مطلوب عروسه

[مطلوب عروسه]

مطلوب عروسة طيبة..

ومتعلمة ومؤدبة..

ومؤمنة بالقضاء والقدر..

سنها من سني..

أصغر أو أكبر مني..

مش هنختلف..

وتكون بتحب القراءة..

وتهوي الرحلات..

وتعشق السفر..

مش عضو ف أي حزب..

وطبعاً عارفة إن الكذب حرام..

بتحب الكورة..

مهمومة بالدوري العام..

وملفوفة القوام..

حلوة وزي القمر..

شعرها ناعم حرير..

ملهاش أي مصلحة..

ف شارع القصر العيني..

أو مجمع التحرير..

وفاهمة كويس ميدان الجيزة..

مش متابعة جلسات مجلس الشعب..

ولا بتسمع البيان الختامي..

لأي مؤتمر..

وتكون من عيلة..

بتشتري راجل..

لا عايزة شبكة ولا مهر..

وأنا بقي..

خبرة ف المرمطة..

وجميع أشكال القهر..

مواطن من إنتاج مناهج..

وزارة التربية والتعليم..

ثانوية عامة..

النظام القديم..

أيام الأرنب الغضبان..

والخس والجزر..

وزي النسمة والله..

يعني تعتبرني من دلوقتي

مش موجود..

لا حس ولا خبر..

بس مخي نضيف..

وعاقل ورزين..

وعندي شوية نظر..

ورغم إني ياما إتزحلقت..

لكن لسه بفرح بالمطر..

علي فكرة..

أنا حاجز شقة بحري..

أربعين متر..

آخر طريق الواحات..

بس لسه ماحطوش الأساس..

عشان تقريباً..

مش لاقيين الحجر..

[كلمه هايفه]

من هفوه أو كلمه هايفه نتحمق ونقوم

 

نسب وندب ، ويدور العراك بالشوم

 

وكل محموق وله فرقه تقوم بهجوم

 

من قبل ما تعرف الظالم من المظلوم

 

تبقى الشراره حريقه والسحابه حسوم

 

لا شركه تنجح ، ولا عيله صفاها يدوم

 

ومنين نشوف العدل ولا السفينه تعوم

 

مادمنا فوق قلبها قاعدين لبعض خصوم

 

تضحك علينا الحدادى فى السما بتحوم

بيرم التونسى

[دستور ياسيادنا]

دستور يا اخوانا يا بعدا

 

لأ سوري دستور م البعدا

 

محبوس حابس يا سيادنا

 

و بكاكي من فوق مدنة

 

و ورايا ديوك بيكاكو

 

حرصوا عالباقي معاكو

 

بركة مولانا هولاكو

 

حلت و علينا اللعنة

 

طرطور طرطر طراطير

 

بيغروا فالدساتير

 

و لا عاد فالحتة كبير

 

و يا وارث تورث مين

 

ما الورث إتباع و إتبعنا

 

نرجع تاني لموضوعنا

 

و بيان لديار الإفتا

 

من جمهورية زفتا

 

لعبو و عملوها إستفتا

 

صوت ياللي سامعنا

 

و قوللي ملك ولا كتابة

 

أسد شبل ف الغابة

 

و احلف وحياة راس بابا

 

زفة فمولد كدابة

 

و الله يجازي اللي خدعنا

 

للجوكر ألف تحية

 

ملعون خاش الحرية

 

يحيا قانون العبودية

 

و القوانين الوضعية

 

و الحكومات الشمولية

 

لها مني ألف تحية

 

وحياة أمي دي رجعية

 

و لو صوتنا و جعجعنا

 

واحد ولافيش غير هوه

 

قاعد متربع جوة

 

و بكيفك أو بالقوة

 

لو سوبر مان و فتوة

 

روح قله بقى يودعنا

 

عصابات شغل فتوات

 

و إستعباط على حركات

 

و السقا أبوه لو مات

 

حيقوم يسقي الشربات

 

و يكمل على مواجعنا

 

مزيكة و تراباتتو

 

و نفديك بالدم.. إفدوه

 

