Dr.A7MD

تمام التمام كدا يارب تكون فاتحة خير أنا لسه حاضر جزء من المؤتمر الصحفى للمستشار طارق البشرى إن شاء الله بعون الله وحده الأمور رايحة للأحسن وأنا مستبشر خير جداً جداً جداً أهم حاجة ندى للجيش فرصة ,,, صحيح لينا زمن فاقدين الثقة بالكلية مع الدولة واستحالة ترجع بالشكل المطلق ده فى فترة بسيطة ,,, بس لازم الجيش ياخد فرصته وفى النهاية أدينا قاعدين والميدان قاعد شكراً نودى على نقل الخبر

السلام عليكم ورحمة الله وبركاته بعد بحث طويل جداً عن مشكلة عدم ظهور الصور المرفوعة على موقع ImageShack كان الحل للوهلة الأولى أن كل واحد عاوز يشوف الصور فى أى موقع أو منتدى يعمل أكونت على موقع الإيميج شيك ومن ساعة تقريباً كنت ببحث عن كبر أبعاد المشكلة فلقيت الحل الجميل جداً وممكن يكون حل أيسر وأحسن والحل ده متعلق بأصحاب المواقع والمنتديات وليس الأعضاء أو الأفراد العاديين جمعنا الحل فى شكل صور وفيديوهات من مصدرين طبعاً ده المنظر اللى بيظهر للجميع لما يجى يشوف صورة مرفوعة على الايميج شيك هتدخل على الرابط ده http://stream.images...register_domain وتسجل دومين موقعك ولما تظهرلك الرسالة دى تعرف أن العملية تمت بنجاح بعون الله بعد كدا انتظر عدة ساعات لحين يتم فحص موقعك ودومينك للأمانة العملية الحل ده منقول من موقع نوكيا الشرق الأوسط ====================================== عاوز شرح الفيديو ,,, اتفضل اتفرج http://www.youtube.com/watch?v=t25z76rCje8&feature=player_embedded http://www.youtube.com/watch?v=8ZQaeYk-PT8&feature=player_embedded منقول عن موقع افهم كمبيوتر ======================================= فى بعض المعلومات بتقول أن موقع ايميج شيك تراجع عن أسلوب تسجيل الدومين من يومين ,,, الله أعلم بصحة الخبر ده ,,, بس الواقع دلوقتى بيقول أن فى صور فى بعض المواقع والمنتديات مش بتظهر ======================================= بالنسبة للأعضاء العاديين ,,, لو بتواجهك مشكلة فى رؤية الصور المرفوعة على الإيميج شيك فى أى موقع أو منتدى ,,, كل اللى عليك إنك تسجل عضوية مجانية على الموقع وبعد كدا كل الصور فى كل المواقع والمنتديات هتشوفها بشكل طبيعى جداً جداً ======================================= شكراً لكل من ساعد فى حل المشكلة تم تجميع الحلول من أكتر من مصدر عن طريق أخوكم فى الله Dr.A7MD تحياتى ليكم

صور أبلغ من أى رد

معاكى الحق أختى بسمة الأقصى الظاهر أنه شايل مخه وحاطط ........ لو مؤاخذة يعنى ربنا مع المصريين والليبين وينصر ليبيا ويخلصها من اللى هى فيه تحياتى ليكى لالالالالالالا مظنش يقدر يتهبل أكتر من كدا هو فاكر كويس السادات عمل ايه فيه زمان لما بعتله كام طيارة وكام دبابة على الحدود واتنفخ ساعتها الصراحة ورجعله يعيطله عشان يرجعله الدبابات اللى أسرها منه هو عارف أن الجيش ماسك مصر دلوقتى والجيش مش بيهزر وأظن الجيش هدّد أنه ممكن يتدخل عسكرياً فى ليبيا لو الحكاية كبرت أكتر من كدا أيام حسنى ونظامه ولّت خلاص ,,, وهو عارف كدا كويس نورت الموضوع يا الساهر

اضحك كركر اوعى تفكر - قناة القذافى مباشر مش هتقدر تفتح مخك ============================================= الفلسطينيين أغبياء والإسرائليين أغبياء عميد الحكام العرب هو ملك ملوك أفريقيا وإمام المسلمين مكانتى العالمية ما تسمحلى إنى أنا ننزل لأى مستوى آخر ============================================= http://www.youtube.com/watch?v=Uu1vbTiUER0 ============================================= تم مونتاج الفيديو بما يتناسب مع قوانين المنتدى

