بسمة الاقصى

فوائد و درر منتقاة من كتاب الجواب الكافي لمن سأل عن الدواء الشافي لابن القيم رحمه الله الكتاب ألفه شيخ الإسلام ابن القيم - رحمه الله - ردا على سؤال سائل : ما تقول السادة العلماء ، أئمة الدين رضي الله عنهم أجمعين - في رجل ابتلي ببلية و علم أنها إن استمرت به أفسدت دنياه وآخرته ، وقد اجتهد في دفعها عن نفسه بكل طريق ، فما يزداد إلا توقدا وشدة ، فما الحيلة في دفعها ؟ وما الطريق إلى كشفها ؟ فرحم الله من أعان مبتلى ، والله في عون العبد ما كان العبد في عون أخيه ، أفتونا مأجورين رحمكم الله تعالى . أقول (صاحب الموضوع) : لو وجه لك هذا السؤال ، فماذا سيكون ردك ؟ تابع معي هذه الأقوال لابن القيم في ثنايا جوابه عن هذا السؤال ثبت في صحيح البخاري من حديث أبي هريرة - رضي الله عنه - عن النبي - " - أنه قال : ما أنزل الله داء إلا أنزل له شفاء . وفي صحيح مسلم من حديث جابر بن عبد الله قال : قال رسول الله : لكل داء دواء فإذا أصاب دواء الداء برأ بإذن الله . وفي مسند الإمام أحمد من حديث أسامة بن شريك عن النبي - - قال : إن الله لم ينزل داء إلا أنزل له شفاء ، علمه من علمه وجهله من جهله ، وفي لفظ : إن الله لم يضع داء إلا وضع له شفاء ، أو دواء ، إلا داء واحدا ، قالوا : يا رسول الله ما هو ؟ قال : الهرم قال الترمذي : هذا حديث صحيح . فاصل ونواصل إن شاء الله

فى مصر تعانقت القلوب _ وتصافح المحب والمحبوب. _ وإلتقى يوسف ويعقوب. _ فصفق الدهر ليوسف منشداً. وغنى الزمان له مغرداً. وخروا له سجداً. _ فى مصر ترعرع الشعر. _ وسال القلم البليغ بالسحر. _ فكان الفضاء لقلم مصر صفحةُ بيضاء. يكتب كل ما يشاء. _ دخلنا مصر والأشواق تتلى. _ وكل الأرض أنسام وطل. _ جمال يسلب الألباب حتى. _ كأن القتل فيها يستحل. _ فى مصر القافية السائرة. والجملة الساحرة. والمقالة الثائرة. والفكرة العاطرة. _ عالم من الجنود والبنود والوفود. _ دنيا القادة أهل السيادة والإفادة والإجادة والريادة. _ صباح الخير يا أرض الكنانة. يا ناصرة الديانة. يا حاملة التاريخ بأمانة. يا حافظة عهد الإسلام فى صيانة

اللهم آميــــــــــــــــــــن

اللهم تقبل ما هى شغلانتنا احنا بقى بس فى رجالة والله شاطرين فى شغل البيت اللى هما بتبقى طروفهم بتجبرهم على إنه يعمل شغل البيت زى اللى متغرب مثلاً وفى رجالة الله المستعان اللى مش بيعرف يعمل لنفسه كوباية شاى

وجزاكم إن شاء الله للأسف ما يسمى جمعة الغضب الثانية يسمى إن جاز التعبير "ردة ثورية " بسبب نتائج الاستفتاء التى لم ترق لهم ارتداد عن الديمقراطية التى دعوا لها ليتهم دعونا لمليونية أو جمعة العرق والجهد والبذل بجد ربنا يستر ويسلم مصر بكرة من الفتن وما يحصلش احتكاكات مع الجيش والله إيدى على قلبى