بس إحنا ورحمة أبوه

 

مين ده اللي حيلوي دراعنا

 

روح هاتلي لمون بالصودا

 

انا حاسة بريحة شوطة

 

حيصعدوا فصل الروضة

 

و الورث حيصبح موضة

 

لم الجدعان و اتبعنا

 

على قهوة ساقية مكي

 

نصرخ نلطم و حنبكي

 

ده ناويها و بيتكتكلي

 

قبل ما حتى يودعنا

 

ظقططوا يا عيال قولوا هيه

 

الحكم صبح تيك أواي

 

لو عايز قول أوكيه

 

و لو رافض قول أوكيه

 

في كلا الحالتين نوو واي

 

غير كودية و زار ينفعنا

 

لأنا عايزة بخور م الجاوي

 

و حمار أرمل و حصاوي

 

و دراع برغوت مش غاوي

 

تنطيط عفريت و مخاوي

 

شلة مقاطيع يقطعنا

 

حابس من شر الكرسي

 

من شر عزيزة و مرسي

 

من قرص النمل الفارسي

 

م الأحياء و الأموات

 

من كايرو إلى بغداد

 

أشتات أشتوت أشتات

 

حرصوا من لعب السيكا

 

م الحكشة و م البولوتيكا

 

و لا تشمت يوما فيكا

 

مارشيل بنت أم ماريكا

 

قول حاجة الله يهديكا

 

و ادعي معايا يخليكا

 

حلوا بقى عن أوجاعنا

 

و انصرفوا عليكوا اللعنة

انصرفوا عليكوا اللعنة

 

ايمان بكرى

[التلفاز]

<H4 dir=rtl>رأيناهُ على التلفازْ يُخاطِبُنا ولم يرمش

فحدثنا عن الإنجاز وعنْ إنمائهِ المُقرِشْ

وكيفَ قضى على الإعوازْ

فقالَ الشعبُ في المشمشْ</H4>

*********************************

 

مضى يوصي بنا الوزراءْ فلا جوعى ولا فقراءْ

 

ولا مرضى ولا أوباء وكاد أمامنا يُجهِشْ

 

فردَّ الشعبُ في المشمشْ

********************************************

 

 

وأعطى الأمرَ والإيعاز

 

لكل مواطنٍ ساعهْ

 

وولاعهْ …

 

وللراعي وللخباز

 

قمبازٌ ودراعهْ

 

فصاحَ مُذيعُهُ مدهشْ وردَّ الشعبُ في المشمشْ

**************************************************

 

 

سأقطعُ دابر الواشي ومن يثري على الماشي

 

ولن أرضى عن الواشي سأطرُدُ كلَّ من يهبشْ

 

فصاحَ الشعب في المشمشْ

 

سأخلعُ عنكمُ النيرا

 

وأجعلُ أمرَكم شورى

 

وتسهيلاً وتيسيرا

 

فلا قراقوشَ أو قِرقِش فردَّ الشعبُ في المشمشْ

**************************************************

 

 

سأُصدِرُ في غدٍ أمرا

 

يُجيزُ الطبعَ والنشرا

 

ويسمَحُ نقدنا جهرا

 

وأسجنُ كلّ من يَبطِش فقالَ الشعبُ في المشمشْ

****************************************************

 

 

أضافَ يقولُ في إيجاز

 

بكُلّ الفخرِ والإعزاز

 

سنزرعُ كلّ ما يُزرعْ من ((الفوله )) إلى الصويا

 

سنصنعُ كلّ ما يُصنعْ من الكولا إلى البويا

 

سنصبحُ دولةَ الإعجازْ

 

وأنهى القولَ في التلفاز

 

وودّعنا ولم يرمشْ وما نِلنا سوى المشمشْ

[هل انت مجنون؟؟]

الموضوع اشتغاله جميله وفكره جامده وانا مستنى معادى معك يا دكتور

[اتكلموا]

ربنا يخليك يا عاشق الصداقه

 

ده بعض ماعندكم

[اتكلموا]

اتكلمــــــــــــــــــــــوا

 

اتكلموا .. اتكلموا .. اتكلموا ...

