-
عدد المشاركات
1,975 -
انضم
-
تاريخ اخر زيارة
-
Days Won
31
مشاركات المكتوبه بواسطه Dr.A7MD
-
-
تحميل لقاء خالد مشعل فى العاشرة مساءً
استورد ملفات قسم السياحه
جزاكم الله خيرا يا دكتور على مجهودك الرائع
جعله الله في ميزان حسناتك
السر في حكومة خالد مشعل ,, ان لها مرجع اسلامي ,, فهي من الحركات الاسلامية ,, و هذا ما يغيظ امريكا و اسرائيل ,, لأنهم يريدون حكومة علمانية فقط ,, يريدون ان يجعلوا المسلمين ينسلخون من هويتهم الاسلامية و هذا ان شاء الله لن يكون
النصر قادم للإسلام ان شاء الله ... و الزل و الصغار على كل الليبراليين و العلمانيين و كل من يتخذ غير طريق الاسلام في الحكم
بارك الله فيك
جزاك الله خيراً دكتور عبقرينو على الرد والتعقيب
لكن ليا تعقيب على كلامك بعد إذنك
المرجعية الإسلامية من غير إرادة مجتمعية ولا تمسك بالأخلاق الإسلامية فى تعامل الناس مع بعضها البعض متبنيش أمة عربية إسلامية رائدة
احنا بنتكلم عن إرادة ،، عن عمل ،، عن رؤية ،، عن فكر ،، عن توحد ،، عن ثقافة البناء
عندك دول غربية كتير بتاخد بروح وأخلاق الإسلام وبتطبقها فى كل تعاملاتها وشوف وصلت فين ،،، فين مرجعيتها الإسلامية دى !!
الفلسطينيين دول كل ما تضرب فيهم إسرائيل بيقفوا على رجليهم من تانى ويزدادوا قوة فوق قوتهم ،،، عشان ناس عندها إرادة وعندها تصميم توصل للحاجة اللى عوزاها
قولى بالله عليك من 25 يناير لحد دلوقتى ،،، ايه اللى اتغير فى خُلق وأخلاقيات الناس !!
اه حضرتك قلت المظلة الكبيرة اللى من فوق ( المرجعية الإسلامية ) ,,, بس لازم يكون تحتها مبدأ تفعيل قيمة العمل مع إعادة تأهيل أخلاقيات الناس
ودلوقتى أغلب المشايخ اللى بتفهم وواعية بالقضية الحالية ( أولهم الشيخ محمد حسان ) ،،، كل جهدهم منصب على احنا رايحين على فين !! ،،، لازم نبدأ نشتغل ونبنى بلدنا
عاوزين مرجعية إسلامية بالأفعال مش بالأقوال
حضرتك لو قريت السيرة النبوية كاملة هتعرف إزاى الرسول أسس دولة المدينة ,,, وإزاى تعايش مع اليهود
كانت الدولة الإسلامية أساسها الأخلاق العربية مغسولة بالمرجعية الإسلامية
ومن أسس الدولة دى طلع نور الدعوة المحمدية عشان يضىء كل أرجاء الدنيا وتبدأ بعدها الحضارة الإسلامية
ولو اطلعت على بعض المعلومات عن العصر الأموى والعباسى ومكانة بغداد الثفافية وكونها كانت منارة العلم لكل مسلم وغير مسلم وإزاى بغداد بقت بالشكل ده هتعرف أسس الدولة الإسلامية الحديثة كانت ماشية على ايه
المعادلة بكل اختصار
تطبيق شرع الله فى الأرض + أخلاق + عمل + رؤية = حضارة
تحياتى ليك
-
لقاء الشيخ محمد حسان فى برنامج مصر الحرة
استورد ملفات المكتبة لإسلامية
لقاء الشيخ محمد حسان فى برنامج مصر الحرة
http://www.youtube.com/watch?v=_EynPxqM7e8
لقاء هام جداً من وجهة نظرى
أنصح به كل من يطلق لسانه بكلمات غير محسوبة لا ترضى الله ورسوله حتى ولو بدافع الدفاع عن الإسلام
فالرسول الكريم جاء لكى يتمم مكارم الأخلاق ،،، ولم يتطاول يوماً بكلمة فى حق أى أحد أساء إليه
يا من تطلق لسانك بالشتائم والكلمات العنترية التى يشمئز منها كل ذى خلق ،،، اعلم بأنك بفعلك هذا تنفر الناس منك ومن دعوتك حتى وإن كانت صادقة
واعلم بأن حسن اللسان هو المفتاح لكسب قلوب الناس ،،، ولا مجال للنقاش مع أى شخص بذىء اللسان حتى ولو كان على حق
-
نقطة ومن أول السطر .
