قسم الإختبار - ورشة عمل مصممي المنتدى

[قسم الإختبار - ورشة عمل مصممي المنتدى]

وعليكم السلام ورحمة الله وبركاته

 

اعذرنى أخى DESIGNER 83 للتأخر فى الرد عليك

 

لكن كان واجب علىّ أخد رأى بقية أعضاء لجنة التقييم التى أتكلم بلسانها وبالنيابة عنها

 

والحمد لله قد اجتمع رأى لجنة التقييم على التالى :-

 

- تصميم البنر العادى :- فكرة جميلة ومبسطة لكن تطبيقها ليس بإحترافية الفكرة ,,, هناك بعض الملاحظات على اختيار الألوان وتناسقها وعمل بعض الأشياء الجمالية فى الخلفية

 

لذا تقييم البنر العادى [ 6 / 10 ]

 

- تصميم البنر المتحرك :- بسم الله ما شاء الله ,,, رائع كفكرة وتنفيذ واختيار ألوان

 

لذا تقييم البنر المتحرك [ 10 / 10 ]

 

- تصميم إعلان السلسلة :- تصميم جيد جداً وبسيط ومعبر

 

لذا تقييم إعلان السلسلة [ 8 / 10 ]

 

- تصميم خلفية الكمبيوتر :- فكرة بسيطة وتعامل جيد مع نظام الـ Wallpapers ,,, لكن لو كانت الخلفية تحتوى على الكثير من العمل كنا استطعنا تقييم التصميم بشكل أكثر

 

لذا تقييم خلفية الكمبيوتر [ 8 / 10 ] ،،، اختبار اختيارى لا يؤخذ به فى التقييم النهائى ولكن له دلالة خاصة

 

===============================

 

لذا فقد قمت بإجتياز مرحلة الإختبار بنسبة 80% ,,, والحد الأدنى للمرور من هذه المرحلة 65%

 

ولجنة التقييم تنصحك بالآتى :-

 

- استعمال الفرش والأشكال فى تصاميمك حتى يضفى ذلك روعة وجمال أكثر على تصاميمك

 

- الاستمرار فى زيادة معرفتك من خلال متابعتك الذاتية للدورات والدروس المتنوعة فى مجال الفوتوشوب

 

================================

مبروك أخى DESIGNER 83 ،،، فقد تم نقلك إلى مرحلة التشغيل

 

وكل ما عليك بعد الآن هو المتابعة مع المنسق العام للرابطة حتى تكون على علم بنظام التشغيل

 

ألف ألف مبروك أخى

 

كل التحية والتقدير من عميق القلب

 

[قسم الإعداد - ورشة عمل مصممي المنتدى]

بسم الله الرحمن الرحيم

 

السلام عليكم ورحمة الله وبركاته

 

أتقدم أنا أخوكم فى الله 83 DESIGNER بطلب الإذن فى السماح لى بدخول مرحلة إختبار رابطة مصممى المنتدى فى قسم الفوتوشوب

 

أطلب من المنسق العام للرابطة إعطائى الإذن بعد أن أتممت بعون الله معاينة الدروس والدورات المُقدمة لمستواي

 

ولكم عميق الشكر والتقدير

 

وعليكم السلام ورحمة الله وبركاته

 

ونحن بصفتنا [ المنسق العام المؤقت ] لرابطة مصممى المنتدى

 

نمنحك هذا الإذن للدخول لمرحلة الإختبار بعد رؤيتنا لمسيرتك خلال أقسام ومراحل الرابطة

 

فتقدم بإذن الله ودعواتنا لك بالتوفيق والنجاح

[رابطة مصممي المنتدى]

وعليكم السلام ورحمة الله وبركاته

 

لا شكر على واجب أخى الكريم ديزاينر 83

 

هل بعد ذلك يصبح فى إمكانى المرور عبر باقى أقسام الرابطة بشكل عادى وأن أتوجه إلى قسم الإعداد لأطلب الإذن لدخول مرحلة الإختبار

 

