Dr.A7MD

تصدق بالله ,,, عارف ,,, أنا كنت بتابع الأخبار من كام موقع كده إنما والله موضوعك يا مستر حمدى وقفنى بجماله وشموليته وتنوعه وبشكله الجميل ايه يا راجل الحلاوة والجمال ده كله ,,, كان فين الشغل ده من زمان فى ياللا جروب بسم الله ما شاء الله ,,, ألوان وأخبار متنوعة مدعمة بالصور والفيديوهات وتنسيق 100 % ضئيل والله لما الواحد يشوف حلاوة بالشكل ده ,,, تسلم إيدك يا مستر حمدى الموضوع المفروض والله يتعمل كملف ويتحط فى الصفحة الرئيسية تحت مسمى [ يوم الغضب المصرى ] ============================================================== بالنسبة بقى لكل اللى حاصل من امبارح فهقول كام كلمة كده الله عليك يا شعب مصر ,,, الله عليك يا شباب مصر يمكن من كام يوم كدا كنت فى مصر بخلص شوية ورق فى وزارة الصحة فى وش مجلس الشعب والشورى عدل كانت البشاير هالة فعلاً ... ناس محتجة وواقفة وليها مطلب معين وسادين شارع الفلكى أو الأمن حجزهم هناك يعنى بعد مشكلة الراجل اللى حاول يولع فى نفسه ناس والله شكلها شيك جداً فارشة فطارها على العربيات وبيفطروا وشكلهم كدا محتجين من الصبح بدرى جداً شتان بين إنك تشوف احتجاج فى التلفزيون كده كخبر عابر وإنك تشوفه قدام عينك وتحس بالناس اللى حصل امبارح بالطريقة دى بالكيفية دى بالأسلوب ده مش بيوضح إلا حاجة واحدة بس بيوضح أن الشعب المصرى أكتر واحد خايف على مصلحة بلده كانت ممكن تحصل مصادمات كبيرة مع قوات الأمن ومحصلتش كان ممكن يحصل تكسير ومحصلش كانت ممكن تحصل ألف حاجة وحاجة تضيع شكل اليوم الجميل ده إنما محصلتش عشان الشعب معندوش مشكلة مع العسكرى الغلبان اللى واقف قصاده ولا عنده مشكلة مع عربيات الأمن اللى متعبية عساكر زيهم زى الشعب كله طافح المرار شعب مصر أحرص على ممتلكاته من أى حد تانى ======================================================= مشكلتنا الحقيقية فى مصر التغيير ,,, نفسنا نشوف وجوه جديدة التغيير ده سنة الحياة والكون ,,, لما تقف قصاد سنة الكون هتبقى بارد والناس هتكرهك حتى ولو ملهمش مشكلة حقيقية معاك هقولها بكل صراحة ووضوح وناس كتير هتعتبرنى منافق ,,, بس بقول كلمة حق لوجه الله مفيش مشكلة فى شخص حسنى مبارك على البعد الفردى أو البعد الإنسانى كشخص وكإنسان مفيش أى مشكلة معاه خالص ,,, بس كونه أنه قاعد فى الحكم طول الفترة دى فده هيخلى الناس تكرهه بدون أى شىء ,,, سبب كافى جداً للكراهية مفيش تغيير فبالتبعية الأكيدة هيكون فى إحساس بالموت فى الأجيال الجديدة وفساد وظلم وقهر حتى ولو الراس الكبيرة اللى فوق صفاتها الشخصية مش كده وحقاً وإنصافاً الشعب المصرى ذات نفسه مطالب بالتغيير فى أوجه كتير زى ما بيطالب بتغيير الحكومة وتغيير النظام السياسى مهى الحكومة دى جاية منين !!! جاية من موريتانيا مثلاً !!! مش لاقية شغل هناك فجاية تفرد عضلاتها علينا هنا !!!! مهى من الشعب والأفراد اللى فيها من الشعب متربيين على تربية الشعب الشعب المصرى مطالب بالتغيير للأفضل عشان هو ذات نفسه يقدر يضغط على أى حاجة قدامه عشان يغيرها