محلا الكلام ، ما ألزمه و ما أًعظمه ...

فى البدء كانت كلمة الرب الاله ،

خلقت حياه ، و الخلق منها اتعلموا ...

 

فاتكلموا

 

فى البدء كانت كلمة الرب الاله

روح بجناحين شطار ، و صار للكون مداه .

آخر مطافها ، جت و حطت ع الشفاه ،

لما البشر ملكوا الوجود ، و استحكموا ...

 

فاتكلموا

 

الكلمة ايد ، الكلمة رجل ، الكلمة بــاب ،

الكلمة نجمه كهربيه فى الضباب

الكلمة كوبرى صلب فوق بحر العباب ،

الجن يا أًحباب من ما يقدر يهدمه ...

 

فاتكلموا

 

الرمل مرمى تحت قبة السما ،

مشتاق لقطره من المطر فيها النما ،

ملايين سنين عمره ما داقها ، انما

فيه كلمة تقدر فى المراوى تِعَوَّمه ..

 

فاتكلموا

 

فيه كلمة تقدر تزرع البور حور ضليل ،

و كلمة تقدر تجعل الكوخ بيت جميل ،

و ابو العيال و الجلابية الهلاهيل ،

فيه كلمه تعطيه مال ، و كلمة تِهندمه ..

 

فاتكلموا

 

لكم السلام ، يا ملفوفين حول اللهب ،

يا غواصين فى القلب ع الكلنه العجب ،

فى البدء كانت كلمة الرحمن سبب

و ما عادش غير الحق كلمة تِتَمَّه

 

فاتكلموا

قصيده لصلاح جاهين

[يا مصرى ليه دنياك لخابيط .. سيد حجاب]

انا اسف مكنش قصدى والله الى جه فى باللك وشكرا للمرورك

ويا بنت مصريه مدام نزلت القصيده على المندى تبقى لكل اناس

[السيد عبد العاطى]

السيد عبد العاطى البروقراطى

 

السيد عبد العاطى البيرو قراطى ،

من ( بيروقراط ) مركز مش فاكر ايه ،

كل بلدهم بهوات سبحان العاطى ،

الكاتب بيه و مدير المصلحه بيه ،

و السيد عبد العاطى البيروقراطى

راجل دوغرى ، فاهم إيه اللى عليه ...

راجل يعرف أمتى ينخنخ ويطاطى

و كمان يعرف امتى يدلدل رجليه .

ييجى المكتب ، بدرى بمواعيد ظباطى ،

و الساعة اتنين و لا ورقة تكون فى ايديه .

فنان فى الشغل ، وفنه أرستقراطى ،

الفن فقط للفن ، بتضحكوا ليه ؟

لا تقوللى مصالح شعب و لا كلام و اطى ،

الهدف السامى علاوة تلاته جنيه .

و السيد عبد العاطى البيروقراطى

( السد العالى ) ف نظره .. اسمه دوسيه !

القصيده للشاعر صلاح جاهين

[يا مصرى ليه دنياك لخابيط .. سيد حجاب]

القصيده دى شعر سيد حجاب علشانك ياعاشق الصداقه

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

يا مصرى قوم هش الوطاويط...كفاياك تبليط

صعبه الحياه والحل بسيط...حبة تخطيط

 

فتحت باب إستيرادك

وصرفت فوق ضعف إيرادك

حلى للخواجه إستكرادك

سابك بتقرا فى أورادك

وده أشطك ونزل تشفيط

 

ومهولاتى تحب تزيط

ساعة الفرح زغاريط تنطيط

وفى المياتم هات يا صويت

وفى المظاهرات سخن تشيط

وفى الانتخاب تنسى التصويت

 

وليه بترشى وتتساهل

وتبيع حقوقك بالساهل

تستاهل النار تستاهل

ياغويط ويحسبك الجاهل

ساهل وساهى وغبى وعبيط

 

