كارت حريه على سلامه

[كارت حريه على سلامه]

كارت حريه

 

بص يا عم..

من حقك تختار..

ملك أو كتابة..

ولو ف نص الليل..

حد جرك من قفاك..

قول له بقلب جامد..

فين إذن النيابة..

وطالما كده كده بتتسرق..

يبقي ع الأقل تعرف..

مين همّ أفراد العصابة..

إنت بس..

إشحن حرية..

كارت من أبو عشرة..

أو عشرين..

أو خمسين أو مية..

تلاقي قلبك بقي زي الحديد..

وقادر تفوت من أي بوابة..

وتغني للصبح..

وتقول ع الربابة..

بس خللي بالك..

لو رصيدك خلص..

أو انتهت الصلاحية..

ها تتغير العيشة..

وهاتعرف إن الدنيا كدابة..

بنت كدابة..

وها تفتكر كل اللي راح..

وتقول الله يرحمك يامه..

ويرحمك بقي يابا..

لا هاتلاقي عيش وملح..

ولا أصحاب..

ولا أهل..

ولا قانون..

ولا نقابة..

ساعتها بس هاتعرف تفرق..

بين العصافير والديابة..

وإن الكلام الحلو..

والغنا الجميل..

كان مجرد سحابة..

وإنك لسه برضه الواد..

إبن الناس الغلابة..

وإن لسه فيه خوف..

ورصاص..

وعسكر..

ودبابة..

علي فكرة مش دايما

الأسد الجدع النبيل..

بيبقي هو ملك الغابة..

[يانهار ابيض]

يانهار ابيض

 

كل دى ردود حلوه

جزاكم الله عنا كل خير

اخوتى فى الله

نونا 19

الفقيره الى الله

عاشق الصداقه

اسعدكم الله وانر لكم طريقكم

[مجنونة يا قوطة على سلامه]

مجنونة يا قوطة على سلامه

 

 

مجنونة يا قوطة

يا مصر..

وإن قلت بحبك

كلمتى ملعونة..

وأن قلت إنتى أحلاهم

شهادتى مجروحة ومطعونة..

والله وجانا زمان يا مصر

وبقينا ننادى ع الناس

والنبى تعالوا حبونا..

مين اللى قال

ع القوطة مجنونة..

نطلب م الفيفا إعادة مباراة

ونترجى الكونجرس الأمريكى

إعادة هيكلة المعونة..

يا ترى الحق علينا

ولا الحق ع اللى ربونا.

[يانهار ابيض]

يانهار ابيض

الشاعر محمد مدنى

 

يا نهار أبيض

يا نهار فل

يا نهار نادى تمام ع الكل

و الشبابيك عمالة تطل

عايزة فطار

و العصفور ع الشجرة النونو

صبح محتار

ازاى يبقى العقل مصدق ان الليل

يطلعله نهار

بعد الضلمة يصبح نور

تصبح كل الخلق ف نور

اما صحيح مخيخ عصفور

يا نهار أبيض

يا نهار فل

شاى بحليب

مع حتة بسبوسه بزبيب

تعمل حالة من الأعاجيب

و شوية يعدى العم غريب

فول وبليلة

غير ريقك

و انسى وسيبك

من هم همومك

و اعرف يومك

و اعرف بختك

و اقرا جرايد

عمك عايد

يا صباح الأهرام و الفن

والأخبار

يا صباح الفل

[بقول لهم على سلامه]

بقول لهم

على سلامه

 

 

 

بقول لهم ...........

مين اللى بيعيط بحرقه ده.........

قالوا لى ....

مواطن اتصور وهو بينضرب ...........

قلت لهم .......

ومين الامور اللى بيضحك ده........

قالوا لى .........

ده واحد عمل شويه كوارث وهرب........

قلت لهم ........

والدنيا عتمه هناك كده ليه.....

قالوا لى .....

دى حته جديده بتتخرب .........

قلت لهم ومين الحاوى اللى بتكلم ده..........

قالوا لى .......

ده الوضع بيتقلب ..........

قلت لهم ...

وايه الهيصه اللى فى الساحل الشمالى دى .........

قالوا لى دى البقره بتتحلب.. ..........

قلت لهم ..........

وانتوا قلقلين من كده ليه .........

قالوا لى ...........

اصل بنلاعب الكاميرون......

وخايفين نتغلب .............