استورد ملفات قسم السياحه
-
تحميل لقاء خالد مشعل فى العاشرة مساءً
استورد ملفات قسم السياحه
خالد مشغل فى العاشرة مساءً
نقطة من أهم النقاط العربية المضيئة واللى تأخرت بشكل كبير جداً
نقطة نسيتها ناس كتير ومرت على الناس كإنها خبر عادى جداً زيها زى بقية الأخبار
الناس مش فاضية خلاص ،،، السلفيين قالوا الصوفيين عادوا ،،، الشيخ الفلانى قال كذا والشيخ العلانى رد بكذا
زى كتير من لقاءات خالد مشغل ( الناس اللى تعرف مين خالد مشغل فى الأول ) بتكون سياسية بالقدر الأول
لكن دايماً اللى مهتم بالشأن العربى والحلم العربى مش هيشوف إن أى لقاء له مجرد سياسة وبس
لما تسمع اللقاء أو تكون حضرته قبل كدا ،،، هتعرف الفرق بينا وبين الفلسطينين بجد
ده بالرغم إن الفلسطينين وصلوا لمرحلة من النزاع فى فترة من الفترات السوداء كانت مرحلة دموية
لكن عشان الفلسطينيين ناس رجالة رجالة ( بالمعنى الصحيح لكلمة رجالة ) بيقدروا يوصلوا للى هم عاوزينه
طيب ليه بيقدروا ،،، واحنا ليه مش بنقدر إلا لما حد يزقنا أو يحركنا ده إن استمرينا فى التحرك ومش بعد كام خطوة نقف
الناس دى إزاى تحت الإحتلال زى ما قال خالد مشغل قدرت تبنى مستشفيات وجامعات ومؤسسات
الوصفة فى كلمتين وبس ( رؤية وبناء )
طيب رؤية لإيه أو بناء ايه بالظبط ؟؟؟ ،،، ده اللى هتعرفه لما تسمع اللقاء
لقاء خالد مشغل على قناة دريم - برنامج العاشرة مساءً مع الإعلامية منى الشاذلى
لقاء مدته حوالى ساعة ونص
طبعاً لمراعاة قوانين المنتدى فالحلقة صوتية من فصل ومونتاج وتعديل أخوكم Dr.A7MD
أى مشكلة طفيفة من قطع جزء بسيط فى بداية الحلقة أو مشاكل أخرى أثناء الحلقة فهو من مصدر الفيديو ولا دخل لنا به
جودة الصوت عالية جداً بفضل الله - بمساحة 41.4 ميجا
نقطة لابد من توثيقها لأنها نقطة مضيئة فى المسرح العربى الإسلامى
-
مشكلة عند تنصيب الفوتوشوب
استورد ملفات منتدى التصميم والجرافيك
شكراً لردك أختى بسمة الأقصى
بس حضرتك مش رديتى على النقاط دى
شفتى مساحة الهارد الكلية كام ؟؟؟ ايه المساحة الباقية فاضيه ؟؟؟شفتى البارتشن اللى هتسطبى عليه النسخة فيه كام جيجا مليان وكام فاضى ؟؟؟
لو المساحة مفهاش مشاكل ،،، يبقى متهيألى والله أعلم أن نسخة الويندوز عاوزة تتغير لأن شكلها كدا باين من الصورة ملعوب فيها
ريحى بالك ،،، يا إما حضرتك تسطبى نسخة ويندوز أصلية مش ملعوب فيها ولا مُضاف عليها أى برنامج ،، تسطبيها بنفسك
أو تروحى للى بتسطبى وتظبطى الجهاز عنده وتخليه يسطبلك نسخة أصلية وبعد ما يخلص خليه يسطبلك الفوتوشوب عشان تتأكدى أن الويندوز مفهوش مشاكل
دى أيسر الطرق اللى أعرفها لأن فى حلقة مفقودة مش هتتعرف بالساهل متهيألى
جربى وشوفى الحال هيوصل لفين وبلغينى
تحياتى ليكى
-
أسامة بن لادن سيرة ومسيرة
استورد ملفات المكتبة لإسلامية
أسامة بن لادن سيرة ومسيرة - فضفضة الشيخ محمد الصغير
من باب طرح الرأى والرأى الآخر ،،، وإيماناً منى بإحترام جميع الآراء ( حتى وإن لم أوافقها )
ومن باب أن الكلمة أمانة ،،، ومن لم ينقلها كاملةً فقد فرّط فى تبليغها
أعرض عليكم هذا الفيديو
http://www.youtube.com/watch?v=8ibJuewk7ro
ولكل صاحب عقل التدبر والحكم بعد معرفة الشرع
تحياتى للجميع
-
نقطة ومن أول السطر .
استورد ملفات قسم السياحه
الحلقة الخامسة
رسالتى لكل مصرى ,,, احتكم لصوت العقل
الحلقة السادسة
الحلقة السابعة
الحلقة الثامنة
الحلقة التاسعة
الدكتور أحمد يتحدث بكلمة من القلب
الحلقة العاشرة
-
نقطة ومن أول السطر .
