sawsana_almotaim

بجد و الله يا كرنكل فرحت لردك خالص و الحمد لله ان الناس هتبتدى تبص للرسام بنظرة تانية و ربنا يا رب يوفقكم للخير و شركتكم تتعرف اكتر و تكبر اكتر انا بس اتعلم فوتو شوب و هتلاقينى بال CV انا و بنت مصرية هههههههههههه و هنشتغل يعنى هنشتغل و فيها لأخفيها بقه و عليا و على اعدائى ههههههههههههه لا بجد بجد مبروك ليكم و ربنا يكرمكم بإذن الله

اهى الحتة دى بالذات .... مش هقدر اقول عليها حاجة هههههههههههه مذاكرنا كويس انت تسلم ايدك على الموضوع

اقدر اعتبرك من الناس اللى قلوبها بيضة و اقدر اقول انك بتعمل زى ما الرسول (عليه الصلاة و السلام قال ) بتستفتى قلبك و اللى بتحس انه صح بتعلمه شكرا لمرورك لتانى مرة ف الموضوع يا منسى

السلام عليكم موضوع رائع يا زمردة و اكتر حاجة بتخلى الانسان سعيد انه يكون راضى عن نفسه و راضى عن تصرفاته تسلم ايدك و مستنيين منك مواضيع تانية

الله عليكى ... يا ماضى قد رحل و غاب لم اتذكرك و سأواريك تحت التراب اذهب و ارحل عنى بكل آلآمك و أحزانك لا اريد أن اتذكرك و سأنسى كل لحظاتك يا لهوى الوحى نزل عليا ولا ايه ههههههه بنت مصرية شكلك هتكونى سر الهامى تسلك ايديكى

السلام عليكم طبعا عجبنا ... موضوع غاية فى الروعة ... و مهم لكل حد نفسه يكون محترم و يحافظ على احترام الناس ليه الله يحفظك .. اخجلت تواضع كل اللى قرا الموضوع و الله اعتقد ان الحاجات اللى ممكن تفقدك احترام الناس ليك بتتقسم لعدة اسباب : اسباب خارجية : زى المظهر و طريقة اللبس و طريقة الكلام و التصرفات ..... و انتو عارفين الباقى و اسباب داخلية : ان يكون قلب الانسان ده مريض و بيحقد و يكره و يكدب و كل ده بيبان فى تصرفاته بردو فأكيد لو احترمنا نفسنا هنرغم اللى قدامنا انه يحترمنا و بشكرك على الموضوع الحلو ده يا ابو تسنيم جزاء الله كل خير

الله اسمى كان شكله تحفة و هو على التلج و بالانجليزى امال لو كنت كتبته بالعربى كان بقه ايه ؟ هههههههههههههه كنت اتفضحت تسلم ايدك على الفكرة الحلوة دى

منورة يا بتهوم ههههههههههه ربنا يهدينا و نرجع لأصلنا و انا معاكى بردو فى كل اللى قولتيه اللى يعيش ياما يشوف ... و احنا لسه هنشوف كتير ********************** ايه يا ابوتسنيم .. مالك كنت فاكراك هتقول الاسود و الله هههههههه الحمد لله انها جات على قد الختلط ربنا يهدينا ******************** شكرا يا منسى على ردك ... انت بتقول انك كنت ..كنت مختلط ممكن تقولنا ايه هو يقه النوع الجديد اللى انت حاسه دلوقتى ؟؟؟

السلام عليكم بجد و الله رسمك حلو جداااااااااااااااااا احلى حاجة فيهم الحصان اول صورة و البنت كمان و اخر رسمة الملونة دى كلهم حلوييييييييييييييييين مستنيين منك رسومات جدبدة ماشى ؟

مبرووووووووووووووووووووك

مممممممممممممم الام الثرثارة تنجب اطفال ازكياء على كده بقه عيالى هينشروا الغباء على وجه الارض هههههههههههههه موضوع الام الثرثارة ده شفتوا بجد و فعلا اطفالها ازكياء

السلام عليكم بجد بجد بجد موضوع راااااااااائع انا عن نفسى عجبنى جدااااااااا و عندك حق طبعا لازم نوضح سبب المنع ايه او احنا بنقول عيب ليه لأن الطفل ده من ازكى مخلوقات ربنا (( لحد ما يدخل المدرسة و يخيب )) فلازم طبعا نفهمه كل حاجة صح تسلم ايدك ع الموضوع الجميل ده