اه بالظبط كدا ,,, تمام التمام ,,, هتطلع على قسم الإعداد وتعمل رد هناك على حسب قواعد الرابطة اللى أنا حاسس إنك فاهمها كويس اوى بعون الله

 

تعمل رد حلو كدا زى حلاوة ردك فى قسم التكوين وتطلب الإذن لدخول مرحلة الإختبار ,,, بالشكل ده هنعرف بعون الله إنك جاهز

 

بعد كدا بعون الله هنديك الإذن ويبقى مصرح ليك تدخل قسم الإختبار وتشوف المطلوب منك وتشارك فيه

 

ملحوظة بس عشان منساش حاجة

 

لا قدر الله وحصل منك خطأ غير مقصود فى أى قسم من الأقسام الجاية فى الرابطة

 

الرد هينقل هنا فى الموضوع ده ويبقى حضرتك تعدله كإنه استفسار أو اى حاجة

 

أى رد مش متوافق حسب شروط كل قسم ,,, بشكل اوتوماتيك هيتحول هنا فى الموضوع ده

 

تمنياتى لك بالتوفيق والسداد وعلى لقاء قريب فى أقرب فرصة فى قسم الإعداد

 

تحياتى ليك

 

[قسم التكوين - ورشة عمل مصممي المنتدى]

السلام عليكم

 

بعد معاينتى الكاملة والشاملة والفهم الدقيق لأقسام الرابطة

 

أتقدم أنا أخوكم DESINGER 83 بتصميماتى حتى يتم تقييم مستواي فى القسم الخاص بالفوتوشوب

 

قمت بعمل ما كل ما طُلب // كل طلب على حدة حتى يسهل عليكم تقييم المستوى

 

التصميمات فى المرفقات

 

منتظر تقييمكم سادتى // واعذرونى لو كنت قصرت فى شي

 

وعليكم السلام ورحمة الله وبركاته

 

صدقنى أخى الكريم ديزاينر 83 لو قلتلك إنى مكنتش متوقع تجاوبك بالسرعة دى ولا بالطريقة الهايلة دى

 

حضرتك خلتنى مش قادر أنطق بأى حاجة خالص

 

الكمال لله وحده طبعاً ,,, بس بجد حضرتك عملت كل حاجة فى كل حاجة بالشكل اللى أنا عن نفسى أعتبره مثل ونموذج ياريت باقى الناس تمشى عليه

 

طريقة عرضك لردك - طريقة ترتيبك لتصاميمك فى الداخل - تنوع تصاميمك بالشكل اللى يكون واضح ومش يبقى مطلوب من أى حد تانى يقولك طب ورينا كمان كذا

 

اسمحلى أخى الكريم أرفع القبعة تقديراً لك ولمجهودك

 

===================================

 

نيجى بقى للتقييم

 

تصغير الصور والكتابة عليها 10 / 10

 

استخدام الماسك 8 / 10

 

استخدام البن تول فى القص 9 / 10

 

استخدام البن تول فى الرسم 10 / 10

 

دمج الصور بالبليندنج أوبشنز 8 / 10

 

عمل البنرات المتحركة 9 / 10

 

===================================

 

وعلى ما سبق نقول :-

 

مستواك أخى الكريم هو المستوى رقم 5 وتُصنف تصنيف دقيق بأنك ضمن المستوى رقم 6 لكنك لم تتمه بعد

 

ليه كدا !!!!!

