنام وتقوم تاني وكمان بتحب الفرجة علي التلفزيون اوي افتكرت اخوها اللي دايما حذرها من العادة دي خوف علي صحتها وخدت قرار بعد كل التفكير في الحجات دي انها من دلوقت هتعود نفسها علشان لما يجي اخوها يلاقيها بطلتها خالص وعملت الأصلح والثانية اللي بتحب الموضة جدا لدرجة انها ساعات ممكن تيجي علي حجابها علشانها وتخيلت شكل اخوها لما يلاقيها ملتزمة بالحجاب الشرعي محجبة بجد وشيك الله منظر جميل اكيد رد فعله هيبقي خرافي.. والثالثة كانت بتعشق الكمبيوتر وبتموت في التعرف علي الناس من كل مكان وبتابع اخر اخبار الفنانين وأحدث الألعاب طبعا النت موفرلها كل حاجة افتكرت اخوها ازاي كان بيقضي وقته علي الكمبيوتر ياااااااااه ده هيفرح بيا اوي لما يلاقيني غيرت كل حياتي علي النت وبدات اعمل كل حاجة صح وبمقدار ... وقت قليل وحاجة افيد... كان الثلاثة كل همهم انهم يفرحوا اخوهم باي طريقة هما عارفين ان الكلام سهل ولكن الفعل يحتاج لصبر وعزيمة ولكنها بداية لرسم فرحة في عين انسان بالنسبة ليهم كل شيء ... نفذت ام فاروق وبناتها وجارتها خطتهم مرت الايام والكل منشغل في تهيئة المنزل للمسافر الغائب فالكل مشتاق لحضور الحبيب .... اغلبنا وان ما كنش كلنا دايما عنده حد في عيلته غالي عليه بيستني اليوم اللي يقوله انا جاي ازورك حتي لو ليوم واحد بنبقي كدا زي قصة أم فاروق ..ويمكن اكتر ياه ياجماعة تخيلوا معايا للحظة كدا ان فاروق ده هو رمضان رمضان الحبيب والعزيز والغائب بعد غياب 11 شهر جاي علينا خلاص كلها ايام وربنا ان شاء الله يبلغنا الايام المباركة دي كام واحد فينا استعد بالشكل ده كام واحد فينا مستنيه بفارغ الصبر مين كدا ناوي انه يتغير ويبقي رمضان ده احسن رمضان في حياته طيب مين عايز يعمل كل ده بس مش عارف او خلينا نقول انه خايف من الكسل لو أنت واحد من اللي عارفين او اللي مش عارفين إحنا بنقدملك ايدينا فاتحينها لان يد الله مع الجماعة السنة دي رمضان لازم يكون فاروق في حياتنا فارق يبعدنا عن الذنوب فارق يحطنا علي الطريق الصح لازم نلبس فيه ثوب الحمد والشكر لازم نعمل زاد الأعمال المصطفاة من الآخر نتمسك بسنة الحبيب محمد صلي الله عليه وسلم عارفين ام فاروق نجحت أنها تعمل اللي عايزة تعمله ليه ؟؟ لأنها نوت وتوكلت علي الله لانها نظمت نفسها اصلها لو افتكرت نفسها فارس بني همام ما كنتش هتنجز اي حاجة وحتي لو قدرت كان هيبقي فيه تقصير في حاجة لانها ماقسمتش نفسها ورتبت خطواتها وعملت حاجة مهمة جدا جدا في المعادلة نوت ثم نوت ثم نوت وتوكلت علي الله تعالوا سوا نفتح صفحة جديدة مع الله نعمل كتاب جديد لحياتنا تعالوا نتعلم ازاي إن شاء الله نقدر نخلي بيتنا وحياتنا في رمضان زي خليه النحل تعالوا ندوق لذة العبادة كل اللي عليلكوا انكم تعقدوا النية من كل قلبكم وتشتركوا معانا في حملتنا ياللا نتغير لان بعد الخطة هيبقي فيه عمل والعمل مكافئته كبيرة وغير معروفة لان ربنا هو اللي بيجزي بالصيام لانه عمل لوجه خالصا حط البانر ده ف توقيعك اوده وكدا هتبقي رسمي معانا في الحملة إن شاء الله ها يا أحسن شباب امة في الدنيا كلها مستنين ايه اشتركوا حالاً لمتابعة باقي الدورة اضغط هنا