هبل وغباء الأمن الليبى من كام ساعة كدا ,,, التلفزيون الليبى أذاع مقطع فيديو بيوضح فيه أنه قبض على بعض العناصر الإجرامية المخربة وهى سبب اللى بيحصل فى ليبيا وقال أن جنسيات العناصر دى مصرية ودخلو الجماهيرية أكتر من مرة والكلام الفارغ ده كله واللى هو امتداد للكلام الفارغ اللى قاله القذافى واللى ضحّك الناس كلها خدلك كرسى كدا واتفرج على إبداع الأمن الليبى فى القبض على العناصر الإجرامية دى http://www.youtube.com/watch?v=wYSLkTtTAvs ================================================ ايه رأيك بقى ؟؟؟؟ ناس ميه ميه الصراحة ,,, جهاز أمن خرافى ,,, ملوش حل الصراحة سيديهات " أحداث النهاية " واللى غالباً كل الناس عارفينها وسيديهات " أوفيس إكس بى " وسى دى للكاسبر هى دى اللى بتوضح وبتشرح للشعب الليبى كيفية التخريب !!! وجايبلك جاك شاشة لسه طالع من كيسه وبيوضح كمان أنه أداة من أدوات التخريب !!! وشوية كفرات فاضية للإسطوانات وموبايلين فى قمة التواضع كأدوات للتخريب كمان !!! طيب فين اللابتوبات أو أجهزة الكمبيوتر يا معلم !!! - طيب شغلنا الإسطوانات دى وورينا فيها ايه عشان شكلك ميبقاش وحش لما تعرض الإسطوانات بالشكل ده والناس تضحك عليك !!! معقول عناصر تخريبية ومش معاها حتة سلاح أبداً !!! - ,,, طبنجة - حتة رشاش آلى ,,, ياخى حتى فبرك الحكاية بكام حتة سلاح من عندك كدا !!! طيب فين الناس دى يا معلم !!! ,,, جايبلى جوازات سفر ممكن تكون وقعت من صحابها أو لناس هجّت من بيوتها بدون ما تاخد معاها حاجة وعاوزنى أصدقك !!! هاتلى الناس دى ورينا وشها حتى عشان تخلى منظرك كويس وفبركتك تتبلع حتى !!! ================================================ الصراحة الصراحة ,,, مشفتش غباء أكتر من كدا الصراحة الصراحة ,,, مشفتش هبل زى كدا أبداً الصراحة الصراحة ,,, مش هتكلم أكتر من كدا عشان ممكن أغلط وأقول كلام مقيت ================================================ الموضوع يعبر عن وجهة نظر كاتبه فقط ================================================ اضحك كركر أوعى تفكر ,,, فأنت على قناة القذافى مباشر

اجتماع القاعدة بعد ثورة مصر http://www.youtube.com/watch?v=AkV9ounhNMQ

تمااااااااااااااااام ,,, شغل جميل جداً بس زى ما قلنا فى اللوحة الأولى لو كان خشب ,,, فممكن شويه صنفرة للسطح والأطراف عشان العمل يبقى ناعم شوية والله أعلم تسلم الأيادى يا الرام شدى حيلك وربنا معاكى تحياتى ليكى

بسم الله ما شاء الله أختى الرام أول مرة أدخل منتدى الديكور وألاقى موضوع متعوب فيه ويستحق الرد والتقييم تسلم الأيادى اللى صممت وصورت وعملت الموضوع أعمالك جميلة وفيها هدوء وبساطة لكن أقولك حاجة ,,, لو الخامة الأساسية اللى مستخدماها خشب فيمكن كان عاوز شوية صنفرة شوية شوية صنفرة لا أكتر ولا أقل إنما العمل ككل بسم الله ما شاء الله ,,, تسلم إيدك موضوع يستحق الرد والتقييم لأنه متعوب فيه بجد تحياتى ليكى