 

حاجة بسيطة صغيرة اوى وأظنك هتفهمنى فيها اوى

 

البنر المتحرك لو كان أصغر من كدا ,,, كان هيوضح مهارتك أكتر وبشكل أدق ,,, لأن أغلب البنرات فى أغلب المنتديات بتكون أبعادها أقل من اللى حضرتك عرضته

 

لولا كدا كنت قلت لحضرتك إنك خلاص مستواك تعدى المستوى السادس وتقدر تدخل مرحلة الإختبار

 

عشان كدا حضرتك ممكن تتوجه لقسم الإعداد وتتابع دورة التحريك فقط [ الدروس والدورات الموجهة للمستوى رقم 6 ]

 

فى دورة التحريك وبالخصوص الفيديوهات رقم ( 4 , 5 ) ,, دى الدروس اللى هتفيدك بشكل خاص

 

وأنا على يقين أخى الكريم إنك بعون الله هتتفهم مقصدى من كلامى وتقييمى بالشكل ده

 

والله أعلى وأعلم

 

ألف ألف ألف شكر لك أخى الكريم

 

خالص التحية والتقدير

 

[يا قليل الأدب]

والله ما هتقدر تمسك نفسك من الضحك لو إنت طبيعى

 

ولو مسكت نفسك من الضحك تأكد إنك مش طبيعى خااااااااااااااااالص

 

 

http://www.youtube.com/watch?v=fr4_y_PUD0w

 

 

 

 

 

 

 

[أبو جلابية السعودى]

مصر دايماً قبلة التقليد سبحان الله يا أخى

 

متعرفش ايه حبهم فى مصر بالشكل ده

 

 

بس الراجل ده ولد ولد ولد

 

شفت بيجرى إزاى

 

فرس عربى أصيـــــــــــــــــــــل

 

[إزاى تبقى مصمم ناجح !!]

تسلم إيدك بجد .. والله دي بداية الطريق الصح للي عايز يشتغل صح.. جزاك الله كل خير

 

بارك الله فيك أخى الكريم ESLAMBIC312

 

نورت المنتدى وأسعدنى مرورك وتعليقك بالموضوع

 

إن شاء الله للموضوع بقية

 

تحياتى ليك

[رابطة مصممي المنتدى]

انا متابعة للرابطة من اول انشائها

ومعاكم ان شاء الله

احب اشارك في الرابطة يادكتور

انا بعرف فوتوشوب وبعرف مونتاج للفيديوهات

اللهم اجعل عملنا هذا خالصا لوجهك الكريم

وارزقنا فيه حسن العمل والاخلاص والثبات

 

أهلا وسهلاً بالأخت الكريمة الفاضلة بنت مصرية

 

نورتى الرابطة ,,, ربنا يبارك فيكى ويعزك

 

طبعاً مُرحب بيكى فى الرابطة ومتوقعينك إضافة جامدة اوى بعون الله

 

إن شاء الله فى أقرب فرصة نشوف تصميماتك فى قسم التكوين وبعد كدا تنطلقى حسب قواعد الرابطة

 

تحياتى ليكى أختى الكريمة

[طلبات من رابطة مصممى المنتدى]

بارك الله فيك أخى العزيز عاشق الصداقه

 

أشكرك جداً جداً على كلامك الطيب والمشجع والذى لا استحقه أبداً

 

كلنا خادمين لديننا وإن اختلفت المجالات

 

تم إجابة طلبك أخى العزيز عاشق الصداقه

 

صور + PSD

 

http://www.mediafire...chy1g7781otkoc3

 

 

أما طلبك الثانى بخصوص إعداد إكسسوارات كاملة لملفك الشخصى ( مفضلتك ) ,,, فكله مرهون بمعرفة حجم وعدد الإكسسوارات والبنرات الصغيرة ومعرفة طبيعة المقالات والموضوعات التى تريد تصميم ذلك لها

 

بمجرد إعلامنا بمثل هذه المعلومات ( ويحبذ لو كان فى ملف word ) ,,, سوف نقوم بالرد عليك فى أسرع وقت ممكن

 

أشكرك شكر خاص جداً جداً جداً على أنك افتتحت الطلبات بطلبك المنسق والموضح توضيح تام لكى تضرب المثل فى كيفية توضيح طلبك بشكل تام وكافى

 

أشكرك شكراً جزيلاً

 

تحياتى ليك

 

[رابطة مصممي المنتدى]

بحاول أفهم

 

أختى الفاضلة بسمة الأقصى

 