لازم يتغير للأفضل فكرياً واقتصادياً وأخلاقياً عشان يقدر يغير أى حكومة مش عجباه إنما تيجى أنت على مستوى الأسرة والمجتمع المصرى وتطرح حاجة جديدة مثلاً هتلاقى الجواب ايه لا يا بنى خلينا فى المضمون واللى متعودين عليه ,,, يابنى مشى أمورك وكل عيش ,,, هو أنت مش عاوز تعيش ,,, يابنى ابعد عن السياسة وخليك فى مصلحتك وبس كلام كله خوف وجبن ,,, ومتقوليش الحكومة هى اللى عملت كده فى الناس ,,, احنا اللى عملنا فى نفسنا كدا وتربيتنا وعيشتنا كلها أغلبها غلط فى غلط لا حد دلوقتى بيراعى ربنا فى شغله ولا دراسته ولا أى حاجة وتتعجب ياخى لما تشوفه آخر الشهر فاتح حنجرته كدا عشان المرتب قليل !!!! الحكومة مش غبية على فكرة ,,, فهمت طبيعة وتربية الشعب المصرى وعلى أساس كده بتتصرف فهمت وعرفت أنها هى اللى بتحرك الشعب مش الشعب اللى بيحركها واليوم اللى هنفهم ونعدل فيه المعادلة أننا اللى بنحرك الحكومة وأنها هى اللى بتخدم علينا مش احنا اللى بنحدم عليها هيتعدل حالنا بضحك جداً جداً جداً من الناس اللى بتشوف أى مشكلة فى البلد وتطلع تقول أصل مبارك وجمال وابنه اللى بيحضره وهيمسك الحكم والحكومة زانقة على الشعب عشان تيجى بجمال كمخلص لعذاب الشعب بضحك جداً لما اقرى الكلام ده !!!! ,,, اللى بيقول الكلام ده لا فاهم طبيعة الشعب المصرى ولا عارف هيقوم امتى ولا هينام امتى ولا ساكت ليه ولا حاجة خالص استحالة تعرف امتى هيتحرك الشعب المصرى ,,, يعنى قبل امبارح كان أكتر المتفائلين بيقول [ دول كلهم 200 واحد آخرهم لما يتجمعوا وتفرقهم عربية أمن مركزى ] ,,, شوف اللى حصل ايه !!! وتلاقى بعض الناس لما تكون مدايقة من حاجة تسب وتلعن فى الشعب المصرى وتكفر مصر وشبعها !!!! ,,,, طيب مدام مش عجباك مصر قاعد فيها ليه !!!! طيب حكومة مصر مش عجباك ,,, مالك ومال أهلها وتحكم على أهلها ليه !!! عندنا أزمة فكر جاااااااااااااااااااامدة جداً جداً جداً أنا واحد من الناس ,,, يمين بالله أحاسب عليه أمام الله ,,, أنا عندى مصر أحسن من أى بلد تانى أنا عشت بره مصر وحسيت فعلاً بطعم الغربة مع أن كانت العيشة بره مصر كمستوى أحسن بكتيررررررررررر إنما مهما لفيت وشرقت وغربت والله العظيم ما هتلاقى أحسن من بلدك شعب مصر يمين بالله من أحسن شعوب الأرض ,,, بس حسسه أنه شعب وله آدميته وإنسانيته شعب مصر ده اللى علم الدنيا كلها كل حاجة فى أى حاجة شعب مصر ده اللى لما بيطلع بره بيفرض نفسه على أى حد تانى ويبقى هو رقم واحد شعب مصر هو اللى كان بيقود كل شعوب المنطقة شعب مصر هو اللى كان لما بيطلع موسم للحج زمان كان بيوكل الناس فى السعودية عمرى ما انسى أبدا لما كنت فى السعودية لما صاحب السكن قال كلمة حق قال [ عمرى ما انسى جميل المصريين أبداً عليا ,,, كنا نستناهم فى مواسم الحج عشان ناكل ] ومش لاقى كلام أختم بيه إلا كلمة سمعتها من محمد صبحى فى صالون المستكاوى لما قال [ شعب مصر بيعشق مصر لدرجة أن بقى بيعشق عذابها كمان ] الله عليكى يا مصر وعلى شعبك تحيا جمهورية مصر العربية موضوع يستحق التوقف والرد والتقييم