يا مصرى يا اللى الغلا عصرك

والنهب فى عصرك حاصدك

قوم للحياه وأسبق عصرك

ولا حاجه هاترجع مصرك

إلا أن تكون شغال ونشيط

 

يا مصرى ليه دنياك لخابيط...والغلب محيط

والعنكبوت عشش عل الحيط...وسرح عل الغيط

يا مصرى قوم...هش الوطاويط...كفاياك تبليط

صعبه الحياه والحل بسيط...بس حبة تخطيط

[فيلم لزوجات النبى !! يا ناس حسوا .. إتحركوا]

حسبنا الله ونعمه الوكيل

اللهم لا تجعل مصيبتنا فى ديننا

[عناوين لصلاح جاهين]

القصيدة عناوين لصلاح جاهين

عناوين جرانين المستقبل

احـنا العـمال اللى انقـتلوا

قـدام المصنع فى ابو زعبل

بنـغـنى للدنـيـا ونـتـلو

عناوين جرانـين المستـقبل:

"وحـدة صـف الأحـرار"

"جـبـهـة لكـل الثـوار"

"عـبور الجـيـش لسـينا"

"الـزحف مـن الأغـوار"

"جـيش العـدوان يتقـهقر"

"الأرض قــايـدة نــار"

"والبـحر قـايـد نــار"

"الاستـعمار أثـبت فشـله"

"البـيت الأبيض لا يخجل"

"إحـنا العـمال اللى انقتلوا"

"قدام المصنع فى أبو زعبل"

بـنـغـنى للدنـيا ونتـلـو

عنـاوين جرانـين المستقبل:

"محـكـمة للـمـجرمـين"

"قائــمة بالمـتـهـمـين"

"إدانـة مسـتر نيـكسون"

"بقـتل الاسـطى ياسـين"

"القــاتل اسـتـعـمارى"

"القـتـلـى وطنــيـين"

"عـمــال مـدنـيـيـن"

"نـصارى ومسـلـمـين"

"مرتكبو المذبـحة يعتـقلوا"

"الحـكم عـى المتهم الأول"

احـنا العـمال اللـى انقتلوا

قـدام المصنع فى ابو زعبل

بـنـغـنى للدنـيا ونتـلـو

عنـاوين جرانـين المستقبل:

"الجـو غــدا يتحـسـن"

"معرض لزهور السـوسن"

"الخطـة الخـمسية تنـفذ"

"مهرجانات النـصر غـدا"

"تصـفـية الصهـيونـية"

"دولـة فلسطين .. تعـلـن"

"دستور وقوانين .. تعـلـن"

"حريـة الدين .. تعـلـن"

"قوس تذكارى جارى عمله"

"طالين منه احنا وح نفضل"

احـنا العـمال اللـى انقتلوا

قـدام المصنع فى ابو زعبل

بـنـغـنى للدنـيا ونتـلـو

عناوين

جرانين

المستقبل

للشاعر صلاح جاهين

 

صلاح جاهين _ قصائد صلاح جاهين _ شعر صلاح جاهين _ شعر _ قصيده عناوين لصلاح جاهين _ عناوين

[هنا القاهره]

هنا القاهرة الساحرة الآسِرة الهادرة الساهرة الساترة

 

 

هنا القاهرة الزاهرة العاطرة الشاعرة النيّرة الخيّرة الطاهرة

 

 

هنا القاهرة الساخرة القادرة الصابرة المنذرة الثائرة الظافرة

 

 

صدى الهمس في الزحمة و الشوشرة

 

 

أسى الوحدة في اللمة و النتورة

 

 

هنا الحب و الكدب و المنظرة

 

 

نشا الغش في الوش و الإفترا

 

 

هنا القرش و الرش و القش و السمسرة

 

 

هنا الحب و الحق و الرحمة و المغفرة

 

 

و انا ف قلب دوامتك الدايرة بينا

 

 

بصرّخ بحبّك يا أجمل مدينة

 

 

يا ضحكة حزينة .. يا طايشة و رزينة

 

 

بحبّك و اعفّر جبيني في ترابك

 

 

و اعيش في رحابِك و أقف جنب بابك

 