الثورة الثانية حوار هادئ بين مؤيد ومعارض مؤيد : سلام عليكم معارض : وعليكم السلام مؤيد: هتشارك يوم 27 مايو فى الثورة التانية؟ معارض : لا مش هشارك ومفيش حاجة إسمها ثورة تانية مؤيد : ليه مش هتشاكر مش المفروض ننزل نحمى ثورتنا؟ معارض : اه ما انا مش هشارك علشان أحمى ثورتنا مؤيد : إزاى !! مش هتشارك وبتقول انا بح...مى الثورة؟ معارض : لأن اهداف الثورة التانية هى الإلتفاف على ثورة الشعب الأولى مؤيد : وضح لو سمحت؟ معارض : تقدر تقولى إية هى أهم أهداف الثورة الثانية؟ مؤيد : أهم أهدافها هى تعيين مجلس رئاسى مدنى وتعيين جمعية تأسيسية لعمل دستور جديد معارض : طيب مين من حقة يعين مجلس رئاسى ومين من حقة يعين جمعية تأسيسة لعمل الدستور جديد مؤيد : الثوار معارض : مين الثوار ؟!! مش هى ثورة شعب وشارك فيها كل طوائف الشعب ولا ثورة فئة معينة مؤيد : ثورة شعب وانا أأقصد الشعب معارض : طيب و الشعب هيعين مجلس رئاسى مدنى إزاى مؤيد : كل القوى الوطنية هتشارك فى إختيار المجلس دا معارض : والقوى الوطنية دى بتمثل كام فى المية من الشعب ؟! والناس هيكون دورها إية؟! فين رأى العامل والفلاح والموظف وكل مواطن بسيط اللى لا أخوانى ولا ليبرالى ولا سلفى ولا تبع أى حزب مؤيد : يعنى إنت عجبك المجلس العسكرى يفضل يتحكم فينا كدا ؟ معارض : لا مش عجبنى علشان كدا مش حابب أشارك فى أى إعتصامات ممكن تأخر الإنتخابات وبالتالى تطول فترة حكم المجلس العسكرى وعلشان انا أقسمت إنى هحترم نتيجة الإستفتاء وهدافع عن إختيار الشعب المصرى مؤيد : لية هو الإستفتاء كان على المجلس العسكرى ؟ معارض : لا الإستفتاء كان الجدول الزمنى المحدد فى التعديلات لتسليم الجيش سلطاتة للسلطة المدنية المنتخبة من الشعب مؤيد : بس الإستفتاء دا كان حصل فية تجاوزات كتير معارض : حصل تجاوزات من بعض أنصار الطرفين وعلى العموم الشعب المصرى قال رأية فى أول إستفتاء حر ونزية ومينفعش نسفه رأى الشعب ولا نقول شعب جاهل مؤيد: يعنى إنت مش عايز مجلس رئاسى مدنى ولا موافق بس بشرط الشعب هو اللى يختارة بالأقتراع المباشر معارض : انا مش حابب انتقل من جيش مؤقت وضعيف لمجلس رئاسي مؤقت برضه وكمان أضعف منه الحل إنتخابات برلمانية فى أأقرب لوكنا عاوزين يمسكنا حد قوي ودائم ومتفق عليه ومن إختيار الشعب ومع ذلك هحترم رأى الشعب لو أختار مجلس رئاسى مؤيد : بس الإنتخابات دى هتجيب إخوان علشان هما أكترناس منظمة حاليا معارض : طيب الأخوان مين هيختارهم الشعب ؟! ولا حد تانى مؤيد : الشعب معارض : يبقا خلينا نحترم رأى الشعب مهما كان ومتنساش إن الأخوان أعلنوا إنهم مش هيترشحوا بأغلبيه فى البرلمان مؤيد : طيب هننزل نعمل دستور جديد يحفظ حق كل مواطن مصرى معارض : مين من حقة يختار اللجنة التأسيسية اللى هتعمل الدستور الجديد مؤيد : الشعب هو اللى من حق يحقه يختار معارض : طيب والشعب هيختار إزاى ؟ مؤيد : تقصد إية ؟ معارض : أأقصد إن يستحيل عقلا ومنطقا إن الشعب يختار 100 أو 200 شخصية من بين عشرات الألاف من الشخصيات القانونية بالأقتراع المباشر مؤيد : والحل معارض : الحل الوحيد إن الشعب يختار نوابه فى البرلمان وبعد كدا نواب البرلمان هما اللى يختارو اللجنة ودا اللى التعديلات الدستورية أقرتة مؤيد : طيب انا هنزل علشان أرفض التجاوزات اللى حصلت من المجلس العسكرى ضد المتظاهرين وعلشان أرفض الأختبارات اللى عمالين يختبرونا بيها كل شوية معارض : يعنى إية إختبارات ؟ مؤيد : يعنى شوية يفرجوا عن زكريا عزمى وبعدين يحبسوه تانى وكأنهم بيختبرونا معارض : انا مطمن لنزاهه القضاء المصرى على العموم ومينفعش إننا نكون القاضى والجلاد لكن المفروض نسيب القضاء ياخد مجراه ونحترم دولة القانون ومع ذلك انا معاك فى قلقك وضد إستعمال القوة مع المتظاهرين أو محاكمتهم عسكريا مؤيد : يعنى أفهم من كدا إنك هنتزل ؟ معارض : لأ مؤيد : ليه تانى ؟ معارض : لأن انا مش أحب حد يستغل وجودى فى أى مظاهرة علشان ينفذ مخططة ويتكلم بلسانى ولو نزلت هاخد لفتاتى وهقول لا للمجلس الرئاسى المعيين ولا للجمعية وضع الدستور المعينة مؤيد : طيب وإية المشكلة ؟ معارض : المشكلة إنه أكيد هيحصل إحتكاك بين الرافضين للمطالب الفئوية وبين المؤيدين اللى عايزين يفرضوا رأيهم واللى فاكرين نفسهم واصيين على الشعب مؤيد : مهو لو حصل إحتكاك الجيش موجود معارض : الجيش ساعتها هيكون وجودة مرفوض من بعض الناس وهيتهموه إنه متواطىء وممكن تحصل وقتها فتنة كبيرة ويكون فيها ضحايا كتير خصوصا لو تم إستفزاز الجيش لأقصى درجة وانا مش عايز دم المصريين يروح هدر علشان مطالب فئة معينة عايزة تخطف الثورة ومش عايز أشوف المنظر دا فى التحرير بين الثوار مؤيد : لكن انا هشارك علشان أأكد على مطالب الثورة ومش هقبل حد يأخر الإنتخابات ويفرض رأية على الشعب ولا هقبل حد يفرض مجلس رئاسى مدنى على الشعب ولا هقبل تعيين جمعية لوضع دستور معارض : وانا مش هشارك لأن المطالب الرئيسية للثورة التانية مطالب فئوية ومش مطالب شعبية ولو شاركت وقلت كدا ممكن تحصل فتنة كبيرة فى التحرير زى ماقلت وانا مش عايز البلد تولع ولاتتقسم أكتر من كدا ولا عايز يحصل فتنة بين الشعب والجيش أو بين المصريين مؤيد : طيب لو المطالب دى إتلغت هتشارك ؟ معارض : اه طبعا هشارك زى ماشاركت فى كل المظاهرات المليونية اللى كانت فى التحرير بعد تنحى مبارك واللى مكنش فيها أى مطالب فئوية مؤيد : لكن انا ضد المطالب الفئوية معارض :لو ضدها بجد متشاركش ولو خايف على مصر فعلا متنزلش ملحوظة هامة :- هذا حوار واقعى حدث بالفعل وبينى وبين من أحب مؤيد أم معارض ؟؟؟؟؟؟؟؟؟؟؟ اللهم قدر لمصرنا الخير واجعلها سخاءاً رخاءاً وسائر بلاد المسلمين