الدرس الرابع

بسم الله ما شاء الله ,,, لا حول ولا قوة إلا بالله لا بصراحة جامد يا مستر حمدى جمال وحلاوة وشياكة وخير لوجه الله لا يعلم مقدار ثوابه إلا الله ألف ألف ألف شكر ليك يا مستر حمدى على السلسلة دى أنا حملت مذكرة خامسة إبتدائى ترم أول ... بصراحة طريقة المذكرة من جوا تحفة بمعنى الكلمة ألوان وترتيب وصور وحركات تشجع الطفل أنه يذاكر ... بصراحة حاجة فوق الممتاز بس أنا ليا رأى وياريت صدرك يتسع ليه ايه رأيك لو تطلع المذكرات بصيغة Pdf أكروبات ريدر ,,, هيكون شكلها أجمل بكتير وأكبر وعدد الصفحات هو هو مفهوش أى إختلاف يعنى مذكرة خامسة ترم أول حوالى 4 ميجا ,,, لو هى Pdf هتطلع حوالى 6 ميجا وبعد الضغط هتبقى كمان 2 ميجا بس بس طبعاً المذكرة هتكون واضحة بشكل كبير جداً وده مثال http://www.mediafire...rtoh33pf3903s8h ممكن تقول أكروبات ريدر والعيال مش هتعرف تتعامل مع الملف وكدا والإجابات اللى جوا المذكرة ,,, كل ده ممكن بس متهيألى مفيش كمبيوتر دلوقتى مش عليه أكروبات ريدر والعيال دلوقتى مش زى عيال زمان وبالشكل ده تحفظ المذكرة من أى تعديل أو حذف يحصل عمداً أو بدون قصد لو العيال لعبت فى المذكرة بشكل أو بآخر ده بقى أول هام ,,, تانى هام بقى ايه رأيك لو تحط كلمة Smart اللى فى البنر اللى من فوق خااااااااالص فى الموضوع كإفتتاحية كل مذكرة !!! .... هتعمل شغل حلو اوى بدل ما تدخل فى المذكرة علطول ويا سلام لو تخلى الصفحة الأولى من المذكرة للمدرسين اللى ساهموا فيها ومعلومات عنهم ولينك للمنتدى فى آخر الصفحة للدعم والتواصل ويا سلام لو تربط المذكرات ببعضها من خلال إنك تحط لينك للموضوع الخاص بكل مذكرة فى آخر صفحة من كل مذكرة وفى نهاية كل مذكرة ممكن تعمل إرتباط لينكى للموضوع الخاص بيها فى المنتدى كدعم يعنى لتلقى الاستفسارات أو دعم لحاجة معينة أو إبداء رأى وإقتراحات وكدا يعنى مثلا مثلا فى مذكرة خامسة الترم الاول فى مجموعة sports معنى كلمة كرة اليد مش ظاهر ,,, فممكن أى واحد يتواصل مع الموضوع من خلال لينك فى آخر المذكرة أو أول المذكرة يدخله علطول للموضوع عشان يقول كذا وكذا تالت هام بقى ودى حاجة متقدمة شوية ممكن بعد ما تخلص كل مجموعة مع بعضها ,,, ممكن تطلعها على شكل ملف exe يبقى ليها شكل جذاب وطريقة عرض مبتكرة غير المطروح على الساحة من غالبية المدرسين ويبقى ليك السبق فى كده وعشان كمان كل ما تكون المذكرة إلكترونية فبتاخد طابع جذاب للتلاميذ غير المذكرات العادية سواء ورق أو حتى ملفات وورد وفى أفكار جامدة كتير ممكن تتعمل فى السلسلة دى تخليها حاجة جامدة جامدة ملهاش حل ================================================== بس أرجع وأقول ربنا يبارك فيك ويكرمك على السلسلة دى وبجد فرحتنى أنا شخصياً وكل اللى قلته فوق ما هى إلا آراء بحب أطرحها عليك بس والله لكن السلسلة بسم الله ما شاء الله عليها موضوعك يستحق التوقف والرد ويستحق التقييم خسارتك يا مستر حمدى فى مصر ,,,, ايه رأيك لو تروح كينيا بيقولوا فيها شغل عالى اوى هناك ربنا يكرمك ونشوفك أحسن مستر على مستوى الصعيد ومصر كلها بعون الله تحياتى القلبية ليك يا غالى

وفى متابعة ردود أفعال الشعوب العربية فقد استجاب الرئيس المصرى أخيراً للأصوات المطالبة بالتغيير وأعرب عن تنحيه عن الحكم والترشح للإنتخابات الرئاسية التونسية دعماً للديمقراطية وتبادل الخبرات بين البلدين الشقيقين يارب تكون دى بداية الصحوة للشعب العربى

إسأل الطفل الرضيع وقوله لما كبرت حصلك ايه !!! إسأل الخوف ,,, هيقولك [ أنا وبلا فخر محرك ديناميكية الإنسان ] شوف نفسك ,,, مهما تشرب من أحلى المشروبات اللى فى الدنيا ولا ترويك إلا الميه مهما تاكل من أشهى وأحلى المأكولات بشتى أنواعها علطووووووووول وراها تاكل حتة عيش حاف مهما تنام على أحسن وأريح أصناف السراير ,,, عمرك ما هتلاقى نومة تريحك قد نومة الأرض ميه وقمح وأرض وأنت من الأرض ... دى فطرتك ومهما حاولت تنكر من فطرتك هتتعب وهترجعها برضاك أو غصب عنك لف ودور وزين وذوق فى نفسك واعمل البدع وهات من الشرق والغرب ... مش هترتاح إلا لما تكون نفسك أنت جزء من الطبيعة ,,, جزء من الكون ,,, تتعامل مع الطبيعة والكون بقوانينها ومبادئها أنت تلميذ فى مدرسة الطبيعة ,,, تذكرة دخولك ليها هى فطرتك ,,, ويوم ما تكبر وتشد عودك أول حاجة بتدوس عليها هى فطرتك والطبيعة اللى ربتك وتنزع عن نفسك رداء دينك ومبادئك وأخلاقياتك وتتعامل بحاجات الحيوانات ذات نفسها تخجل أنها تتعامل بيها الحيوان عارف نفسه ووضعه وعارف المطلوب منه ,,, لا عمره اتكبر ولا قال أنا استحق أكتر من كدا إنما الإنسان ربنا حباه وميزه عن الحيوان بالعقل وسخرله كل حاجة فى الدنيا وخلاه مكلف ,,, ورغم كل ده حاسس أنه ولا حاجة !!!! عاوز إجابة لكل تصرفات الإنسان ؟؟؟ إسأل الخوف وإسأل الفطرة