استورد ملفات قسم السياحه
يااااااااااااا ربي
يعينك يا ربي
ان شاء الله
بارك الله فيكى أختى الرّام
نورتى الموضوع
تحياتى
-
حقيقة أسامة بن لادن
استورد ملفات قسم السياحه
حقيقة أسامة بن لادن
إلى كل عاقل ؛ إقرأ قبل أن تكتب كلمة
دايماً لما بيكون فى خلاف حوالين أمر ما ،،، الخلاف بيبقى فى مجموعة من النقاط وغالباً بتبقى الفكرة الرئيسية والأساسية اللى بتجمع كل النقاط دى مفيش عليها خلاف
الخلاف كله بيبقى هل رؤيتى أو رؤيتك لمجموعة النقاط دى تؤدى بطريقة فطرية شرعية سليمة للفكرة الأساسية اللى احنا مجمعين عليها ؟؟
نقطة ورا نقطة ورا نقطة ورا نقطة ،،، هو ده اللى بيكون التوجهات والآراء المعينة تجاه أى قضية من القضايا
لكن يظل الشرع وتظل فطرة الإنسان السوية هو الجامع والشامل لكل هذه الآراء
يوم ما يخرج رأيك عن الشرع والفطرة السوية فاعرف ان فيك خلل
مفيش كلام دلوقتى إلا عن بن لادن ،،، كل واحد فاهم أو مش فاهم دلوقتى بيتكلم عن أسامة بن لادن وحياته وعمل ايه وولاده ومراته .... إلخ ،،، كل حاجة عنه
لا هنتكلم عن حياته ولا معيشته ولا مسيرته ولا أى حاجة ،،، كل المعلومات دى تقدر توصل ليها بأيسر الطرق ،،، أبسطها تروح على ويكيبيديا تجيب المكتوب هناك وخلاص زى كتير من الناس
الناس يا جماعة لما تبقى محرومة من حاجة ،،، وتلاقى اللى يشبع رغبتها فى الحاجة دى ،،، تبص ليه على أساس انه المنقذ الحقيقى ليهم وهو اللى نشلهم من اللى كانوا فيه أو رفعلهم راسهم
سبحان الله ،،، تلاقى كل الناس اتعمت ساعتها ،،، متبقاش شايفة حاجة إلا أن اللى قدامها ده حققلها اللى كانت هتموت عليه
بشرع ولا بدون شرع ،،، متوافق مع فطرتك يا عم ولا لا ،،، كل ده ميهمش ،،، المهم انه ريحنى
دايماً لما بتتكلم بالعقل من بعد ما تكون قريت الشرع ،،، يقولك لالالالالالا يا عم ،،، هاتلنا الشرع زى ما هو واحنا نفهمه ونشوف كلامك صح ولا لا
طيب خلينا فى الشرع قاااااااااااااال ايه وعلماء المسلمين قاااااااااااااااااااااااالوا ايه عن أسامة بن لادن
مش هنتكلم كتير ،،، هنجيب صور بس وكمان مدعمة بالكلام المقروء ومؤرخ كمان ومدعوم بتسجيلات صوتية
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
الإمام ابن باز رحمه الله
صورة من فتاوى الإمام ابن باز فيها التحذير من أسامة بن لادن
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
لمزيد من المعلومات والملفات الصوتية لكى تقرأ وتسمع ،،، يمكنك الدخول من هنا
أظن لو كان أى حد قال كلمة واحدة فى حق أى شيخ من المشايخ كانت الدنيا هتقوم ومش هتقعد
المشكلة إننا مش بنقرى ولو قرينا مش بنفهم ولو فهمنا مش بيكون عندنا من الأمانة إننا ننقل الصورة كاملة ونسيب الناس تحكم بفطرتها السوية ،،، بنحاول نوجه دماغ الناس للى شفناه وسمعناه وبس
وأظن رأى الشيخ محمد حسان فى مقتل أسامة بن لادن كان رأى مستمد من الشرع والدين أولاً قبل كل حاجة
ياريت نعرف ونقرى ونفكر قبل ما نتكلم بكلمة ،،، لأن الكلمة أمانة
وهذا هو ختامى
-
جرافيك نيوز - Graphic News
استورد ملفات منتدى التصميم والجرافيك
جرافيك نيوز - الحلقة 1
أخبار جرافيك
- شركة أدوبى نزلت يا جماعة مجموعتها CS5.5 ،،، صحيح مفيش جديد فيها يعنى عن الإصدار CS5 وكله عبارة عن تحديثات بسيطة كدا ؛ لكن أجمل حاجة أن Adobe audition CS5.5 البرنامج الرائع فى الهندسة الصوتية نزل وبقى كمان معتمد من شركة أدوبى بشكل أكبر من adobe soundbooth وكمان بقى متفاعل مع برامج تحرير ومونتاج الفيديوهات زى Adobe Premiere ،،، فكل واحد دلوقتى مهتم بمجال الهندسة الصوتية يقدر يحمل البرنامج ولو صعب عليه تفعيله يجى ويقولنا
رؤية شخصية
- كل حاجة مرتبطة بالتاريخ والحضارة ،،، زمان كانوا بيقسموا مراحل تطور الخط العربى على حسب ظروف الحضارة الإسلامية كان شكلها ايه
زمان كان أغلب الفكر الإبداعى التصميمى مُوجه للإنشاء المعمارى والتفنن فى كتابة المصحف الشريف وتزيينه وإخراجه فى أحلى صورة
وكان دايماً التصميم العربى يتميز باستخدامه للأشكال الهندسية فى أغلب إن مكنش كل حالات التصميم
حتى دلوقتى فى الوقت المعاصر ،،، الحضارة والهوية الإسلامية تطغى بشكل كبير على عقول المصممين العرب
على عكس التصميم الغربى ،،، زمان من قبل ما ينبهر بفكر التصميم العربى وأشكاله وأنواعه ،،، كنت تلاقى التصميم الغربى ملوش مرجعية واضحة تقدر من خلاله تعرف مصادر إلهامه ايه
لكن دايماً تلاقى التصميم الغربى يعبر بالحالة الرسومية أكتر من الحالة الكتابية ،،، وتلاقى أن أغلب التصاميم الغربية فارغة إلا من شىء بسيط يعبر عن فكرة التصميم بشكل عام
دلوقتى أغلب المصممين العرب الناجحين وأغلب المواقع والمنتديات المتخصصة فى عالم التصميم العربى بتحاول تعمل مزيج بين المدرستين
هل يا ترى هيجى اليوم اللى ممكن من خلاله عالم التصميم العربى يقدر ينافس نظيره الغربى !!!!