 

جنايني أروي بالدم وردة شبابك

 

 

يا زينة جنينة حياتنا اللعينة

 

 

بحبّك يا بنت اللذين

 

 

بحبّك

هنا القاهره للشاعر سيد حجاب

[كاريكاتيـــــــــــــــــــــــــــــــــــر]

حبيب قلبى يا عاشق

هههههههههههههههههههههههههههههههههههههههههههههههههههههههههههههههههههههههههههه

[صباح الخير]

بســم الله الـرحمــن الرحيــم

الموضوع اكتر من رائع يا حياه وفعلا كنا محتاجين حد يفكرنا باهميه التبرع بالدم

يا ندى فكرتى انك ام لاجمل طفل فى الدنيا ولا قدر الله طفلك حصلتله حدثه وبيموت ومش لقين فصيلت دمه او مش لقين دم خلص وفى اخر لحظه ظهر متبرع بالدم فكرى وتخيلى موقفك عامل ازاى نفسك تكافى المتبرع ده ازاى تخيلى بقى نفسك مكان المتبرع وشفى ربنا حيكفك ازاى

[قصيدة مصر ياما يا بهيـة للشاعر أحمد فؤاد نجم]

مصر يا امّة يا بهية

 

 

 

قصيده بهيه للشاعر احمد فواد نجم

يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى

عن الارض سمرا و قمرا

و ضفه و نهر و مراكب

و رفاق مسيرة عسيرة

و صورة حشد

و مواكب

ف عيون صبية بهية

عليها الكلمة و المعنى

***

مصر يا امّة يا بهية

يام طرحة و جلابية

الزمن شاب و انتي شابة

هو رايح و انتي جاية

جايه فوق الصعب ماشية

فات عليكي ليل و مية

و احتمالك هو هو

و ابتسامتك هي هي

تضحكي للصبح يصبح

بعد ليلة و مغربية

تطلع الشمس تلاقيكي

معجبانية و صبية

يا بهية

***

الليل جزاير جزاير

يمد البحر يفنيها

و الفجر شعلة ح تعلا و عمر الموج ما يطويها

و الشط باين مداين

عليها الشمس طوافة

ايدك في ايدنا

ساعدنا

دي مهما الموجة تتعافى

بالعزم ساعة جماعة

و بالأنصاف نخطيها

***

مصر يا امّة يا سفينة

مهما كان البحر عاتي

فلاحينيك ملاحينيك

يزعقوا للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاتب

كل ماضي و كل آتي

عقدتين و التالته تابتة

تركبي الموجة العفية

توصلي بر السلامة

معجبانية و صبية.. يا بهية

***

و يعود كلامنا في سلامنا يطوف ع الصحبة حلواني

عصفور محني يغني

على الأفراح ومن تاني

يرمي الغناوي تقاوي

تبوس الأرض

تتحنى

تفرح

و تطرح

و تسرح

و ترجع تاني تتغنى

احمد فواد نجم _ بهيه _ شعر احمد فواد نجم _ بهيه لاحمد فواد نجم _ قصائد احمد فواد نجم _

قصيده بهيه للشاعر احمد فواد نجم _

قصيده عصفور محندق يزقزق كلام موزون و له معنى

[المباراة المرتقبة]

الف مبروووووووووووووووووووووووووووووووووووووووووووووووووووووك على تذاكر اليابان وقبال الدورى كمان

[اسكندريه]