لو فى أى حاجة مش فهماها حضرتك بالنسبة للرابطة ,,, كل ما عليكى فقط إنك توضحى الحاجة دى سواء هنا أو عن طريق الملفات الشخصية ولو أنى أفضل المراسلة عن طريق الرسائل الخاصة

 

تحياتى ليكى

 

 

السلام عليكم

 

سيدى الكريم . أشكرك على هذه الرابطة

 

أنا كنت

أتابعها عن طريقة الزيارة فقط . وتابعت كل أقسامها والموقع عاجبنى من فترة

طويلة

 

حابب أشترك معكم فى هذى الرابطة . وقرأت كل شي إلا أنى وجدت هذا

 

 

-

أن تكون عضو بمنتديات ياللا يا شباب ( 10

مشاركات فقط كتصديق على الجدية )

 

من وين أجيب 10 مشاركات . بدك اعمل

10 مشاركات فى المنتدى لأجل أشارك ؟

 

قد فهمت كل أقسام الرابطة تكوين واعداد

واختبار وتشغيل ومستعد للمشاركة

 

اسمى ديزاينر 83 . أخوكم من

الامارات

 

ما بعرف اسوى تصاميم غير بالفوتوشوب

 

هل تقبلونى معكم

؟

 

الرجاء فى حالة الموافقة المراسلة بالبريد

 

 

وعليك السلام ورحمة الله وبركاته

 

أهلا بك أخى DESIGNER 83

 

أعذرنى لتأخر الرد ,,, كانت عندى حاجات كتيرة ومزنوق فيها بالإضافة لشغلى الخاص

 

أهلا بيك معانا فى المنتدى وأهلا بيك بصفة خاصة فى رابطة مصممى المنتدى

 

طبعاً تقدر تشارك فى الرابطة ومستبشرين خير بقدومك بعون الله

 

شرط الـ 10 مشاركات ده والله حطيناه عشان نوع من الجدية بس

 

وأظن الأمر بسيط مش صعب اوى يعنى ,,, ترد على أى مواضيع عجباك فى المنتدى وتكملهم بكل بساطة ,,, وبمشاركتك هنا تعتبر دى أول مشاركة وباقيلك 9 بس

 

أرحب بك مرة أخرى أخى ديزاينر 83 ,,, وسلامى لكل أهل الإمارات ,,, فعندى كتير جداً من الشغل معاهم فى مواقع خاصة بالتصميم والجرافيك وذوقهم معروف ومشهور فى التصاميم

 

الرجاء فى حالة الموافقة المراسلة بالبريد

 

غير متاحة هذه الخاصية أخى فى المنتدى هنا

 

لكن أقصى حاجة أقدر أعملها ابعتلك على ملفك الشخصى وهيوصلك اميل على بريدك يقولك فى تعليق فى ملفك الشخصى وكدا

 

تحياتى ليك أخى الكريم وفى انتظار مشاركتك

 

عذرا لسوء الفهم

 

ولا يهمك أختى الكريمة

 

مشكلتك ممكن حضرتك تطريحها بشكل مفصل أكتر فى قسم الكمبيوتر والبرامج لأنه تسطيب أى برنامج سواء برنامج تصميم أو غيره يُعامل معاملة واحدة

 

فحددى شكواكى فى قسم الكمبيوتر والبرامج وسوف يتم التعامل معها بعون الله

 

تحياتى ليكى

[طلبات من رابطة مصممى المنتدى]

أهلا بكم إخوانى وأخواتى أعضاء منتدى ياللا جروب

 

بعد إقرار خطوة بدء التشغيل الفعلى لرابطة مصممى المنتدى ,,, يسعدنا أن نخصص هذا الموضوع لطلبات التصميم المختلفة من رابطة المصممين

 

الرابطة ملتزمة بتوفير كافة أنواع التصاميم المختلفة التى ذكرتها فى أقسامها المختلفة حتى وإن تأخرنا بعض الوقت فى إخراج التصاميم المختصة ببعض الأقسام نظراً لعدم إكتمال القوة الدافعة للرابطة بشكل يؤهلها للعمل بنسبة 100 %