يااااه ده انا كت متخيلة نجع حمادى دى مصانع ودوشة وبتاع وما كنتش متخيلة فيها صحرا شاسعة كده أكيد طبعاً اخترعوا مكوة لاسلكية لزوم الشغل وجزاكِ نور لاااااا اوعى تحاولى تقلدى خليكى اكوى فى بيتكم أحسن

ما أروع وأرق مشاعرك "عاشقة الفردوس " حقاً الفكرة راااااائعة وما أروعها الأخو ة والمحبة فى اللــــــــه ياااااااه ما أروع أن يكون هناك رغم البعد ذهن يتذكر وقلب يتأثر وشعور مخلص لا يتغير جزء من رسالة أرسلتها خالتو أم أمانى ليا وأعجبتنى جداا كلماتها كل امنياتنا القلبية لأغنية المطر وكل الأخوة والأخوات بالتوفيق والنجاح إن شاء اللـــــه لكن اسمحيلى أريد أن أبعث باقة ورد لحد تانى حد عزيز على قلبى جدااااا حد رقيق المشاعر طيب القلب أحسبها على خير ولا أزكيها على الله وأهديها أجمل باقة ورد بهديها لحضرتك لأنك من تستحقين منا ورد الدنيا كلها حفظكِ الله لنا وباركِ فيكِ وبارك الله لكِ فى أهل بيتك وجعلهم قرة عين لكِ ورزقك الله الفردوس الأعلى بلا حساب ولا سابقة عذاب