 

[هاجيبك يا فول جمال بخيت]

مسحراتى مصر البهيه

جمال بخيت

هاجيبك يا فول

 

أسحّر ما اسحّر

 

أقبّل وابحّر

 

هادور وافحّر

 

واجيبك يا فول

 

يا لوز الغلابة

 

يا أكل الطيابة

 

وأهل النجابة ولاد الأصول

 

زرعتك.. ربحتك

 

ولا يوم قاوحتك

 

وبافرح بريحتك

 

وادق الطبول

 

مدمس.. مدمس.. ف قلبى ملمس

 

تعالى وغمس.. تنول القبول

 

أكلتك بدقة

 

أكلتك برقة

 

أكلتك ف شقة

 

سبقت الخيول

 

ندشك بصارة

 

وناكلك ف حارة

 

وقصر وعمارة

 

تغذى العقول

 

بزيت أو بسمنة

 

تخفف آلامنا

 

ولادى وحرمنا

 

جميعا نقول

 

مدمس.. مدمس.. ف قلبى ملمس

 

تعالى وغمس.. تنول القبول

 

هاسيبك يا لحمة

 

واروح للمزاحمة

 

عشان سعره رحمة

 

وأقدر أنول

 

يا حباية ناعمة

 

يا طعمية طعمة

 

ومن ربى نعمة

 

لا يمكن تزول

 

يا فول يا حليفى

 

يا مالى رغيفى

 

رح اعزم وليفى

 

واغيظ العزول

 

مدمس.. مدمس.. ف قلبى ملمس

 

تعالى وغمس.. تنول القبول

[حس التلاوه جمال بخيت]

رتيلى بيصب ف نيلي

رقة واحساس وحلاوة

وبنيت وزوقت سبيلي

على ندى احلى تلاوة

لسّانى باسمع ف الحصري

بقلبى وبروحى وبصري

تجويد على فن وتغريد

على شوق

من الحس المصري

على حنان على مية ورد

على رحمة ف عروقى بتسري

لسّانى باسمع ف الحصري

وباعيش

على صوته

نعيمي

أبدأ صلاتى وتسليمي

يصاحبنى صوت البهتيمي

يباركنى حس المنشاوي

يطربنى حس الطبلاوي

يصفالى حس الشيخ عمران

صوت عندليب .. ودعاء كروان

ساعة ما يتلو من القرآن

آيات رضا واعجاز وبيان

المئذنة لما ارتفعت

عرفنا ان الشيخ رفعت

بيشد عودها بأدانه

وهيه دايبة ف وجدانه

نور الآيات

لَمَس العمران

كل الشهور حاوطت رمضان

والحضرة بدأت بالغفران

عبد الصمد

يتلو " الرحمن "

و " النور "

وبعديها " الفرقان "

يأتينا من حلو الترتيل

وكأننا ف حضرة جبريل

احمد ندا يقرا " الانسان "

الروح تطيب من أوجاعي

ويهل صوت الشعشاعي

يسقينى من نبع " الكوثر "

و " التوبة " ف ضميرنا بتحضر

وآدى مصطفى من بيت سماعين

صب الندى ف روح السامعين

نعلا معاه من دنيا لدين

صوت العرب

يامستمعين

بيذيع تلاوة على محمود

جدى انتشي

وآخر العنقود

لما ابتدا بسورة " الاخلاص "

و " قل اعوذ برب الناس "

م البسملة بنقول : الله

ونعيدها تانى ف " صدق الله "

إسمع شعيشع واتهني

على فرع منسوب للجنة

الصيفى .. غرّد .. والبنا

لاقينا ف السورة وطنَا

ورأينا ف الروضة مكانَا

الصيفى .. غرّد .. والبنا

لا عرفت امشى ولا استني

وبلادى مفتوحة قصادي

سمعت صوت شيخنا القاضي

عبدالعظيم زاهر راضي

واحمد نعينع لو يقرا

بالقلب اسمع وانصت له

ومصطفى غلوش .. راغب

يقرا الآيات

فابتسمت له

وانا رايح اسحر

ف بلادهم

وامد قلبى بمددهم

ألاقى ناس بتقول : الله

وألاقيني

ما اعرفش عددهم

أوصل بصوتى .. لأبعدهم

أقول يامصر المحروسة

دول الولاد .. وانا اسعدهم

ولا حد يعزف أرغولك

ولا حد ف الحق .. يطولك

ولا حد بيكى هايتساوي

على ندى .. احلى .. تلاوة ..