 

الرابطة ترحب بطلبات جميع فئات أعضاء المنتدى ( إدارة عامة - الفريق الإدارى - فريق العمل - شباب ياللا يا شباب - الأعضاء العاديين )

ما تسعى الرابطة لتقديمه

 

- تسعى الرابطة لتقديم هذه التصاميم ( تواقيع - صور رمزية - بنرات - إعلانات عن سلاسل أو دورات - إكسسوارات للمواضيع أو الموقع عامة - فلاشات - مجلات إلكترونية - الفيديوهات وما يتعلق بتحريرها ومونتاجها - دروس تعليمية صور أو فيديوهات - إسطوانات تجميعية - كتب إلكترونية pdf )

 

- كل ما تم تلوينه سابقاً باللون الأحمر فهو متاح حالياً ولك أن تطلبه وسوف نقوم بتجديد لون كل تصنيف حال وجود الخبرة الكافية بالعدد الكافى فى الرابطة لكى تتمكن من سد الطلبات فى كل تصنيف

 

كيف تقدم طلبك لرابطة مصممى المنتدى

 

كل ما عليك هو إتباع الآتى بشكل منظم :-

 

- طلبات التوقيع والصور الرمزية :-

 

. يُفضل ذكر 3 ألوان مفضلة لديك - ذكر النص أو النصوص التى تريدها فى التوقيع - إرفاق صورة تود وضعها بشكل خاص فى التوقيع أو الصورة الرمزية

 

. لك أن تطلب عدد 1 صور رمزية وعدد 2 توقيع كحد أقصى

 

. الحد الأقصى لأبعاد التصميم أو التصاميم مجتمعة هو 300X500 بكسل للتواقيع و 500X200 بكسل بالنسبة للصور الرمزية ,,, ولك أن تحدد الأبعاد التى تريدها فى حدود ما تم ذكره

 

. بدون تحديدك لأبعاد التوقيع الذى تريده ,,, فالرابطة تخرج تصاميم التواقيع بأبعاد 200X500 بكسل وبعدد 1 توقيع فقط

 

. خاص بالأخوة فقط :- لو كنت تريد وضع صورتك الشخصية فى التصميم ,,, يرجى إرفاق الصورة ( يستحب صورة جيدة الجودة ) فى ملف مضغوط بالمرفقات وليس بشكل مباشر داخل الرد

 

- طلبات البنرات :-

. تحديد أبعاد البنر المطلوب ووضعيته ( أفقى - رأسى ) والمكان الذى سوف يتم وضعه فيه لدعم التناسق فى الألوان

 

. فى حالة طلب بنر لأكثر من موضوع ,,, يرجى جمع روابط المواضيع فى ملف تكست وإرفاقه بالمرفقات

 

- طلبات إعلانات السلاسل والدورات :-

 

. يُفضل ذكر 3 ألوان مفضلة لديك - ذكر النص أو النصوص التى تريدها فى الإعلان - كلمات بسيطة مُعبرة عن مضمون السلسلة أو الدورة

 

. أقصى حد لأبعاد التصميم هو 400X600 بكسل ,,, ولك أن تحدد أبعاد التصميم فى حدود ما تم تحديده

 

 

- ما تبقى من تصنيفات فلك كامل الحرية فى طلب ما تريد بشرط ذكر الخطوط العريضة التى تساعدنا على فهم ما تريده

 

تذكر ولا تنسى

 

- كل ما تريد إرفاقه فى الموضوع ( صور - ملفات تكست ) ,,, يجب إرفاقه على شكل ملف مضغوط وليس بشكر مباشر أو كتابة روابط

 

- سوف يتم الرد عليك بنفس الأسلوب ولكن سوف يتم رفع ما طلبته على موقع الميديا فاير لأننا نعانى من ضيق مساحة المرفقات لدنيا

 

- سوف يتم الإحتفاظ بالملفات المفتوحة لتصميمك حتى نستطيع التعديل عليها إن أردت ذلك ولك كامل الحرية فى طلبها إن كانت لديك خبرة فى مجال التصميم