لا حول ولا قوة إلا بالله نسأل الله العافية طبعاً القصة المذكورة فى زيها كتير للأسف الشديد كنا فى مرة فى درس واحد من تلامذة الشيخ ابو اسحاق هو من عندنا بس مستقر فى كفر الشبخ وتربى على يديى الشيخ الحوينى ولما بينزل إجازات بيدى دروس المهم جت أخت معانا وبعدين جت سيرة الأضرحة والسيد البدوى والأخت دى انتفضت بالظبط زى ما الأخ انتفض لما شاف كتاب الشيخ محمد بن عبد الوهاب وفضلت تقول وماله السيد أحمد البدوى ودخلت فى جدال مع الشيخ حول هذا الموضوع وقالها الشيخ انتى تبع أى طريقة قالتله طريقة الدكتور أحمد الطيب الخلوتية وبنروح الساحة فى الأقصر عنده والجو ده يعنى نسأل الله العافية المهم طبعاا لم تقتنع بكلام الشيخ مطلقاً وحضرت معانا درسين وبسس واحنا وماشيين بتقولها أخت غلط الطريقة اللى كنت بتكلمى بيها الشيخ دى قالتلها أصلاً انا مش مقتنعة بكلامه ومش عاجبنى أقرب مثال عندنا هنا هو مولد أبو الحسن الشاذلى وفيه ما لا يرضى الله كأى مولد اختلاط وذبح لغير الله نسأل الله العافية اسأل الله أن يتوب علينا وعليهم ويردهم إلى دينه رداً جميلا لأنه للأسف إقناعهم بأن ما يفعلونه خطأ فى منتهى الصعوبة

حررررام عليكى اللى بتعمليه فيا ده

امتحانات الدنيا مكاسبها وخسارتها محدودة، أما امتحانات الآخرة فمكاسبها فوز عظيم والرسوب فيها خسران مبين، امتحانات الدنيا يسبقها كتب وأساتذة ومحاضرات، وأبحاث وواجبات، وامتحانات الآخرة يسبقها رسل ووحي ونفس وعقل وهوى وإغراءات وابتلاءات، امتحانات الدنيا لا تعرف معالمها سلفا فتقوم على التخمين و"التنشين" والاحتياطات، وامتحانات الآخرة تقوم على الواضحات والبينات من الواجبات والمحرمات والمندوبات والمكروهات والمباحات، امتحانات الدنيا أسئلتها مجهولة، أما امتحانات الآخرة فأسئلتها معلومة في أربعة جوانب: عن شبابه فيما أبلاه، وعن عمره فيما أفناه، وعن ماله فيما اكتسبه وفيما أنفقه، وعن علمه ماذا عمل فيه، امتحانات الدنيا يُعرف سلفا للأساتذة والطلاب مكانها وزمانها، وامتحانات الآخرة لا يعلم إلا الله مكانها وزمانها: (فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ ) (الأعراف:34)، امتحانات الدنيا قد ينجح فيها الإنسان بالغش والخيانة والتزوير، أما امتحانات الآخرة فلا نجاح فيها إلا بالإخلاص والصدق والعمل المستقيم، امتحانات الدنيا تختلف باختلاف التخصصات والمستويات من الحضانة إلى الجامعات، أما امتحانات الآخرة فهي واحدة للرجل والمرأة، للغني والفقير، للحاكم والمحكوم، للعالم والجاهل، ولكل إنسان بالغ عاقل، امتحانات الدنيا يمكن أن يستعد لها الإنسان قبل الامتحانات بأيام، لكن امتحانات الآخرة لا يعرف لها وقت فنحتاج إلى الاستعداد لها من الآن: (اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ ) (الأنبياء:1)، امتحانات الدنيا قابلة للإعادة مرة ومرات، أما الامتحانات الآخرة فإذا قال الإنسان: (رَبِّ ارْجِعُونِ* لَعَلِّي أَعْمَلُ صَالِحًا فِيمَا تَرَكْتُ ) (المؤمنون: 99 -100)، فيأتي النداء حاسما: (كَلا إِنَّهَا كَلِمَةٌ هُوَ قَائِلُهَا وَمِنْ وَرَائِهِمْ بَرْزَخٌ إِلَى يَوْمِ يُبْعَثُونَ) (المؤمنون:100)، امتحانات الدنيا يتراص الطلاب والممتحنون في صفوف على مقاعد متقاربة، أما امتحانات الآخرة فيَفِرُ الناس من بعضهم: (يَوْمَ يَفِرُّ الْمَرْءُ مِنْ أَخِيهِ * وَأُمِّهِ وَأَبِيهِ * وَصَاحِبَتِهِ وَبَنِيهِ * لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ ) (عبس: 35-37)، امتحانات الدنيا يصححها الأساتذة، وامتحانات الآخرة يقومها رب العالمين سبحانه وتعالى (وَعُرِضُوا عَلَى رَبِّكَ صَفًّا لَقَدْ جِئْتُمُونَا كَمَا خَلَقْنَاكُمْ أَوَّلَ مَرَّةٍ ) (الكهف:48)، وفي الحديث: (ما منكم إلا وسيكلمه ربه ليس بينه وبين ربه ترجمان). والفلاح كل الفلاح أن نحوز الفوز والنجاح في امتحانات الدنيا والآخرة معا (رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ) (البقرة:201). بقلم د\ صلاح سلطان اسأل الله أن يكتب لكل أخواتى وأخوتى المقبلين على الامتحانات كل التوفيق والنجاح والسداد وأن يجعلنا من الفائزين فى الدنيا والآخرة وأن يكتب لنا سعادة الدارين اللهم آميــــــــــــــــــــــن