المنشد

مبروك عليكو النهار

ياللى انتو صايمينه

مبروك عليكو الليل

ياللى انتو قايمينه

مبروك عليكو الشهر

رحمة وعبادة وشفا

وفتح بالمعرفة

من العلى العظيم

المغنــى :

إقرالى ما تيسّر .. من صفوة البيان

المصحف المُفسّر .. يملانى بالحنان

بيـــن مــــكة والمــديـــــنة .. قرآن بيـحـــس بينــــــــا

واللى تركه .. تحسّر..

إقرالى ما تيسّر ..

...

إقرالى من آياتى .. ما يسمو بالعقول

يشفى لى سنين حياتى .. بصلاتى على الرسول

والشمس وما بناها .. نور القرآن تباهي

بنصر نبينا طه .. صنم الاصنام تكسّر

اقرالـــى مــا تيـــــسّر ..

...

اهدينى بحق " اقرأ " .. احساس يشعر ويفهم

لسان .. ف الحق .. أجرأ .. وضمير بالعدل أعلم

اجعل ف العلم جاهى .. وصحح لى اتجاهي

واجعلنــــى يـــا إلهـــــى .. لكــل جميــل .. مُيــــسّر

اقرالــــى مــا تيـــــسّر..

المـــؤدى :

إنتى الخلود .. مهما تروحي

لا بتغرقى .. ولا بتنوحي

الدنيا تحتار من صمتك

وبتهمسى لى .. وتبوحي

إنتى الخلود .. وانتى حياتي

ونجاتى .. وسفينة نوحي

بسم الله اسمع ترتيلك

المولى يهدينى فتوحي

لو الزمان عنك حاشني

وصوتك الحلو وحشني

يقابلنى صوت طه الفشني

تطيب على البعد جروحي

النقشبندى .. بيمشى وحيد

يملا بلاد الله تغريد

تسابيح مدد .. وغُنا .. وتجويد

على ما تيسر من روحي

[هيكون بكره اكيد رمضان الشاعر محمد يوسف]

اختى الكريمه نونا 19

جزاكى الله خيرا

ربنا يسعدك والجنه يوعدك

جعلكى الله من معتقوقين الشهرا لكريم

[هيكون بكره اكيد رمضان الشاعر محمد يوسف]

هيكون بكره اكيد رمضان

 

الشاعر محمد يوسف

 

لما تشوف الناس فى الشارع

زى الريح

عماله بتسبق خطاويها

ووشوشها ماليها التفاريح

والأب وابنه بيتسابقوا

وبيلحقوا أول تراويح

والناس بتهنى فى بعضيها

ووشوشها ماليها الإيمان

حيكون بكره أكيد رمضان

وأما تلاقى الحرم المكى

نوره يزيد

وقلوب كل الناس فى الدنيا

بتردد معنى التوحيد

منتظرين البشرى الحلوه

لأحلى هلال

واستغفارهم ويا دعاؤهم

ليل ونهار دايماً شغال

ودعاؤهم بيهز الدنيا

فى كل مكان

حيكون بكره أكيد رمضان

وأما تلاقى شوارع مصر

ماليها النور

ومنين ما تلف فى ضواحيها

تشم بخور

وأما تجيلك ألف عزومه

لأحلى سحور

تلقى وشوش الناس فرحانه

وتحس بفضل الرحمن

حيكون بكره أكيد رمضان

[انا والسيد اوباما]

َبلغّ أعْرَابَكْ لاْ يَأتُوا فَأنا مَشْغُولاً كَالْعَادَا

 

!!?

إنْ كَانَتَ هَذِيْ مَطَالِبَهُمْ فَليَشْرَبوُا بحَرَاً بأموَاجَا

 

دا العادى

اتعودا على كدا

جزاك الله خير اختى الكريمه

ربنا يسعدك والجنه يوعد

جعلكى الله من معتوقين هذا الشهر الكريم

[الي كل شاب وفتاة]

:) :)

[فقط انظر في عيني !!!!!!!!!!!!!!!!]

لن تعرف ابدا ..

اي جحيم قد اطلقت ..

اي سعير قد اشعلت..

وتذكر ان ساعة الحرية ..