خليه ,,, هو زنق نفسه ,,, دخّل نفسه فى حارة سد كان قدامه مخرج يحفظله ولو حاجة بسيطة من هيبته وكرامته هو مش فاهم للأسف إنها كبرت فى دماغ الشعب ,,, أيوه كبرت ,,, ترحل يعنى ترحل لو كان قال البوقين دول بعد 28 يناير كانت الدنيا هديت شوية إنما هو راسه وألف سيف يناطح قصاد الشعب ماشى هنشوف دماغك ولا دماغ الشعب دلوقتى كل حاجة فى يد أبطال التحرير وفى يد الجيش ,,, ويمكن بدرجة أكبر فى يد الجيش وعلى رأس السادات لما ضرب مراكز القوى قال " هنشوف الشعب هيقف مع مين " تلف الأيام وتدور وبنقول " هنشوف الجيش هيقف مع مين " يومين أو تلاتة بالكتير إن مكنش أقل من كدا وهنشوف الدنيا رايحة على فين شكراً نودى على متابعتك للأخبار ربنا يسترها

الصبر يا أستاذ عمر صبرك بالله بس أصل بالعقل كدا حاجة ليها 30 سنة كاتمة على صدر الكل مش هتطلع بالساهل كدا عيبنا بس أننا مستعجلين شوية ومش عندنا صبر صبرك بالله بس ,,, دى حلاوة روح ,,, صبرك بالله كل المؤشرات دلوقتى بتقول أن الكورة بقت فى ملعب الجيش صبرك بالله وهتشوف هيحصل ايه بكره بعون الله أنا عن نفسى مطمئن خااااااااااااالص ,,, بس نفسى بس الشعب كله يبقى يد واحدة ويفهم وميحطش عقله فى رغيف عيش وأنبوبة بوتاجاز صبرك بالله

Game Over

معاك حق يا محمد ويمكن أشرت للحتة دى فى موضوع ( رسالة إلى كل أعضاء منتديات ياللا يا شباب فى أحداث مصر ) حرية الرأى مكفولة من أكبر واحد لأصغر واحد أنت تعبر عن رأيك وأنا أعبر عن رأى ,,, يا تقنعنى يا أقنعك إنما وبقولها بكل صراحة ووضوح وأجرى على الله إنما الإسلوب اللى كان يدار بيه النقاش كان أسلوب تهكمى وفيه إشارات فى كتير من الأحيان متعجبش صاحب الموضوع إطلاقاً لو الأسلوب ده كان يمشى فى أى قضية نقاش ,,, ففى حالة أحداث مصر ميمشيش بتاتاً احنا اللى ادينا فرصة لناس تغلط وتطول لسانها وادينا فرصة لناس تزعل مننا مش عشان اختلاف الرأى ,,, عشان أسلوب طرح الرأى والمشاركات موجودة والردود موجودة مش هنروح بعيد وعشان فى حرية رأى برضو ,,, أنا مش موافق على حتة تعليق مشاركاتك إلى أجل غير مسمى اللى عاجبك رد عليه يا محمد واللى مش عاجبك وأسلوب النقاش فيه مستفز ولا تحطه فى بالك ربنا يصلح الحال ,,, كلمتين لوجه الله عشان الكلمة والنصيحة أمانة ولازم توصل حتى ولو الناس خدت على خاطرها تحياتى ليك أخى الحبيب

بالفيديو من قناة المحور تعيين حسام بدراوى أميناً عاماً للحزب الوطنى وأميناً للجنة السياسات استقالة هيئة مكتب الحزب الوطنى رسالة طالب إلى المتظاهرين فى ميدان التحرير http://www.youtube.com/watch?v=dPeP3dpPpXo ============================================ الفيديو تم تحميله من أحد المنتديات وتم رفعه على اليوتيوب الفيديو لقناة المحور وما نحن إلا ناقلون ============================================ يا مسهل يارب دى لو واحدة بتولد ,,, ولسه بكرية ,,, كانت ولدت من زمان