معالجة عيوب الصور القديمة بعون الله سوف نتعلم فى هذا الدرس كيفية معالجة عيوب الصور القديمة بطريقة إحترافية مدة الدرس 42 دقيقة بجودة HD [ صوت وصورة ] الدرس من إعداد وتقديم أخوكم Dr.A7MD تم رفع الفيديو على الميديا فاير يارب الدرس يحوز على إعجابكم ويضيف ولو الشىء القليل إلى معلوماتكم تحياتى للجميع

أهلا بك أخى الكريم هل فحصت كل السيرفرات المطروحة فى الموضوع !!!! لو فحصت جميع الروابط كنت هتلاقى روابط شغالة بالفعل روابط kewlshare والرابدشير مش شغالة إنما روابط الهوت فيل والميجا أبلود والروابط اللى تكرم بوضعها حبيبنا البشمهندس علاء تعمل بكفاءة شديدة وده الإثبات حضرتك لو حضرتك عاوز البرنامج على سيرفرات معينة اطلب ولو فى المقدرة مش هنتأخر عليك ورجااااااااااااااااااااء رجااااااااااااااااااااااااااء أخوتى فى الله قوموا بفحص جميع الروابط قبل كتابتكم لردودكم وحددوا مشكلاتكم فى التحميل بدقة حتى لا تؤثر ردودكم على بقية زوار الموضوع لكم كل التقدير والإحترام

رتب شكل منتداك فى الـ Puzzle رتب القطع التالية عشان توصل لشكل منتداك النهائى طبعاً هدف اللعبة مش بس اللعب والتركيز وبس ,,, إنما مهارة إستخدام الفوتوشوب للمبتدئين واللعبة مش للمبتدئين وبس ,,, يمكن المرة دى اللوحة سهلة وبسيطة ,,, بعد كدا هتكون فى لوحات أعقد بكتير طبعاً هتستعمل برنامج الفوتوشوب عشان تكمل اللوحة ,,, وبعدها تطلعها على شكل صورة كاملة ترفعها فى رد ليك ولو مش عندك فوتوشوب ,,, لو عندك قوة ملاحظة ممكن تستعمل أى برنامج للتعديل على الصور وتكتب على كل قطعة ومكانها المناسب رقم معين ,,, بس فى المراحل الجاية هتكون مُلزم بإستخدام الفوتوشوب والحلول الصحيحة هيتم تقييمها من خلال نظام تقييم الموضوعات والردود حمل اللوحة [ ملف PSD مفتوح ] Puzzle Play.rar اللعبة فكرة وتصميم أخوكم فى الله ياللا العبــــــــــــــــــــوا

بسم الله ما شاء الله ايه الحلاوة وايه الجمال ده يا محمد جاااااااااااااامد والله يا جامد ... تصميم بسيط ورائع ومعبر جداً ربنا يبارك فيك ويزيدك علم وموهبة وتحقق كل ما تتمنى فى حياتك تحياتى ليك

تصاميم فى حب مصر شارك بأى تصميم تعبر بيه عن حبك لمصر مهما كان تصميمك بسيط ,,, بس أكيد هيكون معبر شارك لو بتحب مصر كنانة الله فى أرضه ... ربنا يصونها ويباركها ويحفظها طول الوقت

لبّس صورك بدلة لجميع العاملين فى ستديوهات التصوير لجميع هواة وعشاق ومحترفى الفوتوشوب ملف PSD مفتوح يحتوى على صورة بدلة لتركيب الصور عليها Wear.rar للأمانة العملية ,,, تم نقل الملف من دورة " احتراف فن ستديوهات التصوير " ... الأخ الكريم maher-show - منتديات إيديال ديزينر وانتظروا عرض مجموعة متنوعة قريباً بعون الله

لا ,,, بعون الله هيطلع حاجة مشرفة لأبوه وأمه

ايه الجمال ده ,,, ايه الحلاوة دى !!! بسم الله ما شاء الله ,,, اللهم لا حسد اللهم زد وبارك هى دى الموضوعات اللى تستاهل الرد عليها والتقييم موضوع شامل متكامل ومفيد لكل الناس الغاوية ويندوز 7 بجد بجد بجد تسلم إيدك والله على الموضوع الجميل ,,, فرحتنى والله يابن الحلال يارب نشوف كل جديد من موضوعاتك الجميلة والشاملة والمفيدة تحياتى ليك من عميق قلبى

شكراً نودى على الموضوع لكن شهادة حق ولازم تتقال ,,, ليست تحيزاً ولا نفياً للخبر أنا حضرت للمفتى على جمعة حلقة من برنامجه فى يوم جمعة كان بيتكلم عن أحكام الطلاق وجاب آراء علماء وطرحها كلها وفيها حكاية النية واللفظ وكل الحاجات دى وحضرت الحلقة من أولها لآخرها الراجل قال فى رأى فلان بيقول كذا ورأى علان بيقول كذا وجمهور الفقهاء بيقول كذا وفى ناس دققوا فى لفظ الطلاق وقالوا كذا أنا مش بقول أن الخبر غلط ,,, بقول اللى حضرته وشهادة حق مش مجرد كلام وبس ياريت حضرتك تذكرى مصدر الكلام اللى جبتى منه الموضوع ,,, وياريت كمان لو تجيبى الكلام صوت وصورة كاملاً من على جمعة عشان كل الأمور تتضح وميكونش كلام بدون دليل تحياتى ليكى