جزاكي الله كل خير يازهرة بطاقات جميلة وموضع مهم جدا طبعا ربنا يبلغنا واياك رمضان ويتقبل منا فيه العبادات ويجعلنا من المغفورين والعتقاء فيه باذنه شكرا ليكي

جزاكم الله جميعا خيرا وانا عارفة اني دايما هلاقكم لما احتاجكم ربنا يبارك فيكم انا الساعات اللي فاتوا كانوا صبين جدا لاني شوفتها وهي بتوضع وبتحمل في النعش لدرجة انوا كنت هيغمي عليا :present::present: انا بس عايزة اطلب منكم طلب انكم تدعولها بالله عليكم في الصلاة في وقت دعئكم في وقت استجابة بظهر الغيب وخصوصا انها ساعتها الاولي في القبر لااراكم الله مكروها في عزيز لديكم اللهم اجرنا في مصيبتنا واخلفنا خيرا منها انا لله وانا اليه راحعون

اخواني واخواتي لا ادري مااكتب وما اقول لاحول ولاقوة الا بالله (وبشر الصابرين الذين اذا اصابتهم مصيبة قالوا انا لله وانا اليه راجعون اولئك عليهم صلوات من ربهم ورحمة واولئك هم المهتدون ) انا لله وانا اليه راجعون اللهم أجرنا في مصيبتنا واغلفنا خيرا منها توفيت اليوم االي الله تعالي جدتي العزيزة /أم حسين اللهم عاملها بما أنت أهله و لا تعاملها بما هي أهل له اللهم أجزها عن الاحسان احسانا و عن الاساءة عفوا و غفرانا اللهم ان كانت محسنة فزد فى حسناتها و ان كانت مسيئة فتجاوزعنها سيئاتها يا رب العالمين اللهم أدخلها الجنة من غير حساب و لا سابقة عذاب اللهم أنسها فى وحدتها و أنسها فى وحشتها و أنسها فى غربتها اللهم أنزلها منزلا مباركا و أنت خير المنزلين اللهم أنزلها منازل الصديقين و الشهداء و الصالحين و حسن أولئك رفيقا اللهم اجعل قبرها روضة من رياض الجنه و لا تجعله حفرة من حفر النار اللهم افسح لها فى قبرها مد بصرها و افرش قبرها من فراش الجنه اللهم املأ قبرها بالرضا و النور و الفسحه و السرور اللهم انقلها من مواطن الدود و ضيق اللحود الى جنات الخلود اللهم ارحمها تحت الأرض و استرها يوم العرض و لا تخزها يوم يبعثون اللهم يمن كتابها و يسر حسابها و ثقل بالحسنات ميزانها و ثبت على الصراط أقدامها و اسكنها فى أعلى الجنات فى جوار نبيك و مصطفاك اللهم امنها من فزع يوم القيامه و اجعل نفسها امنه مطمئنه و لقنها حجتها اللهم انها امتك الت كانت تؤمن بك ولاتشرك بك شيئا انت الحنان المنان ونحن الفقراء اليك ببركة اليام المباركة اغفر لها اغفر لها اغفر لها وآنس وحدتها اللهم اربط علي قلوبنا ولاتفتنا بعدها ولاحول ولاقوة الا بالله بالله عليكم ان تدعوا لها بظهر الغيب في هذه الايام المباركة تقبل الله منا ومنكم

قصيدة رائعة جدا اللهم اجعلنا منهم يارب وجزا الله خيرا المنشد أحمد الحداد بارك الله فيك وزاده من فضله وجزاك خيرا اخي عاشق الصداقة علي احضارك لمثل هذه الخير

