رجل من الصحراء

اختي الصغيرة حياتي من اجل ربي كم اسعد كثيرا بموضوعاتك التي تطرحيها فهي تمس واقعنا دائما جواك الله خيرا وحفظك من كل سوء لا يسعني الا ان اقول لك بخلقك الطيب وحلمك عليك ان تلتمسي الاعذار بنية صافية وطيبة فقد تضطرنا الظروف احيانا الى البعد عن اقرب الاشخاص الى قلوبنا ولكن تظل معزتهم معلقة في قلوبنا الى الابد جزيتي كل الخير وبارك الله فيك تحيتي وتقديري

جزيتي خيرا على الاسلوب الرائع الحمدلله اخترت بدري وربنا كرمني عقبالكم

سلام عليكم ياحجيجة اوووه ابن بنتي وصل ازيك ياحبيبي فينك غايب عني ليك فترة كبيرة والله مشاغل ياجد انا عارف اني مقصر معاك وبعدين يعني انت بتسال ياجد شوف الواد ولماضته طيب يابن بنتي هو انا هعرف اخد منك حق ولا باطل ههههههه بهزر معاك ياراجل ياعجوز انت ياعسل ههههه ماشي يابن بنتي والله وحشني هزارك وشقاوتك قلي بقى فينك كده غايب وايه اخر اخبارك والله ياجد ده موضوع كبير قل مراتك اللي نايمة على طول دي انت بس تعلقلنا عالشاي عشان نعرف نتحكى كويس ههههه ماشي هقلها الكلام ده لما اشوف تعمل فيك ايه .... ياااحجة لالا ياجد ياراجل متورطناش مع الحكومة الله يخليك.. احم حم اهلا ازيك ياستي انت جيتي عاملة ايه تعالي شوف ابن بنتك بيقول عليكي ايه ايه ياحمادة مالك ياحبيبي حمادة ؟!!!!... طيب تمام والله.. لا مفيش ياستي. ده كنت بطمن عليكي من جدي جرى ايه امال ياجد متخليك محضر خير... ده بقله ستي وحشتني وعايزك تقعدي معانا شوية وماله ياحمادة ياحبيبي اقعد معاكم ... وادي قعدة حمادة تاني برده ؟!! .... ياسلام اهو كده الكلام ياستي القعدة نورت والله ههههههه اه منك يابن ..... بنتي ماشي ياجد وصلت سيبك بقى من التهريج ده و قلي فينك كده غايب عننا من زمان وكل ماسال عنك يقولولي مش موجود في البلد ايه هاجرت ولا ايه لا والله ياجد بس الحمدلله ربنا كرمني وبقيت مهندس ازاي ياحمادة الكلام ده امال انت كنت ايه ياولدي مش قالولنا باين انك مهندس ههههههه قالولك؟!! ايوه ياستي مقصدش اصلك انت محضرتيش الموضوع الاولاني بتاعي انا وجدي كمل كمل انا هبقى افهمها بعدين الخلاصة ياحجة انه كان مضايق من فترة على نفسه وحاسس انه مش مهندس وقرفان و كانت حالته صعبة ليه ياحمادة ياولدي ربك كريم وانت زينة الشباب تسلمي ياستي والله.. بس لو مفيش حمادة دي كمان تبقى تمام هههههه مكسوف من حمادة طيب ايه رايك هتفضل طول عمرك في نظري حمادة الصغير اللي كان مجننا بشقاوته. براحتك ياستي ربنا يخليك لينا يارب انت وجدي.... هو انتوا مجبتوش شاي الشهر ده ولا ايه؟ ههههه قومي اعمليله شاي ليفضحنا انت عارفه ابن بنتك. ياسلام من عينيا ياحمادة يادي حمادة اللي شبك فينا ... تسلمي ياحجة ياقمر... لولا اني مرتبط كنت اتقدمتلك من بدري اختشي ياااد لا مؤاخذة ياجد فلتت مني دي قلتلي بقى انك بقيت مهندس ايوه والله ياجد الحمدلله ربنا كرمني اخر كرم ولقيت فرصة حلوة جدا واتعينت في اكبر شركة تعدين في البلد الف مبروك يابن بنتي امتى حصل الكلام ده؟ الكلام ده من شهر كده وايه مرتاح فيه ان شاء الله جدا جدا ياجد ابن بنتك دلوقتي بقى مدير موقع ومهندس ليه قيمته ههههههههه طول عمرك كده يابن بنتي بس انت اللي مكنتش مقتنع الحمدلله ياجد فعلا ربنا كريم قوي الشاي ياحمادة ياحبيبي ماشاء الله عليكي ياستي ايه السرعة دي تعالي ياحجة باركي لابن بنتك اتاري الباشا مختفي عننا ليه فترة ايه ياحمادة خير الف مبروك ربنا كرمه بشغل احسن وفي شركة كبيرة ومحدش هيعرف يكلمه بعد كده ياحجة الحمدلله ياحمادة رزق الزواج ده ياواد ايوه الله ياستي ده مش بس الزواج ياستي واد انت اوعى يكون اللي في بالي صح ايه يابن بنتي شكلك عملتها وهتبقى اب هههههههه ايوه والله الحمدلله ربنا كرمني وهبقى اب ان شاء الله بسم الله ماشاء الله ربنا يبارك فيه يابني ويجي بالسلامة للدنيا الف مبروك الف مبروك ياحمادة شكله المولود ده مرزق من قبل مايجي الله يبارك فيكم ويحفظكم ياجدي وجدتي من غيركم ومن غير دعواتكم الواحد ميسواش حاجة ليه ونسيت امك وابوك ياد ياحمادة ولا ايه لا برده كده ياستي انا اقدر ده هما الخير والبركة... جرى ايه ياستي مالك ماسكالي عالواحدة النهارده كده هههههههه عشان تعرف يابن بنتي ان اللي بتعمله في الناس بيطلع عليك هههههههههه ماشي ياجد فرحان انت طبعا قلي ياحمادة ايوه ياستي ايه اخبار صحابك الاتنين اللي كانوا بياكلوا عنديكم دايما دول وكنت تحكيلنا عليهم على طول ياكلوا عندينا هههههههه هتفضحي الناس ياستي قصدك عمر وعبدالله ايوه هما دول سبحان الله ياستي في نفس اليوم اللي انا استلمت فيه شغل هما كمان استلموا في محطة المياه كيميائين ياه الف مبروك يابن بنتي عشان كنتوا بتدعوا لبعض بنية صافية ايوه والله ياجد ربنا فعلا كريم جدا... ربنا يرزقهم ان شاء الله كمان ويتجوزوا وخصوصا عمر عشان انا عارف انه هيتجوز على نفسه . ربنا يكرمهم ياحمادة ياولدي ويكرمك انت كمان وتجيب مولود زي العسل وناوي تسميه ايه ان شاء الله تسلمي ياستي ... لما يشرف بقى بالسلامة نبقى نختارله اسم. ربنا يكرمك ياولدي تعيشي ياستي شفت بقى يابن بنتي ان ربك كريم ومش بيسيب حد ابدا وقلتهالك قبل كده خليك صابر زي عمك صابر وربك كريم. وادي ربنا كرمك من وسع اهو ولسه الخير الجاي اكتر واكتر ان شاء الله. ايوه والله ياجد فعلا كلامك صح ربنا فرجها من وسع والحمدلله ياللا بقى اسيبكم انا عشان نازل اجازة كام يوم والحق اقعد مع المدام وابويا وامي قبل ماراجع الصحراء تاني ربنا يعينك ياحمادة ياولدي وتبقى مبسوط دايما ومرتاح تسلمي ياستي ربنا يخليك ليا ماشي ياجد تؤمرني بحاجة تعيش يابن بنتي.........بس خلي دايما في بالك انه: مهما كانت عيشتنا صعبة... لينا رب اسمه الكريم خلي توكالك عليه ..وحده بهمومنا عليم راح ييسر كل حالك .... اصله بعبادة رحيم واصدق كلامه لما قال سبحانه وتعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً وَيَرْزُقْهُ مِنْ حَيْثُ لا يَحْتَسِبُ). صدق الله العظيم وقال رسولنا الكريم صلى الله عليه وسلم " لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا " صدق رسول الله صلى الله عليه وسلم