 

 

[كله بالخناق ,,, إلا دى بالإتفاق]

كله بالخنـــــــــــــــــــــــاق ,,, إلا دى بالإتفـــــــــــــــــــــــــــــــاق

 

 

 

 

 

 

 

هتاخدها واحدة واحدة وباللين هتبقى معاك قشطة لبن حليب

 

هتاخدها عند فى عند وربى وما أعبد لأطلع عينك وعين الــــ ( ..... ) ... خلينا مؤدبين أحسن

 

[جرافيك نيوز - Graphic News]

 

 

جرافيك نيوز - Graphic News

 

 

 

 

 

برنامج جرافيك مختص بكل حاجة خاصة بالتصميم والجرافيك

 

الهدف من البرنامج ده إطلاع المصمم العربى على كل حاجة تخصه وكل حاجة جديدة فى المجال ده

 

وفى هدف كمان هو إننا إزاى نوصلك لمرحلة إنك تبقى على وعى تام بكل حاجة بتحصل حواليك عشان متبقاش الدنيا كلها بتجرى وإنت واقف محلك سر

 

لا هنجيب برامج ولا لينكات تحميل ولا نعمل مواضيع ولا استنى يا عم على ما ينزلوه فى المنتدى ,,, بطلنا كل ده خالص ,,, إنتهى عصر البزازات والرضعات فى العالم كله من زمان

 

الهدف اللى باصيين له ,,, إزاى تجيب حاجتك بنفسك بدون ما تمد إيدك لحد ولا تحط إيدك على خدك فى انتظار مين يحنن عليك

 

هنساعدك بس ونمسكك أول الخيط وإنت مع نفسك بقى تطلع تجيب آخره

 

بعد كدا حابب تفيد غيرك باللى جبته ,,, اعمل موضوع وظبط نفسك واللى حواليك عشان ربنا يكرمك ويزيدك من فضله وعلمه

 

حابب تكنز وترقد عليه ,,, فوالله يا ولدى مفيش حاجة بتستخبى ولا فى حاجة دايمة

 

بس فى الأول والآخر اسمك اتعلمت تظبط نفسك بنفسك ,,, صح ولا لأ ؟؟؟

 

إن شاء الله البرنامج ملوش معاد محدد

 

وبعون الله كمان هنبقى منفتحين على العالم وهنشوف الدنيا ماشيه إزاى بره ومش هنقعد مكتفين نفسنا وملزمينها بشىء واحد وخلاص

 

هيبقى البرنامج متنوع الأساليب ( نقل أخبار - نقد فنى - رؤى شخصية - ... إلخ ) ,,, وكل ده فى سطور معدودة قليلة ,,, بس الناصح دايماً يفهم ما بين السطور

 

بكدا يبقى خلصنا الزفة الأولانية ,,, ونشوفكم على خير فى أول حلقة

 

[إزاى تبقى مصمم ناجح !!]

[إزاى تبقى مصمم ناجح !!]

[لكل عشاق ومدمنى التصميم والجرافيك - نظرة إلى هذا البرنامج المذهل]

 

لكل هاوى ولكل غاوى ولكل ناوى ,,, وقبل كل دول لكل فاهم

 

نظرة للبرنامج المذهل ده

 

 

DrawPlus X4

 

 

 

لا هتكلم كتير ولا هجيب لينكات تحميل ولا أى حاجة من دى

 

شوف إمكانيات البرنامج على اليوتيوب مع نفسك

 

 

ولو غاوى تشتغل عليه وتجيب كورسات ودروس تعليمية ليه ,,, فمع نفسك برضو

 

سلاااااااااااااااااام للجدعاااااااااااااااااااان ,,, ده كان مجرد إعلااااااااااااااااااااااان

 

 

[على فين يا ميسى]

على فين يا ميسى

 

[أعمال من الأتليّيه : Désigns de mon ATILIER]

 