طبعا انا قريت الموضوع ورائع جدا جدا جزاك خير عاشق اصداقة علي النقل وجزا الرائع هنعيشها صح علي الابداع والخير ده انا مش هضيف اي حاجة لانه مافيش كلام يتقل بعد الموضوع ولا حتي بعد ردود درر ياللا ياشباب :present: وبالنسبة لرد بسمة الاقصي اختك في الله الملتزمة دي هو ده الصح اللي عملته وتخيلي ان الموضوع ده بيتكرركتير وباذن الله هبقي احط موضوع جميل بخصوص الحكاية دي والمفروض يتعمل ايه في الموقف اللي زي كدا ده حاجة مكملة للموضوع الرائع ده ربنا يرزقنا جميعا بالازواج والزوجات الصالحات

جميلة اوي يادكتور اهو لواحد متعود يشخبط جديد ان احنا نشخبط في الكمبيوتر بس رائعة والقلم نوعه حلو جزاك الله كل خير بلغنا الله رمضان واياكم

بسم الله الرحمن الرحيم أحبتي وأخوتي في الله من هم علي مشارف عتبة التخرج من الجامعة او ممن تخرجوا حديثا ... او من ضل بحثه عن وظيفة مناسبة؟! او من يريد ان يتعلم ويأخذ الخبرة للمستقبل؟! نرغب جميعا في ان نعيش حياة كريمة .. ولان جزء كبير من عيشها يتطلب الحصول علي المال والقدرة علي اعالة انفسنا ورعيتنا لابد من الحصول علي الوظيفة التي تؤهل لنا هذا او حتي تتناسب مع ما ظللنا ندرس طوال سنوات الكلية ولان طريق الحصول علي الوظيفة هو امتلاك c.v ومهاراة الاستعداد وخوض المقابلة الشخصية للعمل ففي عصرنا هذا الذي يتطلب الخبرة والاحترافية والتي تقدمها هاتان الوسيلتان كان الكثر يبحث عن الطريقة والحل لعمل سيرة ذاتية واكتساب مهاراة خوض المقابلة الشخصية اخوتي في الله قد أضع بين أيديكم الحل النهائي للحصول علي هاتان المهارتان فقط مع فريق ياللا نجاح للتنمية البشرية والدعم الفني انت مدعو لحضور فرصة متميزة في محافظة قنا بصعيد مصر ودائما اول من يعرف بالجديد اعضاء ياللا شباب المتميزون وذلك في يوم الخميس الموافق 5/8/2010 نتمني حضوركم لمزيد من المعلومات والأستفسارات اتصلوا بنا علي 0100461671 او 0168848470 لاتضيع هذه الفرصة فالاماكن محدودة تنميه بشريه _ تدريب تنميه بشريه _ التنمية البشرية_ محاضرات تنميه بشريه _ تنميه البشريه _ دوارات تنميه بشريه_ دوره تنميه بشريه _ تنميه_ التنميه _ c.v_ انترفيو _ مقابلة شخصية- كتابة السيرة الذاتية -الحصول علي وظيفة ياللا نجاح ..نزرع الأمل بالعلم والعمل .

كل عام وإنتم إلى الله أقرب هاهو رمضان بدأ يقترب علينا بكل نفحاته وخيراته ولابد لنا من الاستعداد له لذا ندعوكم إلى تحميل ورقة معسكرات قبل رمضان لفضيلة الدكتور/ حازم شومان للتحميل الجزء الاول الجزء الثاني بلغنا الله وإياكم شهر رمضان أسالكم الدعاء بظهر الغيب منقول