السلام عليكم ورحمة الله وبركاته مقطع جميل جداا وبسيط يا جماعة الخير فضلاً قوموا بمشاهدته اسأل الله لنا ولهم الهداية http://www.youtube.com/watch?v=oi0isNUK8OA

السلام عليكم ورحمة الله وبركاته مع جولتنا المنوعة الأسبوعية أصحبكم اليوم في رحلة مع أغرب رياضة على وجه الكرة الأرضية، وبرغم غرابتها الشديدة إلا أن المعجبين في هذه الرياضة يزدادون يوماً بعد يوم تدعى extreme ironing ، بالرغم من أن كثير من الجهات ترفض إطلاق كلمة رياضة عليها إلا أن الموقع الرسمي لها يرفض ذلك ، ويعرفها بأنها : أحدث وأخطر رياضة تجمع بين المغامرة وكي الملابس في أصعب الظروف ! هذه هي الفكرة فقط ! تقوم بكي قميص في واحد من أصعب الظروف فمثلاً: تستطيع كي قميصك في أعماق المحيط : أظن اللى حيكوى تحت البحر مش محتاج يرش ميه أو على قمة جبال الهملايا : ماذا عن تجربة كي ملابسك بين السماء والأرض ؟ بإمكانك أيضاً كي ملابسك في مؤخرة سيارتك أو قاربك الشراعي ! أو حتى أقفر الصحاري: أو بإمكانك ابتكار طريقة أكثر جنونة لممارسة هذه الرياضة : http://www.youtube.com/watch?v=32IoS_mfNl0&feature=player_embedded رياضة غريبة بالفعل – إن صح تسميتها رياضة – ، أتمنى أن لا تصل هذه الرياضة المجنونة إلى شبابنا قريباً: بصراحة أصحاب العقووووول فى رااااحة دمتم بود

وجزاكم إن شاء الله حقاً المزبلة حتلم كتيييييرررررررررر

تسلمى يا نونا ربنا يكرمك يارب ده من ذوقك انتى كمان فنانة كبيرة ومبدعة ربنا يزيدك

صدرت محكمة القضاء الإداري، برئاسة المستشار محمد عبد البديع عسران نائب رئيس مجلس الدولة، قرارًا بإسقاط الجنسية عن موريس صادق أحد أقباط المهجر، وعدم دخوله إلى الأراضي المصرية وشطب اسمه من نقابة المحامين. جاء ذلك على خلفية الدعوى المقامة من المشير أحمد علي، وسليمان حمروش، وعلاء علم الدين، ضد كل من موريس صادق جرجس، ورئيس مجلس الوزراء بصفته، ووزير الداخلية بصفته، وذكرت الدعوى أن المدعي عليه ـ موريس صادق ـ يحمل الجنسية المصرية، إلا أنه واعتبارًا من عام 1999 قد هاجر إلى الولايات المتحدة، وتجنس بجنسيتها هو وكل أفراد أسرته. ومنذ هذا التاريخ، وهو يعتقد أنه بحمله للجنسية الأمريكية، صارت لديه الحصانة التي تحميه من تبعيات التطاول والتحريض على مصر شعبًا وحكومة، والتطاول على الذات الإلهية، وعلى الرسول الكريم "صلى الله عليه وسلم"، وعلى القرآن الكريم، وعلى الأزهر الشريف، وراح يصدر البيانات الكاذبة، ويسعى للتحريض ضد مصر، التي يحمل جنسيتها، سعيًا إلى تدمير كيانها الشامخ إلى مزبلة التاريخ وخلى الصهاينة ينفعوك