نورتى الموضوع أختى بنت مصرية تحياتى ليكى ============================= == تم إضافة الحلقة الرابعة == التفكير العقلى السليم

التفكير العقلى السليم أهلا بيكم من جديد آسف يا جماعة عن الإنقطاع للفترة الطويلة دى عن السلسلة بسبب ظروف الشغل والإنشغال بحاجات كتير اوى نرجع نكتب من تانى واسمحولى أنى أحول السلسلة دى كمدونة أقوم فيها بكتابة كل ما يجول بخاطرى عقل البنى آدم حاجة لحد دلوقتى يعتبر معجزة بكل المقاييس ,,, الكل واقف عاجز عن فك طلاسم والعثور على مفاتيح هذه المعجزة الآلهية ولما نتكلم عن العقل ,,, بنبقى بنتكلم عن الشق الوظيفى وليس التشريحى ,,, بمعنى أن فى فرق كبير بين العقل والمخ ,,, الأولانى شق وظيفى والتانى شق تشريحى العقل ده يا جماعة كمثال بسيط توضيحى عبارة عن مصنع ,,, وأى مصنع فى الدنيا له مدخلات ومخرجات ولما بنقول مدخلات ومخرجات ,,, فكمان ده يختلف بين العقل والمخ ,,, فكل واحد منهم له مدخلاته ومخرجاته اللى بتختلف بطبيعة الفرق بين الاتنين مدخلات العقل هى عبارة عن كل حاجة بتدخل العقل عن طريق مداخل ومنافذ وطرق الوصول إلى العقل والمخرجات عبارة عن الأفعال والأقوال وكل ما يتخذه العقل من أشياء تجاوباً مع المدخلات اللى دخلتله ومدام اتكلمنا عن العقل يبقى فى شىء مهم جداً جداً جداً ولازم نجيب سيرته ايه الحاجة دى !!! ,,, وايه أهميتها بالنسبة للعقل البشرى !!! ,,, وايه وظيفتها بالظبط ؟؟؟ لما بنتكلم عن العقل يبقى لازم فى الأول نجيب سيرة الإدراك يعنى ايه إدراك ؟؟؟ ,,, يقولك فلان أدرك شىء ما ,,, يعنى فلان أحس بوجود شىء ما ,,, سواء كان شىء حسى أو ملموس المهم أنه حس بوجود شىء ما ,,, طيب ... الإحساس ده بيجى إزاى الإدراك يتم من خلال حواس الإنسان [ إبصار - سمع - تكلم - شم - لمس ] ومدام ربطنا العقل بالإدراك ,,, فبديهى أنهم هيشتركوا فى نفس طرق الإدخال لكل منهم يعنى ببساطة عشان تفكر فى أمر ما لازم تدركه من خلال أحد أو بعض أو كل حواسك يعنى نقدر نقول ببساطة أن طرق الدخول والمنافذ للعقل البشرى [ وظيفياً ] أو المخ البشرى [ تشريحياً ] هى عبارة عن الحواس الخمس للبنى آدم [ عين - لسان - أذن - أنف - نظام احساس عصبى متمثل فى الجلد ] طيب ,,, الإنسان الطبيعى العادى اللى معندوش مشاكل فى الحواس دى بتنقل المدخلات اللى داخله عن طريقها بدون أى مشاكل أو معوقات يعنى لو فى مشكلة فى أى من المدخلات دى تبقى طرق الإدخال والمنافذ ملهاش ذنب فى الحكاية دى طيب ,,, لو فى عيب فى المنافذ دى فالمدخلات اللى هتدخل عن طريقها هتدخل بطريقة غلط والصورة من أساسها هتكون غلط فى غلط مثال ,,, واحد عنده مشكلة فى الأبصار ,,, شاف لون حاجة غير لونها الأصلى ,,, على أساس كدا هيفكر فيها بعقله غلط والصورة هتنطبع فى مخه غلط وزى ما قلنا العقل كمصنع ,,, فالمدخلات اللى بتدخله هيطلع على أساسها المخرجات لحد الآن واحنا مفترضين أن العقل كوظيفياً مفهوش مشاكل ,,, يعنى هو بياخد مدخلات صح أو غلط وعلى أساسها بيطلع مخرجات صح أو غلط لحد الآن واحنا بنشوف العقل وهو تمام التمام طيب ,,, لو فى العقل مشكلة ... هيبقى ايه الحال !!!! طيب ايه اللى بيؤثر على العقل كوظيفة ؟؟؟ فى حاجات كتيرة بتؤثر على عمل العقل ,,, حاجات كتيرة جداً جداً جداً لو افترضنا صحة المدخلات اللى بتدخل العقل وافترضنا أيضاً صحة منافذ وحواس الإنسان وطلع فى مشكلة فى التفكير يبقى لازم نشوف أشياء عضوية أو مرضية خاصة بالمخ أو أشياء معنوية خاصة بطريقة التربية والمعيشة والثقافة العامة للإنسان ده جزء المشاكل العضوية والأمراض المتعلقة بالمخ والأمراض النفسية بشكل عمومى مش مكانها ولا وقتها دلوقتى أننا نتكلم عنها بفرض أن مفيش مرض أو مشكلة عضوية أو نفسية هيتبقى عندنا جزء التربية والمعيشة والثقافة العامة والتعليم والمعاملات الإنسانية وكل ما يختص بالجانب ده من زمان ومن زمان اوى اوى اوى أيام الإنسان البدائى ,,, عقل الإنسان كان يتجاوب تجاوب فطرى مع البيئة بطريقة بريئة وساذجة إلى حد