أبو النجوم يرسل بتحية

فاجوماتية

إلى كل المدوناتية

من أسكندرية

حيث درجة الحرارة عال العال

و بيفكركم بالقصيدة دي

اسكندرية

يا اسكندريه

بحرك عجايب

ياريت ينوبني م الحب نايب

تحدفني موجه

على صدر موجه

والبحرهوجه

والصيد مطايب

أغسل هدومي

وأنشر همومي

على شمسه طالعه

وأنا فيها دايب

كأني فلاح في جيش عرابي

مات ع الطوابي

وراح في بحرك

كأني نسمه فوق الروابي

م البحر جايه

تغرق في سحرك

كأني كلمه من عقل بيرم

كأني غنوه من قلب سيد

كأني جوا المظاهره طالب

هتف باسمك

ومات معيد

كأني صوت النديم

في ليلك

بيصحي ناسك

يشدوا حيلك

كأني طوبه من بيت في حاره

كأني دمعه

في عيون سهارى

كأني نجمه فوق الفناره

تهدي الحيارى

والبدر غايب

يا اسكندريه

يامصراويه

على سن باسم

على ضحكه هاله

البحر

شباك ومشربيه

وانتي الاميره

ع الدنيا طاله

يا اسكندريه عاشق

وبدوي

ارتاح في حضنك

والود ودي

يكون كلامي

عربون غرامي

وبالمحبه

ناخد وندي

يا اسكندريه فيكي الغلابه

ع الرزق يسعوا ولايناموش

صبح صباحهم

رجع مساهم

وزاد شقاهم

ومارتاحوش

يا عيني ع اللي الزمان تعبهم

وضاع تعبهم

ومالتقوش

نزل شبكهم

في بحر طامي

طلع شبكهم

على فاشوش

وفيكي بين البشر

ديابه

وفيكي فوق البشر

وحوش

وفيكي ناس مغرمين صبابه

لو خان زمانهم

مابيخونوش

وفيكي خمري

سلمت امري

ما اقدرش اشوفه

وما انيلوش

سمك يا بني يا اسكندراني

في العشق واحد

مالكش تاني

سمك يابني يا اسكندراني

في الحسن ساحر ومعجباني

سمك يابني

والعشـق غيه

تبدأ بنظره

تبقى ملاغيه

وكل عاشق وله بهيه

وكل شاعر وله اغاني

وأنا اللي عشق الصبايا كاري

أعشق وأغني ما اقدرش اداري

واي نظره بتجيب قراري

وايشحال عيونك

يا الاسمراني

[كلمتين لمصر]

كلمتين لمصر

كل عين تعشق حليوة

و إنتي حلوة في كل عين

 

يا حبيبتي أنا قلبي عاشق

 

و اسمحيلي بكلمتين

 

كلمتين يا مصر يمكن

 

هما أخر كلمتين

 

حد ضامن يمشي آمن

 

أو مِـآمن يمشي فين

 

..........................

 

شابة يا أم الشعر ليلي

 

و الجبين شق النهار

 

و العيون بحرين أماني

 

و الخدود عسل و نار

 

و اللوالي ( اللؤلؤ) بابتسامتك

 

يحكوا أسرار المحار

 

يللي ساكنة القصر عالي

 

إيمتى يهنالي المزار

 

كلميني يا صبية

 

طال علي َّ الانتظار

 

كلمتين يا مصر يمكن

 

هما أخر كلمتين

 

حد ضامن يمشي آمن

 

أو مِـآمن يمشي فين

 

.....................

 

قصرك المسحور غيلانو

 

أغبى من دود الغيطان

 

بعد مص الغصن الاخضر

 

ينحتوا عضم العيدان

 

و اللي خلى الارض خضرا

 

و اللي خلى الدار آمان

 

عاش بجور ملو جوفه

 

مات بخوفه من الغيلان

 

طوّع الغلبان

 

ما قالش عن شقا العمر اللي كان

 

كلمتين بمصر يبقوا

 

هما أخر كلمتين

 

حد ضامن يمشي آمن

 

أو مِـآمن يمشي فين

 

....................