جميل جدا كتابتك واسلوبك احييك عليه واحييك اكثر على طرحك لمثل هذه المواضيع جزيتي خير

اكرمكم الله جميعا اعزائي والله وحشتوني جميعا والحمدلله اقدر اليوم ارد عالموضوع ده لان ربنا كرمني من وسع واشتغلت في اكبر شركة تعدين والحمدلله جزاكم الله خيرا وبارك فيكم وحفظكم من كل سوء

مبروك صديقي الحبيب عمر قد اكرمنا الله كرما واسعا من عنده كل مااتذكر اليوم ده بفرح جدا وبستعجب من عظمة الله سبحانه وتعالى احنا التلاتة في يوم واحد ياااااااااه وحشتني جدا على فكرة وعايز اشوفك لاني راجع الصحراء قريب

الله الله الله بسم الله ماشاء الله علينا والله الف مبروك ليك يامنتدايا الحبيب حزين لاني بعيد عنك بس ظروفي اضطرتني لكده وحشتوني جميعا

الله الله دايما في تقدم ياابوحميد ان شاء الله

ايه ده من امتى كرينكل بقى عنده شاي وكيك ممممممممممم اكيد الشوية اللي انا جبتهمله قبل العيد والله واحشني ياريس

فل عليك

اللهم بارك لنا في منتدانا واجعله وسيلة لنشر الخير دائما

بارك الله فيكم واسال الله لنا الصلاح

شكرا جزيلا اختي مي وفقك الله الى رضاه دائما نورتي الموضوع

الله الله الله ايه الجمال والحلاوة دي الحمدلله رب العالمين يارب دايما في تقدم ان شاء الله