هو ليه كل اللى بيدخلوا الإسلام بنات ؟ ده سؤال بيتسأل كتير جداً سواء على الفيس بوك أو خارجه..والغريب الكئيب المريب الرهيب إن اللى بيسال السؤال ده أغلبهم مسلمين !!! وكمان مسيحيين بيسألوا نفس السؤال !! وبصراحة مكذبش عليكم اللى بيسال السؤال ده مبستريحلهوش لإنه سؤال يدل على جهل متعمد .. أو هدفه التشكيك فى إسلام الأخوات ..وبيدعوا إن الموضوع وراه إثارة فتنة..أو فعلاً مش عارف .....ما علينا !! ببساطة !! لازم نوضح الفرق بين (( الدخول فى الإسلام)) وبين ((إشهار الإسلام)).. الدخول فى الإسلام شرعاً: ان الفرد ينطق الشهادتين .. طيب ينفع الواحد يدخل فى الإسلام وينطق الشهادتين..لكن لا يعلنها أمام الناس ويخفى إسلامه؟ أيوة طبعاً ينفع وتمام التمام . طيب يعنى أيه ((إشهار الإسلام)) ؟! زى ما حضرتك بتشوف كده فى الفيديوهات,,بيطلع شخص معاه (وثيقة إشهار) بتكون من الأزهر.. طيب وثيقة الإشهار اللى جابها من الأزهر دى هتفيده فى أيه ؟! دى هتفيده علشان مثلاً يغير إسمه فى البطاقة ويبقى دخل فى الإسلام شرعاً وقانوناً . طيب يا عم متزعلش نصحح السؤال .. ليه كل اللى بيشهروا إسلامهم بنات ؟!!! برضه ببساطة!! طبعاً أنت عارف ان السن القانونى لإشهار الإسلام لازم يكون( 18 سنه على الأقل)..جميل جداً ولو تلاحظ إن ده سن الزواج فى مصر لمعظم البنات . طيب لما البنت تكون مسيحية..وتدخل فى الإسلام .. ينفع تتزوج من شخص مسيحى؟ أكيد لأ لإن ده حرام شرعاً بنص القران الكريم..ولو مسلمة تزوجت من مسيحى هيبقى زنا . طيب أعيرنى إنتباهك بقى وركز معايا !! لنفرض ان فى بنت مسيحية..وأعتنقت الإسلام..وأخفت إسلامها وعايشة فى وسط أهلها تمام التمام..وفاجئة !! جالها عريس ..هترفضة علشان هى بقت مسلمة ومينفعش تتزوج مسيحى...جالها عريس تانى ..هترفضة برضة عادى..طيب لغاية أمتى ؟!!!!! تفتكر لما بنت مصرية تقعد ترفض فى كل عريس يتقدم لها !! هيكون أيه موقف أهلها منها يا ترى؟!! هيطعنوا فى شرفها أو هيغصبوها على الزواج لإنها بترفض بدون مبرر . يلا أنا طرحت عليك المشكلة..حلها بقى أنت يا اللى كنت بتسأل ليه كل اللى بيشهروا إسلامهم بنات !! فين الحل بتاعك ؟ انا لسه منتظر ! طيب أنا عندى مشوار بعد بكرة..ولو فضلت منتظرك هتضيع عليا المشوار. خلينى أقولك أنا الحل بقى ... الحل هنخرجه من السؤال اللى كنت بتسأله ( ليه كل اللى بيشهروا إسلامهم بنات ؟! ) لإن البنات المسيحيات لما بيدخلن الإسلام مش هينفع يتزوجن من مسيحى..فلازم طبعاً يشهرن إسلامهن فوراً فى الأزهر ويكون معاهم وثيقة رسمية معترف بها إنها مسلمة ولا يحل لها الزواج من مسيحى .... ها وصلتك الإجابة ولا لسه ؟ بالله عليك بقى أيهما أفضل: تشهر إسلامها وتحافظ على نفسها ودينها ومتبقاش زانية ؟! ولا تكتم إسلامها وتتزوج من مسيحى ومتحافظش على دينها وتبقى زانية؟! انا عارف بيدور فى جمجمتك سؤال: طيب ولزمته أيه تتصور فيديو وينزل على النت؟! بالمناسبة تم تصوير الفيديوهات بعد قصة (الأخت كاميليا شحاتة) وأتعلمنا الدرس كويس من ساعتها..لإن لو كانت الاخت كاميليا أتصورت فيديو فى البداية..مكنش الموضوع بقى كده. المهم !! أى بنت مسيحية بتعتنق الإسلام وبتروح تشهر إسلامها أكيد هتترك منزلها..ولما بنت تترك منزلها ؟! هيقولوا عليها((مخطوفة)) وفعلاً أهلها بيقدموا بلاغ إنها مخطوفة .. ولما بينزل الفيديو على الإنترنت لأى بنت أشهرت إسلامها بيدحض تماماً فكرة إن البنت تكون مخطوفة..وبيكون ده دليل ضد أهلها إن البنت مش مخطوفة ..والبنت فى سن قانونى (18 سنه على الأقل) وأشهرت إسلامها والموضوع بينتهى... فهمت يا مولانا ولا لسه؟! طيب ليه مش بنشوف شباب بيشهروا إسلامهم بنفس عدد البنات ؟! أولاً يا أبو الشباب..لو أى شاب مسيحى وأعتنق الإسلام .. ينفع يخفى إسلامه زى ما قولنا سابقاً..ويعيش فى وسط أهله عادى جداً. طيب لو أهل الشاب المسيحى عرضوا عليه الزواج من بنت مسيحية ؟ هل يرفضها؟! لا ميرفضهاش لإنه حلال شرعاً ان الشاب المسلمي تزوج من بنت مسيحية ...وهنا بقى الفرق بين إعتناق البنت للاسلام وإعتناق الشاب للإسلام...إن البنت المسلمة مينفعش تتزوج من مسيحى..لكن ينفع الشاب المسلم يتزوج من بنت مسيحية. وبكده يبقى الشاب مش محتاج لإشهار إسلامه..ولا محتاج انه يترك بيت اهله..