 

أدي كلمة من عذابي قلتهالك

 

باقي كلمة

 

من حنيني صنتهالك

 

في الضلوع من دنيا ظلمة

 

كنت خايف يلمحوها

 

يقتلوها في سكة ظلمة

 

سقسقت و النور بشاير بشاير

 

زهرة الصبار يا سلمى

 

يا نسيم الشوق يا طاير يا طاير

 

خد لمصر في الصبح كلمة

 

طول ما يبقى الركب ساير

 

بالبصاير و العينين

 

يبقى ضامن يمشي آمن

 

يبقى عارف يمشي فين

كلمتين لمصر _ شعر احمد فواد نجم _ احمد فواد نجم _ الشاعر احمد فواد نجم _ شعر عامى _ قصيده كلمتين لمصر

[قصيده على اسم مصر]

على اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر

 

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

 

على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

لللشاعر الكبير عم الشعراء صلاح جاهين

القصيده منقوله

 

 

 

 

 

صلاح جاهين _ شعر صلاح جاهين _ رباعيات _ رباعيات جاهين _ على اسم مصر التاريخ _

قصيده على اسم مصر التاريخ

شعر على اسم مصر التاريخ _ اشعار صلاح جاهين _ قصيده على اسم مصر التاريخ لصلاح جاهين _ على اسم مصر التاريخ صلاح جاهين

[-.بوكيهات ورد مصنوعة من الفاكهة.-]

الموضوع ده تمام بس ياريت المره الجايه تبقى لحمه

[سفير الاسلام2]

بســم الله الـرحمــن الرحيــم

السلام عليكــم ورحمـة الله وبركاتــة ،،

هنكمل موضوع مصعب

وصلنا لما مصعب عرض الاسلام على اسيد بن خضير واسلم اسيد وبعد دقائق وصل الى المكان الذى كان يجلس فيه مصعب واسيد سعد بن معاذ وكان ذاهب الى مصعب ليقتله ولكن حدث معه مع حدث مع اسيد ويقال ان مصعب عندما عرض الاسلام على سعد راى الاسلام فى وجهه واسلم سعد بن معاذ ولان سعد كان سيد قومه فعندما اسلم سعد اسلم كبار وصغر قومه وبذلك ادى مصعب الخير مهمه السفاره التى اوكلها به الرسول صلى الله عليه وسلم ننتقل مع سفير الاسلام الى الحرب حتى نرى سفير الاسلام فى عزوه احد وهو يحمل لواء الاسلام ويدافع عن دين الله وكلانا نعلرف ما حدث فى عزوه احد عندما خالف الرماه امر الرسول صلى الله عليه وسلم وانقلب ميزان المعركه لصالح الكفار بعد ان كان للمسلمين الغلبه فبعد نزول الرماه من الجبل وجد الكفار الفرصه لمحاصره جيش الملمين مما ادى الى تشتت جيش المسلمين وقد انتشر ت اشاعه ان النبى صلى الله عليه وسلم قد قتل مما ادى الى تراجع الجيش ولكن الرسول صلى الله عليه وسلم وقف فى ميدان المعركه ولم يكن معه اكثر من عشرين رجل منهم مصعب الخير وكان شديد الشبه برسول الله وكان يحمل لواء المسلمين فاعتقد الكفار انه رسوال الله وبداء التركيز من الكفار على حامل لواء المسلمين مصعب ودافع مصعب عن الرسول صلى الله عليه وسلم بكل ما لديه من قوه حتى انه قطع زراعيه وشق صدره ولكن هناك موقف اراه من وجه نظرى انا من اعظم مواقف التاريخ الاسلامى وذلك عندما كان يقتل مصعب كان يردد بعض الكلمات ايرد منكم ان تحاولو تفسيرها فقد قال مصعب ما محمد الا رسول قد خلت من قبله الرسل فقد كان يرا الرسول يقف فى المعركه ولم يبقى معه الكثير من المسلمين وتخيل ان رسول الله صلى الله عليه وسلم قد يقتل وكان يثق بان الاسلام هو الحق فكان يعزى نفسه فى رسوال الله صلى الله عليه وسلم قبل ان يقتل

والكثر روعه ان الله سمع حديث مصعب فبعد ان قتل مصعب فى المعركه نزلت هذه الايه الكريمه (وما محمد الا رسول قد خلت من قبله الرسول)

ويقال ان مصعب بعد المعركه وجد ووجهه فى التراب لكى لا يراء الرسول صلى الله عليه وسلم وهو يقتل او خجلا من رسول الله صلى الله عليه وسلم

حقا رضى الله عنك يا مصعب الخير كل الخير

مصعب الخير سفير وشهيد الاسلام

السـلام عليكم ورحمة الله وبركاتـه..