طبعاً أنا مش من عادتى أعمل ردود فى أى فهارس خاصة بالمواضيع ,,, بس زى ما بيقولوا " ما باليد حيلة "

 

ومع أنى حاسس ( بس مش متأكد ) أن الفهرس كدا خلص ,,, بس قلت اكتب يا واد الرد سواء خلص أو لسه

 

كنت حابب أهديكى أختى الفاضلة الكريمة الرّام هدية بسيطة متواضعة جداً على أعمالك فى الأتيليه الجميل ده

 

أنا عن نفسى مش هاوى ولا غاوى أتابع الديكورات والحاجات اللى زى كدا ,,, لكن رؤية أعمالك أختى الكريمة خلتنى متابع بشكل دورى لكل جديد بتحطيه فى الأتيليه

 

وعشان أنا بفرح جداً جداً جداً بأى حد يعمل الحاجة بإيده من الألف للياء ويتعب فيها ويعمل بيها سلسلة مواضيع زى حضرتك كدا ,,, فكان لازم ولو تكريم بسيط من أخوكى العبد لله يعبر بيه عن شكره وامتنانه ليكى عشان أعمالك أضافت له حاجات ومهارات ذوقية

 

فدى أقل حاجة أعبر بيها عن شكرى وامتنانى ليكى على كل اللى استفدته منك بدون حتى ما تعرفى حضرتك

 

 

ومستغرب بجد لما شفت خانة الأوسمة عندك فاضية !!! - لو كان الأمر بإيدى كنت حطتلك الهدية دى كوسام فى بروفايلك

 

شكراً لكل الحاجات الجميلة اللى اتحفتينا بيها أختى الكريمة ,,, وعلى ثقة إن شاء الله إن القادم منك أحلى وأجمل

 

تحياتى ليكى أختى الكريمة

 

[قابلت خالد]

موضوع جميل وبسيط ورغم بساطته يحوى بين طياته الكثير والكثير

 

ياريت كل الأطفال والكبار كمان يبقوا زى خالد كدا

 

على الأقل مش هنلاقى كل من هب ودب يفتى فى كل حاجة بدون علم

 

بارك الله فيكى أختى الفاضلة حياتى من أجل ربى

 

الموضوع أعجبنى جداً

 

تحياتى ليكى

[ركبنى وراك آخد لفّة - ( نفسك تتعقد !! - كلاكيت رابع مرة )]

 

كالعادة ماشيين فى سلسلة نفسك تتعقد !!

 

اللى بتطوف كل مكان فى المنتدى وبتتحور على حسب كل قسم

 

 

نفسك تتعقد !! - كلاكيت رابع مرة

 

ركبنى وراك آخد لفّة ومش هلعب فى الجرس

 

http://www.youtube.com/watch?v=Edo32FG4M7o

 

 

[برنامج Adobe Captivate v5 - عملاق شروحات البرامج]

jazak allah 5eer

 

 

 

جزاك الله وإيانا أخى الفاضل

 

نورت الموضوع

 

مشكور على الشرح و على الإخبار.

إنما الروابط غير فعالة و تم حذف الملفات من السرفرات و كذلك الكي كن ملوث.

على أي تشكر على الشرح مرة أخرى.

 

لا شكر على واجب أخى الكريم

 

معك حق ,,, أغلب الروابط غير فعالة إلا روابط الميجا أبلود

 

لما عملنا الموضوع حطينا فى بالنا بفضل الله يوم زى كدا ,,, فجبنا روابط ميجا أبلود دائمة بفضل الله تعالى

 

ممكن حضرتك تحمل منها ,,, ولو كانت محجوبة عندك أو التحميل منها بطىء أو أى سبب تانى

 

ممكن تتابع الموضوع ده وهيريحك كتير اوى بفضل الله [ الجديد فى رفع وتحميل الملفات على الإنترنت ]

 

بالنسبة للكيجن ,,, فأنا عندى مفهوش مشاكل خالص [ بستعمل الـ avira اللى هو اغلس من الغلاسة ذات نفسها وبيشمشم على كل حاجة ]