والسلام هو خير الختاااااااااااااااااااام
-
مشكلة عند تنصيب الفوتوشوب
استورد ملفات منتدى التصميم والجرافيك
على فكرة نسيت أقولك حاجة مهمة
من الصورة اللى حطاها دى ،،، واضح منها أن برنامج أكروبات ريدر ( وده من منتجات أدوبى ) باين إنه فى الـ Startup
اقفليه الاول خالص من تحت وجربى تسطبى الفوتوشوب
-
مشكلة عند تنصيب الفوتوشوب
استورد ملفات منتدى التصميم والجرافيك
وعليكم السلام ورحمة الله وبركاته
أهلا بيكى أختى بسمة الأقصى
الرسالة اللى بتظهرلك دى ،،، بتظهرلك علطول بعد ما تدوسى كليك على ايقونة التسطيب بدون ما تجيلك أى شاشة تانى سواء اختيار البارتشن اللى هتسطبى عليه أو اى حاجة تانيه ؟؟؟
طيب حضرتك عملتى اللى قالهولك عاشق الصداقة هنا
شلتى اى حاجة من منتجات شركة أدوبى او حتى الفلاش بلاير وحاولتى تانى ؟؟؟
شفتى مساحة الهارد الكلية كام ؟؟؟ ايه المساحة الباقية فاضيه ؟؟؟
شفتى البارتشن اللى هتسطبى عليه النسخة فيه كام جيجا مليان وكام فاضى ؟؟؟
هو الصراحة أنا جربت تسطيب النسخ بتاعه الفوتوشوب من CS3 CS4 CS5 ولا نسخة منهم طلبت شيل اى منتج من منتجات الادوبى خالص
كل الحكاية إن قبل التنصيب يطلب بس انك تقفل أى متصفحات مشغلها ،،، فايرفوكس - انترنت اكسبلورر والباقى
النسخ اللى قبل النسخ دى بصراحة مجربتش تسطيبها أصلا ،،، لأنى اول ما دخلت دخلت على نسخة CS3
وانتى الظاهر من الصورة انك بتحاولى تسطبى فوتوشوب 8
ممكن حضرتك تجربى تسطيب نسخة كاملة داعمة للعربية CS3 واكيد هتبقى كويسه على جهازك ،،، متهيالى امكانيات جهازك تسمح يعنى
الموضوع ممكن تدخليه من هنا
بعد كدا تبقى أكيد مشكلة نسخة ويندوز ،،، ويفضل تسطيب نسخة ويندوز تكون أصلية محدش لاعب فيها قبل كدا
يارب مشكلتك تتحل وفى انتظار ردك
تحياتى ليكى
-
منافسة بالفوتوشوب // تبادل خبرات
استورد ملفات منتدى التصميم والجرافيك
بسم الله الرحمن الرحيم
المنافسة الثانية
المنافسة دى يا جماعة يعتمد عليها شغل ستديوهات التصوير
المنافسة دى لم يُستخدم فيها أى فلتر خارجى أو أى حاجة إضافية لبرنامج الفوتوشوب
المنافسة عبارة عن تنقيح صورة فتاة
زى كدا
قبل
بعد
=================================================
اضغط على كل صورة مصغرة عشان تشوف الصورة بأبعادها الأصلية ،،، وعشان تشتغل على الصورة بأبعادها الحقيقية وتعرف تاخد راحتك فيها
=================================================
المطلوب منك فى المنافسة
1- إزالة النمش من وجه الفتاة
2- تنعيم وجة الفتاة
3- إزالة التجعيد تحت العينين
4- تغيير لون العين
5- تغيير لون الشفاة
6- تبييض الأسنان
7- توضيح الحواجب
8- صورتك تطلع بنفس الأبعاد الحقيقية للصورة قبل التعديل ( عشان يبقى شغلك واضح وسهل نفرقه عن الصورة الأصلية )
============================================
بعد كدا تعمل صورة مصغرة من اللى عملته وتحطها هنا فى الموضوع وتحط عليها لينك للصورة بالأبعاد الأصلية عشان مش عاوزين نتقل الموضوع بالحجم الأساسى للصورة
وياريت لو أى موقع رفع غير الايمج شيك ترفع عليه الصورة بأبعادها الأساسية عشان الموقع ده فيه مشاكل لما تفتح الصورة لوحدها فى صفحة ويب
المنافسة مدتها 3 أيام زى ما قال أخى ديزاينر 83 ،،، يعنى آخر يوم الجمعة بالليل قبل منتصف الليل بدقيقة تبقى المنافسة خلاص انتهت
هااااااااااااااااااا ،،، فى حد هيقدر ينافس ولا هناخدها بالتزكية ؟؟؟
-
منافسة بالفوتوشوب // تبادل خبرات
استورد ملفات منتدى التصميم والجرافيك
السلام عليكمسيدى دكيتور أحمد
أشكرك لمشاركتك فى المسابقة وعندى بعض الإحساس فى انك قربت حسم المنافسة الأولى