استغفر الله العظيم ,,, استغفر الله العظيم ,,, استغفر الله العظيم حدة وشدة فى الكلام من باب الحماس الزائد وتتقال كلمات تثير اللى يشوفها ونقل كلام زى مهو يتاخد على أساس أنه كلام موجه لرد شخص معين ويتحول مجرى الكلام لسب وشتم بدون أى داعى ,,, لا أخلاق ولا مراعاة شكل عام ولا أى حاجة خالص وأنت ياللى اسمك حسونة زان ,,,, متلم نفسك شوية طايح كدا وواخد فى وشك ولا كأن فى حد قدامك ,,, ده حتى ياخى لو تعرف أسس الإسلام حتى هتعرف أن أغلبه معاملات قبل العبادات لسانك رايح جاى تشتم فى ده ودى ومصر كمان أن لسانك شغال علطول ده أسلوب نقاش بذمتكم ,,,, دى صورة عدلة للحوار بالله عليكم المفروض النقاشات اللى تتطور وتبتدى ألفاظ خارجة تكون فيها يتقفل الموضوع ويتكتب فيه سبب غلقه ليه نبدأ مناقشتنا بشرارة منعرفش ردود الناس هتبقى ايه تجاهها وياخد النقاش مسار تانى خالص ايه حصلكم ايه !!!! ,,, ده الشيخ محمد حسان مهما انفعل مطلعتش كلمة واحدة منه تتمسك عليه ولا اتهم فيها حد عاجبكم المنظر ده !!! حاجة تقرف وتسد النفس استغفر الله العظيم ,,, لا اله الا الله

بسم الله والصلاة والسلام على سيدنا محمد عليه أفضل الصلاة والسلام أخوانى / أخواتى أعضاء منتديات ياللا يا شباب هنتكلم بالعامية عشان الكلام موجه بالخصوص لشعب مصر أظن الكل عارف كل اللى بيحصل فى مصر دلوقتى وأظن برضو أن فى كتير جداً جداً جداً من البلبلة والإتجاهات المختلفة فى تقييم وتقدير الأمور وأكيد أكيد أن مش كل الناس بتفكر تفكير واحد ولا كل الناس مجتمعة على توجه معين فى الفترة دى وفى لغط كبييييييييييير جداً جداً جداً فى كل الأمور وسببه أن فى كتير مننا ومش عاوز أقول أغلبنا معندوش وعى سياسى كافى ولا يعرف المطابخ السياسية شكلها ايه بالظبط أرجووووووووكم يا شباب ,,, أرجوووووووووووكم ,,, كل طرف يبقى حنين على الطرف التانى أنت ليك رؤية وفكر ورأى معين فى الأحداث الجارية ,,, طّلع رؤيتك وفكرك ورأيك ده بأسلوب متزن وهااااااااادى فى شكل موضوع حاول تلم فيه رؤيتك لكل النقاط المتاحة دلوقتى على الساحة لما تلاقى عضو ما سواء مسجل دلوقتى أو من زمان أو أى أى عضو بيطرح رؤيته للأحداث الجارية بشكل يختلف عن اللى فى دماغك حتى لو هيخلى دمك يفور أرجووووووك ,,, أرجووووووووووووك ,,, رد بصورة متخليش صاحب الموضوع يحس أنه متهم بأنه من أنصار جهة معينة أو عاوز خراب البلد أو داخل يرمى كلام وخلاص مش قادر تعمل كدا ,,,, يبقى بالله عليك اخرج واهدى شوية وارجع رد بشكل هادى ميخليش الناس تنفر من ردك ولا أسلوبك الشعار من فوق [ مصرية .. فورية .. حيادية ] ,,, أرجوكم طبقوا الشعار ده طّلع كل اللى جواك فى موضوع شامل لكل النقاط اللى حابب تتكلم فيها كإنك بتحاور نفسك ولما تلاقى موضوع يفور دمك ,,, حط لينك موضوعك كرد على اللى مش عاجبك كلنا مصريين ,,, مظنش أن فى حد أيا كان عنده حماس أو بيفكر بعقلانية شوية أو حتى خايف على مصلحة البلد ,,, مظنش أن فى طرف يقدر يخون الطرف التانى التفكير ده ممنووووووووووووووووووووع بشكل مطلق أنت ليك رؤيتك وأنا ليا رؤيتى ,,, نتفق أو نختلف ,,, كلنا بنحب مصر لا تزايد عليا ولا أزايد عليك ,,,, لا تقولى أنت من أنصار حزب وطنى أو داخل ترمى كلمتين وخلاص ولا أنا أقولك لا ده أنت إخوان أو عميل أو أو أو ....... إلخ الأيام دى محتاجة مننا أننا ننتقى ألفاظنا وكلماتنا عشان هى دلوقتى وبالخصوص أخطر من أى سلاح دلوقتى هتلاقى ناس قبل كدا كانت بتترمى فى أحضان الحزب الوطنى عشان أى مصلحة مهما صغرت ,,, دلوقتى هتلاقيها بتشتم فى أم الحزب ومشردة مبارك وهتلاقى العكس صحيح ,,, وكلامى ده مش مجرد كلام وخلاص ,,, أنا عارف بقول ايه كويس جداً ,,, ولا الوقت ولا المجال للحوارات دى أرجوكم يا جماعة بلاش نزايد على بعضنا عندك قدر من الثقافة السياسية وتقدر تتكلم فى الأحداث ,,, اتكلم بموضوعية واطرح رؤيتك وأفكارك بكل أدب وإتزان فى الألفاظ وضبط النفس مش عندك ثقافة يبقى خليك ساكت بالله عليك عاوز تنقل أخبار انقل براحتك بس لازم تحط المصدر من تحت وياريت قبل ما حد يتكلم ,,, ياريت يحضر لقاء الشيخ محمد حسان فى برنامج 48 ساعة ,,, لقاء مدته 58 دقيقة احضر اللقاء قبل ما تنطق كلمة وبعدها شوف أنت بتكتب ايه وبتعمل ايه الحكمة يا شباب ,,, الحكمة يا شباب ده أكتر وقت محتاجين فيه نتعامل بحكمة اسمع تعريف الحكمة لإبن القيم على لسان الشيخ محمد حسان ربنا يبارك فيه http://www.youtube.com/watch?v=oqrcxvMtmjo ========================================== اللهم إنى بلغت ,,, اللهم فأشهد