نريد أن نفكر كيف نجعل صحائف أعمالنا التي ستعرضعلى الله كلها بيضاء هذه الصحائف كلها طاعات وقرب من الله سبحانه وتعالى كل الذنوب التي فيها مُحيت بل وتبدلت إلى حسنات كيف نحرر قلوبنا من القيود كيف نحرر قلوبنا من الذنوب والمعاصي كيف نجعل قلوبنا رقيقة مهذبة وقريبة من الله سبحانه وتعالى بمجرد ما تتلى عليه آيات الرحمن خرُّوا سجدا وبكيا هذا القلب الذي يُعطي الأوامر للعين لتدمع درس اليوم لمن يريد فعلا الاستعداد لرمضان درس اليوم لمن شمَّر عن سواعد الجد والاجتهاد للاستعداد لرمضان اليوم ليس به مجال للكلام بل للأعمال التي سنتقرب بها إلى الله سبحانه وتعالى خطوات عملية جدا لكل من أردا أن يتغير بجد وبنقاط محددة درس واعدوا للشيخ أحمد جلال للإستماع للدرس وبرابط مباشر اضغط هنا ولتحميل ورقة واعدوا للشيخ أحمد جلال اضغط هنا منقول

أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها أسأل الله العظيم رب العرش العظيم أن يشفيها وهذا كم ا وصانا الحبيب المصطفي صلي الله عليه وسلم غسلها الله من الذنوب واثابها حسنات كثيرة

الف مليون مبروك يانمر الشباب علي النجاح جميل الخبر ده ونجاح متوقع الحمد لله علي الرزق الجميل شد حيلك السنة الجاية فخروين بيك وبامثالك من اشلباب اللي قال عليهم ابو تسنيم ربنا يرزقك بنجاح الآخرة كمان يارب دايما من فرح الي سعادة ربنا يبارك فيك ويهنيك وتفرحنا اخبار نجاحك دايما والف مبروك مرة تاني ليك ولكل الناجحين جعلكم الله من حملة هذا الدين ربنا يبارك فيك

طيب بجد يعني احنا المفروض نعمل ايه ياريتني مادخلت الموضوع مع ان العنوان تحذير بس مافيش فايدة برضوا انا مش عارفة هو انا اتعقد من ان الراجل لانه مش رسام والبرنامج يعني شوية هيقله اعد وارسملك انا كل حاجة ولااتعقد من الانيمش المصور الهايل ده ولا اتعقد من سهولة عمل الموضوع ده ،ده بقي حاجة سهلة جداً جداً جداً هو انا اعرف اللوحة اللي فيها قلم اليكتروني وبتدخل علي الكمبيوتر علي طول مثلا مصمم جوجل بيستخدمها دايما في ابتكاراته بنقول عليها بالبلدي شاشة اللمس لكن ماشفتش كدا ابدا لاحول ولاقوة الا بالله مش لاقية كلام اقوله ربنا يسامحك يادكتور احمد بجد مش عارفة اقول ايه جزاك الله كل خير تقبل مروري

ياشيخة خضيتيني مع اني فاكرة اني قريت الموضوع ده قبل كدا بس طبعا عندك حق يازهرة بالنسبة لسؤالك اسمحيلي استغربه بعد موضوعك الجميل لان نحن هنا لانرفض احد ابدا بالعكس احنا بنبقي سعداء جدا بانضمام اي عضو جديد للاسرة الكبيرة دي واحنا فعلا مبسوطين بوجدك وانك كل يوم بندمجي معانا وبتقدمي موضوعات ومشاركات مفيدة جعلها الله في ميزان حسناتك وكلنا باذن الله في طاعة ربنا نسير جزاك الله خيرا واتمني تفضلي ديما تنورينا بموضوعاتك الجميلة

جزاك الله خيرا اخي الفنان علي النقل الموفق وكل يوم يهدي الله قوما من الضلال الي الحق لايحتاج القرآن والإسلام لمن يثبت صحتهما ولكن كل مايحدث من هداية ودخول في دين الله الحق لهو من رحمة رب العالمين ولايزيدنا الا فخراً وعزةً وايماناً اللهم اجعلنا ممن يسمعون القول فيتبعون احسنه اللهم اجعلنا ممن يحملون الدين ولاتجعلنا حملا عليه جزاك الله خير الجزاء ورزقك خير امور الدنيا والآخر