كبير كان العقل البشرى ينقصه الخبرات السابقة والتعلم من التجارب ,,, فكان عقل الإنسان يتجاوب فطرياً مع كل أحداث الطبيعة وشوية شوية مع التجربة كان بيكون خبرات على أساسها يقدر يطور من تفكيره وتصرفه فى الأمور بالظبط بالظبط زى ما عيل صغير يكون بيحبى ويلاقى حاجة فى الأرض يمسكها بايده وعلطول يحطها فى بؤه ,,, وعلى حسب طعمها بقى ... لو لقيها حلوة فخلاص اتعود عليها ... لو لقيها وحشة يرميها علطول ولا يحطها فى بؤه تانى أو حتى ممكن ميمسكهاش من الأصل بعد كدا تراكم الخبرات والتجارب هو اللى بيخلى العقل البشرى فى تطور مستمر جات الأديان السماوية وحطت ضوابط وتشريعات لأجل تطوير العقل البشرى واتصاله الدائم بربه ,,, فأضافت بعد جديد بجوار الخبرات والتجارب الفطرية والبيئية ومن خلال الأديان ومن خلال العقائد جه مسمى الأخلاقيات والمعاملات بين البشر ,,, والحته دى بالذات كملت برسالة أشرف الخلق سيدنا محمد عليه أفضل الصلاة والسلام [ إنما بعثت لأتمم مكارم الأخلاق ] لأتمم !!! ... يعنى مش تعليم من أول وجديد !!! ,,, يعنى على كدا كان فى أخلاقيات قبل الإسلام !!! ,,, اه طبعا كان فى طيب أخلاق يعنى التصرف بأدب وبس !!! ,,, أكيد المعنى مش بالقصور ده الأخلاق مفهوم وااااااااااااااسع جداً ,,,, أى حاجة من شأنها تهذيب وتنمية وتطوير سلوك الفرد تعتبر أخلاقيات الأمانة أخلاق ,,, الصدق أخلاق ,,, قول الحق أخلاق ,,, عدم النقاق والتملق أخلاق ,,, إلخ ولما أصبحت الأخلاق هى السائدة فى عصر صدر الإسلام والعصور اللى بعد كدا ,,, أصبحت الأخلاق عادة بين الناس وجرى تسميتها بالعادات والتقاليد وصفاً بأنها خلاص بقت معتادة بين الناس ويتم تقليدها جيل بعد جيل لما تم التخلى عن الأخلاق ,,, بقى التفكير العقلى منحدر بشكل مقزز ,,, ومع وجود الجهل والأمية والفقر ,,, أصبح اللى يفكر تفكير عقلانى سليم مجنون وعبيط لما تكون أنت شايف الحاجة قدامك واضحة وضوح الشمس ,,, بتقولك يا أعمى أنا أهو ,,, وتيجى حضرتك لسبب أو لآخر تقلب الموازين وتفكر فيها بعقلك المحدود اللى ممشيه على هواك لسبب أو لآخر من اللى ذكرناهم فوق ,,, تبقى المشكلة فيك أنت نفسى والله كل الناس اللى بتقول [ قدوتنا سيدنا محمد عليه الصلاة والسلام ] .... نفسى بجد تدرس غزوات الرسول عليه الصلاة والسلام كلها وتدرسها بتمعن سيدنا محمد اللى يُعتبر أول مدرب تنمية بشرية فى العالم ,,, نفسى بجد تشوف الرسول كان تعامله إزاى مع كل أصناف وأجناس البشر حتى على إختلاف دياناتهم الرسول مجاش عشان يقول شرع وتعاليم وفقه ودين بس ,,, لالالالا ده حط منهاج حياة متكامل يفهمه بس اللى عنده عقل واعى وبيفهم صح الرسول صلى الله عليه وسلم كان شخص ذكى جداً ,,, لماح ,,, تخطيطى ,,, مرح ,,, ابن بلد زى ما ينقول عندنا ,,, عايش واقع عصره ,,, إلخ .... ومتقوليش عشان ده نبى ,,, روح شوف تربية النبى صلى الله عليه وسلم كانت إزاى وأثرت فيه فيما بعد إزاى والصحابة مكنوش ناس راكعة ساجدة وبس ... ناس بتشتغل وذكية وفيهم دهاء كبير جداً وناس ذكية لأبعد درجة اقرى واسمع بالخصوص غزوة أحد وغزوة الأحزاب بالتفصيل الممل وهتعرف أنا قصدى ايه بكل اللى بقوله ده مجال الطب ,,, سواءً دراسة أو شغل مهنى علمنا حاجات كتير جداً جداً بالنسبة للتعامل مع النفس البشرية فهمنا وعرفنا إزاى نتعامل مع العقل البشرى ,,, عرفنا إزاى نقرى المريض من قبل ما يتكلم كلمة عرفنا ايه اللى ناخده من كلام المريض وايه اللى نرميه ,,, عرفنا إزاى نوصل للحاجة اللى مش عاوز المريض يبوح بيها حتى للدكتور الطب النفسى ما هو إلا علم دراسة فطرة الإنسان وإزاى أقدر أعدل وأقوم سلوكه عشان يرجع للفطرة من أول وجديد وأكاد أجزم أن 90% من علم التمنية البشرية ما هو إلا تعامل مع فطرة الإنسان وأخلاقيات وإيمانيات علمهالنا الرسول الكريم من زمان ,,, الفرق بس مين الشخص اللى يقدر يوصلى الكلمتين دول وأكون واثق فيه ويقدر يوصلنى لدرجة إتزان مع فطرتى أنت طب نفسى أو تنمية بشرية بتتعامل مع حاجة اسمها