سقوط الفرعون الأخير

نورت يا مستر حمدى

رسالتى لكل مصرى ,,, احتكم لصوت العقل محدش فينا يقدر ينكر أن اللى بتمر بيه مصر دلوقتى يعتبر فتنة من أكبر الفتن اللى ممكن تشوفها البلاد بس للفتنة دى أصول وتاريخ ,,, وعشان تقدر تحكم يبقى لازم تكون قادر تفكر كويس جداً وتشوف بعقلك قبل عينيك هكلمك بموضوعية شديدة وأنت تقرر هتبقى مع أو ضد مش هكدب عليك وأقولك أنا حيادى وكل الكلام الفارغ ده ,,, محدش فينا حيادى بنسبة 100 % ,,, كل واحد فينا بتكون له قناعة ومرجعية وبيكون عنده مدى فى الحوار مع الآخر سواء مداه ده واسع أو ضيق ومش هلعب على وتر العاطفة الحساس عندك لأن اللعب بالعاطفة بيخلق حالة تغييب عقلى على كافة المستويات تخليك تصدق مثلا أن الإنسان هو اللى عض الكلب وليس العكس !!! كلامى هيكون عبارة عن نقاط وهسيبلك الحكم فيها بعقلك ودماغك وأنت تقرر ,,, هبعتلك إشارات معينة تفتحلك موضوعات كتير وأنت بعقلك تكمل بقية الصورة رسالتى لكل مصرى ,,, [ رسالة للنظام - رسالة للثورة والمعارضة - رسالة للشعب المصرى ] رسالة للنظام - 30 سنة حكم ,,, شوف الإمارات والسعودية وتركيا والصين وأندونيسيا وماليزيا وبقية الدول التى لا تمتلك ربع اللى تمتلكه بلادك و اللى بدأت مسيرة التنمية معاك ,,, هى وصلت فين وأنت وصلت فين !!! - افرض معايا كدا ومعلش فى اللفظ أن دماغ كل الشعب المصرى تفكيرها سىء والشعب كله عنده سوء نية وأنت الوحيد الطاهر النقى العفيف الشريف ,,, معينتش ليه نائب للرئيس من زمان وقطعت حبل أفكار الشعب فى قضية التوريث وحسمت الأمر ده من زمان ,,, لو كانت نيتك صافية !!! - أيام حادثة القديسين ,,, طلعت بعدها بساعات ... المرة دى والشعب كله كله كله مولع طالعلى بعد 4 أيام وكمان هتقولى أنا شلت الوزارة !!! ,,, هو الشعب ده ايه بالظبط ,,, بنى آدمين ولا حيوانات !!! - تخيل معاى كده ,,, الداخلية كلها ماسكة الحكاية من يوم 25 يناير وعددها وعتادها يخليها تتمركز فى أى مكان لأى فترة زمينة ممكنة وحصل فى حركات احتجاجية كتير جداً ,,, هل تقدر الداخلية كلها تنسحب بقرار حبيب العادلى بس !!! ... هو مجنون عشان يدى قرار انتحارى بالشكل ده لوحده بدون ما تكون حاجة جايه من فوق !!! - أحمد عز كاتم على نفس الشعب كله من زمن طويل ,,, وياما الناس قالت وكتبت وصرخت ,,, مال وسلطة وأمانة حزب وطنى وبجاحه قدام الوزارء فى المجلس ,,, لو قلنا بحسن نية إنك متعرفش كل ده فده فى حد ذاته مصيبة عشان بصفتك رئيس حزب حتى مش رئيس جمهورية ,,, أما بقى لو كنت عارف وشايف وساكت ومطنش فدى جريمة كافية أن الشعب يحاكمك ,,, معاى ولا لا !!! - زمان كنت بتقول أن المادة 76 كدا زى الفل عشان لازم رئيس