لو كان سيدى dr_mido لم ينسى تصغير الصورة لكان استمر فى المنافسة
لكن هذى هى الحظوظ // وأرى أنك صعبت المنافسة بما فعلته فى الكرة حتى تقترب من حسمها مع أن رأيى أنى لم أرى كرة أبدا بمثل هذه الألوان // لكن فكرة ومهارة تلوينها تعجبنى
مقترحاتك جميلة وكنت أفكر بها وجارى العمل بها بقدرة الله
دكيتور أحمد // 80 نقطةأتمنى أن أجد من ينافس دكيتور أحمد ،، فهو قد أحرجنى فى مسابقة مماثلة فى أحد المواقع وهو يعرف هذا جيداًوعليكم السلام ورحمة الله وبركاته
بشكرك جداً أخى ديزاينر 83 للمرة الألف على موضوعك الجميل
أنا والله اشتركت فى المنافسة لما لقيتها هتطول وهتاخد وقت طويل ،،، قلت يلا نعديها عشان نشوف غيرها
ألف شكر لتحديد النقاط ،،، والظاهر والله أعلم بقى مطلوب مننا نحط المنافسة التانية
أتمنى أن أجد من ينافس دكيتور أحمد ،، فهو قد أحرجنى فى مسابقة مماثلة فى أحد المواقع وهو يعرف هذا جيداًكدا يبقى إنت فكرتنى بحاجات كتير ،،، والظاهر والله أعلم إنك تعرفنى ومش أعرفك ويارب أتعرف بيك وأعرف مين حضرتك بدل ما أضرب أخماس فى أسداس
=======================================
قبل ما نحط المنافسة التانية ،،، الرد ده عشان هقول فيه استعملت ايه فى المنافسة الأولى
طبعاً قص الصورة بأداة البن تول Pen tool
بعد كدا تحديد كل قطاع فى الكورة بالبن تول وتظبيط لونها بشكل يبقى واقعى مش إضافة لون وخلاص
بعد كدا تدى عمق لونى للكورة كلها سواء من خلال التفتيح أو التغميق من خلال قائمة Image Adjustment
بس كدا
-
منافسة بالفوتوشوب // تبادل خبرات
استورد ملفات منتدى التصميم والجرافيك
حراااااااااااااااااااااااااااام عليك يا راجل
يعنى يا دكتور ميدو تعمل كل حاجة زى الفل وتيجى على تصغير الصورة وتنسى
يا رااااااااااااجل حرام عليك ،،، أنا قلت خلاص الإمارات مش هتفتح بؤها بعد كدا
بس الحمد لله ،،، لقينا ناس تقدر ترد وتنافس يا عم ديزاينر
بس ملحوقة ،،، بعد شغل دكتور ميدو الجميل ،،، أنا نويت أشارك فى المنافسة الأولى عشان متلاقيش حجة بعد كدا
توكلنا على الله
هااااااااااا ،، أظن كدا مش باقى ليك حجة ؟؟
لما نشوف المنافس الجاى هيعمل ايه زيادة
===============================
مقترحات بسيطة أخى ديزاينر عشان الحكاية تتظبط أكتر وطبعاً ليك مطلق الحرية تدير الحكاية بالشكل اللى يعجبك
1- أنا معاك وعجبانى جداً حكاية ان اللى ميعملش كل حاجة فى المنافسة ونسى حاجة متتحسبش مشاركته فى المنافسة دى وميقدرش ينافس إلا فى المنافسة اللى بعدها
2- ياريت لو كل منافسة تحددها بوقت معين عشان متبقاش الحكاية مفتوحة كدا بدون وقت محدد والحكاية تطول ،،، ولو مر الوقت ومحدش شارك تبقى المنافسة تُحسم بالتزكية للشخص اللى حط المنافسة وطبقها
3- يتم تطبيق نظام النقاط ،،، بمعنى أن مشارك مثلا طبق كل حاجة فى المنافسة بس شغله مطلعش حلو اوى ،،، تحسبله نقاط على قد شغله ،،، بحيث فى نهاية كل منافسة النقاط هى اللى تحسم مين الفايز
4- بمجرد نهاية كل منافسة ،،، الأشخاص اللى شاركوا فيها يقولوا فى ردود ليهم ازاى عملوا الحكاية دى وبأى أدوات وكدا عشان الكل يستفيد
5- بمجرد إعلان الفائز بمنافسة مثلاً ،،، بعدها علطول يبقى مطلوب منه يحط منافسة جديدة فى نفس اليوم وهكذا الدايرة تدور
===============================
تحياتى لك أخى ديزاينر
- 1
-
-
منافسة بالفوتوشوب // تبادل خبرات
استورد ملفات منتدى التصميم والجرافيك
السلام عليكم
موضوع فكرته جميلة جداً أخى ديزاينر
أنا مدمن الحاجات اللى زى دى وبحبها اوى