تبدء فقط عند الموت

 

كلمات رائعه وجميله

جزاكى الله خيرا اختى الكريمه

جعلكى الله من معتوقين هذا الشهر الكريم

[قصيدة فى الثبات - رائعة - طفل شيشانى قُتل أمام عينه أبوه وأمه وأخته]

أجدادنا كتبوا مآثر عزها .. فمحا مآثر عزها الأحفاد

جزاكى الله خيرا اختى الكريمه

[معرفـــــش ليـــــه : على سلامه]

اختى تاجره سعاده المنتدى

جزاكى الله خيرا

جعل الله كل ماتكتبى فى ميزان حسناتك

مستر المنتدى

حمدى احمد رزقك الله جنه بغير حساب ولا سابقه عذاب

كلماتك فى الرد رائعه

 

اختى الكريمه نونا

ربنا يسعدك والجنه يوعدك

ردك رائع بكل المقاييس

جعل الله كل ماتكتبى فى ميزان حسناتك

 

جعلنا الله واياكم من معتوقين هذا الشهر الكريم

[التحالف ( يعيش أهل بلدي )]

ياعيش اهل بلدى

يعيش يعيش يعيش

 

جزاكى الله خيرا اختى الكريمه موضوع رائع ربنا يسعدك والجنه يوعدك

جعل الله كل ماتكتبى فى ميزان حسناتك

[دورة ياللا نتغير - مقدمه]

الله اكبر مشاء الله عليكى اختى بنت مصريه

ان شاء الله رمضان مبارك على الجميع

[....... مايك المنتدى ........]

السلام عليكم ورحمه الله وبركاته

بسم الله الرحمن الرحيم

 

اسف جدا لتاخيرى فى الامسال بالميك

شكرا جزيلا اخى الحبيب مستر حمدى احمد على الموضوع الرائع جزاك الله خيرا

اخوتى فى الله وحبائى فيه

فكرت فى انى فى فرصه كبيره لانى احمل ميك المنتدى واتكلم فيه ويسمع كلمى

 

اعضاء المنتدى بالكامل لان صوتى لليعرفنى عالى بطبيعته فتخيل انى كمان ماسك الميك

وفكرت انى ممكن فرصه انى امسك الميك مش هتيجى تانى فقررت انى اتكلم فى موضيع كتيره جدا وبعد شويه حسيت انى الموضوع مش سهل زى مكنت مفكر ازاى يعنى؟؟

يعنى انى كمان زى ما هتكلم فى موضوعات كتير هيكون عليا مسؤليه كبيره جدا لانى هكتب موضوعات كتير وممكن يبقى فيها غلطات كتير

او ممكن اكون مش ملم بالمعلومات الكافيه اللى تخلينى اتكلم فى الموضوعات دى وكمان ممكن اكون متحيز لراى غلط او حتى تكون عندى معلومات وثقافه فى الموضوع اللى هتكلم فيه بس المعلومات دى مغلوطه او ممكن اعرض راى من غير متتاكد انه صح 100/100 وكمان ممكن انى اتكلم فى موضوع مش هيفيد

اعضاء المنتدى او انى ممكن فى موضوع افتح باب من ابواب الفتنه عليهم منغير ماقصد .

فقرت انى اكتب موضوع واحد واحاول على قد مقدر اتلفى الغلطات دى

 

على فكره الموضوع بتاعى كان كل اللى كتابته فوق

:) ازاى يعنى ؟

يعنى نفسى كل عضوا من اعضاء اسره يالا شباب يفكرفى الحاجات المكتوبه فى الموضوع قبل ما يكتب اى موضوع فى المنتدى وبالتالى هيكتب موضوعات ان شاء الله ( جميله _ ومفيده _ ورائعه _ وهادفه _ وتساهم فى بناء شباب عربى افضل )

انا عارف طبعا انى احبائى فى الله اعضاء اسرتنا من اوعى شباب المنتديات بس انا حبيت افكرهم بشويه الحاجات دى من باب التذكير وكمان للاعضاء اللجديده اللى معانا فى المنتدى

واسال الله انه يجمعنا واياكم عند حوض رسوال الله ليسقنا منه شربه ماء لان نظما بعدها ابدا

جعلنا الله واياكم من معتوقين شهره الكريم

وجعل كلماتنا شاهده لنا لا علينا يوم القيامه

سبحان الله والحمد لله

[النور والصدق والحلم‏]

النور والصدق والحلم‏

احمد قدرى

 

نور محتاج لفكرة

وايد توصل لايد

والصوت محتاج لصورة

ترسم بكرة الجديد

وناس تعيش احلام

وضمير جوة الكلام

وحق عمره مانام

وصدق فى المواعيد

**************

 

 

الصدق كلمة طالعة

ترسم احلام لناس

والكلمة زى طلقة

واقوى من الرصاص

الكلمة نور وصوت

يدخل جوة البيوت

تبنى فى كل الاماكن

وتقوى فى الاساس

 

******

 

احلامنا جوة ناس

طارحة الصدق فى عنيهم

مليانة بالاحساس

تبدر مافينا فيهم

يابكرة ياحلمنا

ياغنوة عمرنا

شايفين كل البشاير

كلمة تاخد ايديهم

[وظف نفسك ...تدريب ياللا نجاح القادم..]