رائعة تلك السحابة البيضاء التي في السماء هكذا قلت لنفسي وأنا انظر إلي تلك السماء الزرقاء الواسعة.. راقبتها وهي تتحرك إلي أن اختفت أو أنا التي اختفيت!! مضت السحابة لحال سبيلها إلا أني ظللت محدقة في السماء من يراني يظن أني انتظر ساحبة أخري لأتأملها... ولكني كنت قد سرحت ببنات أفكار في مكان آخر ودار في خلدي حوار هذا نصه غريبة هذه السحابة فدائما ما يكون هناك سرب من السحب المتحركة والمتنقلة الذاهبة للمكان المناسب الذي ستسقط فيه قطراتها لتنهمل الأمطار الغزيرة الشافية .. إلا أن هذه وحيدة ومع ذلك كانت تمر في طريقها تسير ولا تتوقف ولا تنظر سرب السحب لتسير معه بل كانت تمضي لتذهب ربما في طريقها هذا تريد اللحاق فأخواتها لتؤدي ما خلقها الله عز وجل من أجله ستكبر لدرجة أنها ستكون سرب خاص بها وتذهب لتسقط أمطارها في مكانها .. أياً الذي ستفعله هذه السحابة الجميلة إلا أنها في النهاية تسير وتمضي ولا تتوقف ... لم تتخاذل ولم تتوقف ولم تعترض فهي لها وظيفة محددة وعليها أن تقوم بها ووجدت نفسي استعرض العددي من المواقف والحكايات أمامي لأناس تركوا أحلامهم وطموحاتهم ووقعوا ضحية الكذبة الكبيرة شماعات الإسقاط وهي مجموعة من الشماعات يلقي الناس عليها خطأ ما يحدث لهم .. ونسوا أن الإيمان يفعل المعجزات... نسوا أنهم خلقوا ليعبدوا الله ويخلفوه في عمارة الأرض ، نسوا أنها رحلة ستنتهي إن أبوا أم أرادوا لذا لا وجود لقوانين الحركة، نسوا إن الذي خلقهم اذا توكلوا عليه حق توكله لرزقهم كما يرزق الطير ، صدق عز وجل عندما قال "إِنَّ اللَّهَ لَا يَظْلِمُ النَّاسَ شَيْئًا وَلَكِنَّ النَّاسَ أَنْفُسَهُمْ يَظْلِمُونَ" تحرك يا أخي ولا تقل لن استطيع أن أغير العالم ولاتتواكل وتتخاذل ان تركوك وحيدا فقم وسر واكمل انت مابدأته معهم ولاتخف توكل علي الله واعقد النية علي النجاح في سبيله وباذنه جلا علاه لن ينساك... فقد ثبت بالبرهان القاطع أن إنسان واحد قادر علي إحداث التغيير ... سبحان الله وبحمده ...سبحان الله العظيم صلي اللهم وبارك علي سيدنا محم دوعلي آله وصحبه اجميعن

لاحول ولا قوة الا بالله انا ازاي ماردتش هنا معلش يابو بتول كان عندي مشاكل في النت والكمبيوتر ردي متاخر لاني كنت فاكة اني رديت معلش تاثير الإمتحانات بس بجد بسم الله ماشاء الله الله أكبر البنت د عسولة جدا صورتها زي القمر :ang: ربنا يباركلك فيها انت ووالدتها وتربوها علي طاعة الله ورسوله وتكون من المؤمنات التقيات الصالحات العاملات والحافظات لدين الله ونورتي ياتني مولودة للمنتدي بيتك التاني ويدينا العمر ونشوفك وانتي معانا منورة المنتدي بمشاركاتك يارب يجعلها اسم علي مسمي نورتي ياطفلة من الصحراء:ang::ang:

مرحبا بك اخي معنا في بيتك ياللا ياشباب واتمني لك الفائدة دائما والاستفادة

جزاك الله خيرا علي المرور مستر علي واتمني ان يكون الموضوع افادك واعجبك جزاك الله خيرا

ابو بتول && ابو تسنيم && دفء الانس جزاكم الله كل خير واتمني لكم جميعا الفائدة بارك الله فيكم