ربنا يبارك فيك على كل مجهوداتك فى المنتدى
============================
بالنسبة للمنافسة الأولى ،،، فوالله أنا سايب الأمر لشباب وشابات مصر يردوا عليك
وعشان أكون منصف ،،، قصك للكرة مش مظبوط اوى بالإضافة لتغيير لونها كمان مش واقعى
يعنى متحسش ان ده لون الكرة الأصلى
إنما قص أختى بنت مصرية فيه حته طبعاً عاوزة مراجعة وباينة أن الكرة متاكلة اوى فيها
بس تغييرها للون الكرة أكتر واقعية من تغييرك إنت
يعنى لحد الآن محدش حسم المنافسة بنسبة 100 %
وأنا عن نفسى مش هتدخل دلوقتى فى أول المنافسة ،،، بس على ثقة وقناعة أن شباب مصر اللى جبت سيرتهم دووووووووول هيعرفوا يردوا عليك بحاجات جامدة جداً
استنى بس الأخت بسمة الأقصى تسطب الفوتوشوب ،،، والأخت بنت مصرية تظبط إيديها بس وهتشوف الشغل
زيادة عن كدا فى ناس كتير بعون الله هترد عليك ،،، بس الصبر شوية
أىنعم الإمارات أكتر ناس حبايب لمصر فى كل الخليج ،،، بس برضو اللى يجيب سيرة شباب مصر مش هيخرج منها بالراحة كدا
يا شباب مصر ،،، هجووووووووووووووووووووووووووووووووووووم ،،، حد يرد بإسم مصر
تحياتى ليك أخى الكريم
-
السلام عليكم و رحمة الله و بركاته
قمت بعمل فيدويهات لكي من خلاله يتم تقيم المستوى
و طبعاا بما انها فقط لتقييم المستوى ,, يعني موش محدّدين بشيء
لذلك انا فكّرت اني نعمل يعني تقريبا حاجات كمثال بسيط يعني على البرامج الي نشتغل عليها من ضمن هذه البرامج المتعدده في هذا الميدان
( يعني زي ما نقولوا احنا : كل حاجه مثال عن حاجه )
و الاعمال رفعتها
لكن اعذرني يا خويا رفعت كل عمل في ملف لوحده لان صعب جدا يترفعوا مع بعض في مجلد واحد طبعا انت ادرى الناس و ادرى مني ,
ان المساحه تكون كبيره و غير مسموح بيها للرفع مع بعض كلّها ,
و تجدهم ان شاء الله
.............................
تعّبتك معايا يا خويا
اعذرني
...........
و منتظره ان شاء الله ردّك و تقييمك للعمل
باذن الله
...........
في امان الله
.
وعليكم السلام ورحمة الله وبركاته
أهلا بيكى من جديد فى قسم التكوين أختى الرّام
أولا وقبل كل حاجة ،،، بارك الله فيكى للجهد المبذول والواضح فى رفع الفيديوهات ،،، ربنا يبارك فيكى بجد
ثانيا ،،، أكيد حضرتك عارفه أن تكوين قسم مونتاج وتحرير الفيديوهات له قواعده الخاصة وأظنك قريتيها أو تابعتيها كويس اوى فى فيديوهات شرح قسم التكوين
أنا حملت وشفت الـ 3 فيديوهات بشكل كامل
كنت خايف عشان مش ذكرتى أسماء البرامج اللى بتستخدميهم فى المجال ده ،،، لكن الحمد لله بمجرد تحميل الفيديوهات لقيتك كاتبه على كل فيديو البرنامج المستخدم لعمله
نبدأ بالكلام بصورة عامة
مجال مونتاج وتحرير الفيديو ده مجال واسع وكبير وشغله مش سهل زى ما بعض الناس فاكره
فى فرق بين أن الشغل يبقى طالع بأحجام كبيرة وشغل استديوهات اخراج ومونتاج وكدا أو للحفظ على الجهاز الشخصى
وفرق كبير جدا أن الشغل طالع عشان يتعرض على الويب للعرض مباشرة أو الرفع على مواقع رفع الملفات
وعشان هنا بنتكلم بصورة أكبر على شغل الويب ،،، فشغل الويب لازم يكون خفيف المساحة قصير المدة على قدر الإمكان
طبعا الكلام ده بعيد عن الأفلام والبرامج وكل ده ،،، إنما اللى أقصده مثلاً - عمل برومو ،، نشيد مصور ،، انترو ( مقدمة ) لسلسلة أو فيديو إعلانى عن موقع ،، .... إلخ
كل ده لازم يكون يتميز بالبساطة وقصر المدة ،،، ده شرط أساسى فى شغل الويب
حضرتك عاملة فيديوهات مساحتها وهى مضغوطة كبيرة بالنسبة لمدة الفيديوهات
وبعد فك الفيديوهات ،،، الفيديو رقم 3 بقت مساحته 828 ميجا ومدته 4:33 دقيقة !!!