على كده بقه احنا دخلنا فى اطار العنوسة ربنا يستر علينا

ازيك يا بتهوم ههههههههههه ... منورة و الله و ان شاء الله تتطور بس انتى تكونى معايا و تشجعينى اوكبشن ؟ ههههههههههه ماشى ماشى .. حتى هنا الرخامة شغااااالة ربنا يخليك يا منسى .. دى شهادة اعتز بيها و الله و ان شاء الله ربنا بسهل و اتعلم فوتو شوب لأنى بجد نفسى نفسى نفسى اتعلمه ... شكرا خالص خالص يا كرينكل على ردك و تشجيعك .. انا صحيح رسمت ع الرسام والحمد لله الرسومات عجبتكم بس مش لدرجة انى انافسكم فى شركتكم يعنى هههههههههه .... انا لو ربنا كرمنى اشتغل معاكم فيها ( برسم على تقيل انا ) صح ؟ هههههههههه ربنا يخليك ... الشكر لله دى حاجة بسيطة و الله

السلام على الجميع شكرا ليك يا ابو تسنيم ربنا بخليك و الله على قدى مش متميز ولا حاجة ... تسلم ايدك على الرد المشجع ده بجد و الله مش عارفة ارد اقول ايه ... ان حضرتك تقولى هتبتدى تحترم برنامج الرسام معنى كده انه كان حقير و هيترقه على ايدى ههههههههههههههه ان شاء الله يكن فى جديد يإذن الله بس محتاجة تشجيعكم ليا

هههههههههههههههههههههههههههه هريدى : على أى حال الله يرحموا هنداوى : بس الدكاترة لحقجوه يا بوى و طلعوا الروصاصة هريدى : أباى عاد ... ياخى خلصنى ياخى و جولى كيف مات ؟!!! هنداوى : بعد ما روحنا ع الدار ... و رجعنا بيه من المشتشفيى .. راح على سريره يستريح هبابة كدى من المشوار نام مقامش تانى هريدى : اووووفففففف ... أخيرا .. الله يحرقه مطرح ما راح هنداوى : اسكت .. ده احنا اتخلعنا و قلبنا وقف ... طلع مغمن عليه و فاج بعد ما شم فحل بصل كابير هريدى خلاص زهق راح مطلع البندقية و طاخخ هنداوى هههههههههههههههههههههه الله يرحم هنداوى يا كرنكل موتناه اهو عشان نخلص منه خالص

السلام على الجميع فعلا العتاب فن و مش أى حد يعاتب على فكرة فى ناس كلامهم بيكون زى الدبش كده مع انهم طيبين جدااااااااااااااا فلو انا عارفة ان مثلا اللى جاي تعاتبنى طيبة قوى بس هى طريقتها كده مش هزعل منها و طبعا بيبان من طريقة العتاب اذا كان الى بيعاتب ده بيعاتب بحب ولا بيعاتب كده و خلاص بجد موضوع حلو قوى يا شيتوس و يا رب كل اللى يقراه يتعلم منه فن العتاب

السلام عليكم صور جميلة جدا الخيول دى عاملة زى اللى بتيجى ف افلام الكرتون ناقصها قرون بس هههههههههههههه اللى مخلى شكلها كده الشعر الكتير قوى اللى ف آخر رجلها و كمان الالوان فيهم كام صورة كده عامليم زى الوان البقر ابيض فى اسود احلى صورة عجبتنى الخيل الاسود ابو شعر ابيض ده شكله خطيييييييييييييييييير تسلك ايدك يا كرنكل

السلام عليكم بجد و الله و الله و الله لعبة حلوة قوىىىىىىىىىىىىى ههههههههههههههههههه صبرى 100 % يعنى لو عصرتونى هنزل عصير صبر ههههههههههههه

ههههههههههههههههههههههههههههههههههه الله يجازيكى انا بقه اكتر وحدة تعبت فيكم عشان قعدت احسب كده من غير آلة هههههههههههههههه عايزة تعرفى اسم السواق بجد ؟ اسألى اللى تاه لما راح يجيب بيبسى و لقوا تانى ده

السلام عليكم ياااااااااااااااااااااااااااااااااااااااااااااه دى فزروة قدييييييييييمة جدااااااااااااااااااااا الحل هو .... خلى حد تانى يقولو عشان نسيته الصراحة يعنى ههههههههههههههه

السلام عليكم دى رسومات كنت رسمتها ع الرسام حاجة متواضعة كده على قدى انا مش عرفت احطهم فين بس لقيت الفوتو شوب انسب مكان سامحونى لو كنت حطيتهم فى مكان غلط دى الحاجات اللى رسمتها ************************************ *************************************** ********************************************** ***************************************** ****************************************** ******************************************* و اخيرا و ليس آخرا هههههههههههههههههههه يا رب تكون الرسومات عجبتكم ههههههههههههههههه