المكان ان شاء الله

نزل الشباب امام مستشفى الهلال بقنا

[انسحبوا هشام الجخ]

انسحبوا

هشام الجخ

انسحبوا

كان الاسلكى بعيد والعسكرى مسمعش

انسحبوا

شوفوا العجب يا ولاد العسكرى مرجعش

انسحبوا

اطرش دا ولا صنم

ارجع يا جندى بياده

دخل العدوا العريش ارجع خلاص بزياده

العسكرى سامع

لكنه واد مجدع

شال اربجيهه وضحك اشمعنا انا اللى ارجع

وقف الزمن مذهول ساعتين بيشاهد

الجندى قام كبر المدفع اتشاهد

الدبابات ظهرت

ارجع يا جندى نظام

دا كان كلام القياده

ودا برضوا وقت كلام

وقف الولد ددبان

ياساده يا سمعين

صادهم كما الدبان

محروس يا واد من العين

الدبابات صفين

اتفاجؤا وافترقوا

على كتفه كان مدفع

وعلى الجبين عرقه

غطاء العفار النار

ولا حد عاد شايف

والدبابات بتهل

ودا برضوا مش خايف

الضحكه على وشه متقولش بيصيف

ولسه الزمن واقف

مبسوط ومتكيف

الدبابات كترت

والكتره غلابه

والقلب لو مؤمن ولا الف دبابه

هتقولوا مات الولد

انا قولكم لاعاش

ما الجنه ولا فيها موت

ولا تدخل ببلاش

[أسالكم الدعاء لجدتي..]

إنا لله وإنا إليه راجعون

 

البقاء لله أختى الفاضله (بنت مصريه) ،،

والله أسأل أن يسكنها فسيح جناته ويتقبلها بقبول حسن وهو راضٍ عنها

 

ولا أراكم الله مكروها فى عزيزٍ لديكم

[معرفـــــش ليـــــه : على سلامه]

 

معرفش ليه

 

تنّحت للدنيا كده

 

فجأة لقيتني مسكون بالملل

 

لا عندي رغبة في البكا

 

ولا في الكلام

 

ولا عارف أنام

 

ولا حتى بسأل إيه ده إيه

 

و أخرتها إيه

 

و إيه العمل

 

و أخاف أقول لأي حد

 

أحسن يقوم يقلبها جد

 

حد صاحبي ينزعج

 

يمد إيده في قلبه من باب الكرم

 

عشان يشاركني الألم

 

أو يستلفلي من لئيم حبّة أمل

 

حالة كده

 

معرفش إيه

 

حالة كده ملهاش معالم

 

ساعات تزورني في الربيع

 

في الحر

 

و في عز الشتا

 

و تجيب حاجات لا فيها روح ولا ميتة

 

لكني برجع منّها بعد السكات

 

فاهم شوية في اللي فات

 

حاسس قوي بحزن الصحاب

 

محظوظ أنا

 

ساعات أشاور ينفتحلي ألف باب

 

لكنّي بغلط في الحساب

 

معرفش ليه

[الزواج]

رائع

:lol: :present: :present: :present: :present:

[أحلـــــــــــى ذكرى - كلمات ملهاش حل]

الرجوله انك تكون

جد ليك فى الكون وجود

لازم انت تكون عمود

امتك تركز عليه

 

كلمات رائعه

جزاكى الله عنا اختى الكريمه

ربنا يرزقك الجنه

[أسئلة مشروعة]

وبضمة لنبينا

 

تمسح سنين حزننا

 

 

 

في الجنة نتلاقى

 

اخر مطاف دربنا

 

الله

يارب اكتبلنا لقاء النبى الكريم صلى الله عليه وسلم

اختيار جميله لكلمات رائعه من عضو متميز

جزاكى الله عنا خيرا اختى الكريمه

جعل الله مجهود الكبير فى المنتدى فى ميزان حسناتك

جعلكى الله من معتوقين الشهر الكريم