دى أرقام فلكية ،،، حتى ولو هو مضغوط كان حوالى 100 ميجا أو أكتر ،،، برضو كبير اوى
فرضاً كنتى حابة ترفعى الفيديو ده على اليوتيوب أو فيما بعد مثلا عاوزينه يترفع على المنتدى هنا ويتعرض فى قسم الفيديوهات ،،، هل هنرفع فيديو مساحته 800 ميجا ( قرب على 1 جيجا ) ومدته لا تتجاوز الـ 5 دقايق ؟؟؟
وزى ما قلنا على الفيديو رقم 3 ،،، نفس الحكاية على الفيديوهين رقم 1 , 2
دى اول ملاحظة
===================================
نيجى لتقييم كل فيديو
الفيديو رقم 1 من الواضح إنك استخدمتى فيه برنامج corel video studio
من علمى البسيط بالبرنامج ,,, فإمكانياته أكبر من كدا بكتير
الصوت جميل ،،، بس الإنتقالات بين صورة والتانية مش بتنتقل بليونة ،،، الإنتقال بين الصورة والتانية فيه خشونة
حتى التأثيرات متكررة وبتبدأ فجاة وتنتهى فجأة برضو
والصور مش متناسبة مع عرض الفيديو
والفيديو مش بينتهى بطريقة انسيابية ناعمة ،،، حتى برضو دخلة الفيديو فى الأول مش بانسيابية
*******************************
الفيديو رقم 2 من الواضح انك استخدمتى فيه برنامج movie maker
أهو ده لو شفتى الانتقالات والتأثيرات اللى فيه هتلاقيها إلى حد ما فيها انسيابية وليونة فى الإنتقال
مش بتحسسك أن فى كتل بتتحرك قدامك وتخرج وتدخل بصلابة زى الفيديو الأولانى
لكن الفيديو طويل ( 8 دقايق ) !! ,,, والصور فيه متكررة
نهايته جميلة لكن لو لاحظتى هتلاقى أن الكتابة فى الآخر مقصوصة ( مش واضحة كلها فى الفيديو ) والصوت مقطوع فى الآخر
*******************************
الفيديو رقم 3 من الواضخ انك استخدمتى فيه برنامج cyberLink powerDirector
زى ما قلنا فى الاول مساحته كبيرة ،،، ده غير إن صيغة الفيديو mov مش شائعة اوى ولا محبذة فى الفيديوهات إلا يمكن فيديوهات شرح البرامج لبعض الشركات ،،، لكن عموماً مش بتلاقى الناس بتشتغل كتير على الصيغة دى
فى اعتقادى الشخصى ،،، مش كل التأثيرات ولا الانتقالات مرتبطة بفكرة الفيديو
يعنى مثلا فقاقيع الصابون كتأثير على الفيديو ،،، تبقى مقبولة فى فيديو طفولى مثلا أو حاجات خاصة بالأطفال
لكن فيديو فكرته عن الرسول صلى الله عليه وسلم وفيه إنشاد ( البردة ) ،،، مظنش فقاقيع الصابون تمشى معاه
لكن عجبنى فى آخر الفيديو تأثير الفيلم القديم ،،، لكن برضو مش فى محله ولا ماشى مع فكرة الفيديو
ونهاية الفيديو الصوتية ناشفة اوى ومقصوصة برضو
===============================================
زى ما عاملين فوق قسم التكوين الخاص بالمجال ده
فإنتى مستواكى رقم 1 ،،، لإنك بتستعملى برامج مش من برامج مستوى رقم 2
فحضرتك مستواكى رقم 1
طيب وايه الحل دلوقتى !!!!!
شوفى أختى الكريمة
دى حبة نصايح منى من خبرتى المتواضعة فى المجال ده ،،، ياريت حضرتك تتقبليها بصدر رحب
حضرتك طلبتى رأيى ومن الأمانة إنى أقولك رأيى بكل صراحة ووضوح بدون مجاملة ولا أى حاجة
نصايح مهمة جداً :-
1- لازم حضرتك تفرقى هل الشغل ده هتحتفظى بيه على جهازك ولا هترفعيه على الويب سواء عرض مباشر أو للتحميل
يعنى أقولك مثال بسيط اوى ،،، حضرتك فاكرة مثلا مثلا أى فيلم الناس بتعمله ترجمة وبترفعه على الويب وفى المنتديات بتكون مساحته كام الاول ؟؟؟
مساحة الفيلم الإصلية بتكون بتدور كدا فى حركة 4 جيجا على الأقل
بعد كدا ببرامج معينة يتم تخفيض حجم الفيديو مع الحفاظ على جودته بأكبر قدر ممكن
عشان كدا بتطلعلنا الأفلام وحلقات البرامج وكل ده بصيغ تلاقى أغلبها RMVB أو MKV
وطبعاً ضغط الفيديو يختلف من واحد لواحد ومين ايد لايد ،،، خبرة يعنى
فلازم اول حاجة تفرقى بين ده وده
2- الفكرة العامة - لازم حضرتك تبقالك فكرة عامة فى دماغك بصالها
وعلى أساس الفكرة دى بتتحركى بتدورى على صور أو مقاطع فيديو أو اى حاجة هتستخدميها فى الفيديو بتاعك
مش العكس ،،، يعنى مكونش شايف كام صورة كدا عجبانى ،،، أقول اه والله ينفعوا يتعملوا فيديو ،،، كدا مش صح
لا أنا أدور الفكرة بدماغى وأشوف الفيديو بتاعى وقته كام وعلى أساس كل ده أروح أجيب أو أصمم صور على مقاس الفيديو وأبعاده وأظبط الصوت وكل حاجة على الفيديو
عشان كل حاجة تطلع متناسقة مع بعضها
3- لازم حضرتك تتدربى على مهارات فى مجال تحرير ومونتاج الفيديوهات ( قص الفيديوهات - فصل الصوت عن الفيديو - تركيب الأصوات والدمج بينهم - عمل شعار خاص بيكى فى الفيديو يبقى معروض طول الوقت بدل ما حد يسرقه منك - عمل افتتاحيه وختام للفيديو عشان المنظر العام للفيديو يبقى مقبول )
كل دى مهارات مطلوبة عشان تقدرى تبدعى فى المجال ده ،،، الحكاية مش مجرد تجميع صور أو فيديوهات وتركيب صوت عليهم ويبقى فى تأثيرات بينهم وخلاص ،،، الأمر أكبر وأعمق من كدا
4- التركيز على تصميم الحاجات قصيرة المدة ،،، عمل افتتاحيات مثلا - عمل برومات - فيديو إعلانى مثلا عن يالا جروب فى 30 دقيقة ،،، كل ده بيطور ويصقل من مهاراتك
5- لازم حضرتك تكونى عارفة برامج ضغط الفيديوهات وتعرفى تستعمليها كويس عشان تقدرى تخفضى من مساحة الفيديوهات اللى بتعمليها
=========================================
طيب أنا فهمت كل ده ،،، المصادر اللى من خلالها اعمل كل ده ألاقيها فين !!!!