الجمهورية اللى يجى لازم يكون تقيل مش أى حد شبيح يطلع يمسك الحكم ,,, طيب دلوقتى بتعرض تعديل المادة دى ليه مدام أنت مقتنع أن شكلها حلو اوى كدا !!! ,,, هتقولى مطالب شعب ,,, طيب الشعب طلب الحاجة دى من يوم بس !!! ,,, ولا هى السياسية لا تحتكم لا للأخلاقيات ولا لمبادىء عشان كدا قررت تغير !!! - زمان كنت رافض الحوار مع الإخوان المسلمين وبتعتبرها جماعة محظورة وهى سبب كل البلاوى [ مع إنى لا مقتنع لا بسياسات الإخوان ولا بكل تحركاتهم بالمرة ] ,,, دلوقتى بتتحايل عليهم إنهم يدخلوا فى حوار معاك ليه !!! ,,, سبحان الله بجد عليك يا شيخ - طالع كل شوية تتنازل قطرة قطرة !!! ,,, منت لو حاسس أن كل اللى عملته وكل سياساتك كويسة والشعب هيكون معاك واللى فى الميدان دول اللى انت لسه مصر على إنهم فئة مندسة ومغرر بيهم ما هم إلا أقلية وبقية الشعب معاك طالع ليه تغير كل حاجة عملتها !!! - فين رجالتك من أول يوم تظاهرات !!! ,,, لا حكومة ولا رئيس مجلس شورى أو شعب ولا بتوع حزب وطنى أو أى حد ولا حتى أنصارك من الشعب ,,, كنت واقف بطولك والكل تخلى عنك ليه ساعتها !!! - خلينى معاك فرضاً أن دى مؤامرة خارجية سواءً إسرائيل أو أمريكا أو إيران أو اى دولة ,,, هل تعتقد أن لو ليك رصيد عند الشعب أو الشعب واثق فيك كانت المؤامرات دى هتؤثر فيه !!! - ياما مرت علينا ظروف اقتصادية كتير أيام بناء السد أو النسكة أو حرب أكتوبر ,,, وكان سهل جداً جداً أن مصر تقع ساعتها لو دخل عليها أى مخطط خارجى ,,, اشمعنى دلوقتى !!! - قولى صحيح ,,, الناس اللى بره باعتك فجأة كدا ليه !!!! - اه صحيح ,,, رمز مصر ميصحش أنه يتهان أبداً ,,, بس الأولى أن رمز مصر يحترم مصر والمصريين قبل كل شىء ,,, صح ولا لا !!! - بتقول إنك مستعد للحوار بقلب مفتوح ,,, هل تقبل إنى أحاورك وأناقشك على مرأى ومسمع من الشعب كله !!! رسالة للثورة والمعارضة - فى كل ثورة بتطلع ناس شبيحة ,,, كل واحد بمصلحته بقى ,,, ناس جعانة - ناس عاوزه الخراب - ناس متسلقة على أكتاف غيرها ,,, كل ده مش بيعيب الثورة فى حاجة ,,, بالمعنى البلدى كدا عمرك ما هتكسب بدون خساير ,,, بس شوف نسبة مكاسبك لنسبة خسايرك - ثورة شبابية عفوية طاهرة نقية ,,, حلو اوى اوى ,,, يوم - اتنين - تلاتة ,,, بعد كدا لازم تبقى ليها قيادة ولازم تبقى كل الشعارات موحدة ,,, وفى فرق كبير بين المطالب والشعارات ,,, الشعارات تتضمن المطالب وليس العكس ,,, وحد الشعارات كلها حتى لو اختلفت المطالب عشان الرسالة تبقى واحدة ومتخليش حد يقولك أهو أنا لبيت المطلب الفلانى على أساس الشعار الفلانى - بتعجب اوى اوى من المعارضة ,,, طووووووووووول عمرها منقسمة ومختلفة بين