القشرة المخية العليا للمخ البشرى ,,, واللى هى المسئولة بشكل كاااااااااامل عن جميع تصرفات وأنشطة الإنسان شيل القشرة المخية العليا دى من الإنسان ,,, هيبقى هو والحيوان مفيش فرق ,,, بالعكس يمكن الإنسان ينحدر إلى مستوى أقل من الحيوان طب مهو أنت عندك مخ ,,, والحيوان عنده مخ ,,, يبقى ايه الفرق !!!! لما تخضع تفكيرك لأهواءك الشخصية واللى أنت عاوز تقبله أو تسمعه تبقى أنت بتضحك على نفسك قبل ما تضحك على غيرك الأمانة والشفافية والمصارحة الدورية لنفسك قبل غيرك الوسيلة الوحيدة عشان تبنى شخصيتك كشخصية متزنة داخلياً وخارجياً ,,, تبقى شخصية مستقرة ,,, براها زى جواها إنما محاولة تجميل أى صورة من خلال عملية خداع تفكيرى عقلى ذاتى واللى أنا بسميه معذرةً فى اللفظ [ مياعة عقلية ] هتضرك قبل ما تضر غيرك ومحاولة تسمية الأشياء بغير مسمياتها وإنهاء أى قضية كعناوين ومانشتات رئيسية وقواعد لا يختلف عليها اثنين والهروب من نقاط الخلاف بدبلوماسية لهو نوع من الذكاء المظهرى والغباء التفكيرى على حد سواء هتلاقى كتير جداً هيتبعوك مش اقتناع منهم بتفكيرك ,,, هيكون على أساس نفاق أو تملق أو مناصرةً عمياء أو عن جهل تام وزى ما المقولة بتقول [ يَهُبُّ مع كل ريح ويسعى مع كل قوم ] احنا كعرب ربينا نفسنا فى مدرسة القمع الذاتى وحصرنا نفسنا فى خندق وشنا فى وش بعض ولا بنشوف غيرنا عملنا صوبة على نفسنا وقفلنا عليها وبقينا نشوف أى حاجة متواضعة عندنا على أنها حاجة محدش وصل ليها قبل كدا بقينا نتصارع فيما بينا لمجرد الإختلاف فى الرأى وبقت الإتهامات تصدر من كل جانب بتخون الجانب الإخر وتتهمه بسيناريو المؤامرة والهبل ده كله وياريت الأمور بتقف على كدا وبس ,,, لا كمان تربيتنا على الخوف والتهليل والتكبير والتسليم لأى حد وصل مكان ما بدون فهم واعى وكامل لمشوار الشخص ده يخلى الأمور تزيد تعقيد على تعقيدها وبقينا ملطشة فكرية للعالم الغربى والعالم الشرقى ,,, ده كله ليه !!! ,,, عشان مفيش عقول .... فى رؤوس اه ,,, إنما عقول لا طب إزاى نفكر تفكير عقلى سليم !!! أولا لازم تبقى متمسك بالمبادىء والأخلاقيات اللى زرعها فينا الإسلام واللى الفطرة بتنادى بيها ثانياً لازم المدخلات اللى تدخل عقلك لازم تبقى صح ,,, لا تبقى مبنية على رؤيتك الشخصية بس واللى نفسك تسمعه أو تشوفه ,,, وعلى رأى المثل [ يا بخت من بكانى وبكى الناس عليا ولا ضحكنى وضحك الناس عليا ] ثالثاً إياك ثم إياك ثم إياك من تفريغ القضية الرئيسية فى أى نقاش إلى قضايا فرعية لمجرد الهروب من الواقع الحالى وتجميل الصورة ولازم تبحث عن المشكلة الأم مش تمسك فى ولادها الصغيرين [ زى ما تكون فى مكان وفيه فار قدامك ووراك أسد ... يا عم خليك فى الأسد دلوقتى ,,, لالالا الفار أهم ... !!!! ] رابعاً للأسف فى تربيتنا العربية مفيش حاجة اسمها قبول النقد ,,, أى شخص يابنى بينقدك تبقى نيته مش سليمة خالص ومش عاوزلك الخير ,,, دى مصيبة المصائب اللى فينا خامساً خليك واعى وذكى وخليك صريح مع نفسك قبل غيرك ,,, انتهج مبدأ الشفافية والمصارحة والمكاشفة فى كل أمورك ,,, شفافية يعنى الأمور تبقى واضحة وعلى عينك يا تاجر والمصارحة يعنى تبقى صريح مع كل ما يُطرح عليك من استفسارات أو أسئلة ,,, وده كله عمره ما هيضر إذا كنت ناوى تخبى حاجة معينة ,,,, بل بالعكس اكشف بشفافية مطلقة ومصارحة تامة وفى نفس الوقت اتخذ حقك فى إخفاء بعض الأمور ,,,, إنما الإخفاء التام لكل حاجة بيشكك من مصداقيتك قدام الناس حتى ولو مكنش فى حاجة من الأصل سادساً وأخيراً بلاش تسعى لإسترضاء الناس على حساب مبادئك وضميرك وتفكيرك السليم ,,, متخليش أى حاجة تؤثر عليك فى إتخاذ قراراتك ,,, خلى كل قراراتك نابعة بعد تفكير عميق ومتأنى وفى نفس الوقت ميبقاش طويل اوى ,,, وحاول أنك تتعلم من أخطاءك وأخطاء اللى قدامك ,,, ولازم تبقى فيك صفات القائد البارع لو كنت فى منصب قيادى عشان تكسب احترامك لنفسك قبل ما تكسب احترام الآخرين ليك نشوفكم على خير فى موضوع جديد