ولا هيبقى زانى لو تزوج من مسيحية ... عرفت بقى ليه مفيش شباب على الساحة بيشهروا إسلامهم؟! طيب ليه الشباب لما بيدخلوا فى الإسلام مش بيتصوروا فيديو؟! ما إحنا لسه قايلين لإنهم مش محتاجين لإشهار إسلامهم بنفس مقدار حاجة البنت لإشهار إسلامها. وكمان قولنا انه هيبقى قاعد فى وسط اهله ويتزوج من مسيحية كمان..وحتى لو تغيب عن منزله..أهله هيعملوا محضر أيه؟ محضر (خطف) ؟ هو فى شباب بتتخطف؟! أعتقد الإجابة وصلتك. طيب النصارى بيقولوا إن البنات بيدخلوا فى الإسلام علشان بيكونوا فى علاقة حب مع شباب مسلمين ؟! ينهار مش فايت ! ينهار مش تمام أبداً ؟ وجالك قلب ونفس تقول كده؟! بقى كل العدد ده من البنات بيدخلن الإسلام علشان يتزوجن من شباب مسلم؟! ليه هى المسيحية مفيهاش رجالة ولا أيه يا كابتن ؟! الله يرحمك يا رجولة خلاص أنعدمت الرجولة وسط شباب النصارى علشان البنات يروحوا يدوروا عليها فى شباب المسلمين؟! عيب لما تقول كده يا جنتل ..مش كده ولا أيه؟! وبعدين بقى لما كل البنات دى بيدخلن فى الإسلام علشان علاقات حب وكلام من ده.. يبقى أنت كده بتشكك وبتعيب فى أبوك وامك .. لإن أبوك وأمك معرفوش يربوا أختك النصرانية اللى بتدخل فى الإسلام .. اما أبهات وأمهات آخر زمن صحيح ..بقوا مش عارفين تربوا بناتكم لدرجة انهم قربوا كلهم يدخلن فى الإسلام ؟! يا عيب الشوم !!! طيب معلش بقى ليه البنت بتكون لابسه نقاب..ولما بتتصور بتكشف وشها امام الناس؟! سؤال جميل بس ملهوش معنى بصراحة .. لإن ده بيكون بداية إرتداء البنت للنقاب.. يعنى بعد ما بتتصور الفيديو ..بترتدى النقاب ومش بتكشف وشها تانى.. وصلتك المعلومة ولا لسه شوية؟! وبعدين بالله عليك يعنى لو لابنت أتصورت ونزلها فيديو وهى لابسه النقاب..هتقدر تعرف منين ان البنت دى هى اللى صورتها فى وثيقة الإشهار اللى أخدتها من الازهر؟! وبسهولة أهل البنت هيقولوا اللى ظهرت بالنقاب دى مش بنتنا..ويبقى كده الفيديو ملهوش لزمة ! همسة: أنت نسيت يا مسلم حديث رسولك عليه الصلاة والسلام((لا يبقى على ظهر الأرض بيت مدر ولا وبر إلا أدخله الله كلمة الإسلام بعز عزيز أو ذل ذليل إما يعزهم الله, عز وجل, فيجعلهم من أهلها, أو يذلهم فيدينون لها .)) وده معناه إن الإسلام هينتشر بكثرة على ظهر الأرض..طيب إزاى يا ترى؟! طيب إزاى الإسلام هينتشر بالكثرة دى على ظهر الأرض والنصارى بيتكاثروا؟ إما ان النصارى يدخلوا فى دين الله أفواجا .. أو إن النصارى لا يتكاثروا .. أو الأتنين مع بعض: يدخلوا فى دين الله أفواجا..ولا يتكاثروا . طيب يدخلوا فى دين الله أفواجا وعرفناها.. إزاى بقى النصارى مش هيتكاثروا؟! طيب بص يا سيدى..التكاثر محتاج ( رجل) و(أمرأة) جديدة المعلومة دى عليك صح؟! طيب لو موجود عدد نساء كثير..ويوجد عدد رجال قليل...هل يمكن التكاثر وبكثرة؟ اه ينفع طبعاً وبمنتهى السهولة.. طيب تعالى نعكس الوضع بقى لو عدد الرجال كثير .. وعدد النساء قليل.. هل يمكن التكاثر بكثرة؟! لا طبعاً مش هينفع التكاثر بكثرة لإن عدد النساء أقل بكثير من عدد الرجال . يبقى لما النساء بيدخلن فى الإسلام أكثر من الرجال يرجع إلى أمرين: الاول: وهو ان عامة عدد النساء يفوق عدد الرجال على مستوى العالم بأضعاف مضاعفة. والثانى: لكى يقل عدد التكاثر بين النصارى..وينتشر الإسلام على ظهر الأرض كما أخبرنا رسولنا الكريم عليه الصلاة والسلام.. وبالمناسبة فى شباب كتير دخلوا فى الإسلام وإلى الان شمامسة ويمارسون مهام التدريس فى الكنيسة ويحضرون القدسات بإنتظام..ومنهم من أعلن إسلامه وله فيديوهات مقل (الشماس أشرف قسطندى) (والشماس عماد المهدى) و(الشماس فوزى السعيد) وهناك أسر مسيحية مكونة من أب وأم وطفل أو طفلين..واعتنقوا الإسلام..فما الحاجة لإشهار إسلامهم وتصويرهم بالفيديو إذا كانوا مستقرين فى حياتهم وظروفهم مش هتضطرهم لإرتكاب مخالفات شرعية مثل الزنا وخلافة؟! رسالة أخيرة: كتير حلو يا مسلم لما تخاف على وطنك من الفتنة وتحب الإستقرار لبلدك..لكن وحش أوى يا مسلم لما تحاول ترضى غيرك على حساب عقيدتك..عقيدتك يا مسلم دى المفروض تكون أغلى شىء فى حياتك.. حب عقيدتك..حافظ عليها..تعايش مع الآخرين فى سلام لكن مش على حساب عقيدتك لإن عقيدتك يا مسلم هى أساس السلام. كتبه: محمود داود

شكرا يا مستر علي على هالــــــــــــ"ضحكه" الّي كنت محتاجه ليها جدااااااااااااااااا وأنا كمان كنت محتاجاهم جدا أضحك الله سنك وأسعدك بكل خير وجزاك الله خيراً

لن نقبل يوما أعذارك ............................. لن نحمل أبدا أوزارك فدمـــاء أحبتــنا سألت؟؟ ............................. هل تملك ردا يا مبارك أيبـيــع الشعـب كرامته ............................. بمجرد أن تهجر دارك هـل يـنسي ذلا أو قهرا ............................. وعــقودا داخـل أسوارك ما زالت مصر مكبلة ............................. بفظائع من صنع قرارك هل يملك مسلـم أن يعفو ............................. عن ذبحك غزة بحصارك مـا زالـت كـل طوائفـنا ............................. تتجرع من كأس مـرارك مــا زالـت عـزتنا تبــكي ............................. من جور و خسة فـجارك مــا زال الـنيـل يــؤرقه ............................. إهـدارك منه إلـي جارك ما زال الغاز و ما نملك ............................. تســرقه و تــهدي أنصارك و جحيم الحاجة حاصرنا ............................. بـالفقـــر و شــدة أسعـارك هـامتـنا بــديــون ثــقـلـت ............................ عــن عـمد أو بـاسـتهتارك و الأرض بلا ثمن بيعت ............................ و تجـفـف عمدا أنـهـارك شيدت قصورك من دمنا ............................ و مضيت لتـكـنز أصفارك و اسأل عن صحة أطفالي ............................. و ستـعلم صـدقـا أضرارك و اسأل عن ثورة أبطال ............................. كـشفت لـلعـالم أسرارك و الآن تريد بأن نعفو ............................ ( عفوا لا نقبل أعذارك )

ربنا معاكى أختنا أغنية المطر ويكرمك بكل الخير بارب بالنجاح والتوفيق إن شاء الله ونحتفل بنجاحك معانا هنا جزاكِ الله خيراً دعوة