بعضها ,,, اه أنا أقبل كذا ,,, التانى لا أنا مش قابل كذا ,,, دى فرصة ذهبية يا جماعة ,,, متخلوش النظام يستغل الحتة دى - كل الناس بتاعه المعارضة حرقت نفسها ,,, بس هل يا جماعة حد شاف عمرو موسى وسط الزحمة دى كلها !!!! ,,, الراجل قاعد هااااااااااااادى جداً وبيقول كلام قوى جدا وتقيل جدا جدا جدا ,,, هل رخص نفسه فى وسط كل فوضى المعارضة !!!! ,,, كل الكروت اتحرقت بصراحة ولو جات الإنتخابات الجاية موقف عمرو موسى ممكن يحسم الحكاية بشكل شبه مطلق ,,, خلى بالك من الحتة دى كويس - كل اللى حاصل دلوقتى ,,, إزاى تضرب شرعية الناس اللى فى التحرير دول ,,, هتلاقى لعب سياسى من أوسخ وأقذر ما يمكن عشان تحول النظرة للناس دى من أنها ثورة شعب بجد لثورة ناس خاينة مش عاوزه مصلحة البلد - مفيش تغيير بالساهل يا جماعة ,,, على قد طول المدة [ 30 سنة ] على قد التمن اللى هيندفع على قد المكسب اللى هتكسبه بعد كده ,,, دلوقتى احنا بنربى جيل جديد بتكلفة زمنية بسيطة جداً مادية كبيرة جداً بس قادر على القفز بمصر بعد كدا لمستويات بعيدة جداً رسالة للشعب المصرى - الطيبة والتسامح والحنية اللى فيك متنفعش فى كل الأوقات ,,, فى أوقات بتحدد فيها مسيرة أجيال مش جيل واحد ,,, ومش أى حاجة تتنازل عنها ولا فى أى وقت - النظام دارس نفسية الشعب المصرى كويس بكل طوائفه بكل أعماره وعلى الأساس ده بيعامله بسياسة التجويع والخوف والترهيب عشان يسلم بكل سهولة - النظام نجح بأسلوب شيطانى فى أنه يضرب مصر بحتة مش مجرباها أبدا ,,, حتة الأمن والأمان ,,, شعب مصر طول عمره حاسس بالأمن والأمان ,,, لما تضربه فى الحتة دى اللى مش متعود على غيابها لازم هتحصله صدمة أكيد ,,, النظام بيقول للشعب [ شفتوا من غيرى حصلكم ايه !! ] - كفاية يا شعب أنك تدور على مصلحتك فى الأكل والشرب وتفكر هنجيب رغيف العيش بكره بكام ومنين ,,, ده ربك اللى بيرزق مش حسنى مبارك - أغلبية الشعب المصرى اللى ساكت مغلوب على أمره ,,, بيقول دايماً [ طيب لو وقع هنعمل ايه !!! ,,, لو قعد هنعمل ايه !!! ,,,, لازم نمسك العصاية من النص عشان نعرف نعيش ] ,,, يا شعب أقسم بالله الحكاية مش حكاية سنة ولا اتنين ,,, دى ثقافة سياسية لأجيال بعد كدا ولازم نحددها من دلوقتى - بتعجب وبأسف والله العظيم لما أشوف شباب مغيب تماماً يقولك [ يا عم انا مع اللى يوظفنى ويشغلنى ويجوزنى ... مليش دعوة بأى حاجة تانية ] حرااااااااااااام والله بجد - ليه مصر يا شعب على أن اللى خلق حسنى مبارك مخلقش حد غيره استغفر الله العظيم ,,, ليه قاصر تفكيرك أن محدش شايف صالح مصر غير حسنى ولا حد فى بر مصر كلها بيحب مصر قده !!! ,,, ليه التفكير الغبى ده - مهما