هقولك
على الويب ،،، ادخلى اعملى بحث بالطريقة دى ( دورة تعلم برنامج كذا [ البرامج اللى بتستخدميها ] - دورة احتراف برنامج كذا - دروس برنامج كذا - .... إلخ )
بعد كدا اعملى بحث عن برامج ضغط الفيديوهات وتحويل الإمتدادات وكدا ,,, هتلاقيها كتير مفيش أكتر منها ,,, وبعون الله هعمل موضوع خاص هشرح فيه بإختصار الحاجات دى
بس المهم من ناحيتك تبحثى وتدورى عشان تزيد خبرتك وتعرفى توصلى لكل حاجة بنفسك
وإن شاء الله زى ما قلتلك هعمل موضوع شرح فيديو بوضح فيه كتير من النقاط فى مجال تحرير ومونتاج الفيديوهات وكدا
=========================================
كل ما عليكى دلوقتى أختى الكريمة ،،، اتعلمى اكتر واكتر واكتر وركزى بصورة أكبر على النقاط اللى وضحتهملك فوق
ولما تحسى إنك خلاص بقت ليكى خبرة فى المجال ده وعرفتى بعض المهارات الأساسية ،،، ادخلى قسم الإعداد وقولى انك جاهزة وهنديكى الإذن بعون الله للدخول لمرحلة الإختبار
معلش لو كنت طولت عليكى أختى الكريمة ،،، بس كان لازم أوضح كل حاجة وألفت نظرك لبعض الحاجات ليكى وللأعضاء اللى حابين يدخلوا المجال ده
تحياتى ليكى أختى الكريمة
-
رابطة مصممي المنتدى
استورد ملفات منتدى التصميم والجرافيك
السلام عليكم و رحمة الله و بركاته
انا كنت اشتركت معاكم في الرابطة من قبل
و كان اشتراكي من خلال العمل ببرنامج الفوتوشوب
لكن بما اني زادا نعمل على برامج انتاج و مونتاج الفيديوهات
فبالتالي
اضافه للفوتوشوب
اود الاشتراك ايضا في مجال تحرير و تركيب الفيديوهات
من خلال برامج انتاج و مونتاج الفيدوهات
الرّام
.
وعليكم السلام ورحمة الله وبركاته
أهلا بيكى أختى الكريمة الرّام
ممكن حضرتك تشتركى فى أى مجال فى أى وقت
وتدخلى أقسام الرابطة فى المجال ده زى المجال اللى قبله مع الأخذ بالقواعد العامة للرابطة والقواعد الخاصة بكل مجال
أهلا بيكى أختى الكريمة مرة تانية
-
إزاى تبقى مصمم ناجح !!
استورد ملفات منتدى التصميم والجرافيك
-
إزاى تبقى مصمم ناجح !!
استورد ملفات منتدى التصميم والجرافيك
- 3
-
إزاى تبقى مصمم ناجح !!
استورد ملفات منتدى التصميم والجرافيك
- 2
-
إزاى تبقى مصمم ناجح !!
استورد ملفات منتدى التصميم والجرافيك
- 3
-
ورشة عمل مصممي المنتدى
استورد ملفات منتدى التصميم والجرافيك
.:: إعلان رقم 7 ::.
تمت بدء مرحلة التشغيل الفعلى للرابطة ،،، وعمل قائمة بأسماء الأعضاء الملتحقين بمنظومة التشغيل ،،، يمكنك الإطلاع من [ هنا ]
تحميل لقاء خالد مشعل فى العاشرة مساءً
استورد ملفات قسم السياحه
قام بنشر
ده بالظبط الكلام اللى قصدته بالتمام ،،، فالعمل تحت غطاء الإخلاق والمرجعية الإسلامية ده الأساس
تسلم إيدك على الكلام المتوازن
تحياتى ليك د.عبقرينو
نورتى الموضوع أختى بسمة الأقصى
مع حضرتك فى كل اللى قلتيه ،،، بس أنا أقصد أن الناس بدل ما كانت تركز فى أهم حاجة دلوقتى ،،، كل مجموعة ماشية فى موال وفكر لوحدها
ربنا يسهل ويعدل الحال
تحياتى ليكى