 

ولو حضرتك بتستعمل أى إنتى فيرس تانى ,,, ممكن حضرتك تلغى نشاطه لحد ما تفتح الكيجن وتفعل البرنامج وترجعه تانى

 

وهو الكيجن مفهوش أى حاجة بعون الله ,,, هى بس غلاسة إنتى فيروسات

 

تحياتى لك أخى الكريم

[كورس صمم منتداك بنفسك..احترف تصميم منتديات الفي بي مع ايجي فور هوست]

جزاك الله كل خير أخى الحبيب أحمد صيام

 

معلش لو كنت اتاخرت عليك فى الرد التفصيلى وشكرك للمرة التانية بعد معاينة الكورس ,,, معلش لأنى مشغول جداً جداً

 

23 درس - واضحين تماماً - صوت عال العال - بصيغة mp4 - حاجة زى الفل ,,, تسلم إيدك

 

الكورس بيوضح حاجات مهمة جداً ومتنوعة وبشكل غاية فى البساطة

 

بسم الله ما شاء الله ,,, لا حول ولا قوة إلا بالله

 

ربنا يبارك فيك ويعزك ويرفع من قدرك وشأنك أخى الحبيب أحمد صيام

 

موفق بعون الله فى دراستك وامتحاناتك ,,, وفى انتظار كل جديد منك بكل شغف وترقب

 

تحياتى ليك أخى الحبيب

 

[قسم التكوين - ورشة عمل مصممي المنتدى]

السلام عليكم و رحمة الله و بركاته

 

 

اولا و قبل كل شيء نحب نشكرك خويا على هالمجهود هذا كلّه الواضح و على الشروحات البسيطه و اتباع الطرق المختلفه لايصال المعلومه

 

بارك الله فيك و جعله الله في موازين حسناتك

 

ان شاء الله

 

 

ثانيا و حسب المطلوب انا قمت بوضع هذا الرد لادراج التصاميم و ذلك حسب طبعا خاصيات البرنامج المستخدم ( و الذي قمت بتحديده في رد الاشتراك في الرابطه : الا وهو الفوتوشوب)

 

و قد قمت برفعهم

 

هنا

 

...............

 

 

جزاك الله عنا كل خير

 

 

.

 

 

وعليكم السلام ورحمة الله وبركاته

 

أهلا بيكى أختى الفاضلة الكريمة الرّام

 

سعيد جداً بإنك أول من تشاركى بفاعلية فى الرابطة بوعى كامل وبفهم دقيق ,,, بارك الله فيكى أختى

 

بعد معاينة تصاميمك أختى الكريمة ,,, فمستواكى هو المستوى رقم 3

 

تعديتى المستوى رقم 3 ,,, وأنتى على أعتاب المستوى رقم 4 للأسباب التالية :-

 

التعامل مع النصوص بشكل متوسط وليس بشكل إجادة كاملة

 

قص الصور ودمجها بمستوى متوسط لا يرقى لتعدى المستوى الرابع

 

لا يوجد ما يوضح استعمال أداة الـ Pentool

 

================================

 

وعلى ما سبق ,,, ننصحكى بالتوجه إلى قسم الإعداد ومتابعة الدورات والدروس الموجهة لمستواكى [ البداية من دورات ودروس المستوى رقم 4 ]

 

تحياتى ليكى أختى الكريمة

 

[ورشة عمل مصممي المنتدى]

.:: إعلان رقم 6 ::.

 

 

تمت إضافة البند رقم 11 فى ( كــــــلام بالبلدى ) ,,, وهو بند مهم جداً لكل الراغبين فى الإنضمام للرابطة ,,, يمكنك المتابعة من [ هنا ]

 

[ورشة عمل مصممي المنتدى]

.:: إعلان رقم 5 ::.

 

 

تم بفضل الله تعالى الإنتهاء الكامل من قسم الإختبار بجميع قطاعاته ,,, يمكنك الإطلاع من [ هنا ]