يحصل ومهما أعارض ومهما أقول ,,, مينفعش أشتم وأقول سافل وكلب وأطلع أجيب صور وأحط جزم عليها ,,, مهما يكن الإنسان حتى ولو كافر مينفعش أهين خلقة الله بالشكل ده ,,, مفيش شيخ أو داعى مهما كان معارض شتم أو سب أو قال كلمة ميسمحش بيها لا الإسلام ولا الشرع ,,, قول زى منت عاوز ,,, ظالم - مستبد - ديكتاتور ...... إلخ ,,, كله إلا السب والشتم والاستهزاء بخلقة الله ,,, خليك متمسك بدينك وخليك حضارى - لو كان فى تخطيط ومؤامرة على مصر من الخارج ,,, محدش ليه كشف المخطط وتمت إذاعته إلا بعد خطاب حسنى الأخير !!!! - هل تعقلها بدماغك كده ,,, واحدة تطلع تقول أن اتعلمت فى مكان كذا وكذا وكذا إزاى يتم إسقاط الحكم وهى عارفه ومتأكدة أن دى تعتبر خيانة للوطن وهتتعدم فيها ويكون مبررها الوحيد أنها سمعت حسنى بيقول 30 سنة خدمت البلد وهعيش وأموت هنا وهىء هىء واااااااااااء وااااااااااااء وكل الهبل ده !!!! - اشمعنى يا شعب يا صامت طلعت مظاهرات تؤيد حسنى بعد خطابه الأخير المدغدغ لعواطف الشعب ,,, الناس دى مطلعتش ليه من يوم 25 يناير أو جمعة الغضب يوم 28 أو حتى بعد كدا !!! ,,, فكر بعقلك - كلام واحد من جوا الحزب الوطنى ذات نفسه بيقول [ عندنا دلوقتى 3 معضلات : معضلة سياسية - معضلة أمنية - معضلة دستورية ] ,,, هل يقدر حسنى يعمل كل حاجة معملهاش فى الـ 30 سنة اللى فاتوا فى ظل وجود كل المعضلات دى اللى ممكن لأى حد أو جهة أنه ينقض أى قرار يتم اتخاذه فى الفترة دى لوجود المعضلات دى وندخل فى دوامة ملهاش آخر !!! ,,, ومين السبب فى المعضلات دى ,,, الشعب هو السبب !!!! - يطلع واحد ومش عاوز أوسخ لسانى وأتلفظ ألفاظ مترضيش الناس ,,, يطلع واحد فى التلفزيون الرسمى الموجه توجيه أعمى لحماية النظام ويقول [ جزمة مبارك فوق راسى وفوق مصر ] !!!! - فى استراتيجيات الحروب بيقولك [ لما تكسب أرض إياك تتزحزح من عليها ,,, تقدر تناور بقواتك ,,, ترجع تتقدم ,,, تعمل مهما تعمل بس عينيك دايماً أن الأرض دى متروحش من تحت رجليك ] ,,, حاول تفهم ما بين السطور هتلاقى المعنى بوضوح - بعد كل ده هقولك كلمة واحدة بس ,,,, أنت العامل المؤثر الوحيد فى بقاء النظام أو زواله ,,, التاريخ هيكتب عليك ,,, نجحت أم فشلت ,,, فاقت الأمة أم ماتت أحب أختم بكلمة سمعتها لأردوغان [ محدش واخد منها حاجة ,,, كلها مترين فى متر وكفن هنتلف فيه ] حدد يا شعب مصيرك بإيدك كتبه فى يوم 3/2/2011 طبيب مواطن مصرى حر ط / أحمد حافظ أبو الحمد

على خلفية أحداث يوم الغضب المصرى ياااااااااارب اكرم شعب مصر

نورتى الموضوع أختى فى الله شكراً لكلامك الطيب ,,, بارك الله فيكى ولا يهمك الفرص جاية كتير بعون الله تحياتى ليكى