نورت الموضوع أخى الكريم ,,, يارب تكون المجموعة عجبتك الموضوع متفرد صحيح عشان مش هتلاقيه فى أى مكان بروابط ميجا أبلود الروابط بتفقد صلاحيتها لعدم التحميل منها ,,, وده شىء طبيعى بمرور الوقت لأن الرفع بيتم على حسابات مجانية بمواقع الرفع بس هتلاقى روابط رابدشير منقولة من الموقع الأجنبى ,,, هتلاقيها أول حاجة فى ملف التكست وروابط الميجا أبلود شغالة وهتفضل شغالة مدة طويلة بعون الله وحده نورت الموضوع أخى الكريم تحياتى ليك أهلا بيك أخى الكريم ,,, نورت موضوعى ويسعدنى جداً أن أول مشاركة ليك تكون هنا زى ما قلت فى الأول ,,, الروابط بتفقد صلاحيتها لعدم التحميل المستمر منها ولكونها مرفوعة بحساب مجانى روابط الميجا أبلود شغالة وفى روابط رابدشير أنا ناقلها من الموقع الأجنبى وهى شغالة تمام التمام عشان مرفوعة على حساب رابدشير مدفوع حالياً ليس فى الإمكان تعديل الموضوع وتجديد الروابط لأن فترة تعديل الموضوع قد انتهت بالنسبة لى ممكن بكل بساطة حضرتك تجدد الروابط دى أو أى روابط ميجا أبلود تانية لو تمتلك حساب مجانى على موقع multiupload ,, بس على ما أعتقد لازم يكون الحساب فعال مش حديث التسجيل عشان تقدر تعمل عليه Fetch للروابط اللى عاوز تجددها يعنى يكون الأكونت سبق الرفع المباشر عليه وكمان فى مشكلة أنه ميقدرش يجدد روابط غير الروابط اللى جايه من موقع الميجا أبلود الأكشنات الموجودة فى المرفقات هى كل الأكشنات اللى فى الدى فى دى بس الدى فى دى يحتوى على حاجات كتيرة منها ملفات Templates ومنها فيديوهات تعلمك إزاى تستخدم الأكشنات وكمان كل الملفات دى فى منها نسختين ,,, نسخة لنظام الويندوز العادى ومنها نسخة للماك إنما الأكشنات هى هى ,,, رفعتها كاملة على المرفقات نورت الموضوع أخى الكريم تحياتى ليك

كل سنة وأنتى طيبة أختى بنت مصرية إن شاء الله تحققى كل ما تتمنيه فى حياتك المهنية والأسرية المستقبلية بعون الله تحياتى