السلام عليكم بجد تصاميم حلوة جداااااااااااااااااااااااااا امتى بقه يا ربى اتعلم فوتو شوب بقه ؟! تسلم الايد اللى صممت

السلام عليكم و رحمة الله و بركاته انا يمكن تكون خبرتى فى الحياه قليلة .. بس من تجاربى البسيطة .. شوفت القلوب 3 انواع ... يا ريت تقرر انت مين فيهم ... بصراحة من اى انواع القلوب قلبك ؟ القلب الابيض : القلب الذى يصفح و يسامح دون تردد ، عندما تلجأ اليه تجده بفتح لك ذراعيه تجده يستمع لك و بنصت لشكواك ، هو قلب يغفر و يسامح و يعطى الكثير و الكثير دون مقابل . هذا القلب ينسى الاساءة ، لا يكره ، لا يحقد ، لا يحسد ، يفعل الخير و يلقى به فى اليم لا ينتظر اجر عمله من احد سوا الله ( سبحانه و تعالى ) . اصحاب تلك القلوب البيضاء ، كثيرا ما نجدهم يتمتعون بحب الاخرين و على الجانب الاخر نجدهم النكتة التى يضحك عليها البعض من اصحاب القلوب المريضة . ياله من قلب ، نادرا ما نجده و نادرا ما نقابله فى حياتنا ، هذا القلب المتسامح الطيب الحانى الذى يلقى الكثير و الكثير من الاذى ، و مع ذلك يبقه ابيض نظيف لا تنجسه ذرة واحدة من الكراهية او الحفد . القلب الاسود : اعاذنا الله ان نكون من اصحابه ، فهو قلب حاقد حاسد كاره لمن حوله و كاره لمن هو افضل منه ذلك القلب الذى لا يغفر ابدا ولا يسامح ، يرد الاساءة بما هو أسوأ منها ، نجده يزرع الاشواك فى كل مكان ولا يحصد منها سوا المرارة التى لا يذوقها احد مثله ، فدائما ما يشغل تفكيره و عقله بأحوال الاخرين و يبحث عن كل ما هو جديد فى عالم الاساءة و الجرح لكى يفعله ، فتجد قلبه معذبا بأفعاله ، لا ..... لا يعذب قلبه بتأنيب نفسه على افعاله ، و لكن بعذب قلبه بحيرته و غيرته و حقده على من حوله . فياله من قلب يعيش و يموت و هو مكروه من الاخرين ، يعيش فى هذه الدنيا تائها حائرا فى ظلمات قلبه الذى لا يتحمل شعاع النور و الخير الذى يوجهه اليه الاخرون فيرفضه كما لو كان مصاصا للدماء سيتحول الى رماد . اعاذنا الله ان نكون من اصحابه . القلب المختلط : و دائما ما احب ان اسميه بـ ( القلب الكروهات ) : اصحاب تلك القلوب نجدهم لا يثقون بأحد ، او بمعنى ادق نجدهم يحتاجون الى وقت طويل لكى يثقوا بشخص ما ، فهم يحتاجون الى المرور بالكثير من المواقف مع من يتعاملون معهم لكى تبنى تلك الثقة ، و التى فى احيان كثيرة تكون ثقة مهتزة اى انها ليست ثقة تامة او عمياء . اذا نظرنا الى اصحاب تلك القلوب ( الكروهات ) نجد انهم فى الحقيقة كانوا من اصحاب القلوب البيضاء لكنهم تعرضوا للكثير من الاساءة والاذى و المواقف السلبية التى غيرت من تعاملاتهم و نظرتهم للاخرين . فنجدهم يسامحون من يسىء اليهم و لكن دون نسيان لتلك الاساءة التى تظل محفورة فى الذاكرة و بعد وقت من العفو و السماح اذا صدرت اى اساءة جديدة تذكره مباشرة بالاساءة القديمة و كل ما فات من مواقف مخزية مر بها مع تلك الشخص مهما كانت مكانته فى قلبه . اذا دققنا النظر لتلك القلب المتحول نجده مازال باق على اصله الطيب لكنه مختلطا بشىء من الشك والثقة غير الكاملة بمن حوله ، و نجد لديه مبرر لهذا التحول و زحف الرقع السوداء الى قلبه . فى النهاية .......... من اى انواع القلوب قلبك ؟؟؟.............