انتهزي فرصة الشهر الكريم وحاولي الاصلاح ولتبداي به حتى ولو هو مخطيء

جدو ياجدو ياجدو اووه ابن بنتي اخيرا ظهرت عاش من شافك ياخي ليه الغيبة دي معلش ياجد بس وقتي بعد الزواج اختلف انت عارف بقى ياراجل ياعجوز ربنا يهنيكم ببعض يابن بنتي الله يخليك ياجد ويحفظك اووه هتنسيني اقلك كل سنة وانت طيب ورمضان كريم الله اكرم يابن بنتي ويارب رمضان الجاي تكون وسط ولادك وتفرح بيهم تعيش ياجد المهم انت عامل ايه وصحتك اخبارها ايه نحمد الله على كل حال يابن بنتي الواحد ميتمناش غير رضا ربنا والستر من عنده ربنا يكرمنا جميعا بيه ياجد ان شاء الله امين يابن بنتي طول مانت بتشكر ربنا وتحمده هيزيدك ويكرمك ايوه ياجد والله لسه كنت بتكلم في الموضوع ده مع صحابي في الشغل وبقلهم الرضا ده نعمة من عند ربنا واللي ميحسش بيها بيتعب قوي طبعا يابن بنتي طالما رضيت بنعمة ربك ربنا هيرضى عنك ويزيدك بس تصدق ياجد فيه ناس كتير مش حاسة بالنعمة دي يعني هقلك مثلا على حاجة انا عشتها شخصيا كان عندنا عامل بوفيه في الشغل سنه في الاربعينات كده ومتزوج وعنده عيال وبيت واسرة ومحتاج يصرف على بيته وعياله وكان بياخد مرتب معقول بالنسبة للحكومة او اي شركة تانية بس للاسف كان متمرد عالوضع ومش متقبل ومن اول يوم بيدور عالزيادة ومش راضي ودايما يشتكي لدرجة انه في النهاية باع نفسه باسلوب رخيص عشان الفلوس وبقى ياخد فلوس من احد المسؤولين في الشركة عشان ينقله الاخبار يعني اشتغل عصفورة زي مابنقول وفي النهاية ايه ياترى الراجل نفسه اللي كان بينقله الاخبار طرده من الشغل بعد مابقى كارت محروق وانكشف يااه يابن بنتي يعني هو كمان مستكفاش بعدم رضاه وانه محمدش ربنا ده كمان خان الامانة معاكم ماهو عدم الرضا ده يعمل كتير ياجد ويخلي الشيطان يلعب ويتفنن براحته ربنا يغنينا بفضله يابن بنتي امين ياجد, وعكسه تماما بقى ياجد واحد اتعين مكانه شاب عنده 24 سنة والده متوفي وامه ست كبيرة ومريضة ومعاه اخوات بنات ومرتبط وعايز يتزوج وهو اللي شايل مسؤولية دول كلهم وعايز يصرف عليهم وراضي بالوظيفة وبيحمد ربنا ويشكر فضله وبيتصدق من مرتبه وبيكافح وبيشتغل اليوم كله الصبح عندنا وبعدالعصر في محل سندوتشات ومبينامش غير ساعات بسيطة ان لحق ينامهم وكل ده عشان لقمة العيش وعشان يعيش اهله مستورين وعلى الرغم من كل التعب ده الا انه راضي وسعيد ومبسوط ودايما يضحك ويهزر يااه يابن بنتي ده حاجة صعبة جدا ربنا يعينه هو وباقي الشباب اللي زيه بس فعلا عشان هو راضي باللي قسمه ربنا ليه عايش مرتاح ومبسوط ومفكرش لحظه يدور على الطرق الرخيصة عشان يجيب بيها فلوس زي الاخ اللي قبله. كان فيه ست يابن بنتي متزوجة ومستورة وجوزها على قد حاله موظف بسيط بيصرف على قد ماربنا مديله الست مكنتش راضيه ومش حامدة ربنا وبتبص دايما لغيرها ودول معاهم ودول جابوا واشمعنى احنا وكل يوم مشاكل مع جوزها اللي مكنش عارف يعمل معاها ايه ولا يرضيها وفضل يدور على وظيفة اضافيه عشان يسعدها وفي يوم قبل مايرجع البيت قال اما عدي عالسوق اجيب فاكهة للبيت والعيال افرحهم واتفاجأ بمراته قاعدة في السوق وبتتسول وعاملة نفسها شحاته وبتقول يتيمة ومريضة وساكنة في الشارع ومحتاجة فلوس الراجل مصدقش نفسه وقع من طوله ومات. لا حول ولا قوة الا بالله ياجد يعني هو بيسعى ويكافح عشان يسعدها ويسترها في بيتها معززة مكرمة وهيا راحت تدعي الفقر وتهين نفسها وتهينه. ايوه يابن بنتي ربنا سترها وكرمها وهيا زالت ستر ربنا بايديها. ربنا يسترنا ياجد ويغنينا بفضله امين يابن بنتي, وعكس ده تماما ست كبيرة في السن زوجها متوفي وبناتها متزوجين بعيد عنها وولدها الوحيد سافر وسايبها الست تعبت ومرضت وفقدت بصرها وعلى الرغم من كل ده عمرها مامدت ايديها لحد ولا حتى رضيت تطلب حاجة من حد وراضية بكل اللي هيا فيه وعايشة بعشرة جنيه بتطلعلها من الجامع كل شهر ودايما على لسانها كلمة الحمدلله وربنا هو الكريم وهو العاطي. يااااه ياجد الرضا ده فعلا نعمة كبيرة اوي احنا غافلين عنها وعواقبها كبيرة اوي الحمدلله يارب على كل حال ده انا في نعمة كبيرة على كده. ايوه يابن بنتي طبعا الحمدلله على كل حال وكل نعمه علينا يابن بنتي خدها نصيحة من راجل عجوز الدنيا شالت وحطت فيه سنين ارضى بقضاء الله وقدره ونصيبك هتعيش غني وهتملك الدنيا كلها في ايدك وخليك واثق ان ربنا هو اللي خلقك وهو اللي متكفل برزقك وعمره ماهينساك ولا هيسيبك

شكرا تقوى نورتي الموضوع جزاكم الله كل الخير

جزيتي خيرا وبارك الله فيك

جزيتي خيرا اختي الفاضلة كل عام وانتي بخير

بارك الله فيك اخي الحبيب احمد ربنا يقدرنا على عمل الخير دايما ان شاء الله رمضان كريم

كل عام وانت بخير اختي اللهم بلغنا رمضان جميعا