[سفير الاسلام]

السلام عليكــم ورحمـة الله وبركاتــة ،،

ده اول موضوع انزله فى المنتدى يمكن انا سجلت فى المنتدى من زمان بس مفكرتش انزل موضوع

لكن من فتره بسيطه فكرت انزل مجمعه موضوعات متتابعه فى المنتدى يارب الموضوع يعجبكم

الموضوع هو

سفير مسلم

القصه بتحكى عن شاب كان فى مكه قبل الاسلام كان من اغنى وانبل واشرف بيوت مكه وكانت مدلل بين اهل بيته امه وابوه كانت كل مجالس مكه تتشرف بوجوده معهم وسمع الشاب بامر دين جديد ظهر فى مكه ولانه عاقل اراد ان يسمع ماهو هذا الدين الجديد قبل ان يحكم عليه وسال عن مكان تجمع المسلمين وذهب الى دار الزبير ابن العوام ليتعرف على هذا الدين وجلس فى مجلس رسول الله صلى الله عليه وسلم وبعد ان عرف ماهو هذا الدين انعم عليه ربى بالاسلام ولكن بقى الامر سرا حتى لا يبطش بيه قومه ولكن مكه لايخفى فيه شى فقد انتشر خبر اسلامه حتى وصل الى امه فقررت ان تحبسه فى البيت ولكن الشاب عرف طريق الحق عرف حب الله والرسول وهرب ولم تمر ايام حتى تحول اجمل وزكى شباب مكه الى شاب يكسوه التراب وبعد ان كان يلبس احلى الثياب تحولت الى ثوب مرقع وامر رسول الله بالهجره الى الحبشه و هاجر هذا الشاب مع من هاجر حتى انه كان يهاجر ولا يرتدى حذا ولما رجع من الحبشه كان رسول الله صلى الله عليه وسلم بايع الانصار بيعه العقبه وقد رجع الانصار الى الرسول طلبوا من يذهب معهم ليفقههم فى الدين و يدعوا الناس الى الاسلام فوقع الاختيار على هذا الشاب سفير الاسلام فى مدينه الاسلام بعد ذلك هو مصعب بن عمير رضى الله عنه وذهب مصعب الى المينه واخذ يدعو الناس وتعرض للقتل مرتين عندما سمع اسيد بن حضير ان مصعب بن عمير جالس ليدعو الى الناس للاسلام وذهب اليه يمسك حربته ليقتله ولكن سفير رسول الله يملك من علم الجامعه النبويه مايحافظ بيه على دعوته فوصل اسيد الى مصعب ووقف امامه وقال له لو لم تذهب عن هنا لقتلتك فرد مصعب الخير كما كان يلقبه الحبيب صلى الله عليه وسلم فلتجلس ونتحدث عن هذا الدين وان رايت فيه من شر ففعل ما شئت وجلس اسيد وبداء مصعب عرض الاسلام عليه وقال مصعب كنت ارى اسلام اسيد على وجهه ولكن كيف يا مصعب تعرض الاسلام حتى ترى الاسلام على الوجه؟ هذا السوال هو سر كتابه هذا الموضوع كيف تعلمت ترسم الاسلام على الوجه يا مصعب الخير رضى الله عنك وارضاك

الموضع طويل انا عارف بس لسه كمان فى تكمله

[التراميسو.. الحلوى الشقية]

بســم الله الـرحمــن الرحيــم

شكرا على الاكله الحلوه دى بس

عرفنا الاكله كويس ممكن بقى ندوق الاكله وياريت

يا بنت مصريه متعمليش حريقه وانت بتسويها

[حين نختلف في الراي]

بسم الله الرحمن الرحيم

الموضوع جميل وبنتعرضله كلانا مره كل يوم على الاقل

وانا سمعت مره حد بيقول انى كل موقف فى الحياه بنتعرض له بيكد معلومه عندى اما بيغير معلومه غلط او